Die Schedelsche Weltchronik (deutsch):151

150 <<<Vorheriges Blatt	Die Schedelsche Weltchronik    Blatt CLI	Nächstes Blatt>>> 152
unkorrigiert	Dieser Text wurde noch nicht Korrektur gelesen. Allgemeine Hinweise dazu findest du bei den Erklärungen über Bearbeitungsstände.

 

verso:

Das sechst alter

DEuszdedit der babst ein ro^emer vnd gar gar ein gu^oter vater hat die pfafheit wunderperlicher weisz geliebet vnd gemeret. Sie sagen disen man solcher heilligkeit gewesen sein das er einen auszmerckigen menschen mit seim ku^ess vomm auszsatz vom stundan erledigt hab. Er hat gesetzt das der sun dess der ausz dem tawff gehebt ist die tochter die sein vater ausz dem tawff gehebt hat zu der ee nit nemen mu^og. Zu diss babsts zeitten hats got gegeben (als sein nam anzaigt) das sich vil schedlicher ding ereu^egt haben. als erdpidem. vnd ein solche zu der auszsetzigkeit genaigte reu^edigkeyt. oder schwu^erigkeit das man die menschen vor vngestalt nicht erkennen mocht. Er starb imm dritten iar vnd amm dreyundzwentzigisten tags sein babstthumbs vnd wardt begraben in sant peters kirchen. vnd der bebstlich stu^ol stu^ond deszmals lere einem monat vnd.xvi.tag.

SIsebutus ein ko^enig Visegothorum regiret.xxxvi.iar was zu erst ein hayden.wardt darnach ein cristen man. vnd bracht vil hispanischer stet. die an die ro^emer vmb geschlagen hetten wider an sich. vnd welche iuden er in seim ko^enigreich ergriffe die drannge er mit schwerer marter zu cristenlichem glawben auff beernn des kaisers Eraclij. den het man gewarnet sich vor den beschnittnen zehu^eeten. doch wardt er darnach nit von den iuden. sunder von den sarracenis. die sich auch beschneiden laszen bedrucket. Nw was diser ko^enig also ein gestrenger man das er alle hispanisch stett den ro^emern entwendet. Vnnd also endet sich der constantinopolitanischen kaiser heerschung in hispania.

BOnifacius der fu^enft ausz Campania empfieng den babstthumb zu der zeit als Eleutherius von Eracleo gein rom gesendt sich selbs zu eim ko^enig welschs lands scho^eppfet. Diss wz ein gu^eetig milt man. sich gein menigclichem senftmu^eetigkeit vnd gnad geprauchende. der nichtz versawmbt das eim gu^oten hirtten wol anstund. vnd gepote das die. die zu den kirchen flu^ehen mit gewalt nit soltten von dannen gezogen werden. So soltten auch auch die ac coliti das plu^ot der martrer nit anru^eren. vnd die heilligs verletzer mo^echten an allen en den verpannt werden etc. Er starb imm fu^eenften iar seins babstthumbs.

HOnorius der erst auch ausz campania wardt deszmals zu zeit als Theudelinda starb. vnd dieweil er mit eu^eszern sachen nit beku^emert wardt. so hat er schier alle pfafheit mit lere vnd heilligen sytten vernewet. vnnd vil kirchen zu rom gebesseret vnd san peters kirchen mit eriner dachung bedeckt vnd sunst vil andere gotzhewser in rom auffgerichtet vnd gepawet. Diser heilli man starb seins babstthumbs im.xij.iar.xi. monat.ammxvij.tag.vnnd der stu^ol feyret deszmals ein iar. siben monat.xviij.tag.

Iar der werlt.vm.viijc.xxiij. Iar Christi.vic.xxiiij.

SEuerinus der erst ein ro^emer in des abgestorben babts stat erkorn wardt von Isacio dem o^ebersten regirer gantzs welschs lands zu babst bestettigt. dann deszmals wardt der pfafheit wale eins babsts fu^er eytel geachtet wo die durch die kauser oder ire o^ebersten stathalter nit bestettigt wardt. Er was ein man sunderlicher gu^eetigkeit vnd andechtiger gaistlicher vbung. ein liebhaber der armen.gegen den ellenden du^erftigen menschen tro^estlich vnd senftmu^eetig.gegen menigclichen erentreich vnd gnedig.in widerpawung vnnd besserung der gotzhewser scheynper. Er starb seins babstthumbs in dem ersten iar vnd andern monat.

Iohannes der vierdt ausz dalmacia hath sich alszpald er babst wardt wunderperlicher gue^eetigkeit gepraucht. vnd ausz den vber bliben schetzen die Isacisu hinder ime gelaszen het alle gefangen so vil mu^eglich wz erledigt. vnd nach agnomner babstlicher sorge alszpald gepotten. Ob sich ymant vnderstu^ende der kirchen gu^eeter ausz frefel anzegreiffen der solt das vierfeltig zewiderlegen gedrungen werden. Zu diss babsts zeitten hat sich Rhotaris der ko^enig longobardorum in die Arrianischen irrung genaygt vnd geduldet das zu denselben zeiten in allen stetten sein reichs zwen bischof gleichs gewalts warnn. der ein. ein cristenlicher. der ander ein arrianischer. Aber Iohannes vol gu^oter werck starb seins babstthumbs imm ersten iar.newnden monat am newnden tag.

recto:

der werlt Blat CLI

ERaclius ward zu eim merer des reichs aufgenomen vnd hat von sergio dem constantinopolitanischen patriarchen bekro^ent das orientisch kaiserthumb erpfangen vnd darauff eleutherium den constantinopolitaner kaiserlichen schlafkamrer gar einen wol erfarnen hawbtman kricglewffischer hendel vnd sachen in welsche land geschickt vnd ime volck vnd gelt gegeben da mit er die sachen welscher land bestettigen solt. Nw hat er das volck das er in nahend gelegnen landen asie vnd europe het vnd ime sein vater eraclianus ausz affrica schicket vnd teglich schicken mocht angerichtet vnd gesendet wider coszdram den koe^enig persarum zu beschu^etzung der ro^emischen gegent. wider desselben kongis gewaltsam. dann als derselb cosrdras mesopotamiam vnd palestinam verfolget het do raiset er auff iherusalem zu vnd eroberet sie. vnd zerru^edet kirchen vnnd heillig stett. Wiewol er dem heilligen creu^etz ettwas erwirdigkeit soll erbotten haben,. dann er hat (als ettlich geschihtbeschreiber setzen) einen tail den helena die muter constantini des groszen an der stat der creu^etzigung cristi nidergelegt hat von dannen genomen vnd anhayms behalten in eim thron den er mit wunderperlichem werck von gold vnnd eldem gestain gezieret gepawen het. In dem sechsten iar seins kaiserthumbs haben die perse alles asiam gein mitten tag erobert vnd die waffen fu^erdan auff egipten gewendet vnd auch alexandriam eingenommen vnd sich einweil daselbst enthalten bis das geschray kom das eraclianus des kaiseres vater in affrica ein grosz heer gesamelt het. aber in der selben zeit starb eraclianus. Als die perse solchs erfu^orn do fiengen sie carthaginem. Zu derselben zeit versamelt eraclius ein grosz heer vnd bracht vil proumtzen von den persiern beju^emert wider in seinen gewalt. vnd erschlu^og den hertzogen der persier in eim sundern kampff vomm pferd zu tod. vnd bedrucket coszdram den konig der persier. aber seinen sun hat er gefangen tawffen lassen vnd in sein vaterlich konigreich widereingesetzt. So ist er in das land perfidem gezogen vnd hat den thurn coszdre vol der schetz berawbt vnd einen teil dauon den rittern gegeben vnd den andern tail zu wuderaufrichtung der tempel vnd gotzhewszer die coszdrasz zerru^edet het verordnet. vnd ist mit siben helffanten grosze reichthu^emer den feinden genomen gein iherusalem komen vnd hat das creu^etz des herrn vormals von den persern hingetragen mit ime herwider gefu^ert vnd an sein vorige statt gelegt. vnnd die von der persis gefangen wider haym geschickt. Nw beschaf das imm.xij.iar des kaiserthumbs eraclij das er das creu^etz des herrn gein iherusalem mit groszem geprengk bracht vnn als er nw komen was zu der pforten durch die man hinausz an die stat caluarie geet vnd die vorgeende schar hinausz gegangen was vnd er auch hinausz geen wolt do bestu^ond er vor der pforten vnd ine hielt doch nymant. doch sprach der patriarch der eraclio an der seyten hieng zu ime. Ihesus der maister der armu^ot vnd demu^eetigkeit hat das creu^etz nicht also alda hinausz getratn als du mit purper vnd ko^estlichem geschmu^ock gezieret das creu^etz nicht also alda hinausz getragtn als du mit purper vnd ko^estlichem geschmu^ock geziert das creu^etz yetzo tregst. do demu^eetiget sich der kaiser vnd tet an schlechts klaid vnd gieng parfu^osz do wz die pfort offen die ine vormals beschloszen gedaucht. vnd tru^og dz creu^etz an die statt caluarie. Diser eraclius beru^emet sich seiner vbung vnbeschaidenlich vnd fiel in mancherlay irrung der ketzerey vnd starb zu letst an der wasser sucht imm.xxx.iar seins kaiserthumbs.

SIe sagen das in disen tagen feu^er vomm himel gefallen vnnd ein grpszer regen pogen erschinen sey das die menschen mayneten das das end der werlt komen wer von der groszen grawsamen thonrsleg vnd plitze wegen. do kom ein vberschwere pestilentz hernach. die verzeret in den sumermonaten vil menschen. Man sahe einen gu^oten vnd einen bo^eszen engel ausz befelh des gu^oten engels an ein hawsz tet souil menschen vergiengen mit tod in demselben hawsz an dem tag darnach.

Mancherlay wunderlicher vnd erschreckenlicher ding erschinen diser zeit in kriechischem land. die die ku^enftigen vbeltat des verfu^erers machomets fu^erku^endeten. dann in eim einigen iar wardt ein lichter comet zu constantinopel gesehen. vnd ein vierfu^eszigs kind geporn. Auch warden in der inseln delon gesehen zway meerwunder menschlicher gestalt. So erschinen auch sunst vil der gleichen ding an mancherlay enden vnnd stetten.

---