Seite:Literarischer Verein Stuttgart IX 275.png

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.

nv weiz ich ein wip alse gar minneclich.
dc minem wunsche enwart nie niht so gelich.
ach wen er sich hat an ir schone beweret
ich bin von ir minne vnsanfte.[1]

4.
Ir lip vnd ir ere dc ist alles vil reine

owe dc ich si vermiden mv̊z vnd sol.
wolt ir daz min herze niht dc weine
swenne man der gv̊ten gedenket so wol.
so kvme ich vor liebe in so wetv̊nde not.
dc in[2] mich vil dicke siht bleich vnd rot
so dvnket mich solde (so) si mir ste. vor den ǒgen
so svste ich mit lachendem mvnde also tovgen.

5.
* Si enist niht in allen so schone min frowe

als si mir e . . .[3] wuns an ir treit.
si weiz wol dc ich schoner wip dicke schowe
an die doch so gar niht min wille ist geleit.
hie han ich die schone in der gv̊te gesehen
dc man ir des besten von warheit mv̊z iehen
ich prise vil selten die schone ane gv̊te
di hat si beide so mir si got behv̊te.

6.
     Sit alse vngelovbet§     (H. 2, 160a)

stet der walt wa nement die vogele tach.
da si sint betovbet
da nam ich ǒch ê den vngemach
swenne in kvmet dc si der winter rovbet
dc mich vreide[4] dv͛ mir vreide brach.

7.
Wolde sich div gv̊te

noch bedenken nach dem dienste min
vnd ich ez[5] in dem mv̊te
dc si mir den willen tete schin.
ierret aber sis danne anders iemens hv̊te
vber den wolt ich danne der bittende siv.[6]

  1. ↑ Fehlt erværet.
  2. ↑ Lies man.
  3. ↑ So, leerer Platz.
  4. ↑ Lies vreute.
  5. ↑ Lies vunde ichs.
  6. ↑ Lies sin.
Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 275. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_275.png&oldid=- (Version vom 7.1.2019)
Von „https://de.wikisource.org/w/index.php?title=Seite:Literarischer_Verein_Stuttgart_IX_275.png&oldid=3472363“