Fechtbuch (Talhoffer)/Kapitel 7

← Kapitel 6

Fechtbuch von Hans Talhoffer Kapitel 7 [Fechtkampf mit dem Degen]

Kapitel 8 →

{{{ANMERKUNG}}}

	Hie vacht an der Tegen. gott der wöll vnnser aller pflegenn.
Der hatt gestochen von dach.	Der hatt versetzt mit ainer hand vnd hatt den Tegen von Im gewandt.	Der wyl obnen Nider Stechen	So gatt der vnden vff mit versatzung vnd wyls Im Brechen

Der ober schilt Für den Stich	Der Sticht fry von Tach	So macht der den vndern Schilt mit aim stosß	Der Sticht vnden Zů dem.

Für den obern stich. so würff din lincken arm vff. vnd fach sin Stich vff den lincken arm vnd macht mit dinem Tegen stechen oder slahen.	Als Ich hon gestochen So ist es mir gebrochen.	Aber Für den obern Stich würff den lincken Arm für vnd mit dem Tegen vmb sin arm vnd würff In von Ir	Der hatt sin stich volbracht vnd des bruchs nit gedacht.

Als der oben Inn hatt gestochen So hatt der Es mit dem lincken arm gebrochen. vnd grifft Im mit dem Tegen zwüschen die bain vnd zuckt In vff vnd würfft In von Im.	Als der oben hinyn hatt gestochen So hatt er mit dem rechten Arm versetzt. vnd wint den Tegen vmb sinen arm. vnd tryt damit für vnd würfft In von Im.

Da ist der vßgangen vnd der bruch über das fahenn.	Als der In beschlossen hatt	So hatt der In beschlossen mit der schär.	Der hatt gestochen oben Inn.

Für den obern stich Ain grosser wurff gang mit dem rechten Arm vff. vnd fal mit dem lincken Arm vber sinen rechten Arm vnd würff In von dir.	Da ist das stuck vnd wurff volbracht.

Als der obnen Nyder hatt gestochen. so ist er vff gangen mit dem rechten arm. vnd grifft Im mit dem linken hand In sin Elbogen. vnd Truckt In von Im. so kert sich der gar vmb. vnd würfft In vber Rucken.	Hie ist volbracht stuck vnd bruch zwinach.

Für den obern stich hatt er sinen rechten Arm vff geworffen. vnd sinem Stich hinweg geholffen. vnd ersticht In.	Der hatt gestochen. Vnd Ist Im der stich gebrochen.	Das sol sin ain vahen. vß der schär den arm oder den hals.

Aber Für den ob[er]n stich ain arm bruch. vnd fah sin stich vff den lincken arm vnd griff mit der Rechten hand vnder sinen Arm vnd zuck an dich.	Aber fur den obern stich. fach sin stich vff din Rechten Arm. vnd Tryt für vnd schlah Im din lincken Arm an sin halß vnd würff In vber die huffen.

Aber Für den obern stich würff den Rechten Arm vff. vnd fach sin stich daruff. vnd gryff mit der lincken hand In sin Elbogen vnd truck In von dir. fürsich Nyder.	Der bruch ker dich gar vmb. vnd würff In über die huffen.

Für den vndern stich so schlah mit der rechten funst In sin arm. vnd stoß din Tegen In In.	Hie hatz einer als gutt. Als der annder

Aber Für den vndern stich schlah mit diner rechten hand Sin stich hinweg vnd Slah In mit der lincken hand an sinen hals. vnd Tryt mit für. vnd würff In von dir	Fur den vndern stich fah sin stich In din bayd hend. vnd wirg Im Sin arm vff die lincken Achsel. vnd brich In ab.

Hie ist der arm bruch. wie vorgeschriben statt	Aber ain fryer stand. mit dem schilt für den obern stich oder für den vndern

Als der den schilt hat gemacht.	So hatt der den obern stich verwent vnd Stotzt den tegen mit dem hefft. zwüschen sinen arm. vber den schilt vnd würft In von Im.	Da verbringt er dasselb Stuck.

Der hatt den gefanngen vß der Schär.	Der bricht dem die schär	So hatt och der den beschlossen mit der schär vmb den hals.
		So macht der den Bruch vnd wirt In werffen.

Hie ist er vffgangen mit dem Schilt. für den obern stich	So hatt der den stich erlogen vnd slecht vnden vff. vnd sticht	Der hatt aber den obern Schilt gemacht.	So hat der aber den Stich erlogen. vnd vber gryfft Im bayd Arm vnd tůt In werffen

Der hatt dem Äbich[1] angebunden vnd wyl In über gryffen.	Der hatt gestochen Oben hinyn.	Hie hatt er In über gryffen vnd den beschluß volbracht.	Als der gestochen hatt

Hie hatt er versetzt mit der schär. vnd mag In hinweg Stossen mit welicher hand er wyl.	Der hatt sin stich volbracht.	Der statt In der fryen hutt	So halt sich der Im zwiffel stich. vnd hat den Tegen vff dem Rucken vnd mag stechen mit welicher hand er wyl.

So hatt der versetzt mit sinem lincken arm. vnd hatt In oben über gryffen. vnd hatt Im vnder Sinem schenckel vnder gryffen. vnd wirt In werffen.	Der hatt gestochen oben Inn mit macht. vnd ain fryen Stich volfürt.	Der Maister hatt sich über senhen vnd ist bayde ain stuck

Als der mich überloffen hatt mit aim fryen stich oben Nyder. So hab ich den lincken arm vff geworffen vnd versetzt. vnd mit mym rechten Arm hab ich In vmb sin hals gefaßt. vnd wirg In Nider.	Hie hatt er In Nyder gewirckt vnd macht ain end.

Der an Fall vß den Armen zu Ringen	So hatt der versetzt mit dem lincken Arm vnd Sticht och von Tach.	Als der gestochen hatt von Tach

Anmerkungen (Wikisource)

1. äbich = links, verkehrt (vgl. Grimm).

← Kapitel 6

Nach oben

Kapitel 8 →

{{{ANMERKUNG}}}

Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.