Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
[[index:|Indexseite]]
[203r]
Nv hat rife vn̄ ǒch der ſne geſwendet·
al des lieben meien bluͤte·
walt vn̄ heide man nv bloſſe ſihet·
den wirt alle ir not gewendet·
ſwenne in kvmt des ſvmers guͤte·
der froͤwet ſi ſo han ich troſteſ niht·
an das eine ob mich dú gv̊te
troͤſtet nach der mir iſt we·
ſo lebe ich in hohem mv̊te·
mich gefroͤite nie blv̊mē noch der kle·
Si hat manig̾ tvgende gewalt·
dú vil ſvͤſſe ſelic reine·
dú mich hat ī ſenēden kvmber bꝛaht·
ſo iſt ir twingē manic avlt·
der die ich in trúwē meine·
ſi lat mih v̾ſchinē in ir aht·
wolte ſi mir zeiner ſtūde·
noch ein lieblich kv́ſſen geben·
vō ir roͤſelehtem mvnde·
des gedingē wolte ich aber leben·
