Aller ſelde ein ſelic wib

Aller ſelde ein ſelic wib·
tů mir ſo
das min h̾ze fro beſtê·
ob ich ie dur dinē lib
wurde fro·
dc des iht an mir zergê·
ich was ie der dieneſt din·
nv biſt dv dú froͤide min·
ſol ich iemer liebē tac oder naht geleben·
dc mv̊ſ frowe an dir geſchehē·

Frǒwe ich han dvr dich erlittē·
dc nieman
dvr ſin lieb ſo vil erleit·
ich getar dich niht gebittē·
noch enkan
tůs dvr dine ſelekeit·
ich bin din dv ſolt mich nern·
vn̄ gewaltes voꝛ allen wern·
ich han iemer eine bet dc dv wol gevarſt·
vn̄ dich baz an mir bewarſt·

Frowe ich han noch nie getan·
dvnket mich
dāne dú liebe mir gebôt·
ine kv̄de nie v̾lan·
hoꝛt ich dich
nennē ine wurde rôt·
ſwer do nâhe bi mir ſtv̊nt·
ſo die merkere tůnt·
der ſach h̾zeliebe wol an d̾ varwe min·
ſol ich da vō ſchuldic ſin·

Ich verdiene den kvmber nie·
den ich han·
wan ſo vil ob dc geſchach·
dc ich vnd̾wilēt gie·
fúr dich ſtan
vn̄ ich dich vil gerne ſach·
lies ich do dc ǒge min·
tǒgenlichen an das din·
dc bꝛahte ich vnſanfte dan vn̄ lihte dar·
frowe nam deſ ieman war·