Seite:Literarischer Verein Stuttgart IX 324.png

	Verschiedene: Bibliothek des Literarischen Vereins in Stuttgart (Band IX)

Dvr ir minneclichen lip.
swie si reine selic wip.
So gedenke ich doch.
daz si mir noch.
Gerv̊che geben
ein senfter leben.
Des valde ich ir die hende min.
Daz an ir zvrnen mv̊ze sin.
obe ich genende
vnd ir e sende
disen sanc.
Ir^{[WS 1]} lop ir ere.
ich iemer mere.
In^{[WS 2]} allv͛ lant(H. 1, 31^a)
vůnt^[1] ich ez erkant.
Mit trv͛wen ane valschen wanc.
wirt mir da von ir habedanc.
Ich^{[WS 3]} singe ir baz^[2]
ir lop noch baz.^[3]
Ir^{[WS 1]} hohet ob ichez ie vergaz.
Minen^[4] frowen
svlt ir schowen.
in so hoher werdecheit.
daz ir sol iemer sin bereit.
Der eren crone
Si est vil schone
obe aller selde ein selicheit.
Div beide hende hat geleit.
Ir^{[WS 1]} vf ir hǒbet
dc gelovbet
alle mir.
Obe ir si sehet
ir veriehet.
Tvgende michels me von ir.
danne ich ir sage.

1. Lies tuon.
2. Lies daz.
3. Aus daz geändert.
4. Lies mine.

Anmerkungen (Wikisource)

1. Jr.
2. Vorlage: Jn.
3. Vorlage: Jch.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 324. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_324.png&oldid=- (Version vom 7.1.2019)