den Hertzogthümbern Schleßwigk / vnnd Holstein / verkaufft / vnd Cacabilla, oder Cacabella genant werde. Vnd dieses sagt gedachter Enß. Nicol. Helduaderus berichtet / part. 2. Sylv. Chronol. pag. 10. daß jetztgedachtes Bier ein guter kühler Leschtrunck seye / so vorhin Quakelteis geheissen; aber vom Cardinal Raymundo, der Anno 1503. in diese L t wissend / was es für Tranck wäre / wiewol mit Lust / getruncken / deß Nachts etliche Stuelgänge gemacht / vnd Er Morgens / vom Wirth / daß es ein gebrawtes Bier wäre / verstanden hatte: Daher es noch heutigs Tags Cacabella genandt werde. Vnd dann so findet man bey Andern / daß der Arm auß der See / den Nahmen Ecklenförder Wick habe: Vnd daß dieser Orth Hertzog Friederichen von Holstein / auff Gottorff / gehörig seye. Sihe / im übrigen / von dieser Statt auch Joh. Isac. Pontanum, in Chorogr. Daniae descriptione. An. 1628. hat der König in Dännemarck Eckerförda / oder Eckelenford / in dem Krieg mit den Käyserischen / eingenommen / vnd haben diesen Orth die Seinigen außgeplündert. Anno 1644. im September, ergab er sich gutwillig an den Schwed. Obristen Helm Wrangel.
An dem Fluß Elde / vnd zwo Meilen von Dömitz / in dem Hertzogthumb Mechelburg gelegen / wirdt für ein Stättlein gehalten / vnd abgeschrieben; darzu ein Ampt gehörig ist.
Im Hertzogthumb Pommern ligt auch ein Eldenau / ein Meil von Gripswald / vnd 2. von Wolgast / so ein schönes Closter / davon bey Pommern gesagt worden.
Ein Stättlein in Stormarn / so die Käyserischen Anno 1627. eingenommen haben.
Ein Schloß im Hertzogthumb Nieder-Sachsen / oder Sachsen Lauenburgischen / vnnd gegen der Statt Lauenburg über / bey der Elb / vnd nacher dem Lande Lüneburg gelegen; so / vor Zeiten / Hertzog Heinrichen dem Löwen von Sachsen zugehört / der es / in seiner Flucht / selber angezündet / vnnd sich von dannen / nach Staden begeben hat. In dem Krieg Hertzog Wilhelmen zu Lüneburg / mit Hertzog Erichen zu Sachsen Lawenburg / ward die Erteneburg / vom Hertzog Wilhelmen / gewonnen / der allda eine Vestung / die Sigenburg genandt / machte. Er gab aber folgendts solchen Orth dem Hertzog Erichen von Lawenburg wieder / vnd that sich im Jahr 1355. der Regierung ab.
Matthäus Merian: Topographia Saxoniae Inferioris. Frankfurt am Mayn: Frankfurter Kunstverein, 1853, Seite 79. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Saxoniae_Inferioris_(Merian)_079.jpg&oldid=- (Version vom 1.8.2018)
_079.jpg&oldid=-){kind=link}
_079.jpg&oldid=3386821){kind=link}