Seite:Literarischer Verein Stuttgart IX 313.png

	Verschiedene: Bibliothek des Literarischen Vereins in Stuttgart (Band IX)

dc ich vf der erde ledeclichen gienge
vmbe waz
lide ich selchen haz.

35.

Ich weiz wol ez hat dv͛ schone svnde

daz ir spot
machet mich vnvro
ir gnaden hat^[1] ich gerne kvnde
semmir got
nach ir ist mir so
rehte we daz ich geslafe niemir niht so ich wache
darzv̊ wirde ich selten vro wan so ich von herzen lache
mine tage
swindent so mit clage.

36.

     Nv ist mir aber leide§     (H. 2, 170^a)

daz vnser ovgen weide
(Bl. 38^b) die blv̊men ander heide
dem winter niht kvnnen vor gesten
die sint clagebere
noch dvlde ich eine swere
darzv̊ bin ich vnmere
einem wibe daz mv̊z mir nahe gen
daz ist nv der drite winter den ich han gesvngen ir minen sanc.
wil si daz ist zelanc
sit ich mit truwen ie nach ir hvlden ranc.

37.

Wes ich wa ich svnge

da man mich dicke drvnge
vnd da mir wol gelvnge
da vunde ich noch niewez eteswaz.
waz mac ich nv vinden
den wisen vnd den kinden
dv͛ milte wil virswinden
dar vnder so ist min vroide laz.
geben mir die herren mer so mohte ich wol volenden den willen min.

1. Lies het.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 313. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_313.png&oldid=- (Version vom 7.1.2019)