Ich wc vil vngewon (Mit originalen Lettern)

Ich wc vil vngewon·
des ich nv wonē mv̊s·
dc mich der mīne bant·
vō ſoꝛgē lieſſe iht fri·
nv ſcheidet mich da von·
ein vngemach̾ grůs·
der wc mir vnbekant·
nv iſt er mir als bi·
vil g̾ne w̾e ichs vꝛi·
mir en wart dú ſele noch d̾ lip·
deſwar nie lieber dāne mir ie wc ein wib·
dú eteſwēne ſpꝛach dc ſelbe w̾e ich ir·
nv hat ſis gar verkert her ze mir·

Des liebes habe ich mich·
dvr got vil gar bewegen·
es wer ein tvmber wan·
duhte mich des ze vil·
ia lies er wūden ſich·
do er vnſer wolte pflegē·
der im des lonē kan·
wie ſeliclich er tůt·
wir toben vmbe gůt·
nv lant mih tvſent lande han·
ê ich ſie dāne wiſſe ſo mvͤſte ich ſie lan·
vn̄ enwirt mir dar nach niht wā ſibē ſuͤſſe lanc·
vf beſſer lon ſtet aller min gedanc·