Mīne wc ſo túre dc mā ſi mit gv̊te
[305v]
Mīne wc ſo túre dc mā ſi mit gv̊te
niht kvnde v̾gelden·
nv lat ſi ſich vīde vil dike in dē mv̊te·
der wol ſtat zeſcheldē·
ſi iſt woꝛdē ſo geile· ſw̾ ſich ir wil nietē·
dē iſt ſi veile· kā er hohe mietē·
bi ſelhē meile wils ab̾ nv gebietē·
Mīne wc ir frúnden zeh̾te· ze here·
zeſtrenge aller dinge·
die da wilēt waren· ein hǒbt aller ir ere·
die wigt ſi ſo ringe·
ſtete vn̄ trúwe die ſmehet ſi ſere·
des kvmt ſi ī rúwe· wc iſt deſ nv m̾e·
ir ſitte nv́we benemēt ir alle ir ere·
Mīne iſt ir gewaldeſ hin hind̾ gedꝛūgē·
geneiget ir erē·
die ſi da wolde twingen· die ſīt vnbetwūgē·
die hohē die heren·
die hat ſi gebvndē· nv hant ſi ſich dien[WS 1] bandē
vaſte vs entwūden· mit h̾zen mit handē·
wil ſi einē wūden d̾ kan dc wol anden·
Do ſi ir ſpil geſellē v̾keren· begvnde[WS 2]·
do wart ſi bekrenket·
an dē alle ir ere ſtv̊nt zaller ſtvnde·
wie ſi den nv wēket·
ir ſtrike die bvndē· verre vn̄ witē·
dc ir niht kvndē· die ſtarkē geſtriten
nv iſt ſi vb̾ wūden· geleit an die ſiten·
We wc ſpꝛiche ich tvmb̾ dc mīne ſich laſſe· v̾leitē mit gv̊te·
neī es iſt vnmīne dú v̾t ī v̄maze
mit wākēdē mv̊te·
der ſten ich zevare vn̄ ṕſe ſi kleine·
mīne dú klare dú ſvͤze vn̄ dú reine·
dú iſt zware vꝛi voꝛ allē meine·