Wart ane wandel ie kein wib (Mit originalen Lettern)
[65v]
Wart ane wandel ie kein wib·
dc iſt ſi gar der ich den lib·
han gegeben fúr eigē·
ſi rǒbet mich der ſinne[WS 1] min·
ſi iſt ſchoͤne alsam der ſvnnē ſchin·
ia bin ich niht ein heiden·
ſi ſol genade an mir began·
vn̄ ſol gedenkē dc ich ir wc ie vil vndertan·
Was bedoꝛfte des ein wib·
dc ich ſo gar dvr ſi den lib·
v̾los vn̄ al min ſinne·
ſi iſt ſo vaſte niht behv̊t·
edoch ſo dvnket ſi mich gůt·
des bꝛinge ich ſi wol inne·
es w̾e an miner frowē ein ſlag·
ſi ſol gedenken ob ſi toͤꝛſchen ie bi mir gelag·
Was wiſſet mir der beſte mā·
ich habe ime leides niht getan·
er froͤt ſich ane ſchulde·
dc er in hat vō mir geſeit·
dc iſt mir húte vn̄ iemer leit·
er v̾lv́ſet mine hulde·
mir wirret niht ſin boͤſer kib·
wc half dc er toͤꝛſchē bi mir lag io[WS 2] enwart ich nie ſin wib·