noch sehe ich gerne mich in hohen mv̊te als ê.
mich enscheide ein wip von dirre clage
vnd spreche ein wort alse ich ir sage
mirst anders iemer we.
vnd bin doch hv͛re nihtes wiser danne vert.
hete ein ander mine clage.
deme riete ich so dc ez der rede were wert.
vnd gibe mir selben dekeinen rat.
ich weiz vil wol wc mir den schaden gemachet hat.
dc ich si niht verheln kvnde swc mir war.
des han ich ir geseit so vil.
dc si dc niemer horin wil
nv swige ich von nige dar.
die ich von minnen grozer swere horte iehen.
des engilt ich sere semmir got.
sit ich die warheit an mir selben han ersehen.
mir ist komen an dc herce min.
ein wip sol ich ir volle ein iar vnmere sin.[2]
vnd dc si min niht nimet war.
so mv̊z min froide von ir gar.
vil lihte an allen trost zergan.
gehelfen noch gescheiden von der swere min.
so wolte ich dc ein ander man.
die mine rede hete zv̊ der selden sin.
vnd iedoch niht an die stat.
dar ich nv lange bitte vnd her mit trivwen bat.
dar engan ich nieman heiles swenne ez mich vergat.
nv gedinge ich ir gnaden wol.[3]
wc si mir ane schvlde doch.
langer tage gemachet hat.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 84. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_084.png&oldid=- (Version vom 7.1.2019)
