Ich wil vrlub vō vꝛúndē nemē
[174r]
Ich wil vrlub vō vꝛúndē nemē·
dē libe und aber dē[WS 1] h̾zē niht·
ir vꝛoͤide mvͤze in wol gezemē·
ich mīne dc in lieb geſchiht·
vꝛo mvͤze ich ſi vindē vn̄ an allen ſw̾en mv̊t·
dc frúndes ſcheidē alſe rehte vn ſanfte tůt·
da tv̊t ǒch vꝛúndeſ kom̄ īnekliche wol·
dc iſt eī troſt d̾ mich noh froͤwen vn̄ troͤſten ſol·
Das ich vō hīnen ſcheidē mv̊s·
vn̄ dc ſo ſchiere ſol geſchehē·
wer ſagt ir dēne minē grůs·
wer ſol ir miner rede v̾iehē·
dc ich ſo ſenelichē vō ir ſcheide hin·
vn̄ ich ir doh ſo holt mit ganzē trúwē bin·
ſw̾ ir dc ſage d̾ mvͤze mit froͤidē ſelig ſin·
deſ wúnſche ich iemer ī dē h̾zen min·
Er tůt eī ſcheidē vō mir hin·
dc mir nie ſcheidē leider wart·
dē ich dc h̾ze vn̄ al den ſin·
ze ſtúre gibe vf ſine vart·
vn̄ ǒch d̾ froͤide mī geliche halbē teil·
da mit er vns erwerbe beidē goteſ heil·
en mvge im niht d̾ ǒgē blik zeſtattē ſten·
ſo laz er dc h̾ze vúr dú ǒgē ſen·[WS 2]
Ich wil mich einer ſchulde gar·
got vn̄ d̾ w̾lde beid̾ ſagē·
ê dāne ich vō lande var·
die han ich lange her getragē·
ich enbin dē lútē allē holt noh allē niht gehas·
mir geviel ie vnd̾ zweī der eine mv̊teſ bc·
ſol dc eī ſvͤnde ſin die růche er mir v̾gebē·
der d̾ w̾lte ſchv̊f als vngelicheſ lebē·
Swer got dvr diſe w̾lt nv lat·
ſo lúzel ſi doh froͤidē pfliget·
ſo iam̾liche ſi nv ſtat·
dē iſt mit ſoꝛgē an geſiget·
nv ſeht wies ab allē dingē ge·
die tage ſchinēt niht ſo ſchone alſê·
vn̄ dar zv̊ ſo ſv̊ze niht·
nieman in liehter varwe als ê die blv̊men ſiht·