Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[122v]
Kvnde ich die mâſſe
ſo lieſſe ich den ſtrit·
der mich da mvͤget vn̄ lúzel v̾nahet·
der mich v̾leit
ze vaſte ī den nit·
ſwer ſich voꝛ liebe ze verre v̾gahet·
der wirt gebvndē·
von ſtvndē ze ſtundē·
als ich vil arme
nv erbarme
ich ſi niet·
dv́ mich nv lange alſo trurigē ſiet·
ſit ich ir dienē begvnde·
als ich kunde·
Mir hat dc h̾ze v̾raten den lip·
deſ wc ie flîſſig der můt vn̄ die ſinne·
dc ſi mich baten
ze verre vmb ein wib·
dú mir nv zeiget dc leit fúr ir mīne·
daſt an mir gar ein wunder
beſvnd̾
dc ich mich han v̾lan·
ze v̾re vf den wan·
d̾ mich ie trǒg·
vn̄ mir freiſlichē lǒg·
ſit ich ir dienen begvnde·
als ich kvnde·
