Riche wât hat an geleit (Mit originalen Lettern)
[293v]
Riche wât hat an geleit·
walt anger vn̄ dv́ heide bꝛeit·
der ſvmer gap dv́ ſelbē kleit·
abrelle mas der meie ſneit·
wêher wât wart nie bereit·
ſit der w̾de ſvmer gît·
dvrch rehte milte dv́ an im lit·
ſvs riche gabe ſvnder niht·
des ſingent vogel wider ſtriht·
ſin lop in den landen wît·
dar zú pfifet ſuͤze gar·
manig nahtegal dar dar·
ſwer es rehte nimet war·
ſo ſpꝛichet al der blůmen ſchar·
als an einē danze var·
Welt ir ſchǒwen richer wât·
noch bas geſnitten vn̄ genât·
dv́ rehte gar ze wnſche an ſtât·
ich wils geſagen eſt kein rât·
ſeht min herze liep ſi hât·
wiſſent das ir mantel ſî·
vꝛo ere vn̄ tv̊t ſi ſchanden vꝛî·
dv́ ander wât ſtêt wol der bî·
daſt minnekliche ſchoͤne ahî·
ſi iſt der wnne ein blvͤndes zwî
riche ſelde ân allen has·
[294r] gab dis kleit dv́ zuht es mâs·
kv́ſche ſneit bas vn̄ bas·
dv́ reinekeit dvrch nâte das·
tvgende nihtes dꝛan vergas·
Ich bin nakent vn̄ blôs·
an froͤide vn̄ iſt min truren grôs·
mir gent die ſúften mangen ſtos·
nah ir bi der mich nie verdꝛôs·
iamer iſt mī hv̂s genôs·
trût nv ſten ich ſchamelich·
den mantel oꝛt ſwenke vmbe mich·
ein vmbevahen das meine ich·
fúr tvſent zoͤbel liep nv ſpꝛich·
alſo willich kleiden dich·
Hei min liehter meien ſchī·
mis dis kleit mv́ges geſin·
volleklich vn̄ ſnide phin·
ſtelle wol das mv̊der min·
aller tvgende meiſterin·