Ob allen frowē frowe
[351v]
Ob allen frowē frowe·
reinv́ mv̊t̾ vn̄ maget·
hoh erboꝛne goͤteſ tohter vn̄ ſin bꝛvt·
wer kan diner tvgende richheit volleklich erzeln·
roſe in himel tǒwe·
ſvnd̾ ſv́nde doꝛn bedagt·
dv biſt voꝛ dē creatúrē gotes trut·
er gerůchte dich vſ al der w̾lte im ſelbe erweln·
din lob iſt allē zvngē vb̾krepfig vn̄ zeſtark·
wer koͤnde ſelke kraft erſpannē·
got ſich mēſchlich in dir barg·
ſvnd̾ mānes helfe din lib dē gebar·
dē alle kúnige mvͤſſen mānen·
ǒch dient im d̾ engel ſchar·
dv biſt aller frowē ſchilt vúr trewiſ·
den in eva bꝛahte vmb einē kleinē apfels bis·
Svnd̾ beſich die ſtrâſſē·
in d̾ w̾lte war ſi gan·
wānen dv ſîſt komē ald̾ wie din leben ſi·
war dv welleſt ſo dv mit d̾ w̾lde vúr dich verſt·
ſich wie ſi hat gelâſſen·
die die ſi niht woldē lân·
la die w̾lt ir wont ein biter ende bi·
ſich vúr dich die ſtraze wie dv die zv̊ dē tode kerſt·
ſih hind̾ dich wie not dir vō dē reinē ſchoͤpfer iſt·
des lib ſich an dc krúze here[WS 1]
vúr vnſich bot d̾ ſvͤſſe criſt·
wilt dú deſ gedenkē was er dvr dich leit·
ſich vb̾ dich was wūne vn̄ ere
dir zehimel iſt bereit·
vn̂der dir beſich die iem̾ w̾nden not·
in d̾ helle ſchúhe vn̄ flúhe· dē eweklichē tot·
Dv́ w̾lt hat manig wūd̾·
vf dē lande vn̄ in dē ſe·
des wir niht beſchowē mvgē dc iſt vns kvnt·
vō dien bv̊chen vn̄ ǒch vō der wiſē lúte ſage·
mich wūdert gar beſvnd̾·
wie dú erde ſtille ſte·
wa der wag an ruͤre grundeloſen grūt·
wie dú naht ſich b̾ge voꝛ dē liehteb̾ndē tage·
deſ laſſē wir dē ſchepfer walden d̾ weis ſin geſchaft·
vn̄ merkē an die tv̄bē lúte
die niht vúrhtēt gotes kraft·
iegelich creatúre erkēnet wol ir zit·
niht her [352r] wan dú tier ī menſchē húte·
dú ſint gotes wider ſtrit·
vſſen menſchē vn̄ innē wolf· nv fris dc lamb·
ſwc nih an dē hanē ſi dc roͤter doch der kamb·
Ze rome ſtv̊nt gemalet·
liſteklich an eī ner wāt·
manig lant ieglichē hieng eī gloͤglin obe·
ſaſte ſich d̾ keines wid̾ deſ ſchelle lute ſich·
da wart niht me getwalet·
romer fůrē vs zehant·
vn̄ betwūgē es dē riche ſa mit lobe·
lute mā zeſturme in allē landē duhte mich·
dē riche nv kleine hilfe keme da vō nimt es abe·
pfaffē fúrſtē hant niht rehte
infel vf hǒbet krvmb̾ vf ſtabe·
dienſtmā mv́nze zoͤlle in ache ſtat d̾ ſtv̊l·
d̾ babeſt hat deſ ſtabeſ nv dc ſlehte·
ſi malent ǒch da d̾ keiſer mv̊l·
deſ richeſ ſīt die klien ſo wirt ī der kern·
da vō lant die h̾ren dc riche kv́niges wol embern·
Wan balſemt edelliche·
vúr deſ argē rukes ſmak·
dc ein toteſ bilde deſte lāger wer·
wc ſvln wir dien tvgendeloſen ſtrichē an·
dc in dú erge entwiche·
balſme in niht gehelfen mag·
vúr dē ſiechtv̊n iſt niht gv̊t wan eren ger·
d̾ die wol beſcheidenliche an ſich ſtrichē kan·
ein gv̊t behv́gde iſt beſſer dāne ſi des balſmē troꝛ·
ſi wirdet totē vn̄ lebendē·
ſi treit wunſch in gotes oꝛ·
ſi hat manigē voꝛ d̾ helle vúr ernert·
got gab vn̄ git noch gerne gebendē·
riches argē lob veruert·
ſam ein krak d̾ vō dē donrē bꝛinget ſchal·
dar zv̊ ſenket in ſin habe in iemer w̾enden val·
Die froͤſche wilent nâmē·
ein geſchꝛe dc rǒ ſi ſider·
zv̊ zir gote d̾ ſolde in einē kúnig gebē·
alſo ſchꝛiwē ſi tag vn̄ naht vs einē witē ſê·
do lieſ er einē tramē
vf ſi vō d̾ hoͤhe nid̾·
dē er voꝛhtē ſi bis er begvnde ſwebē·
vf in hvbtē ſi zehant vn̄ ſchꝛiwē nach kv́nige als e·
do ſant er einē ſtoꝛch al dar der ſlant ſi ſvnd̾ zal·
wir ſin die froͤſche die da ſchꝛient·
dc riche iſt des tramē val·
vf ſint geſeſſen arge froͤſche nv·
die ſint des riches erē vient·
ſtoꝛche wēne kvmeſt dv·
die des riches[WS 2] erbe ſlindēt d̾ iſt vil
trib ſi wider in eigē hol der dú niht ſlindē wil·
Sw̾ git d̾ iſt d̾ w̾de·
ſw̾ niht en hat der iſt vnwert·
alſo ſpꝛach ein kv́nig d̾ was dauit genant·
ich hate manigē liebē frúnt do ich bi gv̊te was·
die ſmahēt mich vf erde·
ir keiner min zefrúnde gert·
dien ich dike han gebotten mine hant·
die kerent mir den rugge zv̊ ſi ſint mir mit gabe las·
ich weis vil wol ſw̾ ſelbe iht hat· dc iſt gv̊t vúr dē zoꝛn·
ſchade ſcheidet liebe mage
die doch vil nahe ſint geboꝛn·
dc liebe kīt die mv̊t̾ ſin dú es gebar·
dē vat̾ gruͤſſet es vil trage·
vn̄ nimet ſin vil kleine war·
in armē mānes mv̄de ertrinket wize vil·
ſw̾ in dē ſekel niht enhat dc iſt ein h̾teſ ſpil·
ICh̾e der wund̾ere·
dv biſt einer dv biſt dꝛi·
dv wer ie vn̄ mvͤſt ǒch iem̾ ewig ſin·
doh darvnd̾ woldeſt dv d̾ wund̾ niht enb̾n·
dc dih ein magt gebere·
kv́ſche vn̄ alles wandelſ vꝛi·
ein blvͤndú g̾te vō ýeſſe d̾ ſeldē ſchꝛin·
din gebvrt dú kan vns armē manig̾ froͤiden w̾n·
vō dē ſvͤzen woꝛte aue da vō din lib enpfie·
dē w̾dē hohgeloptē got·
d̾ an dc krúze dvr vns gie·
vn̄ adamē loſte vn̄ ǒch die helle bꝛach·
ſin zeh̾ vn̄ ſin weinē·
wante vnſer[WS 3] vngemach·
ſo bit ich dih hoh gelopte trinitat·
dc dv mir zen froͤidē helfeſt dú da niht zergat·
Troſt al d̾ kriſtenheite·
xp̄es mv̊t̾ vn̄ magt·
ſvnd̾ galle ein tvbe ſvnd̾ roſe ein doꝛn·
reinú arke wol gewoꝛht vúr alle vnkúſche frůt·
nv biſt dv min geleite
ſit din ſvn dir niht v̾ſeit·
an dē ende wende frowe ſinen zoꝛn·
ich weis wol ſweſt an in gerſt dc er dc alleſ tůt·
dv mane in ſis gewalteſ ſit dc er gewaltig iſt·
dv mane in ſin̾ wiſheite·
ſit dc er dú wiſheit iſt·
dv mane in ſinr erb̾mde dv́ iſt ſo manigvalt·
ſit dc dv tvgēden walteſt frowe·
ich bin in ſv́ndē woꝛdē alt·
d̾ en kvnde niht ſo vil vf mir geſin·
dinr erb̾mde ſi noch me genade erbarmerin·
Got d̾ vs einē ſteine
vꝛiſches waſſer vlieſſē hies·
dc ein ganzeſ her vn̄ als ir vihē getrank·
in einer wuͤſtvnge da nie bꝛv̄ne mer geflos·
hilf mir dc ich beweine·
ſv́nde d̾ ich niht enlies·
in d̾ ivgēde deſ dú menſcheit mich betwang·
din ſvn an dē [352v] krúze blůt vn̄ waſſer vúr vns gôs·
nah dē alle kriſtē heiſſen vn̄ dú kriſtenheit·
diner wund̾ iſt niht eines·
din kraft himel vn̄ erde treit·
mēſchē ſin vn̄ ir gedank ſīt dir wol kvnt·
es wart nie troͤpfel alſe kleines·
an des tiefen meres grvnt·
dv dvrzelſt es wol vn̄ aller waſſer gries·
din wiſheit got h̾re ob aller wiſheit w̾dē lies·
Manig̾ ſaget mere·
vō rome dú er nie geſach·
alſo wil ǒch ich úch ein mere ſagē·
ein ſnegge vúr einē lehpart wol tvſent klaft̾ lang ſpꝛang·
dc mer ſtat waſſers lere·
vō einer tvbē dc beſchach·
du trāk es vs dc hôꝛt ich zwene viſche klagē·
die vlugē da her vō nifen vn̄ ſvngē nv́wen ſang·
ein haſe zweine winde vieng do ſi in ſoltē iagē·
do ſach ich ſtarker wolve viere·
die hat ein alteſ ſchaf erſlagē·
do ſach ich einē reiger eines habches gern·
vn̄ viēg in in dē lúftē ſchiere·
do ſah ich einē wîſſē bern·
dē vieng ein wild̾ eſel an des meres grunt·
deſ half im ein ſalamād̾ dē warē div waſſer kvnt·
Ein wūd̾liches kund̾·
gargō es geheiſē wc·
wilent ſwer dc hǒbet ſach d̾ wart ein ſtein·
bi d̾ zit ein ritt̾ lebte d̾ hieſ antheus·
dē nā des michel wūd̾·
dc niemā voꝛ im genas·
er wart in ſinē mv̊te deſ enein·
dc er macht ein kriſtallin ſchilt vn̄ trůg dē ſvs·
voꝛ ſinē ǒgē er ſach es dur dē ſchilt vn̄ ſtreit
mit im· er ſlůg es ſo māliche·
dc mā es noch vō im ſeit·
ir w̾dē fúrſtē m̾kent diſen liſt·
dē ritt̾ ſvlt ir úch gelichē·
ſwa ein valſcheſ hǒbet iſt·
ſecht es dvrh erē klarē ſchilt·
vn̄ ſlahet es wā es keiner arg̾ dinge niht bevilt·
Dú tier zeſamne kamē·
vn̄ woltē einē kúnig weln·
eln vn̄ vrn wiſent vn̄ helfant lewē vn̄ bern·
hirz vn̄ einhoꝛn ſwc vier bein hete des kom vil aldar·
miſſlichē krieg ſi namē·
des enkā ich niht erzeln·
ein krotte dú kam ǒch dar dú wolte niht enb̾n·
ſi wer an d̾ wal deſ namē dú tier dvr ſpottē war·
ſi ſpꝛach ich hā ǒch vier bein ich wil hā dc kúnigriche·
d̾ lewe ſpꝛach boſheit var v̾waſſē·
dv biſt tierē niht gelich·
ſi blâte ſich noch groſſer hie mitte ſi gar zerbꝛaſt·
dc diſ biſpel kvmt dē zemâſſen·
die erē gern vn̄ ſint ir gaſt·
da vō dc nature an im niht tvgēden treit·
ſwa vꝛo ere wol gevert dc iſt vꝛo ſchandē leit·
IN elem̄tē vieren·
vier geſchepfde hāt ir lebē·
in dē luft ein vogel vn̄ in dē wage ein viſch·
ī dem vúr ein wurn vn̄ in d̾ erde ein klein tierlin·
vogeln viſchē tieren·
wúrmē hat got ſelch nature gegebē·
dc ein iegſlichs iſt in ſiner arte vꝛiſch·
vn̄ dú dē w̾den mēſchē mv̊zen vndertenig ſin·
die meiſt̾ iehēt dv́ w̾lt dú ſi alſvs geteilt in dꝛů·
ein teil heiſ vn̄ gar vnfrúhtig·
da wahſet wed̾ koꝛn noch ſpꝛú·
dc ander kalt dc kein mēſche darvffe niht belibē mag·
dc dꝛitte iſt luftig vn̄ genuhtig·
dar inne vindē wir beiag·
dc wir vns voꝛ hvnger vn̄ voꝛ dvrſt ernern·
da bi ſvln wir vnſer tage nach gotes hvldē zern·
Es ſpꝛechēt zwiuelēre·
ſang vn̄ froͤide ſi v̾uarn·
noch wil ich mit ſange kv́ndē vn̄ ſagē·
es lebt noch manig̾ w̾d̾ man d̾ ſchoner vꝛoͤidē gert·
gv̊t zit iſt froͤideb̾e·
mā ſol ſang wilēt bi wilē ſparn[WS 4]·
die vogel ſingent niht wā bi dē liehten tagē·
des húre iſt mit zal ein iar dc nennet mā ein vert·
ein tag ein woche ein manot ein iar gent nach ein ander hin·
d̾ abent dv́ naht vn̄ d̾ moꝛgē·
golt ſilb̾ moͤſching bli vn̄ zin·
kvpfer ſtahel vn̄ iſen dc v̾ſwindet ǒch·
ſw̾ ellú ding wil vberſoꝛgen·
d̾ dunket mich d̾ ſinne eī gǒch·
zît hat ere zuht hat zierde· mâſſe iſt gv̊t·
ere wer gewī gefuͤge ſchimpf ſvͤze git ſenftē mv̊t·
Des vnd̾n vn̄ des mittern·
vn̄ d̾ hohē iſt ſo vil·
dc es mēſchē ſin niht vol reken kan·
ſwc miſſelich iſt vn̄ alles dc ſich noch gemiſchē mag·
des ſvͤſſē vn̄ deſ bitt̾n·
ſw̾ dē ſmak erkēnē wil·
dē betrúget liht ein miſlich dar od̾ dan·
wc vier elemēte geſchefte ſi die naht vn̄ ǒch dē tag·
ſwc fluzet flúget ſwīmet krúchet ſtet [353r] get oder kriſt·
wie ſich die ſt̾nē in lǒfe ruͤrent·
wie d̾ himel geechſet iſt·
ſibē planetē kraft d̾ heiſſen ſnvͤre mes·
ſwa ſi donre vn̄ wint hin fuͤrent[WS 5]·
ſwa d̾ abgrunt hat ſinē ſez·
regens tropfe erzeln mers gries graſ vn̄ lǒb·
ſwa ſich der regēboge nimt in kleiner ſvnnē ſtǒp·
Lebt vō d̾ vogelweide·
noh min meiſt̾ h̾ walth̾·
d̾ venis d̾ vō rugge zwene reimar·
heinrich d̾ veldeggē wahſmv̊t rubin nithart·
die ſvngē vō d̾ heide·
vō dē mīne w̾den her·
vn dē vogeln wie die blv̊mē ſint gevar·
ſāges meiſt̾ lebent noh ſi ſint in todeſ vart·
die totē mit dē totē die lebēdē mit dē lebēden ſin·
ich voꝛd̾te zegezúge·
vō heinb̃g dē h̾ren min·
dē ſint rede woꝛt rime ī ſpꝛúchē kvnt·
dc ich mit ſange niemā trúge·
lihte vinde ich einē vunt·
den ſi vundē hant die voꝛ mir ſint geweſen·
ich mv̊s vſ ir gartē vn̄ ir ſpꝛúchē blv̊mē leſen·