Mich hilfet niht der vogel sanc

Mich hilfet niht der vogel sanc·
noch dú vil gruͤne heide·
mich twinget dc mich ê da twang·
vnd tůt mir aber leide·
den abent den morgen·
den sten ich mit sorgen·
vor der vil minnenklichen·
vnd nême si den dienest min ich wolde an froͤiden richen·

Ich solde wol in froͤiden sin·
wolde es min liebú frǒwe·
ir mvnt ist rot ir ǒgen schin·
die ich so selten schowe·
si liebe si reine·
si troͤstet mich kleine·
si wont mir in dem mv̊te·
swas ich ir gedienen kan si tv̊t mir niht zeguͤte·

Nv helfent mir die lieben bitten·
die minnenklichen frǒwen·
dc si dur ir reinen sitten·
min arbeit beschowen·
den schaden den kvmber·
den ich von ir tvmber·
lide ich bi minen iaren·
owe nv weis ich leider niht wie ich mich sol gebaren·