Maria mv̊t̾ vn̄ meit
[410v]
Maria mv̊t̾ vn̄ meit·
dv haſt dē hohſtē pꝛis beieit·
d̾ tugēde keiſerinne·
dv ſvͤze ob aller ſvͤſſekeit·
din ſvͤze iſt al d̾ w̾lde bereit·
heilb̾ndv́ kv́nigīne·
dv zederbǒm dv balſem ſmak·
du richú liliē ǒwe
dv himelſtraze dv ſeldē tag·
gote liebú ſpiegel ſchǒwe·
Dich lobent die ſchv̊le ī mvſica·
vn̄ dú ſvͤzen cātica·
d̾ tvgēden keiſerīne·
dih lobent dú pſalt̾ia·
die ſchellē vn̄ dú oꝛgana·
heilb̾ndú kv́niginne·
dv olbǒm aſt dv mvſcat nvs·
dv dꝛivaltig ſagerere·
dv ſv̄nenglaſt dv mīne ſchus·
von dir ſint ſvͤze mêre·
Dv lieht ob al d̾ w̾lde lieht·
die ſt̾nen ſich dir gelichē nieht·
d̾ tvgēde keiſerīne·
das dv biſt alſo mīnenvar·
deſ wūnet al d̾ engel ſchar·
heilb̾ndú kv́nigīne·
dv ſeitē klang dv fúrſtē ſtv̊l·
dv hoh ſwebendú krone·
dv himel ſang· dv tvgēden ſchv̊l·
dv zimſt wol kúniges trone·
Dv edlú tohter vō ſýon·
dich māt dc her vō babilon·
der tvgēde keiſˢinne·
eꝛloͤ̂ſ vnſ dc v̾ſtandē pfant·
dc get dē túuel ī die hāt·
heilb̾ndú kúniginnē·
dv wūnentanz dv lieht auroꝛe·
dv vollē ſvͤnerīne·
dv roſē kranz· dv froͤidē koꝛe·
dī lob git hohe ſīne·
Dv edelú g̾te vō ýeſſe·
d̾ nie niht wart gelichet me·
d̾ tvgēde keiſˢinne·
dv haſt gewahſen vb̾ den luft·
gewurzet ī d̾ witzē kruft·
heilb̾ndú kúnigīne·
dv vꝛideſtat dv froͤidental·
du ſpilndú bluͤndú heide·
dv himelpfat des h̾zē ſchal·
der engel ǒgenweide·
Dv werdú gebvrt vō nazareth·
d̾ rat an dir alleine ſtet·
d̾ tvgēde keiſerīne[WS 1]·
dc vns dú helle iht w̾de kvnt·
dc wēde d̾ dī wol redend̾ mvnt·
Heilb̾ndv́ kv́nigīne·
dv ankerhaft·
dv ſegel wint·
dv lieht̾ ſt̾ne dýane·
dv magen kraft dv ſeldē kint·
dv hoher trimōtane·
Genadē wůch̾ voller bǒm·
genadē vb̾ ladē ein ſǒm·
d̾ tvgende keiſˢinne[WS 2]·
genadē vb̾ flúſſig vas·
er milt̾ ſchenke der dich mas·
heilb̾ndv́ kv́nigīne·
dv wolkē dvs·
dv mirrē trǒf·
dv biſme richú krame·
dv honeges flus dv ſt̾nē lǒf·
dv froͤidebernder ſame·