Mir tůt ein ſoꝛge we ī minē mv̊te

MIr tůt ein ſoꝛge we ī minē mv̊te·
die ich hin hein zelieben frúndē han·
ob ſi da iender gedenkē min ze gůte·
als ich ir hie mit trúwē han getan·
ſi ſolte mich dvr got genieſſen lân·
dc ich ie bin geweſē in groſſer hůte·
dc ſi iemer velſch kvnne an mir verſtan·

Swer wenet dc min trurē habe ein ende·
der enweis niht was mir an mime h̾zen lit·
ein kvmb̾ den mir niemā kan erwēden·
es tête danne ir mīneklich̾ lib·
die ſoꝛge han ich leider âne ſtrit·
ſine welle mir ir botten ſenden·
dem ich v̾wartet han voꝛ menger zit·

Swie mir der [tot] vaſt vf dem ruggē w̾e·
vn̄ dar zv̊ menig vngemach·
ſo wart min wille nie dc ich ſi v̾bere·
ſwie nahē ich den tot bi mir ſach·
da menig man d̾ ſv́ndē ſin v̾iach·
do wc dc min almeiſtú ſwere·
dc mir genade nie vō ir geſchach·