Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[259r]
IArlang valwent vf d̾ heide·
liehte blv̊mē vn̄ kle·
winters grimme tet in leide·
kalde rifen vn̄ ſne·
die enkvnnē mich betwīgē·
in enwelle froͤlich ſingē·
der vil liebē núwen ſang·
Wol mich dc ichs ie begvnde·
wol mich dc ichs ie geſach·
dú mir mines h̾zen wūde·
heilen kan vn̄ vngemach·
wil div liebe dc vol endē·
mit genadē troſt mir ſendē·
ſeht ſo froͤit min h̾ze ſich·
Ia vil mīneklichú mīne·
zeige dine gvͤte an mir·
ſit dv weiſt dc mine ſinne·
dienent vf genâde dir·
fuͤge dc dú ſelderiche·
lone mir genedekliche·
ei waſ ich danne ſingen wil·
