Weitere Quelle: Siegfried Beyschlag: Die Lieder Neidharts. Der Textbestand der Pergament-Handschriften und die Melodien. Wissenschaftliche Buchgesellschaft Darmstadt 1975, S. 382-384. ISBN 3-534-03592-5. Dort unter dem Kürzel „L 64“ verzeichnet.
Fertig! Dieser Text wurde zweimal anhand der Quelle Korrektur gelesen. Die Schreibweise folgt dem Originaltext.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
IR froeit uich ivnge vnd alte.
der meie mit gewalte.
den winder hat verdrvngen.
die blvomen sint entsprvngen.
wie schone dui nahtegal.
vf dem rise.
ir svesse wise.
singet wunneklichen schal.
Der walt schone lovbet.
min mvoter niht gelovbet.
der mich mit einem seile.
sprach ein maget geile.
bvnde mir einen fuos.
zvo der linden.
mit den kinden.
vf den anger ich da mvos.
Das gehort ir mvoter.
ia swinge ich dir dc fuoter.
mit dem schippfen vber den rugge.
dv vil kleine grasemvgge.
wa wilt dv huppen hin.
vs dein neste.
sitze vnd beste.
mit den ermel wider in.
Mvoter mit dem steken.
sol man iv die runzen reken.
die alten als ein svmber.
noch huire sit ir tumber
danne ir von sprvnge vart
ir sit tot.
vil kleiner not.
ist iv der ermel abe gezart.
Vf spranc si vil snelle.
dv tieuel vs der helle.
ich wil mich din gar verzihen.
dv wilt uibel gedihen.
mvoter ich lebe edoch
swie iv trovme.
bi dem sovme.
durch den ermel gat ein loch.
