Nv wúnſchent alle der ſvͤſſen
[228v]
Nv wúnſchent alle der ſvͤſſen·
das ſi mich noch meine·
in der liebe als ich ſii·
vn̄ das ir loſlichs gruͤſſen·
mich doch twinge alleine·
des wúnſchent ǒch mii·
ſwenne ich ir wangē·
bedenke vn̄ ir munt·
ſo hat mich gar zit geuangen·
dv́ vil zarte reine·
mir wart froͤide enzunt
Ich ſach ir munt ſam ein roſe·
ſwer des kvnde warten·
an ir wengelin·
da bꝛach dur wis rot ſo loſe·
das ich tet vnrecht hopphe garten·
nant ich gruͤbelin·
voꝛ ſendem ſmerzen·
wart min froͤide gantz·
ſi hies ie trut in dem herzen·
die wile daſ wir ſparten
der ſchoͤne glantz·
Secht[WS 1] an ir munt in ir ǒgen·
bꝛuͤfent ir kinne·
vn̄ merkent ir kel·
der ich můs iemer vil tǒgen[WS 2]
lip vn̄ ſinne
an ir gnade bevel·
dv́ iſt an ênde·
gewaltig nu min·
ich valde ir hertze vn̄ hende·
genade keiſerinne·
ich můs din eigen ſin·