Got din zoꝛn d̾ iſt v̾ſchuldet
[410v]
Got din zoꝛn d̾ iſt v̾ſchuldet·
ſchǒwet wie d̾ lǒf nimt abe·
die heidē vaſte dꝛingen·
wacha h̾re wacha vn̄ wera wer·
kriſten her kvmb̾ duldet·
vn̄ ſtrebet nah dime grabe·
ſo dc ir ſwert erklingē·
mvͤſſen dē geliche als vb̾ mer·
vngeboꝛn
w̾e vns bas dāne ob wir den ſig v̾lieſen·
got dv ſolt dvr diner marter ere v̾kieſen·
vn̄ vf dē der dc hǒbet iſt·
wiſſe criſt·
geſigt[WS 1] otacker iht wir ſin v̾loꝛn·
Des keiſers wal ſtv̊nt gar ſchone·
do ſin kúnige pflagē ê·
nv pflegē ſin welhiſſe pfafē·
die vervend̾n ſegē vn̄ den tǒf·
dē vō ſtǒfen wirt dv́ krone·
wie es v̄be den vō hollant gê·
wil er ze rome ſchaffen·
ierl̓m ſin erbe dc iſt der kǒf·
vf den val
let der babeſt ſich nach landē dúrſtē·
als d̾ tocken ſpilt d̾ walh mit tůtſchen fúrſte·
er ſetzet ſi vf er ſetzet ſi abe·
nah d̾ habe·
wirfet er ſi hin vn̄ her als eine bal·
Herre got maht dv vns er zeigē·
ob din kraft mvge vns ernern·
mache vs zwein kv́nigē einē·
dē gerihte liebe vn̄ criſten ê·
man ſiht re rǒben eigē
kirchē ſtrazen· doͤꝛfer hern
mā hoꝛt die witewē weinē·
vn̄ die cleinen weiſen ſchꝛien owe·
ſolhe not
hat dú arme kriſtenheit gemeine·
got dvr diner marter willē nv v̾eine·
d̾ fúrſten rat vn̄ ir gewalt·
iſt geſtalt·
als eī meilig hant vō blv̊te rot·
Anmerkungen (Wikisource)
- ↑ Vorlage: geſiht.