Seite:De Zimmerische Chronik 1 462.jpg

aus Wikisource, der freien Quellensammlung
Fertig. Dieser Text wurde zweimal anhand der Quelle korrekturgelesen. Die Schreibweise folgt dem Originaltext.
Maisterlich soll uf dem schilte sin.
Beschaw helm, weiß, silberin.
Erst sag ich von dem zimber stille,
Rotfarb als ain corylle.
5
Noch soll uf dem helm ain hirßhals ston
Und ain gehürn mit zwelf enden hon,
Nit anders, dann gel oder guldin,
Das soll des gehürns farb sein.
Heret von der helmdecke sagen,
10
Es werd gefürt oder getragen,
Rot und gel soll sie wesen,
Zerschniten und zerfesen.
Über das wappen steck ich ain zil.
O Iesu, hilf uns armen vil;
15
Maria, thu dein hilf und schein
Ewigclich vor helle pein;
Erwirb uns armen gnad,
Setz uns in den hechsten gradt;
Königin aller eren wert,
20
Im himmel und uf erdt
Rufen dich alle Cristen an.
Christ, der schöpfer lobesan,
Hat dir ie nichts versagt,
Er halt dich, muter und magt;
25
Tröste uns in der letsten zeit,
Cum uns zu hilf in dottes streit.
Erst will ich mich letzen[1],
Terst ich mein mainung setzen;
Es wer villeucht nit iedem schimpf,
30
Recht heren mit glimpf;
Ainer möcht vileucht sprechen quare?
Datum sag ich uf letare.
Es wurt vil verantwurt mit schweigen.
Recht und billich soll man neigen
35
Ewigclichen der driefalt.
Laß das endt sein, do man zalt
Tausend und noch vierhundert,
Es werden wol besonder,
Richt noch zwai mit namen.
40
Redent alle sament amen.

[A178b] Mitlerweil als herr Johanns Wörnher in Siria gewest, ist ain großer landtsterben fast durch die ganz deutsch nation und insonderhait im land zu Schwaben einbrochen, welcher vill volks hingenommen, derhalben herr

45

Wörnher sampt seiner sonsfrawen, auch seinen enklen und enklinen eilendts geen Wildenstain gewichen, alda, bis sich die lüften etwas gepesseret und der sterben zu Messkirch

  1. ↑ letzen] correctur von anderer hand.
Empfohlene Zitierweise:
Froben Christoph von Zimmern: Zimmerische Chronik. Band I. Herausgegeben von Karl August Barack. Akademische Verlagsbuchhandlung von J. C. B. Mohr, Freiburg, Tübingen 1881, Seite 462. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:De_Zimmerische_Chronik_1_462.jpg&oldid=- (Version vom 12.4.2018)
Von „https://de.wikisource.org/w/index.php?title=Seite:De_Zimmerische_Chronik_1_462.jpg&oldid=3110024“