Herze du bist ane sin (Der von Buchein)

Herze du bist ane sin (Der von Buchein)·
volgest dv den ǒgen nach·
dv maht niht vol enden alles dc si wellent spehen·
enrůche wa si sehen hin·
dar vmbe en si dir niht zegach·
tůst dv des niht da von mag dir wol grosser schade beschehen·
wes zihe aber ich dv́ ǒgen min est^{[WS 1]} gar des herzen rât·
dú mir ǒgen herze lib· so gar betwungen hat·
von der mv̊s mich dvnken gv̊t ob si mich leben lat·

Ich sehe gerne svnder wank·
den ir vil minneklichen schin·
ich woltes iemer gerner an danne einen engel sehen·
min liebe dú ist gegen ir niht zekrank·
ich meine die lieben frowen min·
ie doch so mv̊s ich iemer grosser schulde von ir iehen·
ê ich si volle bitte so hat si mir gar verseit·
ich weis wol dc ein krankes herze were da von verzeit·
ê aber ich dc tete ich litte ê iemer arebeit·

Anmerkungen (Wikisource)

1. Vorlage: es.