Die besten die man vinden kvnde

Die besten die man vinden kvnde·
von dem pfade vnz vf den rin·
die sv̊chte^{[WS 1]} ich nv manige stvnde·
vnd vant si in dem herzen min·
die ich han erwelt vs allen wiben·
dú ist hie bi der wil ich beliben·
ich wil min sv̊chen lazen sin·
ich ensols niht langer triben·

Swie die vogel an dem rise·
singen nider alder hoh·
so bin ich in einer wise·
vnd enwirde doh niemer vro·
von der schoͤnen die ich da minne·
dú mag mir frovn herze vnd sinne·
ir genade sint also·
dc ich ir niht wan frumen gewinne·

Swie si in der masse schoͤne were·
vnd alse gar niht minneklich·
sone het ich so manige swere·
von ir niht des dvhte mich·
wolte si han mit mir gemeine·
miner sorgen niht wan eine·
lihte si bedehte sich
das min truren wurde kleine·

Anmerkungen (Wikisource)

1. Vorlage: ſv̊cte.