Seite:Literarischer Verein Stuttgart IX 189.png

	Verschiedene: Bibliothek des Literarischen Vereins in Stuttgart (Band IX)

116.

     * Vil meniger mich berihtet§     (H. 3, 327^a)

der niht berihten kan
sich selben alse er solde
des alte ich vor den tagen^{[WS 1]}
wie gar er mich vernihtet
der mir niht gv̊tes gan
vnd giht wie vil er wolde
mit miner kvnst beiagen.
in virmiden^[1] lânden werdecheit nv bin ich so gesitte
hat^[2] ich hie gv̊t vnd ere.
dc nem ich vur daz mere
dar vmbe ich iemer dvr dc iar des tievels cite litte.

117.

* Gilerter vursten crone

mit vz erwelter tv͛gent
mit zvht mit kvnst mit gv̊te
hat got hin zim genomen
der lebte hie vil schone
mit alter kvnst in ivgent
nach lobe stvnt sin gemv̊te
des waz sin name der ie nach selden warp
nv phlege sin got der riche
des wunschen innecliche
sit tvrre vurste sin genoz nie manegen ziten verdarp.^[3]

118.

     * Vns ist vnsers sanges meister an die vart.(H. 3, 327^b)

den man e. von der vogelweide nande.
dv͛ vns nach in allen ist vil vnverspart
nv waz frvmet swaz er e der welte erkande.
sin hoher sin ist worden cranc
nv vuu͛nschen ime dvr sinen werden hovelichen sanc.
sit dem sin vreide si zewege
dc sin der sv̊ze vater nach gnaden phlege.

---

1. Lies vremeden.
2. Lies het.
3. Die Strophen 110–117 hat Lachmann dem Walther von der Vogelweide beigelegt S. 106–108.

Anmerkungen (Wikisource)

1. In der Hs. steht: ragen.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 189. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_189.png&oldid=- (Version vom 7.1.2019)