Seite:Literarischer Verein Stuttgart IX 090.png

	Verschiedene: Bibliothek des Literarischen Vereins in Stuttgart (Band IX)

wirt ich wilde.
mich enhab ir lip
noch ger ich der vil hvlde.
were     mere     steter man.
so solte.     wolte     si mich han.
eteswenne     denne     gerne sehen
swenne ich gnv̊ge     uůge     kvnde spehen.^[1]

28.

     Gewan ich se deheinen mv̊t§     (H. 1, 175^a)

der hohe stvnt. den han ich noch.
min leben dvnket mich so gv̊t.
vnd ist ez niht so wein^[2] ich ez doch.
dc tv̊t mir wol. wc wil ich ez mere.
ich envurhte vnrehten spot. niht zesere.
vnd kan wol liden bo^esen haz.
solt ich ez so die lenge phlegen ine gert ez niemer baz.

29.

Wiest ime zemv̊te wundert mich(H. 1, 175^b)

dem herceclichez liep geschiht
er selic man. dar vůrt er sich. (so)
als ich wol wene ich weiz ez niht.
och weste ich gerne wie er tete.
obe er iht phlege wunneclicher stete.
div sol ime rehte wesen bi.
got gebe dc ich erkenne noch in welhem lebenne er si.

30.

Ich weiz bi mir wol dc ein zage.

vnsanfte ein sinnic wip bestat
ich sach si wene ich alle tage.
dc mich des iemer wunder hat.
dc ich niht redde swc ich wolte.
als ich ez beginnen vnderwilen solte.
so swiget ich deich niht ensprach.
wan ich wol westi dc nieman noch liep von ir geschach.

1. Diese Strophe ist in der Pariser und Weing. Hs. dem Walther von der Vogelweide beigelegt; vgl. darüber Lachmann S. 174.
2. So, lies wæn.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 90. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_090.png&oldid=- (Version vom 7.1.2019)