Ich beginne an im in diſem done

Ich beginne an im in diſem done·
d̾ gedꝛiet ſtat des name vn̄ d̾ ꝑſone·
deſ drien iem̾ ein ewig gotheit iſt·
da mit div mēſcheit wart gereinet·
got was ie ein núwes mēſche erſcheinet·
...
dú meſcheit bꝛaht vns zv̊ d̾ ewigē geniſt·
do ſi an dē krúze trůg die krone·
hie mit hat ih̾c criſt gar ellú ding beſloſſen·
geret tǒ dc d̾ gedeones vel hat begoſſen·
dc ſchepfˢ al der planetaγ wart geboꝛn·
vn̄ dē die elem̄te hant geſwoꝛn·
ſw̾ mit lobe in eret der vert genoſſen·

Ich twang einē geiſt vnzer mich w̾t·
kv́nftig ding vō kvnſt zeſehēne· ī einē ſw̾t·
ich ſach dar īne vil fúrſtē ligē tot·
ich ſah die kriechē ſere rīgen·
ich ſach ir kraft conſtantinopel betwingē·
ich ſach zwene bebſte reht zvnrehte bꝛīgen·
ich ſah da vō vil blatten wurdē rot·
vnt dc ec̄c̄a helfe gerte·
ich ſach do me rehtē gelǒbē ſtoͤꝛen·
ich ſach criſtē ê v̾werfē in dē hohſten choͤꝛen·
diſ ſach ich kv́nftig vn̄ hoͤꝛe ǒch wiſe meiſter iehen·
anticriſtes botten ſint geſehen·
d̾ begīnet manigē wiſen toͤꝛen^{[WS 1]}·

Herre iſt ein name d̾ hohſte ī dē richē·
h̾re dē gewalte kan ſich niht gelichē·
vō h̾ren gotte vn̄ d̾ w̾lde lieb geſchiht·
ſwa h̾ren tugēde an h̾ren heret·
ſwa ab̾ vntvgent h̾ren mv̊t v̾ſeret·
da hat h̾rē lib dē h̾rē namē gvneret·
vnher ſi h̾re des herheit man nv ſiht·
vs ſchandē pfat ī laſter wichen·
ein gemeiner mv̊t giht dc mangerm boͤſen h̾ren·
nie gewan der tot mvͤſe ſi vō den biderbē verrē·
ir doꝛnig h̾ze ir durkel rat· ir gellig mvnt·
hat verhowē da mā wc geſvnt·
dc mv̊s lange ir after kvnft gewerrē·

Anmerkungen (Wikisource)

1. Vorlage: toꝛen.