Min h̾ze hat minē ſin

Min h̾ze hat minē ſin·
wilt ze iagē vs geſanc·
d̾ vert nah mit minē mv̊te·
vil gedāke vert voꝛ in·
den iſt das vil wol bekant·
dc dc wilt ſtet ī der hůte·
bi d̾ der ich dienſtes bin bereit·
ir ſin ir mv̊t ir gedenkē·
kā voꝛ in mit kvnſte wenkē·
wol bedoꝛft ich fvhſe kv́ndekeit·


Wie wirt mir dc ſtolze wilt·
dc iſt ſnel wiſe vn̄ ſtark·
ſnel gedenkē vert voꝛ winde·
wiſer ſin bi mēſchē ſpilt·
ſt̾ke ī lěwē ſich ie barg·
d̾ gelich ir mv̊t ich vinde·
ir ſnelheit mir wēket hohe ēboꝛ·
ir wiſheit mich vb̾windet·
mit ir ſt̾ke ſi mich bindet·
ſus ir ſchoͤne toꝛte mich hie voꝛ·

Trurē mit gewalt hat·
gankert ī mines h̾zen grūt·
da vō hoh̾ mv̊t mir wildet·
froͤidē ſegel vō mir gat·
w̾der troſt^{[WS 1]} iſt mir niht kvnt·
ſiſt mir in dē mv̊t gebildet·
wol v̾ſigelt vn̄ beſloſſē da·
ſā d̾ ſchin iſt in der ſvnnē
dv́ bāt hant die kraft gewūnen·
dc ſú bꝛeche niht deſ grifen kla·

IR vil liehtē ǒgen blig·
wirfet hoh̾ froͤiden vil·
ir grůs d̾ git ſelde vn̄ ere·
ir ſchoͤne dú leit dē ſtrik·
d̾ gedanke vahen wil·
des git ir gedanke lere·
mit zuht dc irs niemā wiſſen ſol·
ſwes gedenkē gegē ir ſwinget·
mīne den ſo gar betwīget·
dc er git gevangē froͤiden zol·

Mīne vert vil wildē ſtrich·
vn̄ ſv̊chet trúwē ſpoꝛ·
zv̊ d̾ wirte wil ſi pflihten·
wūderlich ſi liebet ſich·
ſi ſpilt im mit froͤidē voꝛ·
wūſches wils in gar berihtē·
mit gedankē ſi im entwerfē kā·
wūneklich in ſime ſinne·
h̾zelieb von dē gewīne·
ſcheidē mv̊s ſw̾ trúwe nie gewan·

Anmerkungen (Wikisource)

1. Vorlage: toſt.