Die Schedelsche Weltchronik (deutsch):269

268 <<<Vorheriges Blatt	Die Schedelsche Weltchronik    Blatt CCLXIX	Nächstes Blatt>>> 270
unkorrigiert	Dieser Text wurde noch nicht Korrektur gelesen. Allgemeine Hinweise dazu findest du bei den Erklärungen über Bearbeitungsstände.

 

verso:

Eneas pius bin ich genant
Mein lob vnd preis ist hohbekant

Eneas pius der babst     Friderich der dritt ein romischer kaiser

Der zornig leob verschonen thut
Dess: der gein im zaiget demu^ot
Also soll auch ein herrscher thon
Dem gelyhen ist des gewalts kron

recto:

Blat CCLXIX

DEs hohwirdigsten in got vaters herren Enee de picolominibus des cardinals sancte Sabine beschreibung der gschihten vnder kaiser Friderichen dem dritten durch Teu^etsche land vnd Europam geu^ebt mit beschreybung der gegent an herren Anthonien den Hilerdensischen cardinal außgangen.

ANthonio der heilligen ro^emischen kirchen briester cardinal Hilerdensis genant seinem allerliebsten vater empeu^et Eneas desselben ordens aber nit desselben verdiensts Senensischer cardinal vil hayls. Dieweil ich nehst in dem podagra vnd glidschmertzen (als ich gewont bin) arbaitet do bracht mir ein teu^etscher bu^ochuerkawffer oder bewarer ein bu^eechlein fu^er in dem der ro^emischen kaiser gschihten vnd namen vnd ein wenig von sytten begriffen waren bis auff Wentzeslaum Carls des vierden sun. Vnd nach dem in demselben bu^eechlein vier kaiser vnderwegen bliben waren auß vrsachen das Beneuenustus himolensis der beschreiber desselben bu^eechleins vnder Wentzeslao abgienge. so bate mich der Teu^etsch das. dess das bu^eechlein mangelt hinzuzeschreiben. dem nach hab ich den menschen nicht wo^ellen betru^eeben sunder die zal der kaiser bis auff vnßere zeit erfu^elt. der ku^ertze dess der vor mir geschriben het nachfolgende. Dieweil mir aber in gemu^eet beywonet das sich souil vnd gross geschihten vnder den cristen von der zeit des ro^emischen regiments kaiser Friderichs bis auff disen tag begeben haben. so hab ich mir fu^ergesetzt ein bu^eechlein besunder zemachen vnd darinn ettliche sundere gedechtnußwirdige ding der selben zeit in ku^ertze zu gedechtnus der nachkomenden zebeschreiben. darumb hab ich ein kurtze histori gemacht vnd deinem namen ergeben. vnd so du in gleichem seu^echen oder kranckheit mit mir arbaitest so magst du dieweil du am podagra ernyderligst mein schrift leichtlich lesen vnd vrtailn. Es wer (ich bekenns) wol schickerlich gewesen ein historien beschehner ding von anfang vnßrerr zeit bis hieher zebegreiffen. als mir denn offt zu mu^ot gewesen ist. aber es was des einen podagramischem vnd sunderlich der viertzigtagigen fasten entgegen komenden gelegers nachtliche wach deßmals nicht vor awgen. Das podagra liebet vnßere hewßer. schaydet auch offt ab vnd ko^embt offt herwider doch wirdt es villeicht disem fu^ernemen dienstlich sein. Gehabe dich wol vnd ob du yetzit zeunzeitig oder zescharpff wider ymant geschriben findest das soltu meiner natur vnnd auch den stacheln des anraytzenden podegrams zu^omessen. vnd was vnku^endigs vnschickerlichs vnd vnfu^eeglichs begegnet mit der federn abthu^on. Auß Rom am newnundzwentzigisten tag des monats Marcii. Nach Cristi gepurt .M.cccc.lviii. iar.^[1]

Von dem hungrischen land vnd den gschihten darinn

HVngernland an o^esterreich kaiser Friderichs vaterland stossende gein dem orient gelegen wirdt den anfang der meldung geben. Ettliche nennen diss land Pannoniam. gleich als wern die hungern an stat der Pannonier daselbsthin komen. aber Hungern erraichet die ende Pannonie nicht. So ist die auch ettwen nit also prayt gewest als in vnßern zeiten. Hungernn wardt begriffen innerhalb der Thonaw vnd dem fluss yne vnd dem gepirg gein welschem land vnd an das adriatisch meer sehende. vnd Pannonia vom nyderganng. das Norgkaw vnd den yne. vnd vom orient die vo^elcker Mysos vnd Triballos vnd den fluss Saw beru^erende. Innerhalb diser rifier wirdt ein grosser tail des o^esterreichischen lands beschlossen vnd von den Teu^etschen ingewonet. In disem krays ist auch Steyer begriffen ettwen Valeria genant. Vnd wiewol Hungern nydern Pannoniam von dem fluss Leytha bis an die Saw vmbgreift. so vbertrit sie doch die Thonaw bis hin in das Polnisch land raichende. vnd bis in die gegent die ettwen das Gepidisch volck inngehabt haben vnd yetzo die Daci besitzen. Der gewalt vnd herrschung des Hungrischen volcks ist vil brayter vnd weyter denn das hungrisch land. dann die Dalmacier oder Winden. die Bossnei. die Triballi oder Mysii oder Rascianer vnd Gethe. die man eins teils Walachen. eins teils Transsiluanos. die Sybenburger nennt sinnd vnder der Hungern gewalt komen. Wiewol etliche zu vnßern zeiten durch der Tu^ercken gewalt auß dem Hungrischen gepiet gedrungen worden sind. Die Ro^emer haben vnder dem kaiser Octauiano dise prouintzen souerr sich die herdißhalb der thonaw erstreckt erstlich

---

1. 29. März 1458 n. Chr.