In miner beſten froͤide ich ſas

IN miner beſten froͤide ich ſas·
vn̄ gedahte wie ich dē ſvmer wolte leben·
do rietē mine ſinne das·
dc ich mir anders keinē troſt niht kan gegeben·
wan dc ich die ſwere gar v̾bere·
vn̄ iemer hohes mv̊tes wêre·
dc het ich gerne ſit getan·
wan dc ich v̾leitet bin vf einen lieben wan·
den ich noch leider vnuerendet han·

Hete ich vō dirre ſvmerzit·
doch zwene tage vn̄ eine naht·
mit ir ze redene^{[WS 1]} âne nit·
mit minē willen als ich gedaht·
dc mich deſ niemā wendē ſolte·
wie lúzel ich getrurē wolte·
ǒch lâſſe ich ſin vnu̾ſůchet niht·
ich wil ir iemer dienen vn̄ lob es ^{[WS 2]}ſwenne es geſchiht·
dc ſi mich niem̾mer vnfro geſiht·

Miſſebieten tůt mir niht·
vō wibē noh vō boͤſen mannē we·
ob ſi mich eine gernē ſiht·
was bedarf ich gůter handelvnge me·
lide ich iemenſ ſwaches gruͤſſē·
das mac ſi mir eine wol gebvͤſſen·
vn̄ wirde ich noch ſo ſelig man·
dc ſich min leit v̾endet dc ich vō ir han·
ſo froit mich dc ich ſin ie began·

Anmerkungen (Wikisource)

1. Vorlage: redēne.
2. Vorlage: lobes.