Seite:Literarischer Verein Stuttgart IX 154.png

	Verschiedene: Bibliothek des Literarischen Vereins in Stuttgart (Band IX)

V.

DER. VON. MORVNGE ⁖⁘

---

1.

     Owe war vmbe volg ich tvmbem wane(H. 1, 126^a)

der mich so sere leitet in die not.
ich schiet von ir gar aller froiden ane
dc si mir trost noch helfe nie gebot.
doch wart ir varwe lilien wis. vnd rosen rot.
vnd saz vor mir dv͛ liebe wolgetane
geblvͤt reht alsam ein voller mane
dc waz der ǒgen wunne vnd des herzen tot.

2.

Min steter mv̊t gelichet niht dem winde

ich bin noch alse si mich hat verlan.
vil stete her von einem kleinem kinde
swie we si mir nv lange hat getan.
alswigende ie gnote vnd ein ver holner wan
wie ich mich der torheit vnder winde
swen ich vor ir stan. vnd spreche ein wunder vinde
vnd mv̊z doch von ir vngesprochen gan.

3.

Ich han so vil gesprochen vnd gesvngen.(H. 1, 126^b)

dc ich bin mvͤde vnd heiz von miner clage.
ich bin vmbe niht vnd vmbe den wint betwingen (so)
sit si mir niht gelǒbet dc ich von ir sage.
vnd ich ir doch so holdez herze trage
des war mir ist nach werde niht gelvngen.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 154. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_154.png&oldid=- (Version vom 7.1.2019)