Seite:Literarischer Verein Stuttgart IX 164.png

	Verschiedene: Bibliothek des Literarischen Vereins in Stuttgart (Band IX)

nv hat mich got des geret wol.
wirt ez niht mer . . . . .^[1]
daz got weiz wol. daz an nihte nihtewan gar daz beste (Bl. 15^b) tete. (so)
swie si niht wan ein wenic mich gen lv͛terlicher liebe lieber hete.

9.

* Git got der lieben den gedanc

dc si mir wirt als ich ir bin
swie ich gesinge alde ie gesanc
daz si alsam ein niht da hin.
ich svnge ein nv͛wez in ir namen. daz man so gerne horte
dc senede leit dem vroide gernden mit gewalte von dem herzen storte.

10.

* Dvr not dv͛ liebe liebet mich^[2] mir

von tage zetage. baz vnd ie baz
sit nieman vinden kvnde an ir.
nach miner ǒgen kvr ein daz
niht wan daz eine dc. daz ich ie meide wirt des ende
so wirde ich seneder sorgen vri. vnd och dv͛ seldenriche missewende.

11.

     Frowe ich were gerne vro.§     (H. 1, 290^b)

dc mac ane vwer helfe niht gesin.
we wie were vch danne so.
da ist niht an. nemmet ander troͤster danne min.
ane got     eine kan mich niht getroͤsten wan ir eine
lat selchen spot     des war ich ahte vf vwer claffen harte cleine.

12.

Nein vil sv̊ze frowe nein.(H. 1, 291^a)

stetem vru͛nde sol nieman also gar versagen.
wenne wart ich des en ein.
dc ich vwer swere wolde helfen tragen.
wizzent dc     ich wirde vur. wirt si von vch niht ringer.
ich sage uch ez baz     dvr selche not verlvre ich niht den cleinen vinger.

13.

Ir^{[WS 1]} svlt selchen spot verbern.

io hat mir der ernst gar den schimpf genomen.

1. So, in der Hs. leerer Platz.
2. So, mich ist zu streichen.

Anmerkungen (Wikisource)

1. Vorlage: Jr.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 164. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_164.png&oldid=- (Version vom 7.1.2019)