Topographia Braunschweig Lüneburg: Hallerspring

[T39] [97] Hallerspring. Ist ein Fürstlich Calenbergisch Ampthauß vnd Statt / hat seinen Nahmen von dem daselbst vor dem Stättlein vnferne springenden Hallerbrunnen / zwischen hohen Bergen / drey Meil von der Statt Hameln gelegen / ist vor Zeiten dem Graffen zu Hallermund zuständig gewesen / mit solcher Graffschafft aber an das Fürstl. Hauß Braunschweig Lüneburg / vnter Hertzog wilhelm dem Eltern / vmb das Jahr Christi 1435. kommen / soll mit Mauren vnd Thürnen wol seyn verwahret gewesen / aber bey den vielfaltigen Kriegen sehr abkommen; auch weil es viel Fewersbrunsten [98] nach einander außgestanden / ist die meiste Nachricht davon mit vffgangen / hat vmb sich guten Ackerbaw / fruchtbare Mastholtzung / Weide vnd Trifften / nehret sich auch deß Bier vnd Brühan brauens.