Seite:Literarischer Verein Stuttgart IX 100.png

	Verschiedene: Bibliothek des Literarischen Vereins in Stuttgart (Band IX)

da mv̊z iedoch trost bi wane sin.
sol manez allez liden so bin ich verdaht.
ez ist vil zegv̊m^[1] ende braht
wer mac och wizzen vor wiez dinc ergat.
sit^[2] hat tv͛ngende^[3] vnd ere. da von mac ez werden rat.

64.

Vwaz bedarf ich denne vrǒden me.

obe mir ir gnade wonent^[4] bi.
dc daz (Bl. 4^b) bi miner zit erge.
vnd ich darnach lange in froiden si.
ist aber dc mir ir gnade also vergat.
vnd si mich helfelosen svz verderben lat
so mac ich vil clagen ich tvmber man.
dc^[5] miner tage niht wider gewinnen kan.

65.

     Ich sach si were ez. aller der welte leit.§     (H. 1, 180^a)

die ich doch mit sorgen han. gesehen.
wol mich so minneclicher arbeit
mir konde niemer baz geschehen
darnach wart mir vil schiere leide.
ich schiet von wibe niemer mit der not gescheide
noch dc mir nie so we geschach
owe do ich danne mv̊ste gên wie iemerlich ich vmbe sach. ◒◒◒◒

66.

Mich hœhet dc mich lange hœhen sol.

dc ich nie wip mit rede verlos.
sprach in anders ieman danne wol.
dc wc ein schvlt die ich nie verkos
in wart nie man so rehte vnmere.
der ir lop gerner horte. vnd dem ieman ir gnade lieber were. (so)
doch habent si den dienst min.
wan al min trost vnd al min leben dc mv̊z an eime wibe sin.

67.

Owe dc ich einer rede vergaz.(H. 1, 180^b)

dc tv̊t mir hv̊te vnd iemer we.
do si mir ane hv̊te vor gesaz.
war vmbe redde ich do niht me.

1. So, lies ze guotem.
2. Lies si.
3. So.
4. Lies wonet.
5. Lies deich.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 100. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_100.png&oldid=- (Version vom 7.1.2019)