1465, die den Vertrag zwischen ihm und der Stadt enthält: Ich Niclaus von wyle Bekenn offenlich vnd tůn kund mit disem brief, Als die Ersamen fúrsichtigen vnd wysen Burgermaister vnd Ravt grosser vnd klainer der Statt Esselingen Mine lieben herren Mich vmb fúnftzig guldin Jerlichs, vf etlichen zilen mir zu geben, min lebtage zů Irem statschriber ampte, das zu uerweasen, bestellet hant Mit etlichen gedingen, fúrworten vnd vnderschaiden, als das ain briefe Mir von Inen versigelt geben klerlich besait, das Ich mich da hinwider vm gegen den selben minen herren vnd Ir statt wolbedavcht vnd frygs gůten willens verpflicht vnd begeben hab vnd yetz verpflicht vnd begib In craft disz briefs, Inen an soelichem ampte die wyle Ich das durch mich vnd mine diener, so Ich ye zů zyten bestellet hab oder haben wirt, verwesen mag vnd Ich hier zů an lyb vnd vernunft gůt vnd túgig bin, vnd ob mir dar an merklicher bruch sin wurd, sust mit minen raeten vnd anderm getrúlich dienen sol vnd wil min lebtag, die wile Ichs vermag, vngeuarlich vnd der statt nutze vnd fromen fúrdern vnd schaden warnen vnd vm sachen, die sich zů zyten sölichs mines dienstes begeben wurden gegen den Iren recht, vor Ir statt amman vnd gerichte geben vnde neamen, neamen vnde geben vnd Mich des vngeweagert wol benuegenn laessen, ouch mich vm brief vnd schafflen (?) gegen den Iren glychen lonenn fflyssen. ob aber des zwúschen mir vnd sölichen span entstuend, was dann die selben mine herren deshalb ye entschaiden wurden, dar by soelt es belyben vnd bed parthian des kenůgig stean alles vngeuarlich, vf das Ich ouch soelichs, so ob stavt, getrúlich vnd vnzerbrochenlich zu halten mit vfgebotnen fingern lyplich zů got vnd sinen hailigen geschworn hab vnd Inen des disen brief mit minem anhangenden Insigel versigelt geben vf frytag, der da was der zwain vnd zwaintzigost tage des Mertzen In dem Jare do man zalt von Crists gebúrt tusemt vierhundert vnd fúnf vnd sechtzig Jare.
59) do mir vor zyten vil wol geschickter Jüngling, erberer vnd fromer lüten kinder ouch etlich baccalary von manchen enden her zue tische in min cost wurden verdinget, die in obgemelter kunste schribens vnd dichtens ze Instituwieren ze leren vnd ze vnderwysen u. s. w. Translationen 9, 14 ff. Einem seiner Esslinger Schüler Hans Harscher — sein Vater war wol Hans Harscher der Aeltere, Rat der
Philipp Strauch: Pfalzgräfin Mechthild in ihren litterarischen Beziehungen. Tübingen: , 1883, Seite 47. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Strauch_-_Pfalzgr%C3%A4fin_Mechthild_047.jpg&oldid=- (Version vom 1.8.2018)
