Ren ram rehte rate enrůche nach meiſterlicher oꝛdē
[414v]
Ren ram rehte rate enrůche nach meiſterlicher oꝛdē·
wie mag dc wunderliche wūd̾ ſin genēnet·
es wc ein kīt vn̄ wart ein mā· vn̄ iſt ein kīt gewoꝛden·
dc wūder iſt vúr wūder wūd̾lich erkennet·
es iſt ein ren der wildekeit· ein ram d̾ vmbehende·
zúht ein rint
voꝛ alt̾ get es hinder ſich· ſin lob hat wid̾ wēde·
dc wūder kint
treit gra gevar· geſtopfil har vf kindeſ kinne·
es iſt genāt nv rate wirs dv deſ namē inne·
Dv́ ſwalwe vehet die mvckē· vúr dē valkē dc ſie baget
dē ertflůg vn̄ deſ wippers ſweif kan ſi bas vͤbē
ir armē qwittel ſchúrphen ſnar ǒch ſange laget·
ſi wil mit liſtē aller vogel doͤne pruͤbē·
dú lerhe vn̄ ǒch dú nahtegal· mv̊zē vō d̾ ſwalwē
v̾dultē ſpot·
dc iſt mir leit ich klage es mere· dēne ob̾ die lǒber valwen·
ach h̾re got
wie ſol ein toꝛe w̾dē wiſe d̾ ſich v̾giſſet·
vn̄ zirket froͤmde kv́nſte er die ſinē núzet·
Der kúnig Nabuchodonoſoꝛ· ſach in eime trǒmē
eī bilde vō erdē an dē himel reichē·
dē wc dc hǒbet gvldin wūd̾lich des nā gǒm·
bꝛvſt vn̄ arme ſilb̾in· dē ſelbē zeichen·
d̾ buch erin geſchaffē was· dú diech vō h̾tem ſtahel
iſenin dú bein·
die fuͤſſe erdin· ... dc bꝛach zemale
ein grôſſer ſtein
d̾ kam vſ einē b̾ge an ellú werk· alleine·
d̾ ſtein zereip das bilde vn̄ zebꝛach es kleine·
Das hǒbt gvldin iſt dú kriſtēheit· vn̄ alle kriſten·
ſwēne ſo d̾ mēſche ī ſime tǒfe wirt gereinet·
ſo iſt er lut̾ als eī golt· wil got ſin lebē vꝛiſtē·
ſo nidert in dú ſv́de ſam dc ſilb̾ meinet·
iſt er dāne ſv́ndē vol in ſinē mittē iare·
eirin var·
ob er ſih ſelbē lútert niht· er wil v̾hartē zware
ī ſv́ndē gar·
ſo kumt ſin alter vf dú bein múrbꝛvchig iſen·
ſo bꝛechēt im die fuͤze erdin dc er mv̊z riſen·
Se erzúrnet ſich d̾ ſtein· d̾ vs dē b̾ge kvmt gelǒfē·
er lǒfet vf dē ſv́nd̾ dc er gar zerbꝛichet·
welhes iſt d̾ ſtein· dc iſt d̾ got d̾ ſich lies ih̾c tǒfē·
d̾ berg iſt maria vō der mā wūd̾ ſpꝛichet·
got wc âne aller ſv́ndē meil· in ir vō ir zekinde
wart er geboꝛn·
er iſt d̾ ſtein ſi iſt d̾ berg· ſī lǒf wirt vil ſwīde
ſwer iſt v̾loꝛn
gar eweklich vn̄ alſo lange in ſv́ndē belibet·
dc in d̾ ſtein alſā dc bilde gar zeribet·
Der liebē ſvͤzen miltē h̾rē angeſiht mih froͤwet·
dc ich vō h̾zelicher liebe mv̊ſ erſchꝛikē·
mī h̾ze hupfet māgen ſpꝛvng· mir iſt vil vngedꝛewet·
ſwēne ich ſihe getrúw̾ h̾ren ǒgenblikē
dvnket mich dc firmam̄te[WS 1] planetē vn̄ ſt̾ne·
mir nahē ſin·
dc ich getrúw̾ h̾rē ǒgeblike ſihe· ſo g̾ne·
d̾ ſvnnē ſchin·
mich froͤwet niht· ſo wol ī ſvmelicher ſtvnde·
als eī grv̊s vō eineſ ſvͤzē h̾rē mv̄de·
Anmerkungen (Wikisource)
- ↑ Vorlage: fimam̄te.