Ich gab was drum, Frau Bas, könnt ich erfahre,
Ob all die Männer bei dem Welckers-Schmaus
Dann aa so arg wie meiner bsoffe ware;
Der hot schier umgewendt des ganze Haus.
Als könnte se nit zu der Gaß erein’,
So sin se gschtolpert all, un hawwe gsunge:
„Nein, nein! sein Vaterland muß größer sein!“
Ich mach die Hausdhür uf, un plumps! do falle
Un fange an’ zu dudle un zu lalle:
„Kein Preußen fortan und kein Oesterreich!“
Allmählig sin die Annre naus gekrawwelt,
Do war der ärgschte Lärme dann vorbei;
Er hot nit schtehn’ un gehn’ gekönnt so glei.
E Weil druf schießt er hinner in de Schoppe; -
’S schteht Allerhand dort, - unner Annerm aach
E Sack voll Welschkorn, for die Gäns zu schtoppe; -
Un glei druf hör ich aa mein Chrischtoph sage:
„Sie großer deutscher Hofrath! - edler Munn
Der Sie so schöne Motione mache!
Wie fräät’s mich, daß ich Sie heut küsse kann!“
Un vun der Landwehr, vum Beamteschtand,
Vun Ehrebecher und vun Bürgerkrone,
Un vun Medaille un vum deutsche Land.
Non’, korz, mein’ Mann, der volle Schode,
Un korgelt mit em uf dem dreckige Bode
Daß Jammerschad war for sein schwarze Frack.
Sunscht redt er als in seine Räusch vum Ramse,
Vum Knöchle, Schlauche, Trump und Schippe-Aß,
Mächt e paar Zode odder sunst en Schpaß;
Deßmol, drum will ich’s jo aa gern vergesse,
So arg’s aa war, war’s doch e nobler Brand;
Er hat schun voraus gsacht: „Beim Welckers-Esse
Sein letschtes Wort im Schlof war noch: „der Welker
Er lebe hoch! - Sauft aus und stoßet an!“
Der und der Itzstein lehren jetzt die Völker:
Er lebe hoch, der edle deutsche Mann!
Perlaetus sum, Caspare Larifari
Abs te tuisque me laudari,
Nam, quae per vinum, laus sincera,
Et, quia plebis vox est, vera.
K. G Nadler.
Kaspar Braun, Friedrich Schneider (Red.): Fliegende Blätter (Band 2). Braun & Schneider, München 1846, Seite 127. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Fliegende_Bl%C3%A4tter_2.djvu/131&oldid=- (Version vom 1.9.2023)
