Jch mv̊s clagē

aus Wikisource, der freien Quellensammlung
Textdaten
Autor: Tannhäuser
Illustrator: {{{ILLUSTRATOR}}}
Titel: Jch mv̊s clagē
Untertitel:
aus: UB Heidelberg 266v und UB Heidelberg 267r
Herausgeber:
Auflage:
Entstehungsdatum: 13. Jahrhundert
Erscheinungsdatum: Vorlage:none
Verlag: Vorlage:none
Drucker: {{{DRUCKER}}}
Erscheinungsort:
Übersetzer:
Originaltitel:
Originalsubtitel:
Originalherkunft:
Quelle: UB Heidelberg und UB Heidelberg
Kurzbeschreibung:
In Originallettern. Vergleiche auch Ich mv̊s clagen mit aufgelösten Lettern.
Eintrag in der GND: {{{GND}}}
Bild
[[Bild:|250px]]
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]

[266v]

JCh mv̊s clagē·
dc bi kurzē tagē·
dv́ w̾lt wil an froͤidē gar v̾zagē·
dú iſt ſo kranc·
ſwc ich ir ie geſang·
zedienſte des ſeit ſi mir kleinē dank·
ein and̾ not·
glage ich ſvnder ſpot·
dc rehtú milte iſt an dē h̾rē tot·
alſo zel zemerſtē an
dē keiſˢ friderichē·
owe dc mā niht vindē kan·
ī allē tútſchē richē·
ein [267r] kúnik dē zeme wol
nach im des richeſ crone·
owe dc er niht leben ſol·
dē ſi ſtůnt alſo ſchone·
dc waſ d̾ milte kúnig heinrich
bi dem wc fride ſtête·
dc niemā tůt dē gelich
d̾ zv̊ dē riche trete·
vn̄ im mit truwē w̾e bi·
nv iſt d̾ kúnig erſtoꝛben·
vn̄ iſt dc rich gar erbes vꝛi·
dc bi iſt vil v̾doꝛbē·
des beſten landes ein michel teil
die wile vn̄ dc er lebt
kúnig kv̊nrat· da wc manig̾ geil
d̾ nach dē riche ſtrebet·
nv iſt aller ſchar gelegē·
wa ſiht mā noch ergleſtē·
alſ mā bi kúnigē hat gepflegē·
dē kvndē vn̄ den geſten·
vs beheim lande ein kúnig rich·
vn̄ ǒch ī oſterlande
ein lúpolt vn̄ ein friderich·
die leptē âne ſchande·
Ein ivng̾ fúrſte von miran·
vn̄ ǒch ein welf vō ſwabē·
die willeklichē manigē man
vil richer kleid̾ gaben·
ein ivnger helt vō abenberg·
vn̄ hug ein twingere[WS 1]
die woꝛhtē beide h̾ren werg·
ſi bv̊ſten manigē ſw̾e·
Ein h̾mā vs dúrīgen lant
dar zv̊ ein bꝛaband̾e·
Chv̊nrat vō lantſperg genant·
dar zv̊ d̾ bogener
deſ milte was· mir wol erkant·
wer erbet nv ir milte
erich[WS 2] vs denne machē lāt
dē gabe nie bevilte·
des tvgēde wankte niht ein har·
ſi iſt iem̾ ſtete· trúwe
da bi nim ich eines h̾ren war·
d̾ hat ſo ganze trúwe
vō bꝛennē ein grave dietrich
d̾ hat tvgēde ein wūder·
vil milt̾ got vō himelriche
gew̾ mich des beſvnder
an ſime ſvne Chv̊nrat genant·
die wile in treit dú erde·
ſo wúnſche ich des dvr ellú lant·
dc er gůt riht̾ w̾de·
vn̄ er begrife des vatt̾ ſpoꝛ
nach rechtes h̾rē lere·
die wile im gat dú ivgende voꝛ·
ſo hat ſin alt̾ ere·
alſo d̾ ivngē fúrſte w̾t
d̾ ſelbe vs dúringē lande
albꝛecht vil riches lob vf gat
gebꝛůd̾ âne ſchande·
vs bolon lande ein fúrſte w̾t
des wil ich niht v̾geſſen·
vꝛo ere ſin zallē zite g̾t·
dú hat in wol beſeſſen·
herzogē heinrich erē rich·
vō pꝛeſſela genant ·
dē wil ich lobē ſich̾lich·
min zvnge in wol erkennet·
het er tvſent fúrſtē gůt·
ſeit mā ī tútſchē richē·
dc v̾gebe ſin milter mv̊t·
vn̄ tet es willecliche·
fride vn̄ reht iſt vs geſāt·
vō ime vf ſine ſtrâſſe·
d̾ ivnge kúnig vs beheim lant·
d̾ lebt ī kúniges mâſſe·
w̾ geſach bi manigē zitē ie
ſo w̾des fúrſtē krone
als er in behein lande trůg·
dē ſi ſtuͤnde also ſchone·
got helf d̾ ſele vs grôſſer not·
ich meine die h̾rē alle
die ſin an reht̾ milte tot·
vn̄ ǒch mit erē ſchalle·
got ſetzes alle ī ſine ſchar·
ich wil vō fúrſten ſingē·
d̾ vinde ich leid̾ cleinē gar·
die nv nach lobe ringē·
an dē mā ie des beſtē iach
heinrich d̾ mizen̾e·
der ſine trúwe nie zerbꝛach·
d̾ iſt alles wandelſ lere·
er ſolte des riches krone tragē·
d̾ vatt̾ mit den kindē·
Ich kvnde nie bi minē tagē·
kein wādel an im vindē·
an hēnenb̾g vil erē lit·
mit tvgendē wol beſchoͤnet·
graue h̾mā ǒwe d̾ zit
dc d̾ niht wart gekroͤnet·
deſ mv̊s ich in vō ſchuldē klagē·
got gebe im doꝛt zelône·
nach ſiner wirde mvͤze er tragē·
ī himelrich die crone·
vs ſaxen lant h̾zoge albreht[WS 3]
d̾ wc d̾ fúrſtē lere·
er kvnde vns fride wol machē ſleht·
dú w̾lt hat ſin ere·
vō babēb̾g biſchof egebꝛeht·
den wil ich g̾ne gruͤſſē·
er was an allē tvgendē reht·
er kvnde wol kvmb̾ buͤſſen·
vs peier lant ein fúrfte w̾t
dē gruͤſſe ich mit geſange·
ſin h̾ze manger erē g̾t·
des milte mv̊s mich belangē·
ſin bꝛv̊d̾ heiſſet lvdewig·
d̾ hat d̾ tvgendē ein wūder·
Dē fúrſtē da vō bꝛvnenſwig·
behůte vns got beſvnder·
vō bꝛandēbvrg d̾ hof ſtet wol·
dē iſt alſo zemv̊te·
dc ſú ſint wiſheit alſo vol·
dú wiſheit ſtet nach gvote·
wa ſol ich h̾rē ſv̊chen·
die lobes nv gerůchē·
die ſol vꝛo ere wiſē·
ſw̾ rehtes lob kan ṕſen·
mit w̾des fúrſtē zvngē·
dē wirdet lob geſvngē·
ich wil dē fúrſtē nennē·
ob ir in welt erkennē·
Sin grůs vn̄ ǒch ſin lachē·
dc kā mir froͤide machen·
des mvnt iſt kúſche vn̄ ſvͤſſe woꝛt·
dc fuͤget niemā bc dāne reinē wibē·
ſit ir gvͤte hilfet mangē ſendē mā
d̾ in ir mīne bāden lit·

Anmerkungen (Wikisource)

  1. Vorlage: twinger.
  2. Vorlage: ere ich.
  3. Vorlage: albeht.