Aachener Stadtrechnungen aus dem XIV. Jahrhundert/Beilage VII.

Beilage VII.

Klagschreiben der Schöffen, Bürgermeister und des Rathes der Stadt Halle im Hennegau gegen Johann van Reiferscheid an die Geschworenen des Landfriedens. 1358 den 5. December. Auf Perg.

Allen den ghenen, die desen brieven solen sien of horen lesen, ende specialeec aen mechtigen, seer vermoegheden heren, onse lieve gheminde heren van den lantvrede, haren stedehouders dar ap van haren weghen ridende, ende aen raet ende beleiders van der stat van Cuelne .. Baillio, scepene, borghermeesters ende raet ghemeyne van der stede van Halle in den gravescape van Heneghouwe aen u verbiedende dienst ende minne met vriendeleker supplicacien. Lieve gheminde heren, ghelieve u te weten, dat van der messen van Vrankevoerde up naest leeden onser borghers goet van onser stede van Halle vorscr. Jan Tsants ende Peters Soulders, bringher des briefs, op gehanden es op tser rechter strasen bi der stat van Cuelne drie packeel cordewaen leeders, dat is beseleghen in 12 offen huyden al metten haer, ende dat heeft gedaen een here die gheheicen is, als ons borghers segghen, her Johan van Riiferscheit op osen hertoghe van Brabant om een ghedeel ghelts, dat hi hem eysschende is, als wii hebben verstaen van onsen borghers vorscreven, op welc her Johan ghepant heeft ende op ghehouden der coepmans goet van den lande van Brabant, dar onser lude goet ende borghers vorscr. nyt is, dat her Johan bi hem heeft ende niet en wille loesen, noch uns verandwerden, als wiis aen hem ghescreven hebben, ende want her Johan van Riiferscheit onsen lieven geduchten here, miin here, den grave van Heneghouwe noch sinen lande vorscreven, noch onser stede van Halle noit onseeght en hadde, alsoe verre als wiit cousten gheweten ochte horen segghen in negheenre vueghen. .. Lieve gheminde heren soe eest, dat wy u vriendeleke bidden ende aen u versoeken, dat ghi onser lude ende borghers goet vorscreven wilt doen loesen ende hem te livreren, gheliic ghiit schuldech siit te doen na den lant vrede, ende ghi soudt willen, dat men uwen coeph luden dade ende loste, varende ende kerende binnen den lande van Heneghouwen, ende van onser stede van Halle vorscr. In orconde van desen brieven beseghelt met onsen zeghelen, ghegheven te Halle des gonsdaghs op senter Niclas avent int jaer M.CCC viftech ende achte.

Rundes Siegel in braungrünem Wachs an einem Pergamentstreifen, Durchm. 51/2 Centim.; unter einem gothischen geschweiften Bogen eine Frauengestalt in langem Gewande und Mantel mit Heiligenschein, aufrecht stehend, in jeder Hand haltend ein Wappenschild mit vier aufsteigenden Löwen. Umschrift verstümmelt in gothischen Majuskeln: Sigillum·:· Sc... orum·:· De·:· Hal.