Seite:Hugo Martina 1856 0735.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.


Niht wolde verstan von mir
Obez och were ivwer gir
292b,29
Daz ich iv wissen lieze
30
Wie ich zenamen hieze
Woltent ir mir guotes
Wunschin vnd stetes muotes
Zegotte vnd vnverdrozzin
So wurde iv hie entslozzin
35
Min name vnde doch vil bluc
Ich bin geheizin brvder Hvc
Zenach namen von langenstein
Da was miner vordem hein
Zim tiuschin huse ein brvoder
40
Den gotes minne ruoder
Ab dem tobenden sewe schielt
Der nie rehter rvowe wielt
Noch dekeiner senfter stille
Wan daz süntlich gewille
45
Wirfet vns nv her nv hin
In so mengen frömden sin
Der vns gotes minne pfendit
Vnd die wilden sinne lendit
Zvo vil grozim vnnutze
50
Und guoter werke vrdrutze
Vnd machet si vil snelle
Ze mengem oden spelle
Daz weder linet noch hanget
Noch zeguten dingen langet
55
Daz muoz got sin geclaget
Da von helfe vns div maget
292c,57
Div gelobte Martina
Daz wir ir vil schiere na
Frolich komen gezoget
60
Zvo dem werden himel voget
In siner frovden kramen
Zvo mengem reinem seinen
Die ander welte sic namen
Dar vbir sprechin alle amen
65
Als man mit warheit spurte
Do was nach gottes geburte
Diz buoch gemachet daz ist war
Do man zalte tusent iar
Vnde dar zvo zwei hundert
70
Mit warheit vs gesundert
Empfohlene Zitierweise:
Hugo von Langenstein: Martina. Hg. von Adelbert von Keller. Stuttgart 1856, Seite 735. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Hugo_Martina_1856_0735.png&oldid=- (Version vom 18.8.2016)
Von „https://de.wikisource.org/w/index.php?title=Seite:Hugo_Martina_1856_0735.png&oldid=2888551“