sol nv div trǐwe sin verlorn.
so endarf ez nieman wunder nemen han ich vnder wilen einen cleinen zorn.
der andern frowe so wol im der si habe.
si hat mit[1] froide in miner ivgent.
mit ir wol schoner zvht gebrochen abe.
dc ich vnz an minen tot. niemer si gelobe
ich sihe wol swer nv vert wuͤtende als er tobe.
dc den div wip so minnent ê.
danne einen man. des des[2] niht kan. ich ensprach in nie so nahe me.
des morgens bin betaget.
so ez alles slief dc bi mir lac.
si enwisten noch enwizzen noch
dc mich min herze iaget.
dar ich vil vnsanfte komen mac.
si enlat mich von ir scheiden
noch bi ir beliben ie darvnder mv̊z ich gar verderben
mit den listen wan ich beiden
wil si mich vergen. hoͤrent wunder kans alsvs werben.
nein si weizgot si enkan
ich hans ein teil gelogen an.
si engetet ez nie wan vmbe dc.
daz si mich noch wil versvchen baz.
so groz als vmbe ein har.
so lidde ich von schvlden vngemach.
ich weiz wol wc mich hat betrogen.
da seit ich ir zegar
swaz mir liebes ie von ir geschach.
vnd ergab mich ir zesere.
so si dc vernam.
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 87. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_087.png&oldid=- (Version vom 7.1.2019)
