Nv iſt es an ein ende komē dar nach ie min h̾ze ranc

Nv iſt es an ein ende komē dar nach ie min h̾ze ranc·
das mich ein edelú frǒwe hat genomē in ir getwanc·
d̾ bin ich woꝛden vndertan·
als dc ſchif dē ſtúrman·
ſwāne der wag ſin únde alſo gar gelâſſen hat·
ſo hoh owi
ſi benemet mir mange wilde tat·

Ia hoͤꝛe ich vil der tvgende ſagen vō eime ritter gůt·
der iſt mir ane mâſſe komē in minen ſteten mv̊t·
dc ſin zekeiner zit min lip·
mag v̾geſſen redte ein wib·
nv mv̊s ich alder w̾lte habē dvr ſinē willen rât·
ſo hoh owi
wol ime wie ſchone ir das gedienet hat·

Wie moͤhte mir min h̾ze w̾den iemer rehte frůt·
dc mir ein edelú frǒͤwe alſo vil zeleide tůt·
der ich vil gedientet han·
als ir wille wc getan·
nv wil ſi gedēken niht der mangē ſoꝛgē min·
ſo ho owi
ſol ich ir lange froͤmde ſin·