Seite:Literarischer Verein Stuttgart IX 135.png

	Verschiedene: Bibliothek des Literarischen Vereins in Stuttgart (Band IX)

an wip die danken kvnnen
wc han ich von den vberheren.

87.

Ich sage vch waz vns den gemeinen schaden tv̊t(H. 1, 242^a)

div wip gelichent vns ein teil zesere
dc wir in also liep sin. vbel als gv̊t
seht dc glichen nimet vns vroide vnd ere.
schieden vns dv͛ wip alse.
dc och si sich liezen scheiden.
dc gefrvmpt vns iemer me
manne vnd wiben beiden.
wc stet vbel waz stet wol.
ob man vns niht scheiden sol
edele wip gedenket
dc och die man waz kvnnen
gelichens vch ir sit getrenket.

88.

Wip mv̊z iemer sin der wibe hohste name

vnd tu͛ret^[1] baz denne vrowe als ich ez erkenne.
swa nv deheinv͛ si div sich ir wipheit schame
div merke disen sanc vnd kiese denne
vnder frowen sint vnwip
vnder wiben sint si tivre.
wibes name vnd wibes lip
die sint beide vil gehvͤre.
swiez vmbe alle frowen var.
wip sint alle frowen gar.
zwivel lop daz hœnet
alse vnder wilen frowe
wip daz ist ein lop daz si alle crœnet.

89.

     Si wunder wol gemachet wip§     (H. 1, 244^a; L. S. 53.)

dc mir noch werde ir habe danc.
ich setze ir minneclichen lip

1. Diese beiden Wörter sind von anderer Hand auf leer gelassenem Raume nachgetragen; da vor steht von der alten Hand dˢ, aber durch Punkte getilgt.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 135. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_135.png&oldid=- (Version vom 7.1.2019)