Seite:Literarischer Verein Stuttgart IX 185.png

	Verschiedene: Bibliothek des Literarischen Vereins in Stuttgart (Band IX)

101.

     Sol ich mich rihten nach dem A.§     (H. 1, 298^b)

dc kan ich wol gezeigen wa.
da ker ich vf des meisters la^[1]
der ê sanc von der nebelcra
vinde ich niht meisterschefte da
noch ker ich mich her wider sa
vnd klop^[2] ich ander swar darna.

102.

Gnv̊ge sprechent sing als ê

prvͤfe vns die blv̊men vnd den cle.
die wellent niht dc ist^[3] verste.
waz mir daran zeherzen ge.
swie vil ich in hie vor geschre.
dc tet in in den oren we
nv wil ich si niht tovben me.

103.

Ich mac wol sprechen baz owi.(H. 1, 299^b)

dan ieman der nv lebende si.
mir wont ein vngemv̊te bi.
dc swere machet als ein bli.
vnd hat^[4] ich miner crefte dri.
ich dorte als ein ervroren zwi.
dv͛ liebe tv̊ mich sorgen vri.

104.

Ich^{[WS 1]} vreute mich do stvnt ez so.

owe wan wers alse do.
so stv̊nde min gemv̊te ho.
dvr vorhte lieze ich noch dvr dro.
ine wurde noch wol also vro.
zv̊ miner froiden der sint zwo
hat^[4] ich die schonen vf ein stro.

105.

Ich mac wol wunder schrien wû.

dc ich bin so verdvrben^[5] nv.
ia herre got wan woldes dv

1. So. Vgl. Walther v. der Vogelweide Strophe 147 ff.
2. Lies klopf.
3. Lies ich.
4. Lies het.
5. Lies verdorben.

Anmerkungen (Wikisource)

1. Vorlage: Jch.

Empfohlene Zitierweise:
Verschiedene: Bibliothek des Literarischen Vereins in Stuttgart (Band IX). Stuttgart, 1844, Seite 185. Digitale Volltext-Ausgabe bei Wikisource, URL: https://de.wikisource.org/w/index.php?title=Seite:Literarischer_Verein_Stuttgart_IX_185.png&oldid=- (Version vom 7.1.2019)