Anger walt dú liehte heide bꝛeit

Anger walt dú liehte heide bꝛeit·
die ſiht man vō dem kalten winter griſe·
er tv̊t kleinē vogelin leit·
die da ſingent ſv̊ſſe vf gruͤnem riſe·
des iſt manig herze froͤiden ane·
da fúr han ich mir ein ſchoneſ lieb erkoꝛn·
wil ſi ſo han ich den meien niht v̾loꝛn·
doh leb ich ī froͤideloſen wane·

An gerihte ſo getruwe ich wol·
dc ſi mir w̾de dú vil mīnekliche·
ſit man lib gegen libe teilen ſol·
ſi hat mich entw̾t gewaltekliche·
h̾zen libeſ vn̄ dar zv̊ der ſinne·
ſo wil ich mich rechē an ir roten mvnde·
dē wil ich kv́ſſen mer danne tvſent ſtvnde·
da vō ich der froͤidē hoꝛt gewinne·

Ane wibes helfe niemā kan·
weſen fro noch hohes mv̊teſ rich·
e· doch bin ich ir eigē dieneſtman·
ſi hat mich entwert gewaltekliche·
wil mich ein wib betwingē mit vnmīne·
mīne ſich daſ iſt fúr war din widerteil·
wilt dv ſo wirde ich an ſtetē froͤiden geil·
dc min herze alſo iht vō dir v̾bꝛinne·