Seite:Der Swangern frawen vnd hebamme n roszgarte n.pdf/9

Dieser Text wurde anhand der angegebenen Quelle einmal korrekturgelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.

	Eucharius Rößlin: Der Swangern frawen vnd hebammen roszgarten

Wir Maximilian von gottes gnaden Erwölter Römischer keiser / zu allen zeyte merer des reichs in Germanien / zu Hungern / Dalmacien Croacien etc. Künig / Ertzherzog zu Osterich / Hertzog zu Burgunde / zu Braband / vnd Pfaltzgraff etc. Bekennent Als der Ersam vnser vnn des Richs lieber getrüwer Eucharius Rößlin doctor der Ertzney / Erlich tractat vnd bücher / dem gemeinen nutz / Vnn sunderlich den schwangern frawen vnd iren neugeboren kinden zu fürdrung vnn güttem gemacht / vnd trucken vnd vßgon zu lassen willens ist / Das wir im demnach dise besunder gnad vnd fryheit gethon vnd gegeben haben / thun vnd geben ime die auch hie mit wissentlich in krafft diß brieffs / Also das niemands in was wurden / stands oder wesens der sey /die selben bücher In sechs iaren den nechsten nach datun diß vnsers keyserlichen brieffs volgend / die nit nachtrucken. Vnd ob die vsserthalb des heiligen Reichs vnn in frembden Nationen / teutschen oder andren zungen getruckt würdent / Die selben in dem heiligen reich nit feyl haben / verkauffen oder vertreiben solle. Vnd gebieten daruff allen vnd yeglichen Churfürsten / Fürsten / geistlichen und weltlichen Prelaten / Grauen / Fryen / Herren / Rittern / Knechten / Hauptlüren / Vitztumben / Vögten / Pflegern / Verwesern / Amptlüten / Schultheissen / Burgermeistern / Richtern / Reten / Burgern / Gemeinden / Vnn sunst allen andren Vnsern vnd des Reichs vnderthonen vnd getrüwen / in was würde / stadts / ob wesens die seyen / ernstlich mit disem brieff / Vnn wöllend das sie den genanten doctor Eucharius / by solcher vnser fryheit handthaben / schützen vnd schirmend / Und die berürten bücher dar vber nit trucken / feyl haben / oder verkauffen lassen / Solichs auch

Empfohlene Zitierweise:
Eucharius Rößlin: Der Swangern frawen vnd hebammen roszgarten. Steyner, Augsburg 1513, Seite 3. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Der_Swangern_frawen_vnd_hebamme_n_roszgarte_n.pdf/9&oldid=- (Version vom 3.12.2024)