Doctor Brants Narrenschiff/Heimlichkeit verschwiegen

« Von Wollust	Sebastian Brant Doctor Brants Narrenschiff	Ums Geld freien »
fertig Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Für eine seitenweise Ansicht und den Vergleich mit den zugrundegelegten Scans, klicke bitte auf die entsprechende Seitenzahl (in eckigen Klammern).

[64v]

Wer nit kan schwigen heimlicheyt
Vnd sin anschlag eym andern seit
Dem widerfert / ruw / schad / vnd leydt

Heymlicheyt verswigen

Der ist ein narr / der heimlicheyt
Synr frowen / oder yemans seyt
Dar durch der sterckest man verlor
Samson / sin ougen vnd syn hor /

[65r]

5

Es wart verrotten ouch alsus

Der wissag Amphyaraus
Dann frowen sint / als die gschrifft seyt
Bo^eß hu^eterin der heymlicheyt
Wer heimlich ding nit schwigen kan

10

Wer du^ot mit btrogenheyt vmb gan

Vnd spant syn lefftzen wie eyn tor
Do hu^et eyn yeder wiß / sich vor /
Mancher beru^embt sich grosser sach /
Wo er nachts vff der bu^olschafft wach /

15

Wann man syn worten recht nach gründ

Offt man jnn vff eym misthuff fünd
Dar vß gar dick entspringet ouch /
Das man merckt / wo er a^etzt den gouch
Dann was du wilt das ich nit sag

20

Schwigstu gar wol ich schwigen mag

Magst du nit behaltten heymlikeyt
Die du jnn gheym mir hast geseyt
Was bga^erst du dann schwigen von mir
Das du nit haben mo^echst an dir

25

Hett Achab nit syn heimlicheyt

Synr frowen Jezabel geseyt
Vnd hett verschwigen solich wort
Es wer geschehen nit ein mort
Wer üt heymlichs jm hertzen trag

30

Der hu^et sich / das ers nyeman sag

So ist er sicher / das nyeman
Das jnnen werd / vnd sag dar von
Der prophet sprach / ich wil alleyn /
Min heimlicheyt han / nit gemeyn /