Die alte Heidelberger Liederhandschrift

aus Wikisource, der freien Quellensammlung
Wechseln zu: Navigation, Suche
Textdaten
<<<
Autor: verschiedene
Illustrator: {{{ILLUSTRATOR}}}
Titel: Die alte Heidelberger Liederhandschrift
Untertitel:
aus: Bibliothek des Literarischen Vereins Stuttgart, Bd. IX
Herausgeber: Franz Pfeiffer
Auflage:
Entstehungsdatum: 13. Jh.
Erscheinungsdatum: 1844
Verlag: Vorlage:none
Drucker: K. F. Hering & Comp.
Erscheinungsort: Stuttgart
Übersetzer:
Originaltitel:
Originalsubtitel:
Originalherkunft:
Quelle: Google, Kopie auf Commons
Kurzbeschreibung: Edition der Kleinen Heidelberger Liederhandschrift (cpg 357)
Ein Verzeichnis mit den vorhandenen Wikisource- und Wikipedia-Artikeln zu den Dichtern ist unter ../Autoren zu finden.
Wikipedia-logo.png Artikel in der Wikipedia
Eintrag in der GND: {{{GND}}}
Bild
Literarischer Verein Stuttgart IX 068.png
Bearbeitungsstand
korrigiert
Dieser Text wurde anhand der angegebenen Quelle einmal Korrektur gelesen. Die Schreibweise sollte dem Originaltext folgen. Es ist noch ein weiterer Korrekturdurchgang nötig.
Um eine Seite zu bearbeiten, brauchst du nur auf die entsprechende [Seitenzahl] zu klicken. Weitere Informationen findest du hier: Hilfe
Indexseite

[Titel]
DIE ALTE


HEIDELBERGER


LIEDERHANDSCHRIFT.


HERAUSGEGEBEN


VON


FRANZ PFEIFFER.



MIT EINER SCHRIFTPROBE.



STUTTGART,


GEDRUCKT AUF KOSTEN DES LITERARISCHEN VEREINS.


1844.


[I]
Druck von K. F. Hering & Comp. in Stuttgart.


[II]
VORWORT.




Nachdem die im fünften Bande der Vereinsschriften erschienene Weingartner Liederhandschrift[WS 1] eine so beifällige Aufnahme gefunden hatte, lag der Gedanke nahe, auch von der Heidelberger Handschrift 357[WS 2], der ältesten unter den bekannten groeßeren Liedersammlungen, eine ähnliche Ausgabe zu veranstalten. Ich hatte mir sie im Herbste 1843 zu Heidelberg vollständig abgeschrieben, und mein Vorschlag fand von Seite des verehrl. Vereinsausschusses bereitwilliges Gehoer. Somit sind nun die drei wichtigsten alten Liedersammlungen denjenigen, welche sich mit älterer Poesie kritisch beschäftigen, zu sicherm und bequemem Gebrauche an die Hand gegeben. Aber auch die übrigen zahlreichen Freunde dieser Literatur werden die Gabe willkommen heißen; gewährt doch die Einsicht in die Einrichtung und Beschaffenheit guter alter Handschriften staets einen eigenthümlichen Reiz.

Für seine große Ausgabe der Minnesinger hat von der Hagen[WS 3] unsere Handschrift zwar vollständig verglichen; aber nur dieses: daß er sie auch benützt habe, im vollen Sinne dieses Wortes, kann man mit dem besten Willen nicht sagen. Denn bei seinem seltsamen, bei dem gegenwärtigen Zustande der deutschen Sprachwissenschaft nicht mehr genügenden Verfahren, die Pariser Handschrift[WS 4] zu Grunde zu legen, und nur bei offenbaren, in die Augen springenden Fehlern derselben zu andern Quellen zu greifen, sind die Vorzüge unserer Handschrift seinem Texte nur selten zu Gute gekommen. Die abweichenden Lesarten werden in der Regel zwar mitgetheilt, aber weder so vollständig noch so genau als [III] zu wünschen waere.[1] Und diejenigen, die aus eigener Erfahrung wissen, wie mühsam und trüglich es ist, sich aus einzelnen Varianten einen Text zusammen lesen zu müßen, die werden es dem Vereine gewiss danken, daß er ihnen durch einen genauen, vollständigen Abdruck die Benutzung dieser wichtigen Quelle erleichtert.

Die Heidelberger Handschrift Nro. 357 enthält 45 Pergamentblätter in Quart. Die ersten vierzig bilden fünf, noch von alter Hand mit rothen Zahlen bezeichnete Lagen von je acht Blättern. Darauf folgt eine Lage von ursprünglich sechs Blättern, von denen aber die drei ersten herausgeschnitten sind, wie es scheint schon früh, denn es fehlt nichts dazwischen. Die letzte Lage, wenn man sie so nennen will, besteht bloß aus zwei Blättern.

Es lassen sich vier verschiedene Hände unterscheiden. Die erste, die allein der Handschrift ihren Werth verleiht und uns daher in der Folge ausschließlich beschäftigen wird, geht von Blatt 1–39b und gehoert mit ihren schoenen, zierlichen Zügen noch ins 13. Jahrhundert. Bedeutend jünger, aus der Mitte und dem Schlusse des 14. Jahrhunderts, sind die drei übrigen Hände, die auf den sechs letzten Blättern noch 59 Strophen verschiedener Dichter nachgetragen haben. Schriftproben aller dieser vier Hände gibt das Facsimile, das zwar nicht ganz nach Wunsch, aber doch unstreitig besser ausgefallen ist, als das den „Minnesingern“ beigegebene.

Über die innere Einrichtung der Handschrift sei Folgendes bemerkt. Auf jeder Seite stehen durchschnittlich 40–41 Zeilen. Weder die Reimzeilen noch die Strophen sind abgesetzt. Erstere werden oft durch Punkte, letztere durch abwechselnd rothe und blaue Anfangsbuchstaben bezeichnet, die etwas groeßer und mit Verzierungen versehen sind, wenn die Strophe zufällig mit einer neuen Zeile anfängt. Der Beginn eines neuen Tones ist in [IV] der Regel, aber wie es scheint von spaeterer Hand, durch einen § bezeichnet. Auf den Rändern finden sich hie und da, namentlich gegen das Ende der Hs., Bemerkungen, die ich gleich unter dem Texte beigefügt habe. Auf der Vorderseite des ersten Blattes unten steht von einer Hand des 16. Jahrhunderts „Alte Lieder.“

Die Handschrift hat noch den alten, geschmackvollen Einband, den der für Wissenschaft und Kunst begeisterte Churfürst Otto Heinrich (1556–1559) vielen seiner Bücher und Handschriften durch den geschickten Buchbinder Georg Bernhard aus Görlitz geben ließ. Er besteht aus hölzernen, mit braunem Leder überzogenen Deckeln, deren Ecken, so wie die Spangen, mit Messingblech beschlagen sind. Das Leder ist mit einer schoenen Form, welche sinnreiche Figuren darstellt, gepresst. In der Mitte enthält der vordere Deckel des Churfürsten Bildnis mit langem Barte, der hintere das pfälzische Wappen. Über dem Bildnisse stehen die Buchstaben O. H. (Otto Henricus), darunter P. C. (Palatinus Comes), und noch weiter unten die Jahrzahl 1558: alles in gutem, dauerhaftem Golde ausgedrückt. (Vergl. Wilken, die Geschichte der Heidelberger Bibliothek S. 123.) Nach Adelung’s Angabe stund auf dem Rücken des Buches die Aufschrift: „Cantiones variarum rerum.“ Davon ist aber nichts mehr zu lesen.

Die erste und zwar sehr ausführliche Beschreibung nebst Auszügen gab Friderich Adelung in seinen „Nachrichten von altdeutschen Gedichten, welche aus der Heidelbergischen Bibliothek in die Vatikanische gekommen sind“ (Königsberg 1796. 8º) 1, 87–130;[WS 5] eine Aufzählung aller einzelnen Strophen und weitere Nachweisungen (aus Glöckle’s Abschrift) v. d. Hagen in seinem Grundriss (1812) S. 486–497. Einige Berichtigungen der Adelungischen Nachrichten stehen in Wilken’s Verzeichniss der Heidelberger Handschriften (1817) S. 438. 439., und erst neuerlich ließ Lachmann[WS 6] die Strophenanfänge abdrucken in Haupt’s Zeitschrift (1843) 3, 308–332.[WS 7]

Die Grundsätze, die mich beim vorliegenden Abdrucke leiteten, sind dieselben, die ich bei der Weingartner Handschrift befolgt habe, und ich begnüge mich daher, auf das dort Gesagte zu verweisen. Von außen her sind mir zwar keine Urtheile darüber zugekommen: mein Verfahren erscheint mir aber noch immer als das für diesen Fall einzig richtige und ich habe keinen Grund [V] gefunden davon abzugeben. Dagegen mochte ich nicht unterlassen, Einiges, was mir für den bequemen Gebrauch dort noch zu fehlen schien, hier beizufügen: ein Verzeichnis der Strophenanfänge nach dem Reime[2] und staete Verweisung auf v. d. Hagen’s Sammlung der Minnesinger sowie auf die Ausgaben des Walther, Wolfram und Hartmann von Lachmann und Haupt. Der Beginn eines neuen Tones ist durch Einrücken der ersten Zeilen und einen groeßeren Anfangsbuchstaben kennbar gemacht; und diejenigen Strophen, die nur einmal überliefert zu sein scheinen, habe ich nach Lachmann’s Vorgang mit einem Sterne (*) bezeichnet. Die Abkürzungen sind im Allgemeinen dieselben, wie in der Weingartner Hs., und die wenigen neu hinzugekommenen sind an und für sich verständlich und bedürfen keiner besonderen Erklaerung. Nur Eine Abkürzung, die aber bloß zu Anfang erscheint, nämlich das mit dem d verschlungene e (d’) konnte im Drucke nicht wol deutlich gesetzt werden und wurde daher aufgeloest. In allem Übrigen war buchstäbliche Treue oberster Grundsatz. Die bei verderbten Stellen häufig unter dem Texte angebrachten bessern Lesarten aus andern Handschriften haben zum Zwecke, den Leser meiner Aufmerksamkeit zu versichern, und zu verhüten, daß auffallende Formen nicht etwa für Druckfehler angesehen werden.

Denn wie schoen und zierlich die Schriftzüge unserer Handschrift auch sind, von der Genauigkeit des Schreibers laeßt sich weniger Lobeswerthes sagen. Öfter sind Worte oder gar ganze Zeilen ausgelassen, manche Stellen aus Misverständnis falsch geschrieben, andere wieder bis zur Sinnlosigkeit verderbt, wovon freilich Manches auf Rechnung der benützten Liederbücher gesetzt werden mag. Trotz dieser Fehler, die übrigens mehr oder weniger allen Liederhandschriften ankleben, bleibt sie dennoch eine hoechst wichtige Quelle; nur muß sie behutsam und vorsichtig gebraucht werden. Auf welche Weise dies geschehen müße, hat Lachmann mit gewohnter Meisterschaft in seinen Ausgaben des Walther und Wolfram gezeigt, und damit den Weg vorgezeichnet, den alle diejenigen zu verfolgen haben, die diese Hs. zu kritischen Bearbeitungen zu benützen gedenken.

[VI] Da die Handschrift des Bilderschmuckes, wie er die Pariser und Weingartner Hs. auszeichnet, entbehrt, so schien das Wiedergeben der rothen und blauen Initialen, die ihr ein einfachschoenes Ansehen verleihen, ganz am Platze zu sein, und ich befürchte nicht, daß der Tadel, den ich über die Anwendung von bunten Titelschriften hie und da äußern hoerte, auf diesen Versuch ausgedehnt werde.

Wie bei der Weingartner Hs. (in deren ersten Bogen einige, doch leicht erkennbare Fehler – nicht stehen geblieben, wol aber ohne meine Schuld – hineingerathen sind), so habe ich es auch diesmal nicht an redlichem Bemühen, einen correcten Abdruck herzustellen, fehlen lassen. Zwar der Hochmuth, denselben für völlig fehlerfrei auszugeben, ist mir gänzlich fremd: wol aber glaube ich behaupten zu dürfen, durch dreimalige, nach der Handschrift gelesene, sorgfältige Correctur Alles gethan zu haben, was man mit billigem Rechte von mir verlangen kann.

Der Leser darf noch einige Bemerkungen erwarten über die Heimath unserer Handschrift und über ihr Verhältnis zu der Pariser und Weingartner. Wie diese letztern so ist auch sie im südlichen Schwaben oder noch richtiger im Thurgau geschrieben (s. Lachmann’s Walther von der Vogelweide. 2te Ausgabe 1843. S. VII, unten). Dahin weist die Orthographie, die in allen dreien fast dieselbe ist. Und wenn z. B. Heinrich von Veldeke hier zu einem H. v. Veltkirchen gemacht wird, so darf man wol mit einiger Sicherheit annehmen, der Schreiber der Hs. habe in der Naehe dieses Städtchens gelebt.

An den Ufern des „schwaebischen Meeres,“ im Thurgau, St. Gallen und in jenem traulichen, versteckten Winkel, den der jugendliche Rhein vor seiner Mündung in den Bodensee bildet, waren im 13. Jahrhundert nur wenige Burgen von einiger Bedeutung, die nicht in die Reihen deutscher Sänger ihre Stellvertreter gesandt hätten. Im 1. und 2. Bande seines Liedersaals hat der Freiherr Joseph von Laßberg ein Verzeichnis der ritterlichen Sänger aus jener Gegend gegeben; und wenn auch bei naeherer Prüfung dem einen oder dem andern eine entlegenere Heimath angewiesen werden muß, so bleibt die Zahl derjenigen, die wirklich in jenen Gauen gelebt und gesungen haben, immer noch beträchtlich genug, um die Behauptung, es gebe in ganz Deutschland keinen Landesstrich [VII] der verhältnismaeßig[WS 8] so viele Dichter erzeugt habe, vollkommen zu rechtfertigen. Wo aber eine geraume Zeit hindurch eine so lebendige Liederlust herschte, da muß sich auch die Lust, diese froehlichen Kinder des Augenblicks zu sammeln, schon frühe eingefunden haben. Es kann daher nicht auffallen, wenn der Ruhm, die drei ältesten, wichtigsten Liedersammlungen hervorgebracht zu haben, dieser Gegend zugesprochen wird.

Was ich über das Verhältnis der Weingartner Hs. zu der Pariser gesagt habe, findet auch auf die Heidelberger seine Anwendung. Jede dieser drei Hss. ist unabhängig von der andern aus einer Anzahl kleinerer Liederbücher hervorgegangen. Bei einzelnen Liedern und Dichtern weist die Übereinstimmung des Textes und der Anordnung der Strophen deutlich auf eine gemeinsame Quelle; in andern dagegen erscheinen die Abweichungen so bedeutend, daß man eine Verwandtschaft der gebrauchten Vorlagen unmöglich annehmen kann. Ein Versuch, das Verhältnis aller drei Handschriften zu einander hier ins Einzelne zu verfolgen und darzulegen, dürfte die Gränzen dieses Vorworts leicht überschreiten und bleibt wol besser den kritischen Ausgaben der einzelnen Liederdichter vorbehalten, wozu uns Lachmann Hoffnung gemacht hat (s. Walther. S. XIV.).

Stuttgart am 31. Dec. 1844.

FRANZ PFEIFFER.
[VIII]
INHALTSVERZEICHNIS.




Seite
I. REIMAR 1
Vergl. unter II. IV. VIII. IX. XV. XXXI. und Anhang.
     Heinrich von Rucke: Str. 56–58.
     Walther von der Vogelweide: Str. 27.
II. REIMAR DER VIDELER 22
     Reimar Str. 7–10.
III. REIMAR DER JUNGE 26
IV. WALTHER VON DER VOGELWEIDE 27
Vergl. unter I. VI. VIII. XXXI. und Anhang.
     Reimar Str. 24. 26.
     Rudolf von Rotenburg: Str. 126–129.
     Rubin: Str. 144–146.
V. DER VON MORUNGE 74
     Truchsaesse von St. Gallen: Str. 27–29.
VI. DER TRUHSEZE VON ST. GALLEN 82
Vergl. unter V. VIII. IX.
     Walther von Mezze: Str. 97–100.
     Rosenheim: Str. 55.
     Walther von der Vogelweide: Str. 109–117.
     Reimar von Zweter: Str. 106–108.
VII. RUBIN 110
Vergl. unter IV. IX. XXXIV. und Anhang.
VIII. NIÜNE 118
     Otto von Bottenlauben: Str. 29–31.
     Waltram von Gresten: Str. 35. 36. 38.
[IX]
     Markgraf von Hohenburg: Str. 32–34.
     Albrecht von Johannesdorf: Str. 48–50.
     Wachsmut von Künzich: Str. 10. 11.
     Ulrich von Lichtenstein: Str. 24–28.
     Graf Rudolf von Neuenburg (Fenis): Str. 37.
     Nithart: Str. 47. 51–57.
     Reimar: Str. 44. 45. 58–60.
     Rudolf von Rotenburg: Str. 3–7.
     Leutolt von Seven: Str. 8. 9.
     Truchsaesse von St. Gallen: Str. 15–19.
     Walther von der Vogelweide: Str. 39–42.
IX. GEDRUT 137
     Wolfram von Eschenbach: Str. 30.
     Herr Geltar: Str. 3–11.
     Albrecht von Johannesdorf: Str. 20–23.
     Nithart: Str. 13–19.
     Reimar: Str. 25–28
     Rosenheim: Str. 29.
     Rubin von Rüdeger: Str. 24. 30.
     Rubin: Str. 12.
     Truchsaesse von St. Gallen: Str. 29.
X. NITHART 145
Vergl. unter VIII. IX. XXXI
XI. SPERVOGEL 151
XII. DER JUNGE SPERVOGEL 157
     Dietmar von Eist: Str. 33.
     Waltram von Gresten: Str. 34–38.
     Leutolt von Seven: Str. 39. 40.
XIII. RUDOLF VON ROTENBERG 165
Vergl. Nr. XIX. XXIX. und unter IV. VIII.
XIV. HEINRICH DER RICHE 168
Vergl. Nr. XV.
XV. HEINRICH VON RUCCHE 170
Vergl. Nr. XIV. und unter I. XXXI.
     Reimar: Str. 1–8.
XVI. HARTMAN VON OVVE 172
XVII. WOLFRAM VON ESCHEBACH 176
Vergl. unter IX.
[X]
XVIII. VVAHMUOT 178
Vergl. unter VIII.
     Wilhelm von Heinzenburg: Str. 1–4.
XIX. RUDOLF OFFENBURG. 181
Vergl. Nr. XIII. und XXIX.
XX. WALTHER VON MEZZE 183
Vergl. unter VI.
XXI. GOTFRIT VON STRASBURC 188
XXII. HEINRICH VON VELTKILCHEN 191
Vergl. Nr. XXIV.
     Dietmar von Eist: Str. 5–6. 8–10.
XXIII. DER MARCGRAVE VON HOHENBURC 194
Vergl. unter VIII.
     Otto von Bottenlauben: Str. 1.
     Waltram von Gresten: Str. 6–11.
XXIV. HEINRICH VON VELTKILCHE 198
Vergl. Nr. XXII.
XXV. HAVVART 201
XXVI. GUNTHER UZ DEM VORSTE 206
XXVII. DER HERZOGE VON ANEHALTEN 215
XXVIII. ALBREHT VON JOHANNESDORF 217
Vergl. unter VIII. IX.
XXIX. DER MARCGRAVE VON ROTENBURC[WS 9] 219
Vergl. Nr. XIII. XIX.
     Hiltebolt von Schwangau: Str. 2.
XXX. BRUDER WERNHER 221
XXXI. LUTOLT VON SEVEN. 223
Vergl. unter VIII. XII.
     Dietmar von Eist: Str. 15. 16.
     Friderich der Knecht: Str. 22–42.
     Nithart: Str. 26. 27.
     Burggraf von Regensburg: Str. 17. 18.
     Reimar: Str. 12–14.
     Heinrich von Rucke: Str. 12–14.
     Walther von der Vogelweide: Str. 4–9 und 43–46.
     Wissenloh: Str. 2.
[XI]
XXXII. HUG VON MULNDORF 237
     Kunz von Rosenheim: Str. 1. 2.
XXXIII. DER BURCGRAVE VON REGENSBURC 238
Vergl. unter XXXI.
XXXXIV. GRAVE OTTO VON BOTTENLOBEN 239
Vergl. unter Nr. VIII. XXIII. und Anhang.
     Rubin: Str. 1. 2.
ANHANG 247
     Bottenlauben: Str. 16.
     Ulrich von Lichtenstein: Str. 34.
     Reimar: Str. 44. 45.
     Rubin: Str. 1–12. 15, 16. 17–20. 57–59.
     Friderich von Sunburg: 47–56.
     Walther von der Vogelweide: Str. 13. 14. 21–27. (28. 29?) 30.
     Wissenloh: Str. 35.
     Unbekannte: Str. 31–33. 36–43. 46.
[Verzeichnis der Strophenanfänge] 273
[Schriftproben aus der Heidelberger Hs.] 297




[1]
I.
REIMAR.




1.
     So ez ienir[3] nahet deme tage (Bl. 1a)(vdHagen 1, 176a)

son getar ich niht gevragen ist ez tac.
Diz machet mir div swere klage
dc mir zehelfe nieman komen mac.
ich gedenke wol dc ich ez anders phlac
hie vor do mir div sorge so niht zeherzen wac.
iemer an dem morgen so troest[4] mich der vogel sanc.
mir enkome ir helfe ander zit.
mir ist beidiv winter vnd der svmer alzelanc. ○○○○

2.
Div liebe hat ir varnde gvot.

geteilet so dc ich den schaden han.
des nam ich mir[5] in minem mvot.
danne ich zerehte solte han getan.
vnd ist ienoch von mir vil vnverlan.
swie lvizel ich der triwen mich anderhalp entstan.
si waz ie mit froiden vnd lie mich in den sorgen sin.
also virgie mich div zit.
ez taget mir leider selten nach dem willen min.

3.
Div welt verswiget miniv leit.(H. 1, 176b)

vnd saget vil lvizel iemer wer ich bin.

[2]

ez dvnket mich vnselikeit
dc ich mit triwen allen minen sin.
bewendet han. dc ez mich dvnket vil.
vnd mir der bresten[6] einiv des niht gelovben wil.
ez wart von vnschvlden nieman so rehte we.
got helfe mir deich mich bewar.
dc ich vz ir hvlden kome niemir me.

4.
Owe trvren vnd clagen.

wie sol mir din mit froiden iemer werden bvoz.
mir tvot vil we deich dich mvoz tragen.
dv bist zegroz doch ich dich tragen mvoz.
die swere wendet nieman er entvoz.
den ich mit trivwen meine gehort ich sinen grvoz.
dc er mir nahe lege so zergienge gar min not.
sin vremeden tvot mir den tot.
vnd machet mir div ovgen rot.

5.
     Swaz iar ich noch zelebenne han§     (H. 1, 178a)

swie vil der were ir enwurde ir niemer tac genomen. (so)
So gar bin ich ir vndertan
dc ich vnsanfte vz ir genaden mohte komen
ich froiwe mich des dc ich ir dienen sol.
si gelonet mir mit senften dingen vol[7]
gelovbet eth si mir dc wol. swenne ich ir clage
dc ich die not zeherzen von ir schvlden tragen[8]
dicke an deme tage.

6.
Ich wirbe vmbe alles dc ein man.(H. 1, 177b)

ze weltlichen froiden iemer haben sol.
Dc ist ein wip der ich enkan.
nach ir wol (so) grozer werdecheit gesprechen wol.
sobich (so) si so man ander frowen tvot.
dc engenimet eth si von mir niht fvr gvot.
doch swer ich des si stet noch hvite ander stat.
dc[9] vzer wiplichen tvgenden nie fvoz getrat
dc ist iv mat.

[3]
7.
Si ist mir liep vnd dvnket mich(H. 1, 178b)

dc ich ir vollecliche gar vnmere si.
nv waz darvmbe dc lide ich.
vnd bin ir doch mit trivwen steteclichen bi.
wc obe ein wunder lihte an mir geschiht.
dc si mich eteswenne gerni siht.
denne[10] den laze ich iemer ane haz.
swer giht dc ime an froiden si gilvngen baz.
der habe ime dc.

8.
So etteswenne mir der lip.

dvr sine boese vnstete ratet dc ich var.
vnd ich gefrivnde mir ein ander wip.
so wil iedoch dc herze niender wan dar.
so wol ime dc ez so reine weln kan.
vnd mir der svoze arbeite gan.
doch han ich mir ein liep erkorn
dem ich zedienste vnd were es alder welte zorn
mvoz sin geborn.

9.
Vnde ist dc mirs min selde gan.

dc ich von ir redin deme[11] mvnde ein kvissen mac versteln.
vnd dc iz mit mir bringe (Bl. 1b) dan
ich wil ez tovgenliche tragen vnd iemer heln.
ist aber dc si ez vur groze swerre hat.
vnd vehit mich dvr mine missetat.
wc tvon ich danne ich selic man.
da hebiz vf. vnd lege ez hin. wider als ich wol kan.
da ich ez da nam. ○○○○○○○○○

10.
     So vil so ich gesanc nieman.(H. 1, 177a)

der anders niht enhete wan den blozen wan.
dc ich nv niht mere enkan[12]
des enwunder nieman mir hat zwivel den ich han
alles dc ich kvnde gar benomen.
wenne sol mir iemer spilende froide komen

[4]

noch sehe ich gerne mich in hohen mvote als ê.
mich enscheide ein wip von dirre clage
vnd spreche ein wort alse ich ir sage
mirst anders iemer we.

11.
Ich halte[13] ie von tage zetage.(H. 1, 176b)

vnd bin doch hvire nihtes wiser danne vert.
hete ein ander mine clage.
deme riete ich so dc ez der rede were wert.
vnd gibe mir selben dekeinen rat.
ich weiz vil wol wc mir den schaden gemachet hat.
dc ich si niht verheln kvnde swc mir war.
des han ich ir geseit so vil.
dc si dc niemer horin wil
nv swige ich von nige dar.

12.
Ich wande ie ez were ir spot.(H. 1, 177a)

die ich von minnen grozer swere horte iehen.
des engilt ich sere semmir got.
sit ich die warheit an mir selben han ersehen.
mir ist komen an dc herce min.
ein wip sol ich ir volle ein iar vnmere sin.[14]
vnd dc si min niht nimet war.
so mvoz min froide von ir gar.
vil lihte an allen trost zergan.

13.
Sit mich min sprechen nv niht kan

gehelfen noch gescheiden von der swere min.
so wolte ich dc ein ander man.
die mine rede hete zvo der selden sin.
vnd iedoch niht an die stat.
dar ich nv lange bitte vnd her mit trivwen bat.
dar engan ich nieman heiles swenne ez mich vergat.
nv gedinge ich ir gnaden wol.[15]
wc si mir ane schvlde doch.
langer tage gemachet hat.

[5]
14.
Vnd wiste ich niht dc si mich mac.

vor alder welte wol wert gemachen obe si wil.
ich gediende ir niemer mere tac.
io hat. si tvigende der ich volge vnz an dc zil.
niht langer wan die wile ich lebe.
noch bitte ich si dc si mir liebez ende gebe.
wc hilfet dc. ich weiz wol dc si ez niht entvot.
doch dv si ez dvr den willen min.
vnd laze mich ir tore sin.
vnd neme mine rede vurgvot.

15.
     Wol ime dc er ie wart geborn§     (H. 1, 177b)

dem dise zit genediclich hingat.
ane allerslahte seneden zorn.
vnd doch ein teil darvnder sines willen hat.
wie deme nahet manic wunneclicher tac.
wie lvizel er mir selic man gelovben mac.
wan ich nach froide bin verdaht.
vnd kan doch niemer werden fro.
mich hat ein liep in trvren braht
daz ist vnwendic nv si alfo.

16.
Daz ich min leit nv lange clage.

des spotent die den ir gemvote hohe stat.
wc ist in liep dc ich in sage.
wc sprichet der von froiden der dekeine hat.
wil ich liegen so ist mir wunders vil geschehen.
so truge aber ich mich selben ane not. wolt ich des iehen.
wan lat si mich erwerben dc.
darnach ich ie mit trivwen ranc.
zeme ieman danne ein lachen baz.
dc gelt ein trivren vnd habe er doch vndanc.[16]

17.
Ich wil von ir niht ledic sin.

die wile vnd ich der gerndin mvot zefroiden han.

[6]

dc beste gelt der froiden min
dc lit an ir vnd aller miner selden wan.
swenne ich den virlivse so han ich niht.
vnd enrvoche och fvr den selben tac. wc mir geschiht.
ich mvoz wol sorgen vmbe ir leben
stirbet si so bin ich (Bl. 2a) tot.
hat si mir anders niht gegeben.
so erkenne ich doch nv senede not.

18.
Gnade[17] ist endelichen da.

div erzeige sich als ez an minem heile si.
die ensvoche ich niender anderswa.
an ir gibot so wil ich niemer werden fri.
dc si dc sprechent von verlorner arbeit.
sol dc der miner einiv sin. dc ist mir leit.
ich enwande niht do ich ez began.
ich engelebte noch an ir lieben tac.
ist mir da misselvngen an.
doch gab ich ez wol alse ez da lac.

19.
     Ein wiser man sol niht zevil§     (H. 1, 179a)

sin wip versvochen. noch gezihen dest min rat
von der er sich niht scheiden wil.
vnd er der waren schvlden doch keine hat.
Swer wil alder welte lvge an ein ende komen.
der hat im ane not ein vil herceliches leit genomen.
wan sol boeser rede gedagen.
frage och nieman lange des dc er vngerne hore sagen.

20.
War vmbe vueget mir div leit.(H. 1, 179b)

von der ich hohe solte tragen den mvot.
io wirb ich niht mit kvndecheit.
noch dvr versvochen alsam vil meneger tvot.
ich enwart nie rehte vro. wan so ich si sach.
so gie von herzen gar swe min mvnt wider si gesprach.

[7]

sol nv div trivwe sin verlorn.
so endarf ez nieman wunder nemen han ich vnder wilen einen cleinen zorn.

21.
Si iegent de stete si ein tvgent.

der andern frowe so wol im der si habe.
si hat mit[18] froide in miner ivgent.
mit ir wol schoner zvht gebrochen abe.
dc ich vnz an minen tot. niemer si gelobe
ich sihe wol swer nv vert wuetende als er tobe.
dc den div wip so minnent ê.
danne einen man. des des[19] niht kan. ich ensprach in nie so nahe me.

22.
     Wie dikke ich in den sorgen doch§     (H. 1, 179a)

des morgens bin betaget.
so ez alles slief dc bi mir lac.
si enwisten noch enwizzen noch
dc mich min herze iaget.
dar ich vil vnsanfte komen mac.
si enlat mich von ir scheiden
noch bi ir beliben ie darvnder mvoz ich gar verderben
mit den listen wan ich beiden
wil si mich vergen. hoerent wunder kans alsvs werben.
nein si weizgot si enkan
ich hans ein teil gelogen an.
si engetet ez nie wan vmbe dc.
daz si mich noch wil versvchen baz.

23.
Hette ich der gvoten ie gelogen.(H. 1, 178b)

so groz als vmbe ein har.
so lidde ich von schvlden vngemach.
ich weiz wol wc mich hat betrogen.
da seit ich ir zegar
swaz mir liebes ie von ir geschach.
vnd ergab mich ir zesere.
so si dc vernam.

[8]

dc ich niemer von ir komen kvnde.
do wc si mir iemer mere
in ir herzen gram.
vnd erbot mir leit zaller stvnde
also han ich si verlorn.
von wil nv dest ein nivwer zorn.
dc ich si der rede gar begede[20]
weizgot niemer aldie wile ich lebe.

24.
Daz beste dc nieman gesprach.

oder iemerme getvot.
dc hat mich gemachet froidelôs.
got weiz wol sit ich ez eres sach.
so het ich ie den mvot.
dc ich vur si nie kein wip erkos.
kvnd ich mich dar han bewendet.
da manz dickebot.
minem libe als ich ez wolde.
so het ich eteswaz verendet.
ich rvem annot
mich der wibe me danne ich solte.
war sint komen die sinne min.
sol ez mir wol erboten sin
han ich tvmber goch so veriehen.
swc des war ist dc mvoz noch geschehen.

25.
Min rede ist also nahe komen.

dc si erst vraget des.
wc gnaden si der ich ger.
wil si des noch niht han vernomen.
so nimet mich wunder wes
ich vil meneger swerre niht enber.
die mir dikke seren nahen
an dem herzen sint.
dc ich niemer tac vro belibe.
sol der kvmber niht veruahen

[9]

tete ez danne ein kint
dc svs iemer lebet wibe
dem solt ich wol wizen dc
mohte ich mich noch bedenken baz.
vnd neme (Bl. 2b) von ir gar den mvot.
nein herre io ist si so gvot.

26.
Do liebe kom vnd mich bestvnt(H. 1, 179a)

wie tet gnade so
dc si mich niht gnedeliclichen (so) schiet.
ich bat si dike so die tvont.
die gerne waren fro.
sit dc ir trost vil menegen ie beriet.
dc och mir dc selbe tete
innerhalp der tvr
hat leider sich verborgen.
mac si sehen. an mine stete.
vnd gebe dvr got hervur.
helfe deich kom vz sorgen
wan ich han mit schonen siten.
so kvmecliche der gibitten.
obe des div gvote[21] niht verstat.
we gewaltes des ez[22] an mir begat.

27.
     Ich minne     sinne     lange cit.(H. 1, 241a; L. S. 47.)

versinne     minne     sich.
wie si schone     lone     miner tage.
so lone     schone     dest min strit.
vil cleine     meine     mich.
niht zecleine     mine clage.     (so)
vnd rihte
selch vmbilde.
dc ein selic wip.
mich verderbet gar ane schvlde.
zir gesihte

[10]

wirt ich wilde.
mich enhab ir lip
noch ger ich der vil hvlde.
were     mere     steter man.
so solte.     wolte     si mich han.
eteswenne     denne     gerne sehen
swenne ich gnvoge     uuoge     kvnde spehen.[23]

28.
     Gewan ich se deheinen mvot§     (H. 1, 175a)

der hohe stvnt. den han ich noch.
min leben dvnket mich so gvot.
vnd ist ez niht so wein[24] ich ez doch.
dc tvot mir wol. wc wil ich ez mere.
ich envurhte vnrehten spot. niht zesere.
vnd kan wol liden boesen haz.
solt ich ez so die lenge phlegen ine gert ez niemer baz.

29.
Wiest ime zemvote wundert mich(H. 1, 175b)

dem herceclichez liep geschiht
er selic man. dar vuort er sich. (so)
als ich wol wene ich weiz ez niht.
och weste ich gerne wie er tete.
obe er iht phlege wunneclicher stete.
div sol ime rehte wesen bi.
got gebe dc ich erkenne noch in welhem lebenne er si.

30.
Ich weiz bi mir wol dc ein zage.

vnsanfte ein sinnic wip bestat
ich sach si wene ich alle tage.
dc mich des iemer wunder hat.
dc ich niht redde swc ich wolte.
als ich ez beginnen vnderwilen solte.
so swiget ich deich niht ensprach.
wan ich wol westi dc nieman noch liep von ir geschach.

[11]
31.
Min herce ist swere zaller zit.

swenne ich der schonen niht ensihe.
si mvgen ez lazen ane nit.
obe ich der warheit ime vergihe.
wan si mir wonet inminem sinne.
vnd ich die lieben ane maze minne.
nahet[25] danne ime herzin min.
sine mohte von ir gvote mir niht langer fremede sin.

32.
Mich gerov noh nie dc ich den sin.

an ein so schone wip verlie.
ez dvnket mich ein gvot gewin.
ir grvoz mich minnecliche enphie.
vil gerne ich[26] des iemer lone.
si lebet mit zvhten wunneclichen schone.
der tvgende si geniezel[27] sol.
mir geviel inminen ziten nie ein wip so rehte wol.

33.
Got hat wol gezieret ir leben.(H. 1, 176a)

also dc mich ez genvegen wil.
vnd hat zevroiden mir gegeben
an einen wibe liebes vil.
sol mir ir stete komen zegvote.
dc gilt ich ir[28] semlichen mvote.
vnd nide nieman dvr sin heil.
wan ich zewuinsche danne han der welte minen teil.

34.
     Swaz ich nv nivwer mere sage.(H. 1, 180b)

des indarf mich nieman fragen. ich enbin niht vro.
die frvint verdrvzet miner clage.
des man zevil gehoeret dem ist allem so.
nv han ich beidiv schaden vnd spot.
waz mir doch leides vnvierdienet. dc bedenke got.
vnd ane schvld geschiht.
ich engelige herzeliebe bi. sone hat an miner vrovde nieman niht.

[12]
35.
So wol dir wip wie rein ein name.(H. 1, 181a)

wie senfte er doch zerkennen vnd zenennen ist.
ez wart nie niht so lobesan.
swa dvz (Bl. 3a) an rehte gvote kerist so dv bist.
din lop mit rede nieman vollenden kan.
swez dv mit trivwen phligest wol. der ist ein selic man.
vnd mac vil gerne leben.
dv gist alder welte hohen mvot. maht och mir ein wenic froide geben.

36.
Die hoch gemvoten zihent mich.(H. 1, 180b)

ich minne niht so sere als ich gebare ein wip.
si liegent vnd vnerent sich.
si wc mir ie gelicher mazze so der lip.
nie getorste[29] si dar vnder mir den mvot.
der vngnaden mvoz ich. vnd des si mir noch tvot.
erbeiten als ich mac.
mir ist eteswenne wol gewesen gewinne aber ich nv niemer gvoten tac.

37.
Ich han ein dinc mit sorge geleit.(H. 1, 181a)

vnd strite mit gedanken in dem herzen min.
obe ich ir hohen werdecheit
mit minem wolte lazen minre sin.
obe ich dc welle dc si grozer si.
vnd si vil selic wip. ste min. vnd aller manne vri.
div tvont mir bede we.
in wurde ir lasters niemer vro. verget si mich dc clage ich iemer me.

38.
     Der lange svozer kvmber min(H. 1, 181a)

an miner herzelieber vrowen. der ist ernivwet
wie mohte ein wunder grozer sin.
dc min verlorn dienest mich so selten rivwet.
wan ich noch nie den boten gesach.
der mir ie brehte trost von ir wan leit vnd vngemach.
wie solt ich iemer dise vnselde erwenden.
vnmere ich ir dc ist mir leit.
si enwart mir nie so liep. kvnd iz volenden.

[13]
39.
Vvan getrviwet frvinde niht.[30]

wan[31] tvon ich dc mir liebet dc mir leiden solte
min dienst spot erworben hat.
vnd anders niht obe ich ez gelovben wolte.
ich wen. ich ez nv gelovben mvoz.
des wirt och niemer leides mir vnz an min ende bvoz.
sit si mich hazzet. die ich von herzen minne
mir enkvnde ez nieman gesagen.
nv bin ich ez vil vnsanfte worden innen.

40
Daz si mich alse vnwerden habe.(H. 1, 181b)

alse si mir vor gebaret dc glovbe ich niemer.
si enlaz ein teil ir zornes abe.
wan endeclich ir gnaden beite ich iemer.
von ir mag ich noch ensol.
so sich gnvege ir liebes frvint. sos[32] mir mit leide wol.
vnd enkan ich anders niht an ir gewinnen.
ê dc ich ane ir hvlde si.
ich wil ir gvete vnd ir geberde minnen.

41.
Mac si mich doch lazen sehen.

obe ich ir were liep. obe si mich haben wolte
sit mir niht anders mac geschehen.
so tv gelich deme als ez doch wesen solte
vnd lege mich ir nahe bi.
vnd biet es eine wile als ez von herzen si.
gevalle ez danne vns beiden so si stete.
verliese aber ich ir hvde[33] da.
so si verborgen[34] also obe si ez nie getete.

42.
Redi der lvite tvot mir we

dc si zwiveln miner frowen vnd vragent welcher tage si si.
dvr dc ich ir so lange bin gewest mit trvwen bi.
och iehent si solt ich ez niemer geniezen.
wan dc ich von ir swerre habe.
ez mohte mich von schvlden wol erdriezen.[35]

[14]
43.
     Ez wirt ein man der sinne hat(H. 1, 174a)

vil lihte selic vnd wert.
der mit den lviten vmbe gat.
des herze niht wan eren gert.
div de wendet eime [36] sin vngemvote.
sich sol ein ritter vlizen meneger gvote
ist ieman der daz nide.
dc ist ein so gevuoger schade.
den ich vur aldie weit gerne lide.

44.
Min [37] liep ich mir vil nahe trage.

des ich zware nie vergaz.
des ere ich singe vnd sage.
mit rehten trviwen tvon ich dc.
si sol mir iemer sin vor allen wiben.
an dem mvote wil ich menegiv iar beliben.
wc bedarf ich leides mere.
wan swenn eth ich si miden sol.
dc clage ich vnd mvoget mich sere.

45.
Ez ist ein nit den nieman kan.

verheln vor den (Bl. 3b) lviten sich.
war vmbe sprichet menic man.
wes toeret sich der vnd meinet mich.
daz kvnd ich ime [38] gesagen obe ich wolde
ich enwande niht dc ieman fragen solde.
ern phlage schoener sinne
wan nieman inder welte lebt
er envinde sines herzen kvneginne.

46.
     In miner bestin froide. froide ich saz. (so)(H. 1, 190a)

vnd dahte wiech den svmer wolte leben
do rieten mine sinne dc.
des ich enkeinen trost niht kan gegeben.
dc ich die sorge gar verbere

[15]

vnd hohes mvotes were.
wan dc ich bin verleidet. vf einen lieben wan.
den ich noch leider vnverendit han
dc het ich gerni sit getan. ○○○○○○○

47.
Het ich zedirre svmerzit(H. 1, 190b)

zwene tage vnd eine gvote naht.
mit ir zeredinne ane strit.
nach minem willen alse ich han gedaht.
dc mich des nieman wenden solte.
wie lvzzil ich getrvren wolte.
doch laz ich ez vnversvchet niht.
ich wil ir iemer dienen vnd lobe ez alz ez gischiht.
dc mich si niemer mer vnfro gesiht.

48.
(I)ch[39] han nach wane dikke wol

gesvngen. des mich anders niht bestvont.
vnd lobe doch wan ich nv sol.
swa getrvwe wip bescheidenliche tvont.
dc bot ich minen frivnden ze erin
wil in iemer froide meren.
min eines wurde lihte rat.
swez mvot also zerwelte alserminer[40] stat.
ich wene er menege sorge vmbe ere hat. ○○○○○

49.
     Ein wiser man vil dicke tvot(H. 1, 191a)

des ein tvmber niht enkan.
alse ime dc hoehet sinen mvot.
so mvoz ich leider trvrich stan.
ich mac wol sin von goiches art.
vnd iage ein vppecliche vart.
toren sinne han ich vil
dc ich des wibes minne gar. (so)

50.
Sol ich leben tvsent iar

so dc ich in gnaden si
gewinne ich niemer grawes har.
sist aller wandelvnge vri.

[16]

lob si wol gidienen kan.
vnd weiz doch wol dc alle man.
ir niht gar gemeze sint.
swer ir dekeines valsches giht
an dem hat haz mit nide ein kint.

51.
Ez ist ein spehes wibes sin

div sich vor valsche hat behvot
swie vnschvldic ich des bin.
swa ich si weiz dar sprich ich gvot.
doch ist ein sitte der niemer zimet.
swer dienst vngelonet nimet.
doch ez leider vil geschehe
hat mir dekeiniv so getan.
der rat ich dc si zvo ir sehe.

52.
     Nv mvoz ich ie min alten not.§     (H. 1, 192a)

mit sange nivwen vnd clagen.
wan si mir also nahe lit.
dc[41] ir vergezzen nine mach.
ir grvoz mich wie[42] div mir gebot
vil lange nivwen kvmber tragen.
irkante si den val den gehe git.
baz vuogite si mir heiles tac.
sol mir an ir gvot ende ergan.
die wil ich mvot von herzen han.
so mac vns beiden liep geschehen
swaz si ez gelenget dc ist schade.
wil si mich iemer vro gesehen.

53.
Ich enmac in alles niht gesagen.

die mich da vragent zaller zit.
war vmbe ich also trvric lebi.
vnd ane wunneclichen mvot.
die selben hvlfen mir ez clagen.
die sich da setzent in den strit.

[17]

inphahent die nv leides gebe.
dc enfrvimet noch endvnket gvot.
ez sol in vnder zeiget sin.
dc ratit mir dc herze min.
ich bin der siez verswigen sol.
swer wibes ere hveten vvil.
der bedarf vil schoner zvhte wol.

54.
Von herzeleides schvlden hat.

min lip vil kvmberliches (so) not.
dc si niemer grozer kvnde sin.
des helfent alle die sinne iehen.
den ez niht nahe gat.
noch in div minne niht gebot.
si sprechent von der swere min.
wc mir so grozes si geschehen.
dc ich so rivweclichen clage.
vnd trvegent si dc ich da trage.
min schade tet in also we
(Bl. 4a) dc er si mvote. vnd mir darnach
vil wol gelovpten iemerme.

55.
* Mir sol ein svmer noch sin zit.(H. 1, 192b)

zeherzen niemer nahe gan.
sit ich so grozer leide phlige.
dc minne rvowe herzen[43] mach.
wc hvlfe danne mich ein strit.
den ir mit trvwen han getan. (so)
sit ich inselchen banden lige.
we wanne kvmet mir leiles[44] tac.
io enmac mir niht der blvomen schin.
gehelfen fvr die sorge min
vnd och der vogel sanc.
ez mvoz mir stete winter sin.
so rehte swer ist min gedanc.

[18]
56.
     Div welt wil mit grimme zergan nv vil schiere.§     (H. 1, 221b)

ez ist an den lviten groz wunder geschehen.
vroewent sich zwene so spottent ir viere.
weren dise wise si mohten wol sehen.
dc ich dvr iamer die vreude verbir.
nv sprechent gnvoge warvmbe
ich[45]
niht singe. den frivnden geswichet noch ê mir.

57.
Div welt hat sich so von vreuden gescheiden

dc ir der vierde niht rehte nv tvot.
ivden vnd cristen ine weiz vmbe heiden.
die denkent alzeverre an dc gvot.
doch wil ich in sagen
ez mvoz hie beliben.
dc niemen den wiben
nv dient zerehte dc hoere ich si clagen.

58.
Swer nv den wiben ir reht wil verswachen.

den wil ich vil (so) verteilen ir minne vnd ir grvoz.
ich enwil ir leides von herzen niht lachen.
swer nv so welle der lazze oder tvoz.
wan ist ir einiv niht rehte gemvot.
da bi vund ich schiere
wol dri oder viere.
die zallen ziten sint hovesch vnd gvot.[46]

59.
     Spreche ich nv dc mir wol gelvngen were.§     (H. 1, 192b)

so verlvire ich beide sprechen vnd singen.
wc dovch mir ein also verlogenz mere.
dc ich rvonde mich also vremeder dinge.
dc wil ich den hohgemvoten lan.
den da wol geschiht die nemen sich des an.
ich kalge[47] iemer minen alten kvmber

[19]

der mir iedoch so nivwer ist.
den si mir gab do si mir vroide nan.
we ich vil tvmber.

60.
Vvil div vil gvote dc ich iemer singe

wol nach vroiden mac si mich danne leren
also dc si mir mine not. gerinde.[48]
an ir helfe trivwe ich niemer si verkeren.
mac si sprechen eht mit trviwen. ia
als[49] ê. sprach nein so wirt min wille da
dc ich singe vro mit hohem mvote.
da bi so ist div sorge min.
dc man zelange beitet. dc kvmet niht wol zegvote.

61.
Ich bin niht tvmp mit also wisem willen(H. 1, 193a)

dc ich so reine noch so stete minne.
wan dc si sint vil lihte zestillen.
dien da liep ane leit geschiht. als ich ez sinne.
so verlvz ich niemer vroiden vil.
sit dv gvote mich niht sampfte stillen wil.
sol min dienest also sin verswnden.
so sin doch geret ellvi wip.
sit dc mich einiv mit gedanken vrevt an manegen stvnden.

62.
     Vvie tvot div vil reine gvote so§     (H. 1, 193a)

si lat mich also verderben alsvs gar. (so)
ich bin aller ir werdecheit vro.
so nimet siez enteil zecleine war
nv wand ich geniezen aller miner tage.
dar vmbe ich ir lop vnd ere sage
si ist vil gvot. dc ich iemer sprechen sol.
tvot si eht eines sv lone ir lieben vnd ir frivnden wol. ○○○○○

63.
Lieber wan ist ane troesten da.

vnd twinget mir dc herze min.
wan were er von mir anderswa.

[20]

da mvoz iedoch trost biwane sin.
sol manez allez liden so bin ich verdaht.
ez ist vil zegvom[50] ende braht
wer mac och wizzen vor wiez dinc ergat.
sit[51] hat tvingende[52] vnd ere. da von mac ez werden rat.

64.
Vwaz bedarf ich denne vrovden me.

obe mir ir gnade wonent[53] bi.
dc daz (Bl. 4b) bi miner zit erge.
vnd ich darnach lange in froiden si.
ist aber dc mir ir gnade also vergat.
vnd si mich helfelosen svz verderben lat
so mac ich vil clagen ich tvmber man.
dc[54] miner tage niht wider gewinnen kan.

65.
     Ich sach si were ez. aller der welte leit.§     (H. 1, 180a)

die ich doch mit sorgen han. gesehen.
wol mich so minneclicher arbeit
mir konde niemer baz geschehen
darnach wart mir vil schiere leide.
ich schiet von wibe niemer mit der not gescheide
noch dc mir nie so we geschach
owe do ich danne mvoste gên wie iemerlich ich vmbe sach. ○○○○

66.
Mich hoehet dc mich lange hoehen sol.

dc ich nie wip mit rede verlos.
sp”ch in anders ieman danne wol.
dc wc ein schvlt die ich nie verkos
inwart nieman so rehte vnmere.
der ir lop gerner horte. vnd dem ieman ir gnade lieber were. (so)
doch habent si den dienst min.
wan al min trost vnd al min leben dc mvoz an eime wibe sin.

67.
Owe dc ich einer rede vergaz.(H. 1, 180b)

dc tvot mir hvote vnd iemer we.
do si mir ane hvote vor gesaz.
warvmbe redde ich do niht me.

[21]

do wc aber ich so vro der stvnde.
vnd der vil kvrzewile dc man der gvoten mir zesehenne gvnde
dc ich vor liebe niht ensp”ch
ez mohte manegem noch geschehen der si sehe als ich si sach.

68.
In disen boesen vngetrvwen tagen(H. 1, 180a)

ist min gemach niht gvot gewesen.
wan dez ich leit mit zvhten kan getragen.
ich enkonde niemer sin genesin.
tete ich nach leide als ich ez erkenne.
si liezen mich vil schiere die mich da gerne sehen eteswenne
die mir da sempfte waren bi.
nv mvoz ich froiden noeten mich. dvr dc ich bi der welte si.

69.
     Swaz in allen landen§     (H. 1, 183a)

mir. zeliebe mac geschehen
dc stet inir handen
anders nieman wil ichez iehen.
si ist min osterlicher tac.
vnd hans inminem herzen liep.
dc weiz er wol deme nieman niht geligen[55] mac.

70.
Mich betwanc ein mere

dc ich von ir horte sagen.
wie si ein vrowe were.
div sich schone kan getragen
mit ir gvote zaller zit.
ir tvogent div zieret wol ein lant.
da von div gvote nahe an minem herzen lit.




[22]
II.
REIMAR. DER. VIDELER.




1.
     Ez waz ein kvinig gewaltic vnd riche(H. 2, 161a)

der saz in einem lande dc waz michel vnd brêit.
sitte phlag er gar vil lesterliche.
vnd minnete erge tvgende waren ime vil leit.
des gewan er doch darvmbe michel arbeit
er wart vertriben.
vnd weise beliben.
wan dc von ime sit ein bezzer marc[56] wart geseit.
schowe fvr dich schowe vnd wart alvmbe dich.
sihe[57] den tagesternen also dvnket mich.
swer vmbe ere welle werben der sol niht svmen sich.

2.
Hoeret wunder wie sol ich gibaren.

ion ist niht der zehende man noch wip nv wol gemvot.
ich gedenke die da riche waren.
dc si dvr got vnd vmbe ere teilten wol ir gvot.
davon waz ir lop von allen trvwen wol behvot
vnd stete
der same tete.
dc lobt ich mir ist leit dc ez so lvzzel lvite tvot.
schowe wir[58] dich schowe. vnd wart allvmbe dich
ich sihe tˉ st.ˈ etcˈ.

[23]
3.
Dvr torheit ich der welte erkenne(H. 2, 161b)

einen man. der livget vnz ime nieman niht gelovben mac.
des anders torheit ich vch nenne.
der (Bl. 5a) trovt vnz in nieman fvrhtet nahtes noch den tac.
sost der drite vil arc dest der sele gar ein slac.
dez vierden sin
get also hin.
der toren wizze leret. vnd er selbe nie gephlac
schowe fvr hin schowe. etcˈ.

4.
Nv wache herre balde vnd wirb vmbe ere.(H. 2, 162a)

dc die livte iht sprechen hin zedir wie boese ein man.
gerne mahtv volgen selcher lere
sit ich dir mit trviwen alse wol geraten kan.
wis eht frvm so gewinnest dv den frvmen daran.
dine ere
wahsent sere.
niemen rehtes dir deheines vngelvkes gan.
schowe fvr dich. etcˈ.

5.
     Maneger lat mich vngegrvozit§     (H. 2, 162b)

dc er fvrhtet deich in bitte.
der doch selten kvmber bvezet.
ieman nach der milten sitte.
och vch (so) dc ist ein vil armer list
obe der arge niht ensprichet wan weiz doch wol wer er ist.

6.
Ez ist in vil swere

die daz crvce hie so lange tragent.
so ist ez dien vmmere
die da vrevellich versagent
got weiz wol wa gvot brvoder ist
si mvgent vns wol triegen der kennet wol ir aller list.

7.
     Stetiz lop er nie gewan.§     (H. 1, 196b)

der alder[59] welte willen tvot.

[24]

mer vmbe ere sol ein man
gesorgen danne vmbe ander gvot.
vnd des besten vlizen sich
vragin ieman wer ime dc geraten habe so nenne er mich.

8.
     Aller selden selic wip§     (H. 1, 185b)

tv mir so
dc min herze hohe ste.
obe ich ie dvr dinen lip
wurde fro
dc des iht an dir zerge.
ich waz ie der dienest din.
so bist dvz div froide min.
sol ich iemer lieben tac oder die naht gesehen
dc laz frowe an dir geschehen.

9.
     Frowe tvo des ich dich bitte§     (H. 1, 193b)

dc ich iemer si
dines heiles vro.
dv solt lazen einen sitte
da lit wandel bi.
we wie tvost dv so.
dc dv als vngnedic bist.
ia erkennest dv vil wol dc dir nieman holder ist.

10.
Frowe mit rede dc herze min

troeste mir den lip
ia verdten[60] ich ez wol.
mvge ez vor liebe niht gesin
so soltv selic wip
dvr ein wunder doln
ê. ich din abe geste.
ia enist inder welte so gvotes niht ich enversprechez ê.[61] ○○○○○

11.
     * Got welle sone welle doch so singet der von seven

noch baz. danne ieman inder welte. fraget nisteln vnd neven

[25]

geswien swiger sweher swager ez ensi war.
tageliet clageliet hvgeliet. zvgeliet tanzeliet leich erkan.
er singet crviceliet tvuingliet schimphiet.[62] lobeliet. regeliet als ein man.
der mit werder kvnst den lviten kvrzet langes iar.
wir mvgen wol alle stille swigen da her lvtolt sprechen wil.
ez darf mit sange nieman gveden wider in.
er singet also ho ob allen meistern hin
ern werde noch die nv da leben den brichet er daz cil.

12.
* Daz erste wip den[63] ersten man den ersten schaden eriet.[64]

da von got vil menege sele von deme paradyse schiet.
diert itewiz der wirret gvoten reinen wiben. niht.
wip vnd wip gelicher name wil[65] vngelichez leben.
der welde heil vns eniv nam dc habt[66] vns einiv wider geben
ein engel vnd ein reine wip sint beide wol in einer phliht.
vil reiniv mvoter vnd maget. div vns von even stricke nam.
din werdicheit behvet vns noch div reinen wip.
so gewinnent wegescheiden hie der zweir lip
die gvoten dort die vbelen hie die sint den beiden gram.




[26]
III.
REIMAR. DER. IVNGE.




1.
     * Die wil ich nv lebe in so menegin leide(H. 3, 331a)

so clage ein ander die blvomen rot.
walt vnd clê die vogelen vnd die heide
helfent mich cleine zeminer not.
min clage ist dc sich div welrlt (so) vrevden wert
vnd daz min sanc wirt mit trvren verzert.

2.
* In disen froi- (Bl. 5b) den vnd in disen eren

bin ich gewis dc ich iemer wer.
schiere kvmet einer der mich bi deme geren
zvchet hin vmbe owe waz wil der.
er sprichet get vz ir kneht ander stvnt
vrevde vnd frowen des lachet sin mvnt.




[27]
IV.
VVALTHER. VON. DER. VOGELWEIDE.




1.
     So die blvomen vz deme graze dringent(H. 1, 240b; L. S. 45.)

same si lachent gegen der spilden svnnen
in eineme meien an dem morgen vro.
vnd die cleinen vogelliv wol singent
in ir besten wise die si kvnnen
wc wunne mac sich da genozen zvo
ez ist wol halb ein himelriche
svln wir sprechen waz sich deme geliche
so sage ich waz mir dikke baz
in minen ovgen hat getan
vnd tete och noch gisehe ich dc.

2.
Swa ein edeliv schone frowe reine.(L. S. 46.)

wol gecleit vnd wol gebvnden
dvr kvrze wile zvo vil lviten gat.
hovelichen hochgemvot niht eine
ein wenic vmbe sehende vnderstvnden.
alsam der svnne gegen den sternen stat.
der meie bringe vns alsin wunder
waz ist denne da so wunnecliches vnder
als ir vil minneclicher lip.
wir lazen alle blvomen stan
vnd kapphen an dc werde wip.

[28]
3.
Nv wol dan welt ir die warheit schowen(H. 1, 241a)

gen wir zvo des meien hochgezite
der ist mit aller siner crefte komen.
Seht an in vnd seht an werden frowen
weders da dc ander vberstrite
dc bezer teil dc han ich mir genomen.
owe der mich da weln hiezi
dc ich da dc eine dvr dc ander liezi
obe ich zerehte danne kvre
her meie[67] ir mvzent merze sin
ê ich mine frowen da verlvre.

4.
     Aller werdecheit ein vuegerinne

dc sit ir zware frowe mazze
er selic man der ivwer lere hat
der endarf sich ivwer niender inne
werder[68] zehove schamen noch ander straze.
dvr dc svoche ich frowe ivwern rat.
dc ir mich ebene werben leret.
wirb ich nider[69] wirb ich hohe ich bin verseret
ich wc vil nach zenidere tot
nv bin ich aber zehohe siech
vnmaze enlat mich ane not.

5.
Nidere minne heizet div so swachet(L. S. 47.)

dc der mvot nach kranker liebe ringet
div minne tvot vnlobeliche we.
hohe minne reizet vnd machet
dc der mvot nach hoher wurde vf swinget
div winket mir nv dc ich mit ir ge.
mich wundert wes div maze beitet.
kvmpt div herzelibe ich bin iedoch verleitet
min ovgen hant ein wip ersehen
swie minneclich ir rede si
mir mac doch schade von ir geschehen.

[29]
6.
     Die zwiuelere sprechent ez si alles tot.§     (H. 1, 246b; L. S. 58.)

vnd lebe nv nieman der iht singe.
nv mvogen si doch bedenken die gemeine not.
wie al div welt mit sorgen ringe.
kvmpt sanges tac man hoeret singen vnd sagen
man kan ovch wunder
ich horte ein cleine vogellin dc selbe clagen
dc tet sich vnder vnder (so)
ich singe niht ez welle tagen.

7.
Ich wande daz si were gar vor missewende vri(L. S. 59.)

nv sagent si mir ein ander mere.
dc niht lebendiges ane wandel si.
so ist och min frowe wandelbere.
ich enkan aber niht erdenken waz ir misse ste.
wan ein vil cleine.
si schat ir viende niht vnd tvot ir frivnden we
lat si dc eine
swie vil sich (so) svoche ich envindes me.

8.
Die losen scheltent gvoten wiben minen sanc.(H. 1, 247a; L. S. 58.)

vnd iehent dc ich ir vbele gedenke
si phlihten alle vber mich vnd haben danc
vnd si ein zage der da wenke.
swer gvoten wiben ie gespreche baz.
wan daz ich si scheide
die besten von den (Bl. 6a) boesten seht dc ist der haz
lobte ich si beide
geliche wol wie stvnde dc.

9.
Der also gvotes wibes gert alse ich da ger(L. S. 59.)

wie vil der tvigende haben solte.
nv han ich leider niht da mit ich si gewer
wan obe si ein lvizel von mir wolte.
dri tvgende han ich des ich wilent nam war (so)
schame vnd truwe
die nement beide ein ander schaden war
ich bin niht nviwe
swem ich da gan deme gan ich gar.

[30]
10.
     Frowe ich eine eine (so) trage ein teil zeswere(H. 1, 250b; L. 69.)

wellest dv mir helfen so hilf an derzit.
si aber ich dir gar vnmere
dc sprich endeliche so laz ich den strit.
vnd wirt ein ledich man
dv solt aber eines eines rehte wizzen dc dich[70]
lvizzel ieman baz danne ich geloben kan.

11.
Kan min frowe svoze svren.

wanez[71] si dc ich liep gebe vmbe leit.
sol ich si dar vmbe tveren.
dc si ez wider kere. gar an mine werdecheit.
so kvnd ich vnrehte spehen.
we wc sprich ich orenlosor ovgen an
den div minne blendet wie mac der gesehen.

12.
Obe ich rehte bitten kvnde

wc div minne si sprechent ia. (so)
minne ist zweier herzen wunne.
teilent si geliche sost div minne da
sol aber vngeteilet sin.
so enkan si alleine ein herze niht enthalten.
owe woltest dv mir helfen trvwe min.

13.
Saget mir ieman wc ist minne(H. 1, 250a)

so wist ich gerne me. (so)
swer sich rehte nv versinne.
der berihte mich wie tvot si so we.
minne ist minne tvot si wol.
tvot si we so enheizet si niht rehte ~.ne (so)
soz enweiz ich wie si danne heizen sol.

14.
     Gnade frowe[72] also bescheidenliche§     (H. 1, 251a; L. S. 70.)

la mich dir einer iemer leben
obe ich dc brechi dc ich vurder striche

[31]

wan einez soltv mir vergeben.
dc mahtv mir zekvirzer wile erlovben gerne
die wile vnz ich din beiten sol.
ich nenne ez niht ich meine ienz dv weist ez wol
ich sage dir wes ich angest han
da fvrhte ich dc ich ez lerne.

15.
Gewinne ich iemir liep dc wil ich haben eine

min frvint der minnet ander wip.
an allen gvoten dingen. han ich wol gemeine.
wan da man teilet frvindes lip.
so ich in vnderwilen gerne bi mir sehe.
so ist er von mir anderswa.
sit er da gerne si so si och da.
ez tvot so menegem wibe we.
dc mir da von niht wol geschehe.

16.
Si selic wip si zvrnet wider mich zesere.(L. S. 71.)

dc ich frvinde an menege stat.
si enhiez[73] nie geleben nach ir lere.
swie iemerlich ich ez siez gebat. (so)
waz hilfet mich dc ich si minne vor in allen.
si swiget iemer als ich clage.
wil si daz ich ander widersage
so laz ir mine rede ein wenic baz gevallen. (so)

17.
Ich wil dir iehen dc dv min dicke sere bete.

vnd nam ich des cleine war.
do wist ich wol dc dv allenthalben also tete.
da von wart ich dir so vremede gar.
der min zevriunde ger. wil er mich gewinnen.
der laze alle selch vnstetecheit
gemein liep. daz dvnket mich gemeinez leit.
dv sage an weist dv anders iht.
da von getar ich dich niht<ref>Die Hs. ″niht ″dich.) geminnen.

[32]
18.
     Ich frevdehelfelorser (so) man.(H. 1, 245a; L. S. 54.)

warvmbe mac ich menegen vro.
der mir ez niht gedanken kan
owe wie tvont die frivnde so
ia frivnt wc ich vnd frivnden sage[74]
het ich dekeinen der verneme och mine clage
nv enhan ich frivnt nv enhan ich rat.
des.[75] nv tvo mir swie dv wellest minneclichvi minne
sit. nieman min gnade hat.

19.
Vil minneclichvi minne ich han(L. S. 55.)

verlorn von dir minen sin.
dv wilt gewalteclichen gan.
(Bl. 6b) in minem herzen vz vnd in.
wie kvnde ich ane sin genesin
dv wonest an siner stat. dar inne soltv wesen.
dv sendest in dv weist wol war.
dc mac er leider niht. erwerben. fro minne
ir soltent selbe dar.

20.
Gnade frowe minne ich wil

dir vmbe dise botschaft
gevuogen dines willen vil.
wis wider mich nv tvigenthafter (so)
ir herze ist rehter froiden vol
mit lviterlicher reinecheit gezieret wol
erdringest dv da dine stat
so la mich in daz wir si mit ein ander sprechen
mir missegie do ich ez eine bat.

21.
Gnedeclichiv minne la.

owe wes tvost dv mir so we.
nv twingest och da. (so)
vnd sich wa ez dir widerste.
nv wil ich sehen obe dv noch tvogest
dv endarf niht iehen dc dv in ir herzen mvogest

[33]

ez wart nie floz so menecvalt
dc eh dir wider stvende diep aller meinsterinne
tvon vf sist wider dich zebalt. ○○○○

22.
Vro selde teilet vmbe sich.

vnd keret mir den rvggen zvo
nv enwil si niht erbarmen mich.
waz welt ir dc ich des nv tvo.
si stet vngerne gegen mir.
lovf ich hin vmbe ich bin doch iemer hinder ir.
si wil mich niht an gesehen.
ich wolte dc ir ovgen an ir nakke stvonden.
so mvost ez ane ir danc geschehen. ○○○○○

23.
Wer gab dir minne den gewalt.(H. 1, 245b; L. S. 56.)

dc dv so gewaltich bist.
dv twingest beide ivnc vnd alt.
davvr kan nieman dekeinen list.
nv lobe ich got sit diniv bant.
mich svlent twingen. dc ich so rehte han erkant.
wa dienest werdeclichen lit.
davon kvm ich niemer. gnade frowe kviniginne
la mich dir leben mine zit.

24.
     Ich lebte ie nach der lvite sage§     (H. 1, 251b)

wan daz si niht geliche iehent.
alse ich ein hohes herze trage
vnd si mich wol gemvoten sehent.
dc hazzet einer sere
der ander giht mir si freide ein ere.
nv weiz ich wene (so) ich volgen sol
hette ich wisheit vnd sin so tete ich gerne wol.[76]

25.
Ich hore ime meneger eren iehen(L. S. 71.)

der mir ein teil gedienet hat.
der ime in sin herze kan gesehen.

[34]

an des gnade svoche ich rat
dc er mirs rehte erschein.
nv fvrht aber ich dc ers mit valsche meine
tet er mir noch den willen schin
hat ich iht liebers danne den lip. des mvozer herre sin.

26.
Ist dc mich dienest helfen sol.

als ez doch menegen hat getan.
so gewinnet mir ir hvlde wol.
ein wille den ich hvite han.
der riet mir dc ich irbete.
vnd zvrnde aber si dc ich ez dannoch tete.
nv wil ich ez tvon swaz mir geschiht.
ein reiniv wise selic wip der laz ich doch so lihte niht.[77]

27.
Wie kvimet dc ich so wol verstan.

ir rede vnd si der miner niht.
vnd ich doch grozer swere niht enhan.
wan dc man mich frô drvnder siht.
ein ander man ez lieze.
nv volg aber ich swie ich ez niht genieze.
swar[78] ich darvmbe swere trage.
da enspich[78] ich niemer vbel zvo. wan so vil dc ich ez clage.

28.
     Mich hat ein wunneclicher wan.§     (H. 1, 252a; L. S. 71.)

vnd och ein lieber frvindes trost.
in senclichen kvmber braht
sol der mit vroide an mir zergan.
so enwirt ichez anders niht erlost.
ez enkome als ich mirs han gedaht.
vmbe ir vil minneclichen lip.
div mir enfremedet allvi wip.
wan dc ich ez alle dvr si eren mvoz.
io enger ich anders lones niht
von ich dekeiner wan ir grvoz.

[35]
29.
Mit valscheloser gvote liep.[79](L. S. 72.)

ein man der mir wol iemer mac.
gebieten swc er wil.
sin stete mir[80] froide gebt.
wan ich sin vil schone phfac. (so)
de kvimet von grozer liebe vil.
mir ist an ime (Bl. 7a) des mvoz ich iehen.
ein schones wibes heil geschehen.
div selde div wirt vns beiden schin.
sin tvigent hat ime die besten stat.
erworben in deme herzen min.

30.
Die mine vreide hat ein wip

gemachet stete vnd endelos.
von schvlden al die wile ich lebe
gnade svoch ich an ir lip.
enphahe ich wunneclichen trost.
der mac wol heizen frvindes gebe.
ein mannes heil mir da geschac.
da si mit rehten trviwen sprach
ich mvze ir herzen nahe sin.
nv endarf nieman wunder nemen
obe ane sorge lebet dc herzen mich. (so)

31.
     Frivntlichen lac§     (H. 1, 228a; L. S. 88.)

ein riter vil gemeit
an einer frowen arme
erkos den morgen lieht.
do er in dvr die wolken
so verre schinen sach
div frowe in leide sp”ch.
Owe geschehe dir tac
dc dv mich last bi liebe
langer bliben niet.

[36]

dc si da heizent minne
dc niewan senede leit.

32.
Frvindinne min

dv solt din trviren lan
ich wil mich von dir scheiden
dc ist vns beiden gvot.
ez hat der morgensterne
gemachet hinne lieht.
min frvint nv tv des niht.
la die rede sin.
dc dv mir iht so sere
beswerest minen mvot.
war gahest also balde
ez ist niht wol getan.

33.
Frowe nv (so)

ich wil beliben baz.
nv rede in kvrzen ziten
alles dv wilt. (so)
dc wir vnser hvote
trigen aber als ê.
min frvint dc tvot mir we.
e ich dir aber bi
gelige miner swere
der ist leider al zevil.
nv mit mich niht zelange
vil liep ist mir daz.

34.
Daz mvoz also geschehen(L. S. 89.)

dc ich ez niene mac.
sol ich dich frowe miden
eines tages lanc.
io enkvmet min herze
doch niemir von dir
min frvint nv volge mir.
dv solt mich schiere sehen.
obe dv mir sist mit trvwen
svnder wanc.

[37]

owe der ovgenweide
nv kvs ich den tac.

35.
Frowe ez ist zit

gebvet mir la mich varn.
io tvon ichez dvr din ere
dc ich von hinne ger.
der wahter div tageliet
so lvite erhaben hat.
frvindin wie wirt[81] ez rat.
dc laz ich dir den strit.
owe des vrlobes
des ich dich hinnen wer.
von dem ich habe die sele
der mvoze dich bewarn.

36.
Waz helfent blvomen rôt(H. 1, 228b)

sit ich nv hinnen sol.
vil liebe frvindinne
die sint vnmere mir.
rehte alse den vogellinen.
die winter kalten tage.
frvint dest och min clage
vnd mir ein wernde nôt.
io enweiz ich niht ein ende
wie lange ich bin[82] enbir.
nv lige eht eine wile
so engetete dv nie so wol.

37.
Der riter dannen schiet(L. S. 90.)

do senede sich sin lip.
vnd liez och sere weinde
die schonen frowen gvot.
doch galt er ir mit trviwen
dc ime vil nahe lac
si sp”ch swer ie gephac[83]

[38]

zesingen tageliet
mir der wil wider morgen
besweren minen mvot.
nv lige ich liebes eine
reht. alsein senede wip.

38.
     Ich han ir so wol gesprochen §     (H. 1, 237a; L. S. 40.)

dc si meneger in der welte lobet.
hat si dc an mir gerochen.
owe danne so han ich getobet.
dc ich die getivret han
vnd mit lobe gecroenet
div mich wider hoenet
frowe minne dc si vch getan.

39.
Frowe minne ich clage vch mere

rihtent mir vnd rihtent vber mich.
der ie streit vmbe vwer ere
wider vnstete lvite dc wc ich.
in den dingen. bin ich wunt.
ir hat mich geschoizen (so)
vnd gat si genozzen
ir ist sanfte ich bin aber vngesvnt.

40.
Frowe lat mich des geniezin

ich weiz wol ir habt noch strale me.
mvogent irs in ir herze schiezen.
dc ir werde mir gliche we.
ir sv- (Bl. 7b) lent edelvi kvinegin
ivwer wunden teilen
oder die minnen teilen[84]
solde ich eine alsvs verschaphen sin.

41.
Ich bin vwer frowe minne.(H. 1, 237b; L. S. 41.)

schizent dar da man vch wider ste.
helfent dc ich sie[85] gewinne.

[39]

neinen frowe dc sis iht enge
lat mich vch dc ende sagen.
vnd enget si vns beiden.
wir zwei sin gescheiden
wer solte vch danne iemir iht geclagen.

42.
     Ia lige ich mit gedanken§     (H. 3, 325a; L. S. XIII.)

der alrebesten bi.
mir ist leit dc ich si ie gesach.
sol si mir fremede sin.
ich enmac ir nvit vergezzen
diheine zit. sist gvot
vnd ist behvot
des trvret mir der mvot.
ir svlt mir alle helfen clagen
div leit div man an ir[86] tvot.

43.
     Ich saz vf eime steine§     (H. 1, 224b; L. S. 8.)

vnd dahte bein mit beine
darvf saste ich den ellenbogen
ich hete in mine hant gesmogen
min kinne vnd ein min wange
do daht ich mir vil ange
wes man zerwelte solte leben
dekeinen rat konde ich gegeben
wie man drvi dinc erwurbe
der deheinoz (so) niht verdvrbe.
div zwei sint ere vnd varnde gvot
dc dicke ein ander schaden tvot
de drite ist gottes hvlde
der zweir vbergvlde
die wolte ich gerne in einen schrin
ia leider des enmac niht sin
dc gvot vnd weltiche ere

[40]

vnd gottes hvlde mere
zesame in ein herze komen
stig vnd wege sint in benomen
vntrivwe ist in der saze
gewalt vert vf der straze
fride vnd reht sint sere wunt
div driv enhabent geleites niht div zwei enwerden ê gesvnt.

44.
Ich horte ein wazzer diezen(H. 1, 225a)

vnde sach die vische vliezen.
ich sach swaz in der welte waz
velt. walt lop rot[87] vnd graz
swaz chrivchet vnd vlivget.
vnd bein zer erden bivget.
dc sach ich vnd sag vch daz.
der dekeinez lebet ane haz.
dc wilt vnd dc gewurme
die stritent starke stvrme
same tvont die vogel vnder in.
wan dc si habent einen sin.
si endvhten sich zeniht.
si schvefen starc geriht.
si kiesent kvinege vnd reht.
si fezzent herren vnd kneht.
owe dir tivsche zvnge
wie stet din ordenvnge.
dc nv div mvgge ir kvnec hat.
vnd dc din ere also zergat.
bekera dich bekere.
die cirken sint zehere.
die armen kvinege dringent dich.
philippe setze ein weisen vf vnd heiz si treten hinder sich.

45.
Ich horte in rome liegen[88](H. 1, 224b; L. S. 9.)

zwene kvinige triegen.
davon hvop sich der meiste strit.

[41]

der e wc oder iemer sit.
der begonde sich zweien
die pfaffen vnd leien.
dc wc ein not von aller not.
lip vnd sele lac da tot.
die pfaffen striten sere
doch wart der lere[89] mere.
div swert div leiten[90] dernider.
vnd griffen zvo der stole wider.
si bienen die si wolten.
vnd nivt den si solten
do storte man div gottes hz.
ich horte verre in einer clvs.
vil michel vngebere.
da weinte ein closenere.
er clagete gotte sinvi leit.
owe der babest ist zeivnc hilf herre diner cristenheit.

46.
     Vil svoze were minne§     (H. 1, 254a; L. S. 76.)

berihte cranke sinne.
got dvr din ane beginne
bewar die cristenheit.
din kvnst ist fronebere
vber vf (so) der welte swere
den wifen barmenere (so)
hilf rechen disvi leit.
loeser vz den svnden
wir gern[91] swebenden vnden
vns mac din geist enzvnden
wirt rivwic herze erkant.
din blvot hat vns begozzen
den himel vf geflozzen.
nv loeset vnverdrozzen
dc here bernde lant.

[42]

vercinset lip vnd eigen
(Bl. 8a) got sol vns helfe erzeigen
vs den der menegen veigen
der sele hat gephant.

47.
Diz kvrce leben verswindet(L. S. 77.)

der tot vns svndic vindet.
swer sich zegotte gesindet
der mac der helle engan.
biswere ist gnade fvnden
nv heilent cristes wunden
sin lant wirt schiere enbvnden
dest sieher svnder wan.
kvinegin ob allen frowen
la wernde helfe schowen
din kint wart dort virhowen
sin menscheit sich ergab.
sin geist mvoz vns gevristen.
dc wirt[92] die diet verlisten.
der tovf si seit vncristen
wan fvhrten (so) si den stab.
der och die ivden villet
ir schrien. lvte irhillet
manic lop dem crvce erschillet
erloesen wir dc grab.

48.
Div menscheit mvoz verderben(H. 1, 254b)

svln wir den lon erwerben
got wolte dvr vns sterben
sin tro ist vf gespart.
sin crvce vil geheret.
hat meneges heil gemeret.
swer sich von zwivel keret
der hat den geist bewart.
svndic lip vergezzen

[43]

dir sint div iar gemezzen.
der tot hat vns besezzen
die vrigen ane wert.[93]
nv hellent hin geliche
da wir dc himelriche
erwerben sicherliche
bi dvlteclicher zer.
got wil mir[94] heldes handen
dort rechen dinen anden
sich schar vor menegen landen
den heiligeist her. (so)

49.
Got dine helfe vns sende(L. S. 78.)

mit diner zesewen hende
bewar vns an dem ende
so vns der geist verlat.
vor helle heizen wallen.
dc wir darin iht vallen.
ez ist wol kvnt vns allen.
wie iemerlich ez stat.
dc here lant vil reine
gar helfelos vnd eine
ierl’m nv weine
wie din vergezzen ist.
der heiden vber here
hat dich verschelket sere
dvr diner namen ere
la dich erbarmen crist.
mit welcher not si ringen.
die dort den boegen[95] dingen.
dc vns also betwingen
dc wende in kvrcer frist.

50.
     Nv alrest lebe ich mir werde.§     (H. 1, 278b; L. S. 14.)

sit min svndic ovge siht
dc here lant vnd och die erde

[44]

dem man vil der eren giht.
mirst geschehen des ich ie bat
ich bin komen an die stat
da got menschlichen trat.

51.
Schone lant rich vnd here(H. 1, 279a; L. S. 15.)

swaz ich der noch han gesehen.
so bist dvz ir aller ere
waz ist wunders hie geschehen.
dc ein maget ein kint gebar
here vber aller engel schar
waz daz niht ein wunder gar.

52.
Hie liezir (so) sich reine tovfen.

dc der mensche reine si.
do liezer sich hie verkovfen
daz wir eine wurden vri.
anders weren wir verlorn.
wol dir sper crvce vnd dorn.
wie dir zeiden dienst der zorn. (so)

53.
Hinnen vuor der svn zerhelle

von dem grabe da er inne lac.
des waz ie der vater geselle
vnd der geist den nieman mac.
svnder gescheiden dest alleine.
sleht vnde ebener[96] ein zein.
alse er abrah’a erschein.

54.
Do er den tievel do geschande(H. 1, 279b)

dc nie keiser baz gestreit.
do vuor er her wider zilande.
do hvob sich der ivden leit.
dc er here hvte brach. (so)
vnd dc man in sit lebendic sach
den ir hant nvoc[97] vnd stach.

[45]
55.
In diz lant hat er gesprochen(L. S. 16.)

einen angeslichen tac.
da die witwe wirt gerochen.
vnd der arme clagen mac.
vnd der weise den gewalt.
der da wirt an ime gestalt.
wol ime dort der hie virgalt.

56.
Ivden cristen vnd heiden.

iehent dc dinir[98] erbe si.
got sol vns zereht bescheiden.
dvr die sine namen dri.
al div welt div stritet der[99]
wir sin ander rehten ger.
reht ist dc er vns wer.

57.
     Ir svlt sprechen willekomen§     (H. 1, 245a; L. S. 56.)

(Bl. 8b) der vch mere bringet dc bin ich.
alles daz ir habt vernomen
dest gar ein wint nv vraget mich.
ich wil aber miete
wirt min lon iht gvot
ich sage vil lihte daz vch sanfte tvot
seht waz man mir eren biete.

58.
Ich wil tvschen vrowen sagen

solichvi mere. dc si deste baz.
alder welte svln behagen.
ane groze miete tvon ich dc.
waz wolde ich zelone
si sint mir zeher.
so bin ich gevuoge vnd bitte si nihtes mer.
wan daz si mich grvozen schone.

59.
Ich han lande vil gesehen

vnd nam der beste[100] gerne war.

[46]

vbel mvoze mir geschehen.
kvinde ich ie min herze bringe (so) dar.
dc ime wolte wol gevallen (so)
fremeder sitte.
wc hvlfe mich obe ich vil rehte stritte
tvischiv zvht gat vor in allen.

60.
Von der elbe vnz an den rin

her wider vns[101] an der vnger lant.
da mvogen wol die besten sin.
dc[102] ich inder welte han erkant.
kan ich rehte schowen.
gvot gelaz vnd lvp[103]
so swur ich wol dc hie dvi wip
bezzer sint danne ander frowen.

61.
Tivsche man sint wol gezogen(L. S. 57.)

rehte als engel sint div wip getan.
swer si schiltet derst gar betrogen
ich enkan sin anders nibt verstan.
tvgent vnd reine minne
swer die svochen wil.
der sol komen in vnser lant. da ist wunne vil
lange mvoze ich leben darinne. ○○○○○○

62.
     In nomine domini ich wil beginnen sprechen amen.§     (H. 1, 260b; L. 3.)

dc ist gvot vur vngelvche vnd vur tievels samen.
dc ich gesinge mvoze in dirre wis. also
swer hofschen sanc vnd frevde stoere dc der werde vnfro.
ich han wol vnd hovelichen her gesvngen
mit der hovescheit bin ich nv verdrvngen
dc die vnhoveschen nv zehove genemer sint danne ich.
daz mich eren solte dc vneret mich.
herzoge vz osterriche fvrste nv sprich
div[104] enwendes mich ez alleine. so verkere ich mine zvnge.

[47]
63.
Nv wil ich mich des scharpfen sanges och genieten.(L. 32.)

da ich ie mit forhten bat. da wil ich nv gebieten
ich sihe wol dc man herren gvot vnd wibez grvoz
gewalteclich vnd vngezogenlich erwerben mvoz.
singe ich minen hoffchen[105] sanc so clagent siz stollen.
des war ich gewunne vch lihte knollen.
sit si die schalkeit wellin. ich gemache in vollin cragen.
zeosterrich lernt ich singen vnd sagen.
da wil ich mich alrest beclagen.
vnd[106] ich an lvpolt hoffchen trost so ist mir min mvot entswollen.

64.
Ich han gemerken von der seine vnz an die mvore.(L. S. 31.)

von dem phade vnz an den treben erkenne ich alir vuore.
div meiste menege enrvochet wie si gewinnet gvot.
sol ich ez also gewinnen so ganc slafen hovescher mvot.
gvot waz ie gemeine[107] iedoch so gie dvi ere
vor dem gvote. nv ist dc gvot so here.
daz ez gewalticlichen vor ir zvo den frowen gat
zvo den fvrsten zv den kvnegen an ir rat
so we dir gvot wie roemeschriche stat.
dv enbist niht gvot. dv habst dich an die schande ein teil zesere.

65.
Ich han des karaderis gabe dicke enphangen(H. 1, 261a; L. S. 32.)

wir[108] er dvr ein vermissen bieten mir also dvr wanken[109]
er wenet lihte dc ich zvrne (Bl. 9a) nein ich niht.
imez[110] geschehen dc noch vil menegem milten man geschiht
waz mir lihte leide do waz ime noch leider.
do er geschaffen hate cleider. (so)
daz man mir niht engab darvmbe zvrn er anderswa
ich weiz wol swer willeclichen sprichet ia.
der gebe och gerne vnd were ez danne da.
dirre zorn ist an alle schvlde weizgot vnser beider.

66.
Ich enweiz[111] weme ich gelichen mvoz die hovebellen.

wan den mvisen die sich selbe meldent tragent si schellen

[48]

des lekers her mvse clanc. kvmpt si vz ir clvs.
so schrien wir vil lihte. ein schalc ein schalc ein mvis ein mvis.
edel kerendere ich sol dir clagen sere
milter fvrhste (so) marterer vmbe ere.
ine weiz wer in dinem hove verkeret minen sanc
laz ich ez niht dvr dich vnd ist er niht zecranc.
so swing ich den swinden wider sanc.[112]
vrage waz ich habe gesvngen[113] vnd ervar vns wers verkere.

67.
Ir bischof vnd ir edeln pfaffen ir sit verleitet(H. 1, 261b; L. 33.)

seht wie vch der babest mit des tievels stricken seren[114]
saget ir vns daz er sancte peters slvizel habe.
so saget warvmbe er sine lere von den bvochen schabe.
daz man gotes gabe iht kovfe oder verkovfe.
dc wart vns verbotten bi der tovfe
nv leret in sin swarzez bvoch. dc ime der helle more
hat gegeben vnd vz ime leset sinvi ror.
ir kardenele ir deket ivwern kor
vnser alter vrone der stet vnder einer vbelen traffe.[115]

68.
Die[116] cristenliche doch der babest vnser lachet(L. S. 34.)

swenne er sinen walhen seit wie erz hie habe gemachet.
daz er da redde ern sold ez niemer han gedaht.
er giht ich han zwene alman vnder eine crone braht.
dc siz riche stoeren vnd brennen vnd wusten[117]
aldie wile vulle ich die kasten
dort han ich ez in den stok geleit. ir schatz wirt aller min.
tivsches silber vert inminen wehsel schrin.
so magerent si. so veisten wir same div swin.
mine pfaffen svln mir der torschen legen gvote mosten.
mine pfaffen die svln vrezzen swehen leigen heizen vasten
mine pfaffen die svln rogel ezzen gegen der slahte masten.
mine pfaffen die svln obene predigen nider halben staten.[118]

[49]
69.
Swelch herze sich bi disen ziten niht verkeret

sit dc der babest selbe dort den vngelovben meret.
da wont ein selic geist vnd got des minne bi.
nv seht ir waz der pfaffen werc vnd waz ir lere si.
ê daz waz ir lere bi den werken reine.
nv sint si aber anders so gemeine.
dc wirs vnrehte wurken sehen vnrehte hoeren sagen.
die vns gvoter lere bilde solten tragen.
des mvogen wir tvmbe leien wol verzagen.
ich wene aber min gvoter closenere trage[119] vnd sere weine.

70.
……[120] hove so lobelicher manne(H. 1, 262b)

so ist min win gelesen vnd svozet wol min pfaffe[121]
der biderbe patriarche missewende vri.
der ist ir einer so ist min hofscher trost zehant da bi.
lvipolt zwir ein fvrste stir vnd osterriche
niemen lept den ich zvo deme geliche.
sin lop ist niht ein lobelin er mac. er hat. er tvot.
so ist sin vetir alse der milte welf gemvot.
des lop waz ganz. ez ist nach tode gvot.
mir ist vil vnnot. dc ich dvrch handelvnge iht verre stricke.[122]

71.
Ich bin des milten lantgrave ingesinde(L. S. 35.)

(Bl. 9b) ez ist min sitte dc man mich iemer bi den tivrsten vinde.
die andern vuirsten alle sint vil milte. iedoch
so steteclichen niht. er waz e. vnd ist ez noch.
davon kan er baz danne si der mitte gebaren
er enwil dekeiner lvne varen.
swer hvire schallet vnd ist hin ze iare bose alse ê.
des lop grvonet. vnd valwet so der clê.
der dvrnge blvome schinet dvr den sne.
svmer vnd winter blvot sin lop. als in den ersten iaren.

72.
Herzoge vz osterriche la mich[123] den lviten.

wunsche mir zevelde niht zewalde. ich enkan niht rviten

[50]

si sehent mich bi in gerne. also tvon ich si.
dv wunschest vnderwilent bidder manne dv enweist niht wie.
wunsches dv mir[124] von in so tvost dv mir leide.
vil selic si der walt darzvo div heide.
dvi mvoze dir vil wol gezemen. wie hast dv nv getan.
sit ich dir an din gemach gewunschet han.
vnd dv mir[124] an min vngemach. la stan
wis dv von in la mich bi in so leben wir sanfte beide.

73.
An wibe lobe stet wol daz man si heize schone.(H. 1, 263a)

manin[125] stet ez wol[126] ez ist zewich vnd ofte hoene.
kvine vnd milte. vnd dc er darzvo stete si.
so ist vil gar gelobet. den zwein stet wol dc dritte bi.
wil ez vch niht. versmehen so wil ich ez vch leren
wie mir[127] loben svln vnd niht vneren.
ir mvozet in die lvite sehen. welt ir. irkennen wol.
nieman vzzen nach der varwe loben sol
vil menic tore ist innen tvigende vol.
we wie wiz der biderben herzen sint der si wil vmbe keren.

74.
     Vil wol gelobter got wie selten ich dich prise.§     (L. S. 26.)

sit ich von dir beide wort han. vnd wise.
wie getar ich so gevreveln vnder dime rise.
ich entvon div rehten werc. ich enhan der waren minne
ze minem ebencristen herre noch zvo dir.
so holt enwart ich ir dekeinem nie[128]
frone crist vater vnd svn din geist berihte minen sin.[129]
wie solt ich den geminnen der mir vbele tvot.
mir mvoz der iemer lieber sin. der mir ist gvot.
vergip mir anders mine schvlde ich wil noch haben den mvot.

75.
Ich han des hern otten trivwe er enmache mich noch riche[130](H. 1, 264b)

dc er minen dienest man so tovgenliche (so)
waz bestet zelone des deme kvinige vrideriche

[51]

min vordervnge ist vf in cleiner danne ein bone
ez ensi so vil obe er der alten spruche were fro.
ein vater lerte sinen lieben svn also.
svn diene manne beste[131] dc dir manne beste lone
ich hotte[132] ich binz der svn ir sit der boeste man
wand ich so sere boesen herren nie gewan.
her kvinic sit irz der beste sit vch got des lones gan.

76.
Von rome vogt von pvlle kvinic lat vch erbarmen.(L. S. 28.)

dc man mich bi richer kvnst leit alsvs arm[133]
gerne wolte ich mohte ez sin bi eigem vuire erwarmen.
zai wie ich danne svnge von den vogellinen
von der heide vnd von den blvomen als ich wilent sanc.
swelch schone wip mir denne gebe ir habedanc.
der liez ich lilien vnd rosen vz ir wangel schinen
kvme ich spate vnd rite vruo gast we dir we.
so mac der wirt wol singen von dem grvonen cle.
die not bedenke milter kvinic dc vwer not zerge.

77.
     Sit willekomen herre wirt dem grvoze wil ich swigen.§     (L. 31.)

sit willekome herre gast so mvoz ich sprechen oder nigen.
heim vnd wirt sint zwene (Bl. 10a) vnschemeliche namen
gast vnd herberge mvoz ich mich dicke schamen
nv mvoze ich goleben dc ich den gast noch grvoze
dc er mir same dem wirte danken mvoze
sit hinaht hete (so) vart morgen vruo. waz gogelnvore ist daz
ich bin heim oder ich wil heim daz troestet baz.
schach vnd gast sint selten ane haz.
nv bvozet mir des gastes dc vch got des schaches bvoze.

78.
     Herzoge vz osterriche ez ist vch wol ergangen(H. 1, 265b)

vnde alse schone dc vns mvoz nach vch belangen
sit gewis swenne ir vns komet ir werdent doch enphangen
ir sit wol wert daz wir die gloggen gen vch lviten
drigen[134] vnd schowen alsein wunder komen si.

[52]

ir komet vns beide svnden vnd schanden fri.
des svln wir man ivch loben. vnd die frowen svln vch trivten
dis liehte lop wol vueget heime vnz vf dc ort.
sit vns hie biderbe vur dc vngevuogete wort.
dc iemen spreche ir soltet sin beliben mit eren dort.

79.
Ein schalc in swelchem namen er si der dankes triege(L. 28.)

sinen herren vnd ime rate dc er liege
erlamen mvoz ime sin bein swenn erz zvo deheime rate svle biegen.
si er aber so her dc er zvo deme rate sitze
so wuinsch ich ime dc ime sin vngetrvwe zvnge erlam. (so)
die selbem machent vns die biderben ane schame
sol liegen witze sin so phlegent si schemelicher witze
weme mvogen si raten daz si lazen in ir cragen
so valsch geheize vnd nach geheize niht versagen.
vnd si geben e danne lop der kalc werde abe getragen. (so)

80.
     Der[135] keiser sit ir willekomen§     (H. 1, 271b; L. 11.)

der kvinege name ist vch benomen.
des schinet vwer crone ob allen cronen.
vwer hant ist crefte vnd gvotes vol
ir wellet vbel oder wol.
so mac si beidvi rechen vnd lonen.
darzvo sag ich vch mere
die fvrsten sint vch vndertan
si habent mit zvhten vwer kvnst erbeitet
vnd ie der missenere
der ist iemer vwer ane. wan
von gotte wurde ein engel ê verleitet.

81.
Her keiser ich bin frone botte(L. S. 12.)

vnd bring vch botschaft von gotte.
ir habt die ere ir hant daz himelriche.
er hiez vch clagen ir sit sin voget
in sines svnes lande brogt
dv[136] heidenschaft vch beiden lasterlichen

[53]

ir mvogent ime gerne rihten
sin svn der ist geheizen crist.
er hiez vch sagen wie erz verschvlden welle.
nv lat in zvo[137] phlihten.
er rihtet da[138] vogt ist.
clagt ir ioch vber den tievel vz der helle.

82.
Her keiser swenne ir tvischen fride

gemachet stete bi der wide.
so bietent vch die fremeden zvngen ere.
die svlt ir nemen an arbeit.
vnd svenen al die cristenheit.
dc tivret vch vnd mvot die heiden sere.
ir tragt zwei keisers ellen
des arn tvigent des lewen craft.
die sint des herzeichen an dem schilte
die zwene hergesellen
wan woltens an die heidenschaft.
waz wider stvende ir manheit vnd ir milte.

83.
Got gibet zekvinege swaz er wil

darvmbe wundert mich niht vil.
vns leien wundert vmbe der pfaffen lere.
si lerten vns bi kvrzen tagen
dc wellent si vns nv wider sagen.
nv tvnz dvr got vnd dvr ir selbes ere.
vnd sagen vns bi ir trvwen
an welcher rede wir sin betrogen
vol rechen vns die einen wol von grvinde
die alten ê die nviwen
vns dvnket eines si gelogen
zwo zvngen stant vnebene in einem mvnde.

84.
Des[139] gottes svn hie in erde gie(H. 1, 271a; L. S. 11.)

do versvhten in die (Bl. 10b) ivden ie
same tatens eines tages mit dirre vrage.

[54]

si vragenten ob ir vries leben.
dem kvinege iht zinses solte geben
do brach er in die hvote vnd al ir lage
er hiesch ein mvnzisen
er sp”ch wes bilde ist hie irgraben
des keisers sprachen do die merkere.
do riet er den vnwisen.
dc si den keiser liezen haben
sin kvineges reht vnd got swaz gotes were.

85.
     Hi vor do man so rehte minneclichen warb§     (H. 1, 241b)

do waren mine sprvche froiden riche
sit dc dvi wunnecliche minne also verdarp
sit sanc och ich ein teil vnminneclichen.
iemer als ez danne stat
also sol man danne singen.
swenne vnvuoge nv zergat
so si[140] aber von hofschen dingen
noch kvmpt froide vnd sanges tac
wol ime derz erbeiten mac
derz gelovben wolte
so erkande ich wol die vuoge
wenne vnd wie man singen solte.

86.
Ich sanc hvite vor den frowen vmbe ir blozen grvoz(L. S. 49.)

den nam ich wider minne[141] lobe zelone.
swa ich geltes so vergebene warten mvoz
da lobe ein ander den si grvozen schone
swa ich niht erwerben kan
einen grvoz mit mime sange.
dar wend ich vil herscher man
minen nac oder ein min wange
dc kit mir ist vmbe dich.
rehte als dir ist vmbe mich
ich wil min lop keren

[55]

an wip die danken kvnnen
wc han ich von den vberheren.

87.
Ich sage vch waz vns den gemeinen schaden tvot(H. 1, 242a)

div wip gelichent vns ein teil zesere
dc wir in also liep sin. vbel als gvot
seht dc glichen nimet vns vroide vnd ere.
schieden vns dvi wip alse.
dc och si sich liezen scheiden.
dc gefrvmpt vns iemer me
manne vnd wiben beiden.
wc stet vbel waz stet wol.
ob man vns niht scheiden sol
edele wip gedenket
dc och die man waz kvnnen
gelichens vch ir sit getrenket.

88.
Wip mvoz iemer sin der wibe hohste name

vnd tuiret[142] baz denne vrowe als ich ez erkenne.
swa nv deheinvi si div sich ir wipheit schame
div merke disen sanc vnd kiese denne
vnder frowen sint vnwip
vnder wiben sint si tivre.
wibes name vnd wibes lip
die sint beide vil gehvere.
swiez vmbe alle frowen var.
wip sint alle frowen gar.
zwivel lop daz hoenet
alse vnderwilen frowe
wip daz ist ein lop daz si alle croenet.

89.
     Si wunder wol gemachet wip§     (H. 1, 244a; L. S. 53.)

dc mir noch werde ir habedanc.
ich setze ir minneclichen lip

[56]

vil der[143] in minen hohen sanc
gern ich in allen dienen sol
doch habe ich mir diz vz erkorn.
ein ander weiz die sinen wol
die lobe er ane minen zorn.
habe ime wise vnd wort
mit mir gemeine lobe ich hie so lobe er dort.

90.
Got hat ir wengel[WS 10] hohen vliz(H. 1, 244b)

er streich so tvire varwe dar.
so reine rot so reine wiz
hie roeseloht dort lilien var.
obe ich vor svnden tar gesagen.
so sehe ich ez[144] si iemir gerner an
danne himel wagen (so)
owe wc lob ich tvmber man
mache ich si mir zeher
vil lihte wirt mins mvndes lop mins herzen ser.

91.
Si hat ein kvissen dc ist rot

gewunne ich dc fvir minen mvnt.
so stvnt ich vf vz dirre not
vnd were och iemer me gesvnt.
dem si dc an sin wengel legt
der wonet da gerne nahe bi.
ez smeket so mans iender reget
alsam ez alles balsame si
dc. sol si lihen mir
so dicke so si ez wider wil so gib ich ez ir.

92.
Ir kel ir hant iewer[145] fvoz

dc ist zewinsche wol getan.
obe (Bl. 11a) ich da entswischent loben mvoz
so wene ich me beschowet han.
ich het vngerne dicke bloz

[57]

gervefet do ich si nacket sach.
si sach min niht do si mich schoz
dc stichet noch alse do stach
ich lobe die reinen stat
da div vil minneclich vz einem bade trât.

93.
Ir hovbet ist so wunnenrich(H. 1, 244b)

alse ez min himel welle sin.
wem solde ez anders sin gelich
ez hat doch himeleschen sin.[146]
da livhten zwene sternen abe
da mvoze ich mich noch inne ersehen.
dc si mirs also nahe habe
so mohte ein wunder wol geschehen.
ich ivnge vnd tvot si dc
vnd wirt mir gernden siechen seneder svhte baz.

94.
     Phylippe kvinec here§     (H. 1, 235b; L. S. 16.)

si gebent dir alle heiles wort.
vnd wol den lip nah leide
nv hast dv gvot vnd ere
dc ist wol zweir kvinege hort.
dv gip din milte beide.
der milten lon ist so dvi sat.
dvi wunnecliche wider gat.
darnach man si geworfen hat
wirf von dir miltecliche
swel kvinec der milte geben. kan.
si git ime dc er nie gewan.
wie alexander sich versan.
der gab vnd gab vnd gab sim ellvi riche.(L. S. 17.)

95.
Wir svln den kochen raten

sit ez in also hohe ste.
dc si sich niht versvmen
dc si der wursten braten.

[58]

snider[147] grozer baz danne ê.
doch dicker einer[148] dvmen
ze krichen wart ein spiz versniten.
dc tet ein hant mit argen sitten.
si enmohtes niemer han vermitten
der brate wc zedvnne.
des mvoze der herre fvr die tvr
die fvrsten sazen ander kvr.
der nv dc riche also verlvre.
dem stvende baz. dc er nie spiz gewunne.

96.
Waz eren bat[149] vro bone

dc man so von ir singen sol
si rehtvi vasten kviwe.
sist vor vnd nach der none.
wol[150] vnd ist der wibel vol.
wan erst in der nviwe
ein halm ist crestec vnd gvot.
waz er vns allen liebes tvot.
er vrevt vil menegem sinen mvot.
wie danne vmbe sinen samen.
von grase wirt halm zestro
er machet manic herze vro
er ist gvot nider vnd hohe
frowe bone set libera nos a malo amen.

97.
Her wicman ist der[151] ere(H. 1, 236a; L. S. 18.)

dc man die meister irten sol.
so meinsterlichen spreche. (so)
lat ez vch geschehen niht mere
vuir war ich vch dc raten sol.
wc obe hêr walther irrvhe[152]
ir solt ez doch iemer han vor vch.
also der wetze[153] vor der spriv.
singet er[154] einez er singet drvi.

[59]

dc gelichet sich rehte alse ars vnd mane
hêr walther singet wc er wil
des kvrzen vnd des langen vil.
svz meret er der welte spil
so iagent ir alse ein leithvnt nach wane.

98.
Mir hat ein lieht von vranken

der stolze missenere braht.
dc wert[155] von Lvdewige
ich enkan in[156] niht gedanken.
so wol alz er min hat gedaht.
wan daz ich tiefe nige.
kvinde ich swc ieman gvotes kan.
dc teilt ich mit dem werden man.
der mir so hoher eren gan
got mvoze ime erenneren.[157]
darzvo vliz vnd selden vlvz.
iht wildes vnd[158] sinen schvz.
sin hvndes lovf sins hornes dvz.
der helle ime vnd schelle ime wol nach eren.

99.
     Dvi sele mvoze wol gevarn§     (H. 1, 250a; L. S. 67.)

ich han zer welte menegen lip.
gemachet vro man vnd wip
kvinde ich dar vnder mich bewarn
lop     ich des libes minne dc der sele leit.
si giht ez si ein lvige ich tobe.
der     waren minne gibt si ganzer stetecheit
wie gvot si si weiz si[159] iemer wer
lip la die minne dvi dich lat
vnd habe die steten minne wert
mich (Bl. 11b) dvnket der dv hast gegert
dvi si niht visch vnz an den grât.

100.
Ich hat ein schonez bilde erkorn

owe dc ich[160] ie gesach.

[60]

alder ie so vil zvozime gesp”ch
ez hat schone vnd rede verlorn.
da     wonte ein wunder inne dc vur ine weiz war.
da von gesweic dc bilde ie sa.
sin     lilie rose varwe wart so kackelvar (so)
dc ez verlorn[161] smac vnd sin[162]
min bilde obe ich bekerkelt bin
in dir so la mich vz also
dc wir ein ander vinden vro
wan ich mvoz aber wider in.

101.
Ir reinen wip ir werden man(H. 1, 249b; L. S. 66.)

ez stet also dc man mir mvoz
ere vnd minneclichen grvoz.
noch volleclichen bieten an.
des     habt ir von schvlden grozer reht danne e.
wolt ir vernemen ich sage vch[163]
wol     vierzic iar habe ich gesvngen oder mer.
von minnen vnd also ieman sol.
do wc ich ez mit den andern geil.
nv enwirt mirs niht ez wirt vch gar.
min minnesanc der diene iv dar.
vnd vwer hvlde si min teil.

102.
Lat mich an eime stabe gan

vnd werben vmbe werdecheit.
mit vnverzagiter areibeit
als ich von kinde han getan.
so     bin ich doch swie nider ich si der werden ein
gnvog in miner maze hoh.
mvot dc     die nideren ob mich dc iht swache nein.
die biderben hant mich deste baz.
der werden wirde ist so gvot.
dc man in daz hohste lop sol geben.
ez enwart nie hovelicher leben.
swer so dem ende[164] tvot.

[61]
103.
Welt ich han dinen lon wol gesehen(H. 1, 250a; L. S. 67.)

swc dv mir gist dc nimest dv mir
wir scheiden alle bloz von dir
schame dich sol mir also geschehen.
lip vnd sele han ich des wc gar zevil. (so)
gewaget tvisent stvnt dvr dich
nv     bin ich alt vnd hast mit mir dir[165] gampelspil
ist mir dc zorn so lachest dv
nv lache vns eine wile noch
din iamer tac wil schiere komen
vnd nimet dir swaz dv vns hast benomen
vnd brennet dich darvmbe iedoch.

104.
     Daz milter man gar warhaft si§     (H. 1, 269a; L. 104.)

geschiht dc da ist wunder bi
der groze wille der da ist
wie mac der werden verendet.
des war da hoeret witzze zvo
vnd wachen gegen dem morgen vruo.
vnd anders manec schoener list
dc ez iht werde erwendet.
der also tvot
der sol den mvot
an rviwe selten keren
mit wizzen sol erz alles wegen
vnd laze got der selden phlegen
so sol man stegen
nach langer wernden eren.

105.
     Min frowe wil zeschedelichen§     (H. 1, 240a; L. 45.)

schimpfen ich han vz gelobet.
si tvmbet obe si niht entobet
io ne wart ich lobes noch nie so riche.
torst ich vor den wandelberen
so lobte ich die zelobenne weren

[62]

dies enhaben deheinem mvot
ich engelobe si niemer alle
swie ez den losen missevalle
si enwerden alle gvot.

106.
Ich weiz si dvi daz niht ennidet(H. 1, 240b)

dc man nennet reinvi wip.
so rehte rein solt ir lip.
dc si der gvoten lop wol lidet
er engab ir zecleine
der si geschvof schone vnd reine
der dvi zwei zesemme sloz.
wie gevuoge er kvnde sliezen
er sold iemer bilde giezen.
der dc selbe bilde goz.

107.
Sich crenken frowen vnd pfaffen

dc si sich niht scheiden lan.
die den verschampten bi gestan
die wellent lihte och mit in schaffen.[166]
we dc zwein alse edelen namen
mit den schamelosen werben
sicherliche si verderben
sine wellens sich erschamen.

108.
     Nv sol der (Bl. 12a) keiser here§     (H. 1, 269a; L. 105.)

vur brechen dvr sin ere
des lantgraven missetat
wand er waz doch zware
sin vient offenbare
die zagen trvogen stillen rat.
si swuoren hie si swuoren dort.
vnd prieweten vngetrviwen mort
von rome vuor ir schelten
ir dvf enmohte sich niht verheln
si begonden vnderzwischen steln

[63]

vnd alle ein ander melden
seht diepstal diebe
dro tet liebe.

109.
Der missenere solde

mir wandeln ober wolte
minen dienst laz ich alles varn.
niewan min lop alleine
deich in mit lobe iht meine.
dc kan ich schone wol bewarn
lobe ich in so lobe er mich
des andern alles des wil ich
in minneclich erlazet (so)
sin lop daz mvoz och mir gezemen
oder ich wil mines herwider nemen
zehove vnd ander straze
so ist nv gnvog
gewarte (so) siner vuoge.

110.
Ich han dem missenere(H. 1, 296b; L. S. 106.)

gevuoget menic mere
baz danne er nv gedenke min
waz sol dvi rede beschoenet
mohte ich in haben gecroenet
dvi crone were hvete sin.
het er mir do gelonet baz
ich dient ime aber ettezwas
noch kan ich schaden vertriben
er ist aber so vuoge niht.
dc er mir biete wandels reht[167]
da lazen wirs beliben.
waz vil verdirbet
des man niht enwirbet.

111.
     Lange swigen des hat ich gedaht§     (H. 1, 252a; L. 72.)

nv mvoz ich singen aber alse ê.
darzvo habent mich gvote lvite braht

[64]

die mvogen mir wol gebieten me
ich sol singen vnd sagen
vnd swes si gern dc sol ich tvon. so svln si miner[168] kvmber clagen.

112.
Hoeret wunder wie mir ist geschen

von min selbes arbeit.
mich enwil ein wip niht angesen.
die braht ich in die werdecheit
dc ir mvot so hohe stat.
ion weiz si niht swenne ich min singen laze dc ir lop zergat.

113.
Herre waz si vlueche liden sol(H. 1, 252b; L. 73.)

swenne ich nv laze minen sanc.
alle die nv loben dc weiz ich wol
die schelten denne[169] ane mine[170] danc.
tvisent herzen wurden vro.
von ir gnaden des engeltent si lihte ich mich von ir also. (so)

114.
So mich dvhte dc si were gvot.

wer wc er[171] bezzer do danne ich
dest ein ende swc si mir getvot
so mac si wol verweinen[172] sich
nimet si mich von dirre not.
ir loben hat mines lenbennes ere. sterbet si mich so ist si tôt.

115.
Solde ich in ir dienste werden alt

die wile ivnget si niht vil.
so ist min har vil lihte also gestalt
dc si einen ivngen danne wil.
so helfe vch got herre ivnger man.
so rechet mich vnd gant ir alten ht mit svmerlatten an.

116.
     Die mir in dem winter vroide hant benomen§     (H. 1, 257b)

si heizen wip si heizen man
disvi svmerzit. dvi mvoz in baz bekomen.
owe dc ich niht vluochen kan

[65]

leider ich enkan niht mere
wan dc vbel wort vnselic neina dc were alzesere.

117.
Zwene herzeliebe vlueche kan ich och.

die vluochent nach dem willen min.
hvire mvozens beide esel vnd den[173] govch
hoeren ê si enbizzen si.[174]
we ime denne dem vil armen
wezs ich obe siz noch gervwe ich wolte mich dvr got erbarme.

118.
Wan sol sin gedvltic wider vngedvlt(H. 1, 253a)

dc ist den schamelosen leit.
swen die boezen hazzent ane sine schvlt.
dc kvimet von siner frvmecheit
troestet mich dvi gvote alleine
dvi mich wol getroesten mac so gebe ich vmbe ir niden cleine.

119.
Ich wil alder welte swern vf ir lip(L. S. 74.)

den eit sol si (Bl. 12b) wol vernemen.
si mir ieman lieber maget oder wip
dvi helle mvoze mir gezemen
hat si nv deheine trviwe.
so getrvwet si dem eide vnd enstet mins herzen rviwe.

120.
Herren vnd vruint. nv helfent an der zit

dc[175] ein ende ez ist also.
ich enbviten dir minen minneclichen strit.
io enwirt ich niemer rehte vro.
mines herzen tiefe wunde
dvi mvoz iemer offen sten si enkvisse mich mit frvindes mvnde.
mins herzen tiefe wunde
dvi mvoz iemir offen sten. si enheiles vf vnd vz von grvinde.
mines herzen tiefe wunde
die mvoz iemir offen stein sine werde heil von hiltegvnde.

121.
Herze liebez vrowelin§     (H. 1, 242a; L. S. 49.)

got gebe dir hvite vnd iemer gvot.

[66]

kvnd ich baz gedenken din
des het ich willeclichen mvot.
waz mach ich nv sagen mê
wan dc dir nieman holder ist owe davon ist mir vil we.

122.
Si verwizent mir dc ich

nider wende minen sanc.
dc si niht versinnent sich
wc liebe si des haben vndanc.
siv getraf div liebe nie
die da nach dem gvote vnd nach der sene[176] minnent we wie minnent die.

123.
Bi der schone ist dicke haz(H. 1, 242b; L. S. 50.)

zvo der schone niemen si zegach.
liep tvot dem herzen baz
der liebe get dvi schone nach.
liebe machet schoner wip
des mac dvi schone niht getvon. sine gemachet lieben lip.

124.
Ich vertrage als ich vertrvoc.

vnd als ich zeiner wile vertrage. (so)
dv bist schone vnd hast gnvoc.
wc mvogen si mir davon gesagen
swc si sagen ich bin dir holt.
vnd nim din glesin vingerlin vur einer kvneginne golt.

125.
Hast dv triwe vnd stetecheit

so bin ich din ane angest gar.
dc mir iemen[177] herzeleit
mit dinem willen widervar.
hast aber dv der zweier niht.
so mvozest dv min niemer werden owe ob daz geschiht.

126.
     Hvite gebe ir got vil gvoten tac.§     (H. 1, 88a)

der ich anders niht gegrvozen mac.
also sprich ich iemer

[67]

alle morgen vruo
vnd virgizze ir niemer
gegen dem abent gvoter naht darzvo.

127.
Si bat mich do ich ivngest von ir schiet.

dc ich ir sante mine nviwen liet
dvi sold ich ir senden
nv enweiz ich bi wem.
ders ir wizen hende
schone brahte vnd ir zebotten gezem.

128.
Waz obe mich ein bote versvmet gar.(H. 1, 88b)

ich wil mer danne tvsent senden dar.
dc si ir alle bringen
minen svozen[178]
vnd in schone singen
so wirt mir vil lihte ein habedanc.

129.
Mir seit ein ellender bilgerin(H. 1, 88a)

vngevraget von der frowin min.
er iach dc si were
schone vnd wol gemvot.
dc wc mir ein mere
daz mir an dem herzen sanfte tvot.[179]

130.
     Werlt dv ensolt niht vmbe dc§     (H. 1, 247a; L. S. 60.)

zvrnen ob ich lones man.
grveze mich ein wenic baz
sihe mich minneclichen an.
dv maht mich wol pfenden
vnd min heil erwenden
dc stet frowe in dinen henden.

131.
(D)v[180] hast lieber dinge vil

der mir eines werden sol.
werlt wie ich dc dienen wil

[68]

doch solt dv gedenken wol
obe ich hie getrete
vuoz von miner stete
sit dv mih dir dienen bete.

132.
Wie sol ich gewarten dir(L. S. 59.)

welt wilt also winden dich.
wenes dv dich entwinden mir.
nein ich kan och winden mich
dv wilt sere gahen.
vnd ist vil vnnahen
daz ich dich noch svl versmahen.

133.
     Vro welt ir svlt deme wirte sagen§     (H. 1, 233a; L. 100.)

daz ich ime gar ver- (Bl. 13a) golten habe
min grozer gelt ist abe geschlagen
dc er mich von dem brieve schabe
swer ime iht sol der mac wol sorgen.
ê ich des leides wolte phlegen. ich solte ê zeimem ivden borgen
der swiget iemer vnz an einen tac.
so heizet er danne ein wette geben.
alse iener niht vergelten mac. ○○○○○○

134.
     Nement frowe disen cranz§     (H. 1, 253a; L. S. 74.)

also sp”ch ich zeiner wol getanen maget
so zieret ir den tanz
mit den schonen blvomen. als irs vffe traget.
het ich vil edele gesteine
dc mvoz vf vwer hovbet
obe ir mirs gehovbet.[181]
sent mine trvwe dc ich ez meine.

135.
Frowe ir sit so wolgetan(L. S. 75.)

daz ich vch min schappel gerne geben wil
daz aller beste daz ich han.
wizer vnd roter blvomen weiz ich vil.

[69]

die stent so verre in iener heide
da si schone entsprvngen
vnd die cleinen vogele svngen
da svln wir si brechen beide.

136.
Si nam dc ich ir bot(L. S. 74.)

einem kinde vil gelic dc ere hat.
ir wangen wurden rot
same dvi rose da si bi der lilien stat
des erschampten sich liehtvi ovgen.
doch neic si mir vil schone
dc wart mir zelone.
wirt mirs iht mere dc trage ich tovgen.

137.
Mir ist von ir geschehen(H. 1, 253b; L. S. 75.)

dc ich disen svmer allen miden[182] mvoz.
vaste vnder dvi ovgen sehen
lihte wirt mir eine[183] so ist mir sorgen bvoz
waz obe si get in disem tanze.
frowe dvr vwer gvote
rvket vf. die hvte.
owe gesahe ich ez vnder cranz.

138.
Mich dvhte dc mir ie[184]

lieber wurde danne mir zemvote waz.
die blvomen vielen ie
von den bovimen bi vns nider an dc graz
seht do mvoste ich von froiden lachen
do ich so wunnecliche
waz in trovme riche
do taget ez vnd mvoze ich wachen.

139.
     Do der svmer komen waz§     (H. 1, 230b; L. S. 94.)

vnd die blvomen dvr daz grâz
wunneclichen sprvngen
alda die vogele svngen

[70]

dar kom ich gegangen
an einen anger langen
da ein lvter brvnne entspranc
vor dem walde waz sin ganc.
da dvi nahtegale sanc.

140.
Bi dem brvnnen stvont ein bovm

da gesach ich einen trovm.
do kom ich von der svnnen
gegangen zvo dem brvnnen.
dc div linde mere
den kvelen schatten bere.
bi dem brvnnen ich gesaz
miner swere ich gar vergaz
schier enslief[185] vmbe daz.

141.
Da bedvhte mich zehant

wie mir dienten allvi lanc.[186]
wie min sele were
zihimel ane swere.
vnd wie der lip solte
gebaren swie er wolte.
dane wc mir niht ze[187] we
got der waldes swiez irge
schoner trovm enwart nie mê.

142.
Gerne slief ich iemer da

wan ein vnseligvi chra
dvi begonde schrien.
dc alle chra gedien.
alse ich indes gvnne.
si nam[188] michel wunne
von ir scherien[189] ich erschrac
wan dc da niht steines lac
so were ez ir svontac.

[71]
143.
Wan ein wunder altes wip.(L. S. 95)

dvi getroste mir den lip.
die begond ich eiden
nv hat si mir bescheiden.
waz der trovm bedvhte.[190]
dc hoeret lieben lvite
zwen vnd einer dc sint dri.
dannoc seite si mir dabi.
dc min dvme ein vinger si.

144.
     Werder grvoz von frowen mvnde§     (H. 1, 315b)

der frevt vf. vnd vf von grvinde
baz danne alle vogele singen.
kan aber ieman vro beliben
anders iht wan bi den wiben
fvrder swer des habe gedingen.
wc gelichet sich darzvo
swer nv wunne
prvewen kvnne
der sage waz ime sanfter tvo.

145.
Wilen fragt ich der mere

wc fvr trvren sanfter were
dc wolte ich vil gerne scho- (Bl. 13b) wen
do hort ich die wisen rete
dc och niht so sanfte tete
so dvi vroide von den frowen.
von den ist ez mir geschehen
svnder lovgen
swc dvi ovgen
ganzer froide habent gesehen.

146.
Sist vil gvot dc ich wol swuore

der div riche gar dvr vuere
von dem orte vnz an dc ende.
der envumde (so) ir niender eine

[72]

dvi mich also rehte reine
dvhte ane alle missewende.
obe siz doch dvi beste si.
nein si herre
dest ir verre.
si getvo mich sorgen vri.[191]

147.
     Dvi welt waz gelf rot vnd bla.§     (H. 1, 253b; L. S. 75.)

grvene in dem walde vnd anderswa.
die cleine vogele svngen da.
nv schriet aber dvi nebelcra
phligt si iht ander varwe da.
ia sist worden bleich vnd vbergra.
des rimphet sich vil menic bra.

148.
Ich saz vf eime grvenen le.

da ensprvngen blvomen vnd clê.
zwischen mir vnd eime se.
der ovgenweide ist da niht me.
da wir schappel brachen. ê
da lit nv rif vnd sne.
dc tvot den vogellinen wê.

149.
Die toren sprechent snia sni.(L. S. 76.)

die armen lvite owe owi.
des bra[192] ich swer alsam ein bli.
der winter sorge han ich dri.
swaz der vnder andern si.
der wurde ich alse schiere vri.
wer vns der svmer nahe bi.

150.
E danne ich lange[193] also.

den crebz wolte ich ê ezzen ro.
svmer aber mache vns aber vro. (so)
dv zierest anger vnd lo.
mit den blvomen spilt ich do.

[73]

min herze swebt in svnnen ho.
dc iaget den[194] winter in ein stro.

151.
Ich bin verlegen als ein sv.(H. 1, 244a)

min sleht har ist mir worden rv.
svozer svmer wa bist dv.
ia sehe ich gerner velt gebv.
danne ich lege[195] in selcher drv.
beclemmet were als ich bin nv.
ich wurde ê. mvnich zetobernv.




[74]
V.
DER. VON. MORVNGE[WS 11]




1.
     Owe warvmbe volg ich tvmbem wane(H. 1, 126a)

der mich so sere leitet in die not.
ich schiet von ir gar aller froiden ane
dc si mir trost noch helfe nie gebot.
doch wart ir varwe lilien wis. vnd rosen rot.
vnd saz vor mir dvi liebe wolgetane
geblvet reht alsam ein voller mane
dc waz der ovgen wunne vnd des herzen tot.

2.
Min steter mvot gelichet niht dem winde

ich bin noch alse si mich hat verlan.
vil stete her von einem kleinem kinde
swie we si mir nv lange hat getan.
alswigende ie gnote vnd ein verholner wan
wie ich mich der torheit vnderwinde
swen ich vor ir stan. vnd spreche ein wunder vinde
vnd mvoz doch von ir vngesprochen gan.

3.
Ich han so vil gesprochen vnd gesvngen.(H. 1, 126b)

dc ich bin mvede vnd heiz von miner clage.
ich bin vmbe niht vnd vmbe den wint betwingen (so)
sit si mir niht gelovbet dc ich von ir sage.
vnd ich ir doch so holdez herze trage
des war mir ist nach werde niht gelvngen.

[75]

het ich dvr got ie halp so vil gervngen
er neme mich hin zvozim ê miner tage.

4.
     Div vil gvote§     (H. 1, 126b)

dc si selic mvoze sin.
we der hvite
die man tvot. der welte schin.
die mir hat benomen dc man si niht wan selten siht.
so dvi svnne dvi des abens vnder get.

5.
Ich mvoz sorgen

wie dv lange naht zerge
gegen dem morgen
dc ich ez einest an gesehe.
die vil lieben svnnen taget (so)
dc min ovge ein trvibes wolken wol verclaget.

6.
Die der frowen

hvetent den kvnde ich den ban.
wan dvr schowen
so geschvof si got dem man.
dc si were ein spiegel vnd der welte (Bl. 14a) ein bilde gar.
wc sol got begramen des nieman wirt gewar. (so)

7.
* Ascholoie

der vil gvote heizest wol.
erst von troie
paris der si minnen sol
obe er kiesen solde vnd[196] den schoenesten die nv leben
so wurde ir der apphel wer er vnvirgeben.

8.
     Von den elben (so) wirt entsehen. vil manic man.§     (H. 1, 122a)

so bin ich von grozer liebe entsen.
von der besten die ie dehein man ze vruint gewan.
wil aber si dar vmbe mich vehen
vnd ze vnstatten stên

[76]

mac si danne rechen sich
vnd tvo des ich si bitte so vrevt si so sere mich.
dc min lip vor wunnen mvoz zergen.

9.
Si gebvitet vnd ist in dem herzen min.(H. 1, 122b)

frowe vnd herer danne ich selbe si.
hei wan mvoste ich ir also gewaltic sin.
dc mir mir[197] mit triwen were bi.
ganzer tage dri
vnd etesliche nach.[198]
so verlvir ich niht den lip vnd al die maht
ia ist si leider vor mir al ze vri.

10.
Mich enzvndet ir vil lihter ovgen schin.(H. 1, 122a)

same dc vuer den dvrren zvnder tvot
vnd ir fremeden crenken[199] mir dc herze min.
same dc wazzer die vil heize glvot.
vnd ir hoher mvot
vnd ir schone vnd ir werdecheit.
vnd dc wunder dc man von ir tvigenden seit.
dc wirt mir vil vbel oder lihte gvot.

11.
Swenne ir lihten ovgen so verkerent sich

dc si mir al dvr min herze sehent[200]
swer da entzwischen danne get vnd irret mich
dem mvoze al sin wunne gar zergen.
ich mvoz vor ir sten.
vnd waren[201] der vrevden min.
rehte also des tages dvi cleinen vogellin
wenne sol mir iemer liep geschen.

12.
     Ist ir liep min leit vnd min vngemach.§     (H. 1, 125a)

wie solte ich danne iemer mere rehte werden vro.
sine getrvorte nie swaz mir geschach.
clage[202] ich ir min iamer so stvnt ir dc herze hoh.

[77]

sist noch hvete vor den ovgen min. alse si wc do.
do si minneclichen mir zvo sp”ch.
vnd ich si ane sach.
owe solte ich iemer sten also.

13.
Si hat ein liep ein cleine vogellin(H. 1, 124b)

dc ir singet oder ein lvizzel naher sprechen kan.
mvost ich dem gelich ir heimlich sin.
so swuore ich des wol. dc nie frowe selchen vogel gewan.
vur die nahtegal wolte ich hohe singen dan
owe liebe schone frowe min
nv bin ich doch din.
mahtv trosten mich vil senenden man.

14.
Sist mit tvgenden vnd mit werdecheit.(H. 1, 125a)

so behvot. vor aller slahte vnvrowelicher tat.
wan des einen dc si mir verseit.
ir gnade vnd minen dienest so verderben lat.
wol mich des dc si min herze so besezzen hat.
dc der stat da nieman wirt bereit.
als ein har so breit.
swenne ir rehtvi liebe mich bestat.

15.
     Ich bin iemer ander vnd niht eine.§     (H. 1, 124a)

der grozen liebe der ich nie wart fri.
waten[203] nv die hvotere alle gemeine
tob vnd blint. swenne ich ir werbe[204] bi.
so mohte ich min leit
eteswenne mit sange ir wol kvnden
mohte ich mich mit rede zvo ir gefrvinden.
so wurde wunders vil von mir geseit.

16.
Si ensol niht allen lviten lachen(H. 1, 124b)

also son[205] herzen same si lachet mir.
vnd ir anesehen so minneclich niht machen.

[78]

waz[206] aber ieman zeschowen dc an ir.
der ich leben sol
vnd an ir ist min winne behalden
wa enwil ich niemer des eralten
swenne ich si sihe mir si von herzen wol.

17.
Sit si herze liebe heizent minne

so enweiz ich wie dvi liebe (Bl. 14b) heizen sol.
liebe won[207] mir dicke in minen sinen
liep hat ich gerne leides enbere ich wol.
liebe dvi git mir
hohen mvot darzvo vreude vnd wunne.
so enweiz ich waz dvi leide kvnne.
wan dc ich iemer trviren mvoz von ir.

18.
     Min liebeste vnd och min erste§     (H. 1, 120b)

vrevde wc ein wip
der ich minen lip
gab zedienste iemer me.
dc hohste vnd och dc herste
an dem herzen min
seht dc mvoz si sin
der ich selten vro gesten.[208]
ir tvot leider we.
beide min sprechen vnd min singen.
des mvoz ich an vrevden mich nv twingen
vnd trvren swar ich ge.

19.
Wer ich[209] mit minem sange(H. 1, 121a)

wol so swig[210] ich ir
nv verbot si mir
wan ir tvot min swigen baz
nv giht si ich si zelange (so)
konde ich danne me
ich svnge aber alse.

[79]

wie stet miner vrowen dc.
daz si sich vergaz
vnd versagite mir ir hvlde
owe des wie rehte vnsanfte ich dvlde.
beide ir zorn vnd och ir haz.

20.
Nv ratent liebe frowen

waz ich singen mvoge
so daz ez vch tvge
sanc ist ane vreide cranc.
ich enhan niht wan ein schowen
von ir[211]
den si teilen mvoz
alder welte svnder danc
dvi ist zelanc
ane vreide vnd ane wunne
nv la sehen wer mich geleren kvinne
daz ich singe nviwen sanc.

21.
     Frowe wilt dv mich genern.§     (H. 1, 126b)

so sihe mich ein vil lvizel an.
ich enmac mich langer niht erwern.
den lip mvoz ich verlorn han
ich bin siech min herze ist wunt
frowe dc hant mir getan.
min ovgen vnd din roter mvnt.

22.
Frowe mine swere sich(H. 1, 127a)

ê ich verliese minen lip.
ein wort dv spreche wider mich
verkere dc dv selic wip.
dv sprichest iemer neina neina nein. neina neina nein. (so)
dc brichet mir min herze enzwein.
maht dv doch eteswenne sprechen ia ia ia ia ia ia ia ia (so)
dc lit mir an dem herzen na.

[80]
23.
     Der also vil geriefe in einen tovben walt§     (H. 1, 122b)

ez antwirte ime darvz eteswenne.
nv[212] der schal dicke vor ir manicvalt
von miner not wil si die bekennen
nein sinen tvot got der welle ein wunder sin vil verre an ir erzeigen.
ia mohte ich baz einen bovm mit miner bete svnder wafen nider geneigen.

24.
Wist ich obe ez mohte wol verswigen sin

ich lieze vch sehen minen[213] lieben frowen
der enzwei breche mir dc herze min.
der mohte si schone drinne schowen.
si kam her dvr dvi ganzen ovgen min svnder tver gegangen
owe solte ich von ir reinen minnen sin also werdecliche enphangen.

25.
     In so hoher swebender wunne§     (H. 1, 121b)

so gestvont min herze an vreuden nie
ich vare alse ich vliegen kvinne
mit gedanken iemer vmbe si.
sit dc mich ir trost enphie
der mir dvr die sele enmitten in min herze gie.

26.
     Swer mir des verban obe ich si minne tovgen§     (H. 1, 127b)

seht der svndet sich.
swen ich eine bin so schient mir vor den ovgen. (so)
so bedvnket mich
wie si ge dort her zemir aldvr die mvoren.
ir rede vnd ir trost enlazent mich niht trviren
swenne si wil so swueret[214] si mich hinnen
zeinem venster hoh al vber die cinnen.

27.
     Swaz dvi welt nach vreiden ie vf hohen mvot gewarp§     (H. 1, 289b)

sine werb och noch dc ist als ein niht.
wan daz nie gar ein senede leit an mir verdarp.
von maneger fremeder vngeschiht.

[81]

(Bl. 15a) schiht[215] so vund ich daz
des ich mich noch vil wol verwene an minem mvote
daz ich mich nie gevrevte baz
geschehe och mir von der vil werde lebenden iht zegvote.

28.
Wol gedingen vnd iedoch niht volle wol geleben(H. 1, 290a)

so vurhte ich vil lihte ein ende nemen.
der selbe trost ist mir ze miner not gegeben
sol daz der lieben wol gezemen.
so wundert mich
sol ich zwivellicher vreide an si gedingen
so sol si baz bedenken sich
ich enkvinde von den meren niemer gvotes niht gesingen.

29.
Swer zvrnet so dc er gat vur die ere sin.

der vbersiht den wisen rat.
solde vwer dienest verlorn an mir einer sin
so were och daz ein missetat.
vergezzet ir
dvr dc eine der vuoge obe ich an vch vuoge tete
so were ich wene bezzer mir.
ich het vch liep danne ich den haz von schvlden vf mir hete.[216]




[82]
VI.
DER. TRVHS(E)ZE. VON. S. GALLEN.[217]




1.
     Daz vro min mvot von herzen si.(H. 1, 290a)

si[218] des mvoze din[219] vil werde selicliche leben
dvi mich von meneger sorge vri.
gemachet hat vnd och vil lihten trost gegeben
dc lieber trost niemanne von so reinem wibe kam.
do si mir alle vnvreide mit so steter vreide nam
ich sage vch were ez alse ich han gesaget
so mohte nv min endelosvi clage wol sin verdaget.

2.
Der werden wirde wirdet mich.

vf die si sich mit allen gvoten dingen wiget
waz lobe ich si lobet selbe sich
mit dem daz si so steteclich ir gvote phliget
ir selde seldet lip vnd ere swem si wil.
dvi selbe vrevt ein teil mich mere denne vil.
ich sage vch etc'.

3.
Ir sprachet ie den frowen wol(H. 1, 290b)

hab ich des wol gezozzen[220] daz vergelte vch got.
vil gerne och ich ez gedienen sol.
wan so dc ich darvmbe niht ensi der welte spôt.

[83]

ich gewan noch nie gen vch deheinen mvot.
mir ist anders innecliche liep. swer vch niht zeliebe tvot.
ich sage vch alse ich han gesaget
so endarf noch vwer endelose clage niht sin verdaget.

4.
     Hobische vrowen hohgemvoten (so)§     (H. 1, 290b)

habent zebotten ivngen mannen mich gesant
dc ir helfe in kome zegvote
also daz si noch vreide bringen in div lant.
vnd ich mich des vur si zegisel gebe
dc siz an alle schvlde sin.
obe ieman trvreclichen lebe.

5.
Dannoch baten si mich mere

kvinden den die werdeclicher minnen gern.
daz si dvrch ir selber ere
spottes vnd lvgelicher mere enbern.
swer mich des ane valsch dvr si gewert
der habe gemeine ir aller wunsch
daz erwerbe swez ez gert. (so)

6.
Solde ich iemer vreide erwerben

ander vreiderichen. dc wer an der zit.
lat si ivgent an mir verderben.
so ist lihte alles dvrre dc nv grvone lit.
swer schiere git darnach so man sin gert
alse ich die wisen hoere iehen
dvi gabe ist meneger gabe wert.

7.
* Minne minnecliche minne

minne mich sit ich von herzen minne dich
mich ich minne dine sinne.
minne will dv danne dine minne an mich
vnminneclichen keren. minnen owe
so ist minne ir minne vmminneclich
wil si daz vreide an mir zerge.

8.
     * Swer[WS 12] rehten wiben dienen sol§     (H. 3, 325b)

dem wart nie ander welte baz

[84]

nv hat mich got des geret wol.
wirt ez niht mer …… [221]
daz got weiz wol. daz an nihte nihtewan gar daz beste (Bl. 15b) tete. (so)
swie si niht wan ein wenic mich gen lviterlicher liebe lieber hete.

9.
* Git got der lieben den gedanc

dc si mir wirt als ich ir bin
swie ich gesinge alde ie gesanc
daz si alsam ein niht da hin.
ich svnge ein nviwez in ir namen. daz man so gerne horte
dc senede leit dem vroide gernden mit gewalte von dem herzen storte.

10.
* Dvr not dvi liebe liebet mich[222] mir

von tage zetage. baz vnd ie baz
sit nieman vinden kvnde an ir.
nach miner ovgen kvr ein daz
niht wan daz eine dc. daz ich ie meide wirt des ende
so wirde ich seneder sorgen vri. vnd och dvi seldenriche missewende.

11.
     Frowe ich were gerne vro.§     (H. 1, 290b)

dc mac ane vwer helfe niht gesin.
we wie were vch danne so.
da ist niht an. nemmet ander troester danne min.
ane got     eine kan mich niht getroesten wan ir eine
lat selchen spot     des war ich ahte vf vwer claffen harte cleine.

12.
Nein vil svoze frowe nein.(H. 1, 291a)

stetem vruinde sol nieman also gar versagen.
wenne wart ich des en ein.
dc ich vwer swere wolde helfen tragen.
wizzent dc     ich wirde vur. wirt si von vch niht ringer.
ich sage uch ez baz     dvr selche not verlvre ich niht den cleinen vinger.

13.
Ir svlt selchen spot verbern.

io hat mir der ernst gar den schimpf genomen.

[85]

nv wes sol man vch gewern.
dc ir sprechent dc vch swere si benomen.
des kan ich     vch wol gewisen. nempt ir mich zerate.
verdenke ich mich     alse ich doch sol. so volge ich vch des rates spate.

14.
Daz min rat vnd och min clage.

vch so cleine wiget waz tvot mir anders we.
zvrnent ir obe ich versage.
dc mir nien enkvimet so wirt des zornes me.
sit nv zorn     niht frvmet so svene ich gerne vf vwer gvote
ich han gesworn     dc ich vor loser manne tvkke mich behvite.

15.
Boeser tvcke ist mir niht kvnt.

ich han vch gedienet ane valschen wanc.
wer ez war dc vwer mvnt.
gegen mir spichet des sage ich vch gerne danc.
hvlf ez iht     ich swuere vch daz ich niht kan. wan die riht.
so svlt ir niht     verkvnnen vch dar vmbe gvoter zvoversiht.

16.
     Swer[223] wunder daz ich si geswigen§     (H. 1, 289a)

der vrage mich ich kan ims wol bescheiden.
mir hant dvi wip vil gar verzigen.
dc mir dvr not daz singen mvoz erleiden.
si ieman nv der sanges ger.
[224] dc mich noch dvi liebe svoze wer.
des ich zir gvote han gegert.
so singe ich vro. vnd mache ir hohen wirde wert.

17.
Ich svohte liep do vant ich leit

wil dc dvi gvote mit ir gvote wenden.
so si dir trvren wider seit
wer mac mit senfte vnsenfte not verenden
min herze waz vil nach verzagit.
da von daz mir so dicke sere wart versagit.
nv laz eth ez sin wenken sin.
ez wanke hin ez wanke her sist wider in.

[86]
18.
Kvnde ich der werden werdecheit.

gewirden nach der wirde als ich ez erkenne.
daz were ir tvsent valt bereit
enphvnt ich ir gnaden eteswenne
gewalt der sol gnedic sin.
des hat mir[225] so vil dvi svoze frowe min.
wil si mir als vnz her versagen.
dc ich die swere niemer langer mac getragen.

19.
Nv stet doch rehter gvote wol.

daz si den gvoten vruint niht lange swere.
sit ich den zwivel lazen sol
so laz och si dvi zwivellichvi mere.
daz ich so dicke vnliebe spvr.
des waz ich nach an allen minen vroiden vur.
wan (Bl. 16a) daz mich der gedinge lat.
daz selten iht (so) von dem gvoten iht wan gvotes gat.

20.
Div liebe liebet sich san mir.(H. 1, 289b)

daz mir die lieben nieman kan erleiden.
der selben liebe dinge ich zir.
gervhte si ez so nach gnaden scheiden
so scheide ich mich von seneder not.
svz mvoz ich kvmber liden vnz an minen tot.
ich sihe si han so svoze leben.
daz an ir trost mir nieman froide kan gegeben.

21.
     Swie hohes mvotes ist ein man§     (H. 1, 291a)

der sich zvo herzeclichem liebe schoenem libe hat geleit
zer[226] vreude ich niht gelichen kan.
mir ist ellvi vreude gar en niht. gegen dirre swaz mir ieman seit.
swer sich so wunneclicher wunne wol fvir war gevreuwen mac.
der hat die naht niht angest wan daz in vertriben sol der tac.

22.
Geselliclicher vmbe vanc.(H. 1, 291b)

mit blanken armen svnder wan. tvot senede herze hoh gemvot.

[87]

da wirt daz vngemvote kranc
swa minneclicher minne kvs so lieplich liep an ander tvot
swer sich so wunneclich. etc'.

23.
Der tac mich leider hat betaget

so selten nach der eren sige. daz ich niht vrevde mac veriehen.
vil selic man der des niht clagit.
vnd ime sin herze mac sagen. waz ime zeleide ist geschehen.
swer sich so wunn. etc'.

24.
Der svoze wehsel vnder zwein

den wer dvi minne uvegen kan. wie rvchet der daz herze enbor.
dvi beide ir mvotes sint al ein
ich kan nach wunsch erdenken niht zer welte selde dirre vor.
swer sich so wunn. etc'.

25.
Der tac wil scheiden ritter werlt[227]

von liebe liep ez mvoz eth sin. wol vf laz ir daz herze hie.
dvi din ze frvinde hat gegert.
si wil och dir ir herze lan. dvi trvwen dir gewankte nie
die leist och ir als ez din werder lip vil wol geleisten mac
mit schiere komenne ez mac niht langer hie gesin ich sihe den tac.

26.
     Der vil selderichen§     (H. 1, 292a)

wil ich dienen vf ir selichechen[228] trost.
waz kan sich gelichen
dem den vreude vz senenden sorgen hat erlost.
der nie not nach herzeclicher liebe erleit.
der kan och niht wissen waz gelvcke wunnenclicher wunne git zuo werdekeit.

27.
Sit der gvoten gvote

sich so gvotet vnd meret alle tage
so mvoz min gemvote
sin gehoehet vf den trost dc ich beiage
lieplich liep nach leide also daz si mir gebe
minneclich ir grvoz. we wie vrolich ich danne al min langes trvren wider lebe.

[88]
28.
Swer an gvoten wiben

hohen mvot nach herzeliebe niht vinden kan.
der mvoz wol beliben
vngevroit. von werden vroiden als ein man
der sich aller wunne wol verkvnnen mvoz.
waz tvot in der welte rehten mannen also wol. so minneclicher wibes grvoz

29.
We wer sol mich grvozen

sit der werde grvoz so volle selde git.
da wil ich der svozen.
vmbe dienen wand an ir min vreide lit.
so gedinge ich daz si mir gnade tvot.
in wils niht gedingen ich wil wizzen dc si mir mit liebe lonet sist so gvot.

30.
Kvnde ich so gesingen

dc doch vnder sehsen zwene dvhte gvot.
so wolte ich mich twingen
mohtez anders niht gesin vf hohen mvot.
sol ich niht ersinget[229] wan der lvite haz.
so gezimet der gvoten wol an selden vnd an eren dc si mir ersezze daz.

31.
     Vreut vch vreut vch froiderichen§     (H. 1, 292a)

die da sin von schvlden vro.
mohte ich mich wol vch gelichen.
we wie gerne ich tete also.
al die wile mich dvi gvote
vremeden wil sone wirt mir niemer wol zemvote.
waz (Bl. 16b) dar vmbe ist ez nv svz so waz ez lihte anders do.

32.
Solde ein svoze wip ir ere(H. 1, 292b)

an den[230] lan an frvinden werden schin.
so engerte ich liebes mere
hinnen dar. so mvoz ich sin
sam der sich zevreiden twinget.
swel man noch niht von herzen noch von mvote singet.
dc ist der lvterlich valsch verdecket in gemalen schrin.

[89]
33.
Wer kan nv den slvzzel vinden

der mit vreide entsliezen sol.
wolte si sich vnder winden
dc kvnt ir gnade wol
dvi mich eret vnd vneret.
dvi mich heilet ob si wil vnd och verseret.
so dc ich die herzeclichen swere vnendelichen dol.

34.
Wir svn danken wibes gvote

han wir eren han wir gvot.
wan si hoehent manic gemvote
dc doch niemir hohgemvot.
an ir werden trost geschehe
ist daz troesten mich von vngelvche vnnehe
sost doch war dc niht so dicke liep nach herzeleide tvot.

35.
Ich wer e vil lange mvotes

vnd an vreiden gar verzagit.
wan dc ich dvi wunder gvotes
an ir weiz swie si versagit.
dc si mich wol ze einer stvnde
von der langen vnd der leiden swer enbvnde
in der ich vf gvote gedinge dicke an sorgen bi[231] betaget.

36.
     * Svmer vnd svmer wunne§     (H. 3, 325b)

wunnent niht ze rehte sich.
noch die vogel in ir kvnne
noch die lvite dvnket mich
nv waz sol ich danne singen
obe ich gerne singen wil.
sit vnvuoge wil vurdringen
allvi vreidehaften spil.

37.
* Hovelschlich[232] tanzen vroelich singen[233]

waz bi nviwen ziten wert
dc wil wetlich wider swachen

[90]

so dc man ez zi nihte gert
rovben brennen vbel raten
dc ist nv ein geber sitte.
doch die eins da gerne teten. (so)
waz do wen ich baz da mitte.

38.
Waz kan wibe vnd wibes eren.(H. 1, 292b)

vnd ir gvote sin gelich
diez zegvote wellen keren.
dan ist niht selden rich.
obe dc iender wirt gecrenket.
dc lihte einvi missetvot
swer da crankes zvo gedenket
allen wiben dc[234] niht gvot.

39.
* Ich weiz ein in hohem mvote

dvi ist so gar ein wibin wip.
vnd ir sin stat so zegvote
sold eht iemer wibes lip.
herze vreun daz si wol solte
mannez herzin machen vro.
ers[235] niht man der dc niht wolde.
alse ich bin ich wolte ez so.

40.
Svn die alten vuir die ivngen(H. 1, 293a)

vreude gern dc missezimpt.
dazt[234] des rehtes rehte fvrdrvngen.
swaz vnweger fvr genimpt.
doch wirt mit der weger schanze
manic vil weltlich spil verlorn
vnd an trvgelichem glanze.
dicke svr fvir svoze erkorn.

41.
     Wie gerne ich mit vreiden were.§     (H. 1, 293a)

were     vnvroide niht so wert.
nvst den rehten vreud vnmere

[91]

mer     ist swer ir zerehte gert.
ob ich an mir selbem vunde
dc ich hohes mvotes mich gern vnder wunde.
sone vund ich niht den nivnden der mirs gvnde.

42.
Ich mvoz lieben vnd leiden

leiden     trost von schvlden geben.
truwe vnd ere virret beiden
nieman kan geleben. (so)
alten sitten ivngen lviten.
swer dvi beidvi nv wil mit den andern trvten.
der wirt gar zespote kan ers niht verkiveten.

43.
Liezent tovben sich die wisen.

wisen     vf der selden vart.
so kvnde ich ir leben geprisen
prisen     wir ir tovben art.
dc mac wol ir tvogent gerviwen.
do man alte sach dvr zvht die ivngen blvwen.
do stvndez an eren baz vnd och an trvwen.

44.
Wer sol sich an valschen keren.

keren     sich die valschen dran.
die niht gerne[236] wan valscher (Bl. 17a) eren.
eren     craft nieman gewan.
wan der eine der des varte.
daz er so mit truwe vnd och mit zvhte gebarte.
dc er si niemer aner betagitet noch och beiarte. (so)

45.
We dc wir so crancke werben.

werben     anders danne also.
est zeivngest niht wan sterben.
sterben     alse lihte vro.
so dc wir die tage verswenden
ane vrevde vnd doch mit sorgen niht verenden.
wc sol truren vnr dc nieman kan irwenden.

[92]
46.
     Swer minnecliche minne§     (H. 1, 293b)

mit minneclichem liebe habe
der sol sich des niht svmen so der tac vf gê.
ern twinge sine sinne
sins herzeclichez liebes abe
dvr dc sin kvnfteclichvi vrevde werde als ê
so mac dvi vrvintschaft … [237] wol beliben
och sint gewis swaz man wil vbertriben
dc da daz wol vil lihte amende wirt ein we.

47.
Nv hoeren trvt geselle

so sp”ch dc wunnecliche wip.
wie nahe mir dc wekken an min herze gat.
ich welle sone welle
so vurhte ich dc din minne mich
an vreiden gar verderbe dvi niht maze hat.
ich wene an mir dvi maze welle vnmazen
wil tv mich also dicke senede lazen
dc ist ein dinc dc mir den lip niht lange lat.

48.
Owe mins herzen herze

dv wilt min herze brechen abe.
wan ê dir iht geschehe so mvoze mir geschehen
ein vnverheilet smerze.
da man niht vur gebieten kan.
svz stet gegen dir min wille. des mvoz ich veriehen.
da wirt ein lieplich kvs nach herze sere
darnach mit rehter gvote. inweiz waz mere
da sol man noch gedenken vnd niht gesehen.

49.
Sol ich nv von[238] scheiden

so mvoz doch vngescheiden sin.
getruiwes herzen trvwe der ich han geplegen.
gen dir sit minne vns beiden
gesellicliche liebe erwarp
so han ich alles trostes mich an dich bewegen.

[93]

mich kan niht wan din eines trost getroesten.
ich bin den besten obe dc wirt zem boesten
wirt mir von dir niht herzeclicher trviwen segen.

50.
Min vreide vnd min sinne.(H. 1, 294a)

min lip min leben min selde gar.
hat so din liep in banden dc ich dir niht mac
entwenken steter minne.
vnd also steter dc man ie din liep
din leit din swere vur dc mine wac.
nv la mich frowe varn mit dinen hvlden
mir were ein iar ein tac bi dir von schvlden
nv mac ez eht hie niht mer gesin wol vf ez ist tac.

51.
     Von vreiden vreut min herze sich.§     (H. 1, 294a)

swenne ich die vreiden richen sihe
iedocb darvnder twinget mich
ein leit des ich dvr not vergihe.
ist si schone vnd ist si gvot.
deste wirs tvot mir versagen.
wers alt arm vnd vngemvot
so mohte ich si wol verclagen.

52.
Mir ist dc ofte vor gesaget.

dc ich ir gerne dienen wil.
verdvlde mir ein svoze maget
daz ich ir teilte vor ein spil.
wider spreche si danne teil
niht so solder stete sin.
niemer wird ich doch ir schimphes geil
dvi so hat geschimphet mich.

53.
     Min gemvote hoehet sich(H. 1, 294a)

hohen[239] mvoz ir werder lip. an selden sten.
dvi so werdecliche mich
kan getroesten dc min trvren mvoz zergen.

[94]

swie si nach ir minneclichen gvote wil gebaren.
so wider ivnge ich swaz ich gealtet bin in leiden iaren.

54.
Leider iare wirt mir bvoz.

so dvi liebe rehte liep erkennen wil.
vnd ir svezen mvndes grvoz
mich so grvozet dc mir vreide meret vil.
nach dem grvoze wil ich also stritecliche werben
wirt mir sin niht. dc man mich vf der verte siht verderben.

55.
     Swie vil ein wip vnvreide machet(H. 1, 289b)

einem man der stete hat.
als in[240] den einest an gelachet
so dc ez von herzen (Bl. 17b) gat.
so ist sin drizzech ierich leit mit liebe hin.
diz gelovb ich alles bi mir selben wol.
troeste si mich noch der eigen ich da bin.
so vergvlte ich wol mit liebe. swaz ich leides gelten sol.

56.
     * Got herre dv schvife mich§     (H. 3, 326a)

dc weiz ich vnd bin so tvmpt[241] dc ich nie wolte erkennen dich
wie mohte ich iemer tvmber sin
so weiz ich daz ich broide bin.
so weiz ich daz ich niht enwaz. vnd niht enwirde owe der sin
mac wol die torheit machin schin.
dc ich[242] selben toere des wird ich vil lihte ertoeret.
swie sin gnadc min vnsolte[243] niht zerstoeret.
des craft der gvote vil wunders begangen hat.
so kan min armen svnders niemer werden rat. ○○○

57.
* Do got den richen ricbe schvof.

do schvof ers so dc er bekande in rehter not. des armen rvof.
wolt er sin iht bedvrfen me.[244]
da bi gab er ime eine wal.
die welt gilvste ie hoher sin vnd dort zetal. (so)

[95]

in iemer wernde herzeser.
diz ist in vor geteilet. neme dc eine swer dir welli
swer sich miltet dem wirt hohe nach geselli[245]
vnd swer sich hoehet dc der da genidert wirt.
da iamer vnd senede leit an ende swirt.

58.
* Der rihter wirt dvr dc genant

von gote ein rihtere dc er rehte rihten sol. vnd da zehant.
swa er uernimpt dc were war.
vnd sol dem valschen vogel[246] volgen niht
der in[247] dvr vruint dvr gvot. dvrch dc[248] getruwes rates vbersiht.[249]

59.
     Nv gert ich niht der welte me§     (H. 1, 294b)

wan dc ich wilen solte sehen.
der mir dc herze nie vergaz.
sit si mir tvot mit gvote we.
vnd ir mins willen wart versehen
mit vorhte alse ich ir wort entsaz
do we. ir wort ir werc so minnenclich. vnd alles ir gebaren.
der iemer nach dem winsche schones wibes solte varen.
der kvnde si nach minem dvnke schoner niht gemachen.
mich vrowet wer ich haber[250] tot.
gervhte mich ein selich wip von herzen an gelachen.

60.
So svez lachet[251] svozet mir

dc iar. die wile vnd och dc leben.
dc ich sorge twinge vf hoher ste.[252]
ich weiz die svozen selte an ir
dvi selde froide kan gegeben.
von der wol trvren mvoz zergen.
wie mohte also bescheidenlicher gvote iht arges widerstriten
in der si reinecliche lebit mit selden zallen ziten.
ez mveste wol sin ein vz der maze nahe gende swere.
da also werdes wibes trost
den si wol gebe rvhte sis niht gvot zebvoze were.

[96]
61.
Gedinge sorge vlehen tvot

mich vor den iaren werden alt.
owe min wie[253] dc vuoget si.
dc si mich weiz also gemvot.
swie sere si mir tvot gewalt.
dc ir min herze ist stete bi.
nv si eth stete ich wil mit sige oder ane sig beliben.
mir mac min gvot gedinge noch die sorge wol vertriben
obe mir ir gnade gnedecliche wirt erzeiget.
dc flehen svoze am ende wirt.
solt allez dc ich we geschre mit vreiden gar gesweiget.

62.
     Dvi hoh gemvte hoehet sich mit tvgende so.§     (H. 1, 295a)

dc sich min herze hohen mvoz von schvlden.
owe wan weren nv die edelen ivngen vro.
so mohte ich ir gedienen wol ze hvlden.
wie mohte ich eine ir hohes lop zevollim werde bringen.
in kvnde ez niht in tvisent tvsent iaren gar gesingen.
dar vmbe hat ich vreide gerender helfe gerne vnd ioch ir rat.
wc obe ir ereslicher[254] och vf liep gedinge mit[255] glichen kvmber hat.

63.
Min kvmber der mich ie so kvmberlichen twanc.

den mac dvi minnecliche wol verenden.
ich svnge ich sagete ir also hovelichen danc
gervhte si min vngemvote wenden.
des (Bl. 18a) sich ir oren mveste ervreuwen. vnd och ir herze erlachen
owe wie kan si selic wip so hohgemvote machen
er sol zerhte[256] lange mezzen der an si so ebene maz.
dc er an ir zerwelte nie nach vollem wunsche weder des noch des vergaz.

64.
Swaz ieman weiz ich weiz ein wip so vollekomen

an libe an schone an eren vnd an mvote.
wirt mir von ir gnaden swere niht benomen
dc mir niht anders mac geschehen zegvote.
ineweiz waz wunders ieman hie bevor an wiben sehe.

[97]

mich dvnket des dc nieman in der welte baz geschehe.
mir mohte an ir ze vreideclichen vroiden alse wol geschehen.
solt ich der wunneclichen trost mit liebem ende mir zeheile noch gesehen.

65.
     Selde riche selic wip§     (H. 1, 295b)

wie dv lerest herzeliebe wider leben.
selde. vreide. herze lip[257]
hat ich eimem[258] wibe in ir gewalt gegeben
bin ich da besweret. we wie sol ich dc gesagen
da wil ich ez alrest got vnd darnach alder welte clagen.

66.
Minneclich gebaren wil

mich verderben dc ich an der gvoten sach.
dc ir schone ie wart so vil.
daz hat mir gemachet swere vnd vngemach.
doch hat mich behabit an liebeme wane noch der wan
dc nieman groz liep enmac an vnderwilent leit gehan.

67.
Svozer vreide ich waz gewent.

wol mich der mich also sveze wider wene.
des mvot werde als vnvirsent
alse sere sich dvr not der mine[259]
vroelich lachen. vnd gvotlich sprechen mvoz mir geben
trost der troeste vnd och[260] enzit. wan anders mvoz ich senede leben.

68.
Alder welte nieman kan

so gebaren dc si alle dvnke gvot.
dvr waz neme ich mich des an
dc nieman getet noch niemer me getvot
ich[261] inder maze des mich dvhte wol gevarn
mohte ich zvo der meiste[262] menege miner vuoge nihoch[263] gescharn.

69.
Waz sol singen oder sagen.

alder iht dc hohem mvote wol gezimpt.
ich solde anders mich beiagen.

[98]

sit ez nieman war nach sinem werde nimpt.
hat aber ez dvi werde hochgemvote alleine wert
so wer alles daz geschehen dar an des mit[264] daz herze gert.

70.
Clage ich mine seneden clage§     (H. 1, 296a)

dvi mich twinget vnd ie herzecliche twanc.
mit der clage ich niht beiage
noch beiagete nie wan wilent smehen danc.
sol ich so mit leide vf liep gedinge lange leben.
so mac mir dvi liebe ir trost vil schiere vnschedeliche geben.

71.
Selic wile selic zit

selic allez dc der svozen stvnt geschac.
do si[265] dvi mit[264] selde git.
ein so svoze selic wort zemir gesp”ch.
dc mich iemer werdeclicher vroide hohen mvoz.
och nig[266] ir willecliche wirt mir statte vnz an den vuoz.

72.
     Der ich diene vnd alda her gedienet han.§     (H. 1, 288b)

sit ich von kinde alrest dienen kvnde.
dvi ich[267] so liep so gvot vnd och so wolgetan.
dc man den allen niht geliches vuinde.
si liebet sich von tage zetage
dest ir sitte. der ich so holdes herze trage.
dc si svozer svoze wenet.
dc man sich noete nach der lieben svozer liebe senet.

73.
Waz dvi werde minneclicher minne git.

dem der si nach ir minne kan geminnen.
da bi so vil wunneclicher wunne lit
dc sich des nieman zende kan versinnen.
wie kvnde ich werden hohgemvot
an ir trost. sit si so gar nach winsche tvot
dvr dc han ich mich[268] ergeben
wan si wol gelieben kan dem man sin leben.

[99]
74.
Deht ich iemer in verdehte ir gvote niht.

die man an der vil minneclichen vindet
er mvoz lachen swer (Bl. 18b) ir vnder ovgen siht
des si sich nach ir selden vnderwindet.
deme tvot si liep vnd ere schin.
wol mich des so selic ist dvi frowe min.
swen si mit willen vreide wert
dem git si vreiden swc er ir zerwelte gert.

75.
* Diz ist min vro welt die ich so sere lobe(H. 1, 289a)

vnd inder dienest ich nv lange schine
swer si minnet der ist allen vroiden obe
si hat vil svozzer wunnen inir schrin.
des mac ir pris wol hohe sten[269]
och sint gewis. swie hohe ich si gepriset han.
swel man ir besten lon enphat
dc sin zeivngest an dem boesten ende lat.

76.
     Swaz wibes ere wol gezam§     (H. 1, 296a)

dar vf so stvnt ie min mvot. dc ich daz merti
so vil man danne mich vernam
so waz min wort da bi swa man si erti.
doch bin ich des noch ane ir lon vil nach von in gescheiden.
wan alse vil alse ich ez erwarp mit eiden
dc solt eht sin
waz vmbe dc die wile ich lebe so hant si doch den dienest min.

77.
Wan sol in dienen vmbe dc.

daz niht so gvotes lebit alsam die gvoten.
vnd dvr die gvoten sol man baz
die andern eren danne siez doch mvoten
ich weiz die einen. dc des nieman niemer dorft erdriezen.
ez solden hvndert tvisent wol geniezen
der seldecheit[270]
die got mit vlize an si nach allem wunsche hat geleit.

[100]
78.
Ich bin der gvoten vndertan

vnd allen gvoten vrowen dvr ir ere.
sol mich der[271] anders niht virwan.[272]
wan dc dvi gvote twinge mih so sere.
der gvoten gvote wende mir den kvmber den ich dvlde.
so wirt mir schiere ir haz alsam ir hvlde
dc wende enzit
est alse ein slac in eimem[273] bach so niht vervaht swaz man mir git.

79.
     Kvnde[274] ich vreide volgi ich vrevte gerne mich.§     (H. 1, 296b)

trost eth mich ein wenic baz dvi gvote.
nvne wellent niht die ivngen vreuwen sich.
wer in alse ez solde wol zemvote
so mohte ich vz hohem mvote singen
hvlfen si mir lachelichen der vil werden lop zewerde bringen.

80.
Wart ie iht so reine alsam ein reines wip.

dvi nach selden keret ir gemvote
da vur wil ich iemer sezzen minen lip
dc sich niht gelichem (so) mac ir gvote.
nieman kan si nach ir werde geren.
werdes wip nv wird och mich wan wirde ich iemer wert dc mvst dv leren.

81.
Dv sveze wip do dich min ovgen[275] alrest gesach

do gap ich mich dir alse eigenliche.
dc ich dir die eigenschaft nie sit zerbrach
des soltv mich armen machen riche
ez ist reht dc man genade vinde.
swer sich vf gnade git da vueget sich dc ers ze gvote enphinde.

82.
Noch enpfant ich nie zegvote leider mir

dc an ir niht schinet wan dc[276] besten
doch enwant (so) ich wandels niender niht an ir.
wan dc eine dc[277] ir strit so vesten.
also striteclichen gen mir keret
sit mit[278] herze an allen wanc die liebe an si so stetecliche meret.

[101]
83.
Sol von rehter gvote wahsen ander gvot.

sone geschiht mir niemer niht wan gvotes.
ich weiz si die gvoten also hohgemvot.
dc[279] och mich gemachet hohes mvotes.
des wil ich vil zwivelliche dingen.
sist so selic dc mir niemer kvnd an ir zeselden misselingen.

84.
* Ich wil minem vatir gerne wol. raten.[280]

dc er hinnenvur sich sanges maze.
ez ist billich dc ich in vurwesen sol.
vnd er sich an minen dienest lazze.
ich wil vur in dienen frowen.
habe er dc er heime habe. vnd laz vns ivngen aventvre schowen.

85.
* Rvidelin dv bist ein ivnger blappen blap

dv mvost dinen (Bl. 19a) vater lazen singen.
er wil sine hovescheit vuren in sin grap.
des mvost dv dich mit virlornen dingen. (so)
er wil selbe dienen siner frowen.
dv bist ein viereggot gebvr des mvost dv hozze[281] an eime reine hovwen.

86.
     Rehter liebe vz stetem mvote§     (H. 1, 297a)

der han ich da har gephlegen.
die verstet man mirzvngvote
nv wil ich mir[282] ir bewegen.
ich wil vri von hinnen sin.
swez ich si[283] der och min
sit mich gvote nien enfrvmpt.
waz obe mir vngvote baz zegvote kvmpt.

87.
We daz ich der svozen mere

von der werden sol gedagen.
dvi mich dvhten ie gebere.
dc mvoz ich doch iemer clagen.
nv waz clage ich sit si mir
niht engan ioch gvnd ich ir.

[102]

rehte alse ich mir selbem gan.
dest niht gvot sol ich besnitten sin dar an.

88.
Waz bedorft ich langer stete

denne[284] die mir niht stete sint.
swer dc so vergebene tete
seht der dvhte mich ein kint.
alse ich han da her getan
wan wil mich zetoren han.
swer dc si der hvite sich
dest min rat ê. dc er rehte erzvrne mich.

89.
Ich wil in dem vierden liede

an ein ende ir mvot erspehen
der mirs noch nach willen schiede
dc lieze ich zem fvnften sehen.
ich bin beidenthalp bereit
al dar nach dc loz geseit.
seit ez wol so singe ich baz
misseseit ez aber mir ich singe och daz.

90.
Ich mvoz von verdiender schvlde

mich der lieben schvldic sagen.
des wil ich gerne vmbe ir hvlde
schvldecliche bvzze tragen.
min vnvuege vueget wol
dc mich nieman troesten sol.
wan ein trost da dinge ich an.
daz sich wibes gvote niht gelichen kan. ○○○○○○○○○

91.
     Frowe selic frowe§     (H. 1, 297b)

frowe mines herzen vnd der sin[285] gar.
welt ir dc ich schowe
langen kvmber vnd ane alle vreide var.
so sit stete an der getat
alse ir mir lange han[286] getan seht so wirt doch niemer sorgen rat.

[103]
92.
Sit ir mich so seret[287]

dc ich stetecliche miner eren pflege
des sit iemer geret
wol och mich dc ir mir wiser rehte weget
ir hant wol geraten mir
swer alse rehte raten kan dvr des rat ich gerne vnvuoge enbir.

93.
Ir welt mir verkeren

swaz ich singe vnd och gesage dast ane wer.
sold doch ich vch leren
ich beswung vch so mit miner rvoten ber.
dc ir hortent mine clage.
die ich nv lange han geclaget vf wiplich gvote mine tage.

94.
Wiz[288] ich nv den willen

wie ir willen[289] woltent also wolt och ich.
sol man kint stillen
doch versten[290] nv alrest rehte mich.
ich bin selcher rvote vri.
des lobe ich got dc ez so ste dc ich noch min selber frowe si.

95.
Selde schone gvote[291]

hant die meisterschaft vil gar an vch geleit.
dc mich min gemvote
dar noch dar wan dar so striteclichen treit.
dc ich han den strit verlan
tvot ir mir svz tvot ir mir so. dc heiz ich doch alles wol getan. ○○○

96.
     Ob ich der gvoten gvotes gan.§     (H. 1, 297b)

dc wizzet nieman wiser mir.
sit ich ir kvinde alrest gewan
so hat ich hohen mvot von ir.
nv bitte ich alle die mir gvotes gvinnen alder eren.
dc si mir heiles wuinschen zir
vnd ir ir dinc dvr mich ze gvote keren.

[104]
97.
Sich hvp ein vngevueget[292] zorn(H. 1, 308a)

von gvoten vrivnden vmbe ein wip.
nv hant si beide vf mich gesworn
dc herze wider minen lip.
dem herzen wolden dvi ovgen helfen minnen.
da wider strep[293] der lip mit allen sinen sinnen
nv hant si mich darzv geladen
ine weiz wes ich mich vnderwant. dc ich si svonde vf minen schaden.

98.
Zehant do si versvonden sich

dvr minen willen (Bl. 19b) als ich si bat.
do tetes vbel wider mich
dc si mich von der selben stat.
nie liezen wider wenken noch gewenden
ich lop[294] in dc ich hvlfe ir not volenden
dc han ich vf ein dinc getan.
obe wir gewinnen des wir gern dc si mich danne teilen lan.

99.
Si git vns iemer vroiden vil

gewinnen wir dc beste wip.
nv hoeret wie ich danne teilen wil
dem herze herzeliebe lip.
ir sinne die bescheide ich minen sinnen.
ir ovgen aninen[295] ovgen al zeminnen
si selben wil ich haben mir
ze wunneclicher stetekeit vnd wil mich selben geben ir.

100.
Wan dc ich minnecliche tobe(H. 1, 308b)

so bin ich niht wol sinnic man.
dc ich mit[296] selbem dc gelobe
des si mir liehte niet engan.
mir wer eht liep dc mir vil wol geschehe
vnd dc si mich von herzen gerne sehe
dc sol si lazen ane haz
ez schat ir niht vnd tvot mir wol mir ist die wile deste baz.[297]

[105]
101.
     Sol ich mich rihten nach dem A.§     (H. 1, 298b)

dc kan ich wol gezeigen wa.
da ker ich vf des meisters la[298]
der ê sanc von der nebelcra
vinde ich niht meisterschefte da
noch ker ich mich her wider sa
vnd klop[299] ich anderswar darna.

102.
Gnvoge sprechent sing als ê

prvefe vns die blvomen vnd den cle.
die wellent niht dc ist[300] verste.
waz mir daran zeherzen ge.
swie vil ich in hie vor geschre.
dc tet in in den oren we
nv wil ich si niht tovben me.

103.
Ich mac wol sprechen baz owi.(H. 1, 299b)

dan ieman der nv lebende si.
mir wont ein vngemvote bi.
dc swere machet als ein bli.
vnd hat[301] ich miner crefte dri.
ich dorte als ein ervroren zwi.
dvi liebe tvo mich sorgen vri.

104.
Ich vreute mich do stvnt ez so.

owe wan wers alse do.
so stvonde min gemvote ho.
dvr vorhte lieze ich noch dvr dro.
ine wurde noch wol also vro.
zvo miner froiden der sint zwo
hat[301] ich die schonen vf ein stro.

105.
Ich mac wol wunder schrien wû.

dc ich bin so verdvrben[302] nv.
ia herre got wan woldes dv

[106]

dc ich niht leige[303] in leides drv
ine han den aker noch den bv.
min sleht ist alles worden rv
des mvoz ich liden spottes hv.

106.
     Waz hilfet ane sinne kvnst§     (H. 2, 193b)

wc hilfet wol gehoeren. der da zvo niht hat vernvst.[304]
waz helfen schonvi ovgen. den der dc weger niemer kan ersehen.
wc hilfet richeit ane rat.
wc hilfet vil geheizen ders niht mvot zetvonne hat.
waz hilfet mannes schone. von dem doch niemer ere kan geschehen.
waz hilfet sterchi. der si niht versvochet.
waz hilfet dienest da man sin niht rvochet.
waz hilfet och gebeitiv minne
dvi niender vonme herzen kvmpt
noch minner zallen selde[305] vrvmpt.
des mannes leben der valsch ist vz vnd inne.

107.
Vns ist wol von meren worden kvnt(H. 2, 197a)

wie alexander fvor dvr wunder an des mers grvnt
vnd von abacvc der inbiz wart ze babylone braht
waz herzog ernest not erleit.
waz er vnde grave wezzel der snebelen diet versneit.
vnd wie si griffen mvrden. da ir ze wuore[306] ir kinden waz gedaht.
vnd wie dvr den berc her wider kamen.
da si der crone weisen inne namen
dc waren wunderlichvi wunder
doch dvnket ez mich wunders niht
gegen dem dc tegelich geschiht.
nv merkent wa. da denkent obe vnd vnder.

108.
Ich wise an wiser lvite rat.(H. 2, 215a)

daz man den habe vnd niht an den der ratis niene hat.
kan mir der geraten. des rat gein werden tvigenden nie geschein
est bezzer bilde an dem (Bl. 20a) genomen
der beide an selden an eren vnd an gvote ist vollekomen.

[107]

swer nach den bilden keret. der stozzet sich vil lihte an herten stein.
swer blinden volget der ist wol erblendet.
waz wunders ist obe den sin blintheit schendet
dar vmbe rat ich swer sich vliezet[307]
gegen gotte vnd gegen der welte zvht.
swer hat zvo den sins ratens vlvht
ich wene er[308] zeime ende ane itewiz.

109.
     Swer sich des stetez vrivndes dvr vbermvot beheret.(H. 1, 266a)

vnd er den sinen dvr des vremeden ere vneret.
der mohte ersehen wurde er von sinem hohern och geseret.
dc dvi gehalsen vruintschaft sich vil lihte entrande
swenne er sich liebes[309] vnd gvotes solde vmbe in bewegen.
ich han … [310] die der wenke hant gepflegen
dc si der kvmber wider vf die erbornen vruint gewande
dc sol von gotes lehen dicke noch geschehen.
och horte ich ie mit volge des dvi lvite iehen.
gewisser vruint versvhte swert sol man zenot ersehen.[311] ○○○○○

110.
* Ich wil niht me den ovgen volgen noch den sinnen(H. 1, 266b)

dvi rietin mir an zwei daz ich dvi solde minnen.
div waren ane valsch geworht beidvi vzzen vnd och innen
da wart ein wenec in geleit. dc waz niht stete
des uielten sich ir egge[312] do si solten han gesniten.
vnd were eht niht wan daz alleine drinne vermitten
so weren si allenthalben alse ganiz an ir geteti (so)
dc sich ein iecslicher (so) mohte lazen dran
owe dc ich der trvge ie kvnde an in genan
wie vbel ich mich des schaden[313] vnd in des lasters gan.

111.
     * Der gvote win wirt selten gvot. wan[314] dem gvoten vazze§     (H. 3, 326b)

wirt dc bereitet zerehte so habez den win.
dar vmbe wunder nieman ob ich an dem kvnege hazze

[108]

hat er ein herze alsi da sagent sol dc niht werden schin.
ime sint die treffe[315] also vertriben er welle rezer sin.
so ist vaz vnd tranc. ein wiht
gvot win mac ie so lange ligen dc man in seiger siht.

112.
* Ez nam ein wittiwe einen man.     hie vor in alten ziten.

do kam vil ritter vnd frowe[316] dvr ir liebe dar.
alse do der brovtegome kan.     des wart ein michel striten.
wie si der brvite bvnden. des zerwurfen si sich gar.
zeivngest bant si ir selber dc ir niht daran enwar.
her kvinig nv sit gemant.
dc ir kein gebendezam wan dc si ir selber bant.

113.
* Der kvnic behielte kvineges namen dern in behalten hieze.

vnd lebte och swie si in hiezen leben     die in hant in ir pflit.[317]
nv ist billich dc er des gein rehten lviten wol genieze.
wan sol ime schvlde vnd ere geben.     dar mans dran gesiht.
werd aber er sin selbes man so lone in anders niht.
wan alse ir rat nv si.
vnd swer in selden rovbe den mache er den eren vri

114.
* Si iehent dc boeser kom ie nach dc hat sich nv verkeret.

wan vindet nv dc man nie vant     hie vor bi karlen zite.[318]
sich hant des halp der lande reht zehove wol gemeret.
ez waz ê slaeht alsam ein hant     nv sint drvnder michel strite.
swa man dem vngetrviwen man die truiwe wider git.
da ist dc gerihte gvot.
wan einem man kan niht geschaden swer fvr gvot hat swaz er tvot.

115.
* Da hin da her wart nie so wert. in allen tvischen landen.(H. 3, 327b)

swer nv da hin da her niht kan.     der ist an dem spil betrogen.
kvnige waren die niht da her da har bekanden
nv sit si den[319] list wol (Bl. 20b) komen an     inthvers[320] vmben bogen
ez heten hie bevor die grozen vursten niht gelogen
dvr lvite noch dvr lant.
nv ist in meistic allen wol da hin da her bekant.

[109]
116.
     * Vil meniger mich berihtet§     (H. 3, 327a)

der niht berihten kan
sich selben alse er solde
des alte ich vor den tagen[WS 13]
wie gar er mich vernihtet
der mir niht gvotes gan
vnd giht wie vil er wolde
mit miner kvnst beiagen.
in virmiden[321] lânden werdecheit nv bin ich so gesitte
hat[322] ich hie gvot vnd ere.
dc nem ich vur daz mere
dar vmbe ich iemer dvr dc iar des tievels cite litte.

117.
* Gilerter vursten crone

mit vz erwelter tvigent
mit zvht mit kvnst mit gvote
hat got hinzim genomen
der lebte hie vil schone
mit alter kvnst in ivgent
nach lobe stvnt sin gemvote
des waz sin name der ie nach selden warp
nv phlege sin got der riche
des wunschen innecliche
sit tvrre vurste sin genoz nie manegen ziten verdarp.[323]

118.
     * Vns ist vnsers sanges meister an die vart.(H. 3, 327b)

den man e. von der vogelweide nande.
dvi vns nach in allen ist vil vnverspart
nv waz frvmet swaz er e der welte erkande.
sin hoher sin ist worden cranc
nv vuuinschen ime dvr sinen werden hovelichen sanc.
sit dem sin vreide si zewege
dc sin der svoze vater nach gnaden phlege.




[110]
VII.
RVBIN.




1.
     Lob der reinen wibe mac(H. 1, 317a)

trvrens vil benemen vnd vreide geben
des ich ie zesingenne phlac
sit dc ich erkante ir vil werdeclichez leben
ich wil ir zehvlden
machen manic herze vro
sit ich wol von schvlden
mac ir lop getiveren ho
kvnde ich nach ir wirde daz
niemer wurde wibe me gesprochen baz.

2.
Von der ich mines lobes bin

allen wiben vil bereit (so)
der get vil cleine ze oren in
swaz ich von ir tvigenden han geseit
got gebiete der gvoten
daz si mine clage verneme
vnd der hohgemvoten
daz ir da bi min lop gezeme
seht so mac ich sprechen wol
swaz man von eime werden wibe sprechen sol.

3.
Diest[324] dv welt also verzaget

an allen eren dvi bi eren stvnde wol

[111]

swer von schvlden niet enclagit
der enweiz niht rehte waz er trvregen sol
waz mir leit vertribe
waz mir hohgemvote gebe
dc ich einem wibe
svnder mit gedanken lebe
wan dvr der welte gemeine sitte
so mvoz ich anders allen sorgen volgen mitte.

4.
     Der vogele svozez schallen§     (H. 1, 316b)

hat mich hugende braht.
dc min werndez leit ein teil geringet ist.
daz sol vns wol gevallen
daz siz hant gedaht.
so wol dir lieber svmer dc dv komen bist.
hat[325] ich da bi eines wibes hvlde
owe waz wolde ich danne me.
dc wer alles mines liebes vbergvlde
ich enhan niht volleclicher vreiden ê. ○○○○

5.
Ich bin noch von ir selten

iener worden vro.
wan so vro dc ich ir vil gesvngen han.
des sol si niht engelten
ich bin noch also.
ich singe ir iemer vf den minneclichen wan.
daz ein vreude ein nuiwe vreide bringe
mir so ist mir wol beschehen
ist dc mir ander wol gelinge
so mvoz ich gelvkes minen[326] lebenne iehen.

6.
Ich han noch den gedingen(H. 1, 317a)

dc si troeste mich
so dc[327] seneden sorgen werde rat.
dc si von minem angen[328]
baz bedenke sich

[112]

so dc also nviwes in ir oren gat.
gein so reinem minneclichem libe
horet minneclicher sanc.
gerne svnge ich also wol gemvotem wibe
doch so mvot mich (Bl. 21a) langer dienest ane danc.

7.
     Wie kvnde leider mir geschehen§     (H. 1, 317b)

wande ich den wahter hoere iehen
dc ez si tac
so redde ein schone vrowe gvot.
wider einen riter hoh gemvot
der bi ir lac
si sp”ch me dv tvo mir vriundes trviwe schin
vnd gip mir stat inmitten in dem herzen din
dc ich da gewaltic vrowe mvozze sin.

8.
Do sp”ch der riter ellenthafti (so)(H. 1, 318a)

din liebe hat so groze craft.
wider minen lip.
dc si niht grozer mohte sin.
dv wonst mir in dem herzen min.
vil reine wip
so daz mir niemer leider kan geschehen.
danne obe ich dich tovgen mvoze sehen
mines herzen wil ich dir vur eigen iehen.

9.
Div vrowe ir liep zvozir gevie.

si sp”ch … [329] mit belibet hate.
dc herze din
vnd ich des so gewaltic bin.
so fvore och dv daz mine hin
geselle min.
so dc si steter kele an anderstreben (so)
ach herre vruint geselle miner frevden leben
gedenke swc wir beide ein andern hap[330] gegeben.

[113]
10.
Do kvst er do wol tvsentstvnt

ir minneclichen roten mvnt.
same tet si ime[331]
sich hvop groz weinen von ir hie
dc si niht mohte wizzen wie
er keme hin.
si sp”ch we mir diner balden iage.
nv wilt dv von mir dc[332] mines herzen clage
lige noch eine wile ez ist noch niender gein dem tage.

11.
Doch mvozen si sich scheiden do.

des scheidens waren si vnvro.
doch mvoz ez sin
der tac der sleich in balde zvo.
nv enweiz ich leider waz ich tvo.
wan frowe min
diner tvogende vnd diner hohen werdecheit
der sol nv min steter dienst sin bereit.
dc si bidem hohesten eide dir geseit.

12.
* Div tovgen minne ime geriet.

dc er vruo von der vrowen schiet
leidec vnd vnvro.
dvi vrowe och trvren began.
ir ovgen mohten niht verlan
si enweinden do.
si sp”ch ez ist gvot der die vreude lat.
dvi mit so grozem leide dicke ein ende hat.
leit mit liebe trage er der (so) mvot zerwelte stat.

13.
     Got hat vns aber san gemant§     (H. 1, 313b)

ez si noch alles inder not.
sin reine grap da er inne lac.
dwe[333] vnd och sin selic lant.
da leit er dvr vns den tôt.

[114]

dc vns daz ie so ringe wac
er loste vns iedoch alle
wir endienen ime aber alle niht
von der helle valle
dc niemir mer geschiht.
nv seht wie der gevar des herze vnd ovge in vbersiht.

14.
Swer nv dc crvice niht enninmet[334]

der libes vnd gvotes hat
in vollen dast missetat.[335]
so wol alse ez der welte zimet
vnd och der sele wirdet rat.
niht anders ich gelovben han.
da mitte wir hie da ringen
dc ist der sele ein arbeit
niwan dc wir si bringen
vz grozer liebe in leit
die liebe la dir herre got an vns vil arnen[336] sin geclagit.[337]

15.
Ez brahte ir missebieten mich

so dicke in senelichen mvot.
dc ich der welte wart gehaz
do si der swere wart gewar vreite sich. (so)
dvi we nach herzeliebe tvot.
vnd min dvi also vergaz.
do daht ich nach deme lone
der svozen ewe stetekeit.
obe iemer himel crone
des libes erbeit
verdienen kvnde vmbe in. der crone ob allen cronen treit.

16.
Ein sinne riche selic wip(H. 1, 314a)

dvi spreche waz ir rehtes si.
dvi dienest von drin mannen nimpt
behaltet si der drier lip.
dan ist niht ganzer vreiden bi.

[115]

sit ez den gvoten missezimpt
erwirbet si der eine
so erbarmet mich der zweier not.
is[338] aber den zwein gemeine.
dc ist des dritten tot.
von selchen dingen wirt ein schame[339] wip vil dicke rot.

17.
     Ich wil vrlop von vruinden nemen.(H. 1, 318b)

deme libe vnd aber dem herzen niht.
ir vreide mvoz in wol gezemen
ich (Bl. 21b) minne dc in liep geschiht.
vil wol mvoz ich si vinden ane sweren mvot
da vreunde scheiden also reht vnsanfte tvot
da tvot och vruindes komen vil inneclichen wol.
dc ist ein trost der mich noch vreuden troesten sol.

18.
Swer got dvr dise welt nv lat(H. 1, 319b)

so lvizzel si doch vreuden phliget.
so iemerlichen si nv stat
dem ist mit sorgen an gesiget
nv seht wie er ab allen gvoten dirgen[340] ge
die tage schinent niht so schone alse
so svoze niht (so)
nieman[341] lihter varwe alse ê die blvomen siht.

19.
Ich wil mich einer schvlde gar(H. 1, 319a)

gotte vnd der welte beiden sagen
ê danne ich nv von lande var.
die han ich lange her getragen
ich enbin den lviten holt noch allen niht gehaz.
mir geviel nie[342] vnder zwein der eine mvotes baz.
sol dc ein svnde sin. die rvoche er mir vergeben
der der welte schvof alse vngelichez leben.

20.
     Vurde ich von der gvoten. vro.§     (H. 1, 318b)

wc ich denne gvotes noch der welte gesvnge.

[116]

ich gesvnge ir lihte also
dc ez dvr die oren in ir herzen clvnge.
nv ist aber der lieben beid vnmere
ist min kvmber ringe oder ist er swere
so vurhte ich dc si mines lobes verdrieze
doch ist mir lieber lop ich si danne obe ich ez lieze. ○○○○

21.
Lobe ich ir vil reine ivgent

lobe ich danne ir vil minnecliche schone.
lobe ich danne ir vil werden tvgent
so ich dc alles wol mit an ir gecrone
swer dc gerne horet[343] vnd singe
dem wuinsche ich dc liebe noch gelinge
wil er mir allez herzeleit geverret[344]
so spreche ich wol so enkan mir leides niht gewerren.

22.
Kvnd ich aller lvite leit

alse ich wolte nach dem willen min verkeren.
seht des were ich vil bereit.
so wolte ich vur trvren ein dc beste leren
ich lerte einiz dc ich selbe tete.
ob ich ez an der welte volge hete
so wart nie niht so gvot vur vngemvote
so dc man wibes schone sehe vnd lobe ir gvote.

23.
     Han ich niht mit der nahtegal gesvngen.§     (H. 1, 316a)

dvi da hvire ir svozen stimme sanc.
des hat mich ein vil grozvi not betwungen
dc dvi welt mit vngemvote ranc.
dvi enwil von ir trvren scheiden. niht
noh von ir manicvalden sorgen
doch wold ich vil gerne vf wibes gvote vreide borgen
dc obe wil[345] ir hoher trost geschiet.

24.
Si mac mir wol die selben not erwenden.(H. 1, 316b)

vnd den kvmber den ich von ir trage.

[117]

wil si dc niht mit ir gnaden wenden
so clage ich von schvlden mine tage
ist min liep ir leit min leit ir liep (so)
so wirde ich selten vroiden rich.
doch so diene ich iemer ob ir noch der haz entwiche
dc si gedenke an mine stetecheit.

25.
Wie tvot si so dvi vil liebe lobe svoze

sol ich ir in seneden sorgen leben.
der ich diene vnd iemer singen mvoz.
si mac mir wol liep nach leide geben.
des sol minne meisterinne sin.
dvi kan vz trvren vroide machen.
wil ir dvi zeherzen minneclichen nahe lachen
so verkeret sich nv der kvmber min.

26.
     Nieman an vroiden sol verzagen§     (H. 1, 315a)

obe ime sin dinc niht ebene gat.
er sol sin leit mit zvhten tragen
mir selbem gibe ich disen rat.
dvi selde ist wilder danne ein rech
ist si wider mich gevech
ich volge ir allez vf ir spor
vnd bin ir dicke nahe komen nv get si mir mit listen vor.




[118]
VIII.
NIVoNE.




* Nv geit mir nach ein ander leit(H. 2, 171a)
dc mir ein wip so gar verseit
ir minne der mit ste- (Bl. 22a) techeit
gedienet hat min lip min herze beide.

Dvi mir vor allen wiben§
ze frowen mvoz beliben
wil mich dvi verderben so
wer sol mich danne machen vro.
ia weiz[346] ir svnde obe si iemer also tete.

Ich waz ir ie getruwe
vnd wirde ir niemer nviwe
schoner danne ein spiegel glaz
herter danne ein adamas
ist ir dc herze min an rehter stete.

Solder[347] minne
dvi mine sinne
leret
vnd keret
nach der besten eine die man in al der welte erkennet.

[119]

Sol der[348] gvote
der gemvote
machet
dc mir lachet
herze vnd al die sinne swenne man si vor mir nennet.

E ich den kvmber
den ich tvmber
dvlde
dvr ir hvlde
lieze lieber het ich rome vnd engellant verbrennet.

Vnd liege ich dc(H. 2, 172a)
so mvoze ir haz
der ich nie vergaz
min leit vertragen.
so wurde cranc
al min gesanc.
ir vil werden danc
mvoz ich beiagen.

Des wurden tvsent herzen lebende ane swere
swie min frowe ir versagen wider mich verbere.
so weiz ich doch des kvneges niht der mir gelicher danne were.

Waz hilfet si dc riche gvot.
die niht wibes minne minnent
vnd des niemer niht beginnent
dc man nenmet hohen mvot.

Min hobschen zimpt den frowen niht swes herze vnsanfte wol getvot.[349]
vil meneger svochet dvr dc iar
des er doch niht vinden wolde
sere man si hazzen solde
die den wiben sagent vnwar
swie cleine ez mir doch vrome dc ich in nie gelovc alse vmbe ein har.

[120]

Leider sine minnent alle niht alse ich§
die da wibes minne vlizent sich
des sol min vrowe lan geniezen mich.

(J)one bin ich niht der valscher minne gert.
valscher wil ich niemer werden wert
des han ich wol behalten drizit vret. (so)

Div svoze min vnd dvi vil reine
die ich doch so herceclichen inim[350] meine
ir wirb ich ander niht ein cleine
so vurhte ich dc al min sanc verzage.

Swie min[351] min selic frowe gvnde
daz ich ab ir rose rotem mvnde
ir svozen grvoz irwerben kvnde
so verdvrbe gar al mins herzen clage.
Swie ich ir minne niht beiage
so wizzet dc ich allen froiden widersage.

1.
     Nv iarlanc stet vil hohe min mvot(H. 2, 172b)

ich horte den svozen sanc.
von einer swalwen da si vlovch
ir stimme dvi waz gvot.
vro maget het ich vch in eime holz.
dc neme ich vur den cranz
den ir zesemene hant gelesen
von meneger hande blvot.
knappe lat vwer wunschen stan.
dvi rede ist gar verlorn.
solde ich mit vch zeholze gan.
mich steche lihte ein dorn
so slvge mich dvi mvoter min dc were mir lihte zorn.

2.
Er nam si bi der wizen hant

er vurte si in den walt

[121]

da svngen cleinvi vogellin
ir stimme manicvalt
vnd[352] eine grvene linde breit.
einen smalen stic
da wart dvi maget vil gemeit
ein also schone wip
er leite si an dc schone graz
die maget wol geborn.
ine weiz waz brieves er ir las
dc waz ir ein wenic zorn
daz wart harte schiere versvonet dc tet der liebe dorn.

3.
     Ivnge vnd alte ir helfent alle vreide meren§     (H. 1, 89b)

dc dvi welt noch werde vro.
nieman kan vur trvren bezzers niht geleren
dc weiz ich vurwar also
volget swer vch tvigende rat.
da mitte ir so groze vnvroide mvget verkeret.[353]
da dvi welt mit vmbe gat.

4.
Wir sin bezzer vro so wir nach tvgenden ringen(H. 1, 90a)

danne ein trvrecliches leben.
vur die sorge svlen wir tanzen vnd singen.
disen rat (Bl. 22b) wil ich vch geben
ich bin des gedingen vro
dc mir an der lieben sol noch wol gelingen
dvi mich hat betwunge (so) so.

5.
Nieman kan mit sweren mvote niht verenden

ich bin vf gnade vro.
selic wip ir svlt gnade an mich wenden
so stet mir daz herze ho.
ir sit wol darzvo gestalt.
dc ir mvg[354] in trvrec herze vroide senden
vroiden habt ir vil gewalt.

[122]
6.
Frowe ir[355] hat vwer schone vnd vwer gvote(H. 1, 90b)

svstens vil von herzen braht.
selic wip nv troste schiere min gemvote
alle tage vnd alle naht
so vergiz ich vwer niht
darzvo wunsche ich dc dvi selde vch wol behvote
swaz so mir von vch geschiht.

7.
Mich enwil der lieben gvote niht erlazen

ich betrahte ir werdecheit.
sone kvme ich leider niender ir zemazen
si ist hohe vnd mir zebreit.
doch mac ich des niht verlan.
sin si iemer min geverte vf allen strazen
deich ir niht vergezzen kan.[356]

8.
     Sol min sprechen sol min singen(H. 1, 306a)

sol min langer dienest sol min stetecheit
niht ein liebez ende bringen.
ist dc alles ein verlornvi arbeit.
war sint danne hine verswunden
mine tage
han ich die gnade vunden
miner clage.

9.
Sich[357] alse der tag so rich

werdecheit vnd eren ist dvi frowe min
ir lob ist so lobelich
dc si wol von schvlden mvoz getivret sin.
danc habe si der werden mere
dvi sint gvot
dc si stille vnd offenbere
rehte tvot.[358]

[123]
10.
     Alder welte vroide meret§     (H. 1, 302b)

ane mich aleine dest ein not.
ich bin trvren so geleret
mich entrost walt noch blvomen rot
noch der vogele singen
owe sol mir ierner wol gelingen.

11.
West ein wip min vngemvote

waz ich herzeleides von ir han.
ich genvzze vil lihte ir gvote
dc min kvmber wurde widertan.
swer ir sage dvi mere
der gewinne niemer herze swere.[359]

12.
* Wol mich hvite vnd iemer mere[360]

si hat schone vnd ere
we mir da von ist mir dicke we.
wol mich doch ir beider
si sint mir vil lieber danne leider.

13.
* Wol ime swer nv gvot gedinge

zeinem wibe vnd oeh zem svmer hat.
dc an beiden ime gelinge
er ist selic swes mvot also stat
nv sint si mir beide
misseraten. wip vnd ovgenweide.

14.
     * Ez lebet in minem dvncke niht§     (H. 3, 331a)

so rehte wolgemvotes alse ir lip.
von der minem herzen so geschiht.
daz ich si minnen mvoz vur ellvi wip.
owe waz lebender vroide an mir erstat
so si min ovge sol gesen
vnd waz min lip dar nach der sorgen hat

[124]

so des niht mere mac geschen.
ich mvoz ir ane mir vor in allen gewaltes iehen.

15.
     Hat ieman leit alse ich ez han.§     (H. 1, 299a)

nein ist ez alse ich mich versinne
sagit an weist[361] vwer leit getan.
seht da verderbet mich dvi minne
wie mac vch verderben dc nieman gesach
gedanke vuegen wol gemach vnd vngemach
ist ime danne also
ia ich wurde lihte noch von herzelieben meren vro.

16.
Der kan ir selchvi mere sagen

dvi ir welt haben vur gvote mere.
dc kan dvi mir nie half getragen
min leit wan sie[362] verbere
wer hat mich betwungen vf die selben not
der lieben gvote ir schone vnd och ir mvnt so rot.
waz kan mich dc vervahen
leider lihte niemer niht so han ich doch den lieben wan.

17.
Ir mvogit wol wennen[363] swez ir welt.(H. 1, 299b)

in trost mich niht des ich vervahe
min wan ist noch niht vz gezelt
darzvo get mir min liep zenahe.
ez verret lihte est hvire verrer danne vert
wie we- (Bl. 23a) re ich danne an liebe liebes so gewert
also och vil meneger ê.
nein den waz nach herzeliebe niht so herzecliche we.

18.
Ist halbes war dc ir da clagit

sost vwer vngemach niht cleine.
ez ist alse ich vch han gesaget
ir sit ez die ich von herzen meine.
darvmbe entvon ich niht wan alse ich tete doch.
waz obe ir vch baz bedenkent noch.

[125]

warvmbe tete ich dc.
daz ir an dirre welte niemer mere an niht getetet baz.

19.
Ez dvhte vch lihte baz getan.

danne ich mich dran versinne
al selchen zwiuel svlt ir lan
wolte ir behalten gottes minne.
die wil ich behalten gerne wiset wie
habt liep den der vch von herzen minnet ie
dc ist noch baz verborn.
swer niht enminnet den. der in von herzen minnet der ist verlorn.[364]

20.
     * Ich bin der gvoten mere vro.§     (H. 3, 331b)

die man mir sagit von dem vil lieben herren min.
dc in sin herze leret so
dc er gotte vnd der werlde rehter kan gesin
des wil ich halbe sorge lazen vnderwegen
die andern halben mvoz ich han
sine wellen mich von sorgen scheiden der ich bin vndertan.
svz wil ich halber vreiden ime zeliebe phlegen.

21.
     * So liebez ich mir nie gesach(H. 3, 331b)

alse ir vil selic frowe sit.
ir svlt min senidez vngemach
vertriben dc mir nahe lit.
so meret ir der welte heil.
vil meneges lip von minen vreiden wurde geil.
wurde ich von vwer helfe vro.

22.
* Wie mac dvi liebe selchen mvot

gewinnen iemer wider mich.
dc mir so rehte vnsanfte tvot.
dc si des iemer vlizet sich
ia tet ich ir vngerne we
sprich selic wip ein wort da von min not zerge.
des twinget frowe minne si.

[126]
23.
     * Owe herze cvmberlichvi clage§     (H. 3, 331b)

wie dv vreide wendes wie dv mir verkrenkis hohen mvot.
al min sorge wc ie gein dem tage
vmbe ein vruindes scheiden dc mir nv vil selten leide tvot
lihte niemer
wan ich wene er iemer
kom in angest mer
dvr mich armen
ine wil niht erbarmen
groz min herze ser
vnd daz tovgeliche weinen
dc an in vnd got alleinen
nieman kan erwenden mir tvot we
dvi naht die lopt ich ê. ○○○

24.
     Min senedes denken§     (H. 2, 38.)

da bi mine sinne al gemeine
gar ane wenken
besorgent svnder daz eine
wie ich ir bescheine
dc ich nv lange
mit sange     si meine
in stetem mvote.
si gvote     si schone si reine.

25.
Selic ich were

[365] vnd an vreiden der vruote
wolde mine swere
bedenken dvi vil wol gemvote
dvi wol behvote
vor valschen dingen
mit singen     ich mvote.
dc si min hvote
mit gvote     si liebe si gvote.

[127]
26.
Ich wunsche ich dinge

dc vor grawem hare
mir baz gelinge
baz dinge ir gebare (so)
trost miner iare
dc ist schowe
si frowe     zware
mich sol ir lachen
vro machen     si schone si clare. ○○○○

27.
Wol mich der sinne(H. 2, 37b)

die mir ie gerieten die lere
dc ich si minne
ie langer ie mere (so)
dc ich ir ere
rehte alse ein vender[366]
si svnder     so sere
minne vnd meine
si reine     si selic si here.

28.
Mine hende ich valde(H. 2, 38a)

mit trvwen algernde. vf ir vueze.
dc si alse ysalde
tristranden mich noch troesten mvoze
vnd also grvze
dc[367] gebere
mine swere     mir bvoze
dc si mich scheide
vom leide     si liebe si svoze.[368]

29.
     Wie sol ich den ritter nv gescheiden§     (H. 1, 32a)

vnd dc schone wip.
die dicke bi ein ander lagen ê.
da rat ich in rehten truiwen bei- (Bl. 23b) den.
vnd vf min selbes lip.

[128]

dc si sich scheiden vnd er dannen gê.
naht git senfte we tvot tac
owe herzeliep ine mac
dich nv verbergen niht
vns nimet der vreiden vil dc grawe lieht
stand vf ritter.

30.
Din kvslich mvnt din lip clar vnd svoze.

din drvken an die brvst
din vmbevahen tat mich hie betagen.
dc ich noch bi dir betagen mveze
ane aller vroiden verlvst
so dc geschiht so endvrfen wir niht clagen.
din minne ist gar ein zange mir
si clemme mich ich mvoz vf dich zvo dir
gvlt ez mir alden lip
min let[369] der tac daz clage ich clagende wip.

31.
Stant vf ritter[370] hoerestv vrunt den wahter vf der zinnen

wez sin sanc vertach.[371]
wie[372] mvozen versich[373] scheiden lieber man
also schiet din lip zeivngest hinnen
do der tac vf brach
vnd vns dvi naht so vluhteclich entran.
ich were gerner langer hie
wan vnser scheiden daz gab ie
mir strengez herze ser.
vnd clagete allvi wip doch clagete ich mere.
stant vf riter.[374]

32.
     Ich wache vmbe eines ritters lip.§     (H. 1, 34a)

vnd vmbe din ere schone wip.
wech in frowe

[129]

got gebe dc ez vns wol erge.
dc er erwache vnd niemen e
wecke in frowe
ez ist an der cit.
niht langer bit.
ich bitte och niht wan dvr den willen sin
wiltvn bewarn
so heiz in varn
verslafet er so ist gar dvi schvlde din.
wecke in frowe. ○○○○○

33.
Min[375] lip mvoze vnselic sin

wahter vnd aldaz singen din
slaf geselle
din wachen dc wer alles gvot.
din wechen mir vnsanfte tvot.
slaf geselle.
wahter in han
dir niht getan
wan alles gvot dc mir wirt selten schin.
dv gerser[376] des tages
dvr dc dv iages
vil menegen (so) vroide von dem herzen min
slaf geselle.

34.
Din zorn si dir vil gar vertragen

der ritter sol niht hie betagen.
wecke in vrowe
er gab sich vf die trvwe min.
do enphlag[377] in den genaden din
wecke in vrowe
vil selic wip
sol er den lip
verliesen so sin wir mit ime verlorn
ich singe ich sage

[130]

est an dem tage.
nv wecke in wand in wecket doch min horn
wecke in frowe.[378]

35.
     Minne ir habt mich so besweret§     (H. 2, 161a)

dc ich ane vreide bin.
swenne ir mir gnedic weret
so het ich ze vroidin sin.
och si vch dc vor geseit[379]
swenne ir an dem frvinde missetvot
dc der vremede an vch verzaget.

36.
Minne volget miner lere

tvot an vwern vruinden baz.
er ist iemer svnder ere
sweme die sine sint gehaz.
swie vil gar ich vwer si.
ich[380] wird vch des willen gar ein gast
da enste gnade bi.[381]

37.
     (I)ch kvese an deme walde.§     (H. 1, 19a)

sin lovp ist geneiget.
der stvont noch hvere vil vroelichen ê. (so)
nv riset er[382] balde
des sint gar gesweiget
die vogel ir gesanges dc machet der sne.
dc tvot in beiden vnsanfte vnd wê.
des mvz dvr not mich verdriezen der zit.
vnz ich besehi obe der winter zerge.
da von dvi heide betwungen nv lit.[383]

[131]
38.
     Mich dvnket niht so gvotes noch so lobesam.§     (H. 2, 161b)

so dvi liehte rose vnd din minne mins man.
dvi cleinen vogellin.
dvi singent in dem walde dest menegem herzen liep
mir enkome min holder geselle ine han der svmer winne niet.[384]

39.
     * Nv singe ich als ich ê sanc.§     (H. 1, 275b)

wil aber ieman wesen vro.
dc die richen haben vndanc
vnd die ivngen haben also
wist ich waz in wurre.
daz mohten si mir gerne sagen
so hvlf ich[385] ir schaden clagen.

40.
Swa so liep bi liebe lit

gar vor allen sorgen (Bl. 24a) vri.
ich wil dc dvi svmer zit
den zwein wol erteilet si.
svmer vnd wint[386]
der zweier eren ist so vil
dc ich beide loben wil

41.
hat der winter kvrzen tac.

so hat er die langen naht
dc sich liep bi liebe mac
wol erhohi.[387] dc ê da vaht
waz han ich geredet.
owe ia het ich baz geswigen
sol ich iemer so geligen.[388] ○○○○

42.
     Selp var ein wip§     (H. 1, 272b)

ane wiz rot ganztlicher stete
vngemalet dc si niht gebvggeramet were.
ich lobe ir lip

[132]

swie ich si doch nie niht gebere.[389]
ia hore ich gerne von ir gvote mere.
dvi ir val har vf gebvnden hat.
bi ir menegvi hin ze kyrchen gat
dvi ir swarzen nach[390] vil hohe blecket[391] lat
ich wene dc gebende vngeliche stat.[392]

43.
     * Ich wil iemer minen mvot.(Haupt’s Zeitschr. 3, 320)

hohen dvr ein wol bescheiden wip.
obe si mir niht anders tvot.
wan dc dvr si eren gert min lip.
so hat si vil wol[393] ze mir getan.
swenne ich rehten mvot ze vreuden han.

44.
     Mir ist ein not vor allem mineme[394] leide.§     (H. 1, 182b)

doch dvr disen winter niht.
wc darvmbe valwent grvene heide.[394]
selcher dinge vil geschiht.
der ich aller mvoz gedagen.
ich han mere zetvnne danne ich blvomen clage. (so)

45.
Niender vinde ich trviwe dest an[395] ende

dar ich doch gedienet han.
gvoten lviten leide ich gerne mine hende.
woldins vf mir selbem gan.
des wer ich vil willic in.
owe dc mir niemen ist alse ich in bin.[396]

46.
     * Mir hat ein ritter sp”ch ein wip.§     (H. 3, 332a)

gedienet nach dem willen min.
ê sich verwandel dvi zit.

[133]

so mvoz ime doch gelonet sin.
mich dvnket winter vnd snê.
schone blvomen vnd cle.
swenne ich in vmbe vangen han.
vnd wers alder welte leit. so mvoz sin wille an mir ergan.

47.
     Solden sich ez die vreidelosen niht an mir verdriezen§     (H. 3, 234a)

so svnge ich noch den vroiden gernden. minen wan aldes[397]
ich gertes gegin dem mvotes armen niemer niht geniezen.
dvi froide niht in selben kovfen vmbe ei[398] halbes ei
hohe ivnge man die sigent an ir hohgemvote.
so wichen aber dvi minneclichvi wibel an ir gvote.[399]

48.
     Ich vnd ein wip wir haben gestritten§     (H. 1, 321b)

nv vil menege zit.
ich han leides von ir zorne vil erlitten.
noch heldet si den strit.
nv wenet si dvr dc ich var.
dc ich si laze vri.
got vor der helle niemer mich bewar
obe dc min wille si.
swie vil dc mer vnd och die starchen vnde toben
ich enwil si niemer tac verloben.
der …[400] slege mohte aber lihte sin
da si mich dvr lieze
nv sprechent wes si wider mich genieze.
si kvmet mir niemer tac vz den gedanken min.

49.
Ich minne si vur allvi wip(H. 1, 322a)

alle mine sinne vnd och der lip.
dc stet in ir gebot

(so)
ine erwache niemer ez ensi min erste segen.

dc got ir eren mvoze phlegen.
vnd laze ir lip mit lobe hie gesten.

[134]

darnach ewecliche
nv gip ir herre vreide in dime riche.
dc ir gesche also mvoze och mir ergên.

50.
Swie verre ich var so iamert mich

wiez noch hie geste.
ich weiz wol er[401] verkeret alles sich
dvi sorge tvot mir wê.
die ich hie laze wol gesvnt
der envind ich leider niht.
der leben sol. dem wirt menic wunder kvnt.
dc alle tage geschiht
wir habin in eime iare der lvite vil verlorn.
da bi so merkent gottes zorn.
vnd erkenne sich ein ieglichez herze gvot.
die werlt ist vnstete
ich meine die da minnent valsche rete.
den wirt zeivngest schin wiez an dem ende tvot.[402] (Bl. 24b)

51.
     Svmer diner svozen wetter mvozen wir vns anen.§     (H. 3, 244b)

dirre kalte winter trvren vnd senen git.
ich bin vngetrostet von der lieben wolgetanen
wie sol ich vertriben dise langen sweren zit.
die die heide selwet vnd vnde (so) menege blvomen wolgetan.
darzvo sint die vogel in dem walde des betwungen dc si ir singen mvzen lan.

52.
Also hat dvi gvte mir dc herze min betwungen

dc ich ane vreide mvoz verswenden mine tage.
mich vervahet niht dc ich ir lange han gesvnden. (so)
ez ist also wehe dc ich ir stille dage.
ine gelovbe niht dc si mannen iemer werde holt.
wir verliesen swaz wir da gervnen. vnd gesingen ich vnd iener hiltebolt.

53.
Wer ist nv der geielste[403] vnder tvmben gettelingen.

er vnd einer nennet man den ivngen hilteger.

[135]

die inkvnde ich disen svmer nie von ir gedringen
so der tanz gein abent ander straze gienc. intwerch[404]
menegen tivwerhen blic wurfen si mich mit den ovgen an.
swenne ich svnder mines gvoten willen eteswenne vur si bede mvoste gan.

54.
Odelichen wart von ime vf minen traz gesprungen.

ir gewaltes hin[405] ich vor in minem schoppfe gra.
owe dc mich vil meneger hat von lieber stat gedrungen.
beidvi von der gvoten vnd och wilen anderswa.
iedoch so neic dvi gvote mir ein lvizzel vber schiltes rant.
gerne mvgt ir horen wie die droper[406] sint gecleidet vppeclich ist ir gewant.

55.
Enge rocke tragenz vnd smale schapperune.

rote hvote ringelohte schvhe swarze hosen.
engelmar getet mir nie leide an vridervne.
so die zwene tvont ich nide ir phelleline phosen.
die si tragent da sint inne wurzen heizet ingeber.
hiltebolt der gab der lieben einez bi dem tanze dc gezvht ir willeher.

56.
Seit ich nv zemeren wie siz vnder in geschvofen(H. 3, 245a)

des enweiz ich niht. ich schiet von dannen da zehant
meneglich begonde lvite sinen frvinden rivefen
einen hort ich schrien hilf gevater wergant
der waz lihte in noten dor so lvite nach der helfe schre
hilteboldes swester horte ich lvite schrien eines wer mir mines brvoder we.

57.
Wa bi sol man min geplepze hinnen wur[407] bekennen(H. 3, 245b)

hie vor bekande man ez bi wol[408] rivwental.
da von solde man mich noch von allem rehte nennen.
nvst mir eigen vnd leben da gemezzen smal.
kint ir heizet vch den singen der sin nv gewaltic si.
ich bin sin verstozen ane schvld mine vrivnt nv lazet mich des namen vri.[409]

58.
     Ich sach vil wunnecliche stan.§     (H. 1, 188b)

die heide vnd aldie blvomen rot.
der viol waz so wolgetan

[136]

des hat dvi nahtegal ir not.
wol vberwunden dc si twanc
zergangen ist der winter lanc
ich hort ir sanc.

59.
Mir enmac niht missegan

des wil ich gar an angest sin.
kame ez als ich willen han
so lege ez an dem arme min
so erwurb ich so der schonen teil
dc were mir ein michel heil
vnd wurd ich geil.

60.
     Ich bin steter vreiden riche

von ir schvlden ich dc han.
niemer wil ich ir geswichen
ine welle ir wesen vndertan.
dvi gvote wendet min leit
ich han si mir zevruint bereit
so si mir seit.[410]




[137]
IX.
GEDRVT.




1.
     * Von kvnzechen her wahsmvot(H. 3, 332a)

der minnet sine frowen
vber tvisent mile. dennoch waz si ime gar ze nahen
wand ez ime so sanfte tvot
obe er si solde schowen
vf eime ho- (Bl. 25a) hen tvrne vnd dc er danne solde enphahen
von ir kant[411] ein virgelin[412] dc kvst er tvsentstvnt
lege er bi der wolgetanen mit ir roten mvnde
er gervorte niemer si wand er vor liebe erwunde.

2.
* Wer aber ich so selic dc

ich die vil liebe hete
alterseine an einer stat da vns da nieman schiede
wir schieden ane haz.
wer weiz wc ich ir tete
obe ich ir gewaltic were ich sag vch mine liebe
ia enkvst ich niht dc virgerlin.[412] dc si an ir hende trvege
ich kvstiz an ir rotin mvnt. ich were als vngevuoge
mich dvnket sold ich ez iemer phlegen ich enmohtez mich niht genvgen.

3.
     Het ich einen kneht der svnge lihte von siner frowen§     (H. 2, 173a)

der mveste die bescheidenliche nenmen mir.

[138]

dc des iemen wande ez were min lip.[413]
alram rvopreht friderich wer sol vch des getruwen
von mergersdorf dc so die heren effet ir
were gerihte ez ginenge[414] vch an den lip.
ir sit ze veiz bi klagender not
wer ieman ernist der sich also nach minnen senit der lege in der iares friste tot.

4.
     Wan singet minne wise da zehove vnd in mime schalle.§

so ist mir so not nach alder wat deich niht von vrowen singe.
mir weren vier knappen lieber danne ein kerenzelin (so)
mir geb ein herre lihter sinen meiden vz dem stalle.
danne obe ich als ein weher fleminc vur die vrowen drvnge[415]
ich wil bi dem wirte vnd bi dem ingesinde sin.
ich verlvse des wirtes hvlde niht.
bitte ich in siner cleider
so were ime vmbe ein vberigez hobeschen michel leider.
git mir ein herre sin gewant dvi ere ist vnser beider
schlahen vf die minnesenger die man rvnen siht.

5.
     Ich han ein wip ersehen§

der mvoz ich gvote iehen
oder ich enkan niht spehen
hei hei hei hei hei.
ich erwinde niemer vnz ich mich zvo der lieben gezweie
sist min svmer vnd min meie.

6.
Ir vil roter mvnt(H. 2, 173b)

kvst ich den ze einer stvnt.
ich were ein iar gesvnt
hei hei hei. etc'.

7.
     Der walt vnd div heide breit§

die stent lobelich gecleit
ellvi herzen erstoret sint

[139]

des vroiwent sich megede vnd stolze kint
ende hat[416] kalde wint.

8.
Ich wil min trvren lan.

sp”ch ein magt dvr einen man.
der mir kom in minen sin.
nv wizze er daz ich ime wege bin.
ich wil mit im vil tovgen hin.

9.
Dvi mvoter vor zorne sp”ch.

we dc ich dich ie gesach.
war hastv dich ane geleit.
din har mit rosen wol becleit.
dv wirdest niemer altiv meit.

10.
So werde aber altez wip

mvoter ich mvoz sinen lip
minnen schiere oder ich bin tot.
ich wil mit ime nach rosen rot.[417]

11.
Tohter wer mac er sin

ł[418] waleis liebvi mvoter min
liebez kint dc ist ein[419]
der senede sorge wenden kan
lon ime dc ist wolgetan.[420]

12.
     Ich singe svnder minen danc.§     (H. 1, 311b)

vnd ane hohgemvote
die vroidelosen machent daz.
do ich vz hohem mvote sanc.
von eines wibes gvote
do kond ich wol gesingen baz.
nv lat si mir dvi vil liebe gvote

[140]

die vngevuegen ane gesigen.
doch han ich mich dvr ir leiden hvote
ir lieben trostes nien virzigen.
ich enmvoge vz hohem mvote
noch vroelich singen liligen.[421] (so)

13.
     Ich gesach den walt vnd aldie heide§     (H. 3, 227b)

nie vor menegen ziten in so liehter ovgen weide
die hat der meie vur gesant
dc si kvnden in dvi lant
sine kvnst den vrowen[422]
vnd allen hohgemvoten.

14.
Swer nv sine brieve horen welle

vnd sin lop mit willen vnd in die welt (Bl. 25b) helfe erschellen (so)
der lop[423] der lieben nahtegal
ir stimme lvter nie geschal.
also svoze mere
der meie habe des ere.

15.
Sprach ein magt den wil ich gerni heren[424]

im zelobe den minen lip mit menegem sprvnge enbor[425]
ich han gelernet einen sprvnc.
swer den kan der ist lange ivnc.
so ich den hoehe sprvnge[426]
so vroit mich gvot gedinge.

16.
Ir gespil si vragen do begvnde.

dc si ir sagite wer die gvoten sprvnge leren kvnde
ich bekande in gerne mohtez sin.
trvwen sp”ch dc megetin
ers vil vngemeldet
ir lobte oder schelt.[427] ○○○○○○

[141]
17.
Ich mac wol din vngevuegez[428] schelten.(H. 3, 228a)

dv mvost iemer wider mich so gelpher worte engelten.
wir hetten heide ê baz gedagt
dir si hvote wider saget
dienst vnd allvi[429]
din mvot ……[430]

18.
Spriches dv dc ich si vngevuoge

ia weiz ich einen ritter der mich an si bette trvge.
dc er mich niht enwurfe hin
dv bist leider ane sin
dc dv mich so swachest
dir selbem vient machest.[431]

19.
     Dise trveben tagen[432]§     (H. 2, 104a)

dazvo leitlich clage
hat mir vreide benomen
vnd allen hohen mvot.
warzvo sol min sanc
sit er nie so erclanc
dc in hete vernomen
ein schone vrowe gvot
der ich han gedienet vf gnade nv wil[433] lange
den svmer vnd den winter ie mit einem nviwen sange
dc verstet si mirz alreft nv zeinem anevange.[434]

20.
     Gvote lvete holt§     (H. 1, 325a)

die gabe die got vnser herre selbe git.
der alder welte hat gewalt
dienent sinen solt
der den vil seldehaften dort behalten lit.
mit vroiden iemer manecvalt
lidet eine wile willeclichen not.

[142]

vur den iemer mere wernden tot
got hat vch beide sele vnd lip gegeben
gebt ime des libes tot dc wirt dem libe ein iemer leben.

21.
La mich minne vri

dv solt mih eine wile svnder liebe lan
dv hast mir gar den sin benomen
komest dv wider[435]
als ich die reinen gottes vart volendet han
so wis mir aber willekomen.
wilt aber dv vz minem herzen scheiden niht
dc vil lihte vnwendich doch geschiht
vur ich dich danne mit mir in gotes lant
so si er vmbe halben lon der gvoten hie gemant.

22.
Owe sp”ch ein wip(H. 1, 325b)

wie vil mir doch von liebe leides ist beschert.
wc mir dvi liebe leides tvot.
vroideloser lip
wie wil dv dich gebaren swenne er hinnen vert.
dvr den dv were ie hohgemvot
wie sol ich der welrde[436] vnd miner clage geleben.
da bedorft ich rates zv gegeben
kvnd ich mich beidenthalben nv bewarn
des wart mir nie so not ez nahet er wil hinnen varn.

23.
Wol si selic wip§

dvi mit ir wibes gvote gemachen kan.
dc man si vueret vber se
ir vil gvoten lip
den sol er loben swer ie herzeliep gewan
wande ir heime tvot also we.
swenne si gedenket an sine not.
lebt min herzeliep oder ist er tot
sprichet si so mvoze sin pflegen.
dvr den er svozer lip sich dirre welte hat bewegen.[437]

[143]
24.
     Die gemvoten vmbe nit[438]§     (H. 2, 336ab)

die wellen dc ich nv verderbe.
die besorgent swc geschiht.
vnd swaz man in der welrde werbe
wer sol si aller mere zende bringen.
nv vervahent si aber die mine lange bette niht gar ze gvoten dingen.
si sprechen ich ensorge niht owe
gebivetet si io wirt ez nie[439]
sol ich ir so lange singen.[440]

25.
     Sold aber ich mit sorgen iemer leben§     (H. 1, 189b)

swenne ander lvite werin vro.
gvoten trost wil ich mir selbem geben
vnd min gemvote tragen ho.
alse von rehte ein selic wip[441] man
si sagent mir alle trv- (Bl. 26a) ren ste mir iemerlichen an.

26.
Sit si iehent wie wol mir vreide zem

so wil ich tvon so ich beste mac
ich wene iemen lebe der mir beneme
ein trvren dc nv menegen tac
in minem herzen lit begraben
gewinne ich iemer des ein ende ich wil mich wol[442] gehaben.

27.
Ez ist nv lanc dc mir dvi ovgen min

ze vrovweden nie gestvnden wol.
swen aber ich min clagen nv laze sin.
vnde ich mich des an ir erhol.
so mvoz si vil dicke clagen
dc si eime also gevuogen man. ir lip moht ie versagen.

28.
So siz nv vil gerne wenden wil.

diz leit dc mir von ir geschiht.
so ist mir lip vnmere vnd ander spil

[144]

so entovge ich ir vor alter niht.
owe waz wil si aber danne min
nv moht ich ir gedienen wol lieze eht siz ein ende sin.[443]

29.
     Swie vil ein wip vnvroide machet§     (H. 1, 289b)

einem man. der stete hat
so si in einest ane lachet.
so dc ez von herzen gat.
so ist sin drizzic ieric leit mit liebe hin.
dc gelovbe ich allez bi mir selbem wol
troeste si mich noch der eigen ich da bin
so vergvlte ich wol mit liebe swaz ich leides gelten sol.[444]

30.
     Maneger claget die schone zit§     (H. 1, 287b)

vnd die liehten tage
so clag icb daz mir ein wip getvot
dvi mir leit zvo sorgen git.
owe senedvi clage
waz ist mir vur dich zevroiden gvot
aller vogele singen aller blvomen schin.
ellvi wip eller wibe kint
daz der lebende sint
trostent mich niht wan div daz sol sin.[445]




[145]
X.
NITHART.




1.
     Swaz an einem wibe(H. 3, 192b)

gvoter dinge kan gesin
der hat si den besten teil
minnecliche schone gar zewunsche wol gestalt.
wol ir svozem libe
der ist vf die trvwe min
vmbe wollen ane mal.[446]
kves an ir geberen mit ir sprvchen niht zebalt
giwerbes vnd wol gezogen
dest ein vbergvlde gar.
ine hat sin gelvcke niht betrogen
swer mit ir verswendet sinvi iar.

2.
     * Si hat mit ir strale§     (H. 3, 313b)

mich verwundet in den tot
von seneder not
lide[447] groze kale
si ist von dem roten golde vnd niht von stahele[448]
an min herze schôz si zeinem male.

[146]
3.
     Diche ich mir gedenke(H. 3, 256b)

swenne ich mich vereine
wer in der wibes gvote da
sine hete sich so lange niht an ir verholn
miner nviwer clenke
lonet si mirs eine
nv mac ich dienen anderswa
nein ich wil mit willen disen kvmber langer dohi[449]
waz obe lihte ein selic wip
noch den mvot verkeret
vroiwe min herze vnd troste den lip
dvi zwei dvi sint geseret.

4.
     Ie lieber vnd ie lieber is si mir dvi wol getane§     (H. 2, 119b)

ie leider vnd ie leider bin ich ir dc ist mir leit
bin ich vro dc kvmet mir gar von einem lieben wane.
sit si mir ir hvlde vnd ir gnade wider seit.
trostes vnd gedingen wil ich niemer werden ane
min trost des trvrens ie vergaz
so dvi schone vor mir saz
alsam ein voller mane.

5.
Sine[450] tage lovfent von der hoh gegen der neige

gvot frowe troeste mich die wile ich vf der hohe si.
sit ich dir mit trvwen stetez herzeliep irzeige.
zeige dine gvote mache mich von sorgen vri.
mine sorge sint von dinen schvlden manicvalde
nv schaffe ir ende selic wip
ê daz min vil tvmber lip
zesere in sorgen alde.

6.
     Wie vberwinde ich beide§     (H. 3, 246a)

mit[451] liep vnd die svmerzit.
ich enkan die wol getanen schiere niht verclagen.

[147]

dise groze leide
(Bl. 26b) mir rviwe ane vreide git.
trvre ich wol von schvlden. nv gegen disen trvoben tagen.
die den winter kvndent der vns meneger vroide rovbet
singens habent sich die cleinen vogellvi gelovbet
alse mohte ich wol mit minem sange stille dagen.

7.
Sol mich niht vervahen

min trostlicher lieber wan
sone weiz ich waz[452] genaden ist[453] mich trosten mac
mir[454] mac wol versmahen
min dienest den ich ir han
lange her geleistet vnd des ie mit trivwen pflac
also pflege ich ez iemer gerne moht ichz iht geniezen
also dc mich die dorper mines lones iht verstiezen.
dez ist vz[455] greific vnd sin rvher schavernac.

8.
Engelwan vnd vze

si beide sint mir gehaz.
schaden vnd nides mvoz ich mich von in versehen.
vnd der geile rvze.
wie tivre sich der vermaz.
er bestvnt mich dvr mine dri widerwehen
die raten vnd priven dc ich ane lon belibe
niht envolg ir lere frowe liebest aller wibe
lone miner iare laz in leit an mir geschen.

9.
     Owe liebe svmerzit§     (H. 3, 271a)

owe blvomen vnd cle.
owe meneger wunne der wir ane mvozen sin
vnser froide enwider strit
bringet rifen vnd sne.
dc hat alles roten rosen vngelichen schin.
alse ist vngelich min vnd amelvnges swere
mines vngelingen vreit er sich vnd aldelrich.

[148]

der ist mines schaden zallen ziten vlizic vnd gevere
er vnd eberolt ein vngestvemer wueterich.

10.
Wist ich weme ich solde clagen(H. 3, 271b)

minen grozen vngemach
den ich von in lide vnd lange her irlitten han
swaz mir noch bi minen tagen
leides ie von in geschach
dest ein wint wan dc mir nv der eine hat getan
ich bin vnverzaget beide herzen vnd mvotes
swer in dvr den willen min sinen dienst verseit
deme gesten ich aller trvwen libes vnd gvotes
aldie wile vnd mir der stegereif zehove wart.[456]

11.
     Owe liebvi svmerzit§     (H. 3, 249b)

dc er si verwazen
der vns din zevroide noch zeheile nieni gvnde.
dem ist manic herze gram.
dc hv trvren mvoz
seht ir wie dvi heide lit
der ist noch verlazen
alle ir blvomen da si mit ir schame verdecken kvnden.[457]
we dem winter der si nam.
schiere werd vns bvz
sin. vnd alle die mir ie die gvoten vremede machen
den enwird ich niemer inneclichen holt
willekint und amelolt
habent mich beworten[458] da mit lvgelichen sachen.

12.
Iemer an dem svnnentage(H. 3, 250b)

sost ir samenvnge
swaz der dorper ist in einem witen vmbesweife.
koment mit einander dar
alle vf minen traz.
wemer siner oder carag[459]

[149]

vridebreht der ivnge
greif ir an daz kinne ine weiz wiv. der dore greife
sine vurhtent vmbe ein har
niemans widersatz.
des mac er vnd etteslicher mere wol bestrvchen
dc ime bezzer were het ers verborn.
sin swertis heize in vorne
zart ir an dem krvmden reigen einen cleinen stvcken.

13.
Dar an siner gele spranc

an dem vmmeswanke
da bereif[460] ez in vnde zart in vz vnz an dc ende
owe dc manz in vertreit
einem oeden cragen
ez geschach niht svnder danc
ez geschach mit danke.
dc veruiengen ime genvege zeiner missewende
wc ime lvite widerseit
wil si sis beclagen.
si gemachet ime ir vmmesezzen vil vnwege
mohte ein tore sine helze slisen. zv
e. dc svlhen schaden vch.[461]
wir vertrvegen dc swa swert in eime corne lege.

14.
     Owe lieber svmer diner liehter[462] ta- (Bl. 27a) ge lange§     (H. 3, 270b)

wie die sint verkeret an ir schine.
si trvobent amde[463] nement an ir svezzem wetter abe.
gar geswigen sint dvi vogellin mit ir gesange
so sint dc die meisten sorge mine.
sol mir nun langer dienest lieben lon erworben han.
ich enkonde ir leider nie gesprechen noch gesingen
dc die wolgetanen dvehte lones wert.
lona kviniginne ich bin der lones gert
liebest aller wibe ich han vf lieben lon gedingen.

[150]
15.
Hat aber ieman leit dc mineme leide si gelich

mohte mir der sinen rat enbieten
deswar gvoter lere der bedorfte nieman baz.
ich gespreche gerne mine vruinde svmeliche
dc si mir zeselchen sachen rieten.
mich vehet ane schvlde der ich selten ie vergaz.
est wunder dc ich eine wile fro belibe
sit dv gvote mich in vngenaden hat.
wan dc mich min trviwe vnd och min stete enlat
[464] geslvege in miner[465] nviwez liet deheinem wibe.

16.
Ich engewan vor menegen ziten vngenaden mere(H. 3, 271a)

danne ich han von einem gettelinge
derst also getoifet dc in nieman nennen sol.
der ist an siner straze beidvi trezer[466] vnd here
langes swert alsam ein hanef swinge
treit er allez vmbe dem ist sin gehilze hol
da sint lviger in gemachet zeiner zizewech
oben in dem knopfe lit ein spigel glaz
dem gelich also dc fridervne wc
do bat er die gvoten dc si sich darinne ersehe.

17.
Sine wolde iedoch in sinen spiegel nie gelvegen

dc versagtez ime in einer smech.
si[467] verwendeclich ez ist iemer vngetan
ich erken vch niht an vchwerre hovescheit zeclvogen (so)
ê dc vch zeliebe an mir geschehe
ia wold ich ê verliesen niwan alles dc ich han.
Seht lvper sp”ch han noch deheime vil gvoter swigel[468] dri (so)

der mir iegelicher lieber

sprache er lvget frowe aber her

(so)
also mvote si der goch mit siner hopenie.<ref>Lies gumpenîe.




[151]
XI.
SPERVOGEL[WS 14]




1.
     Swer in vremeden landen vil der tvgende hat.(H. 2, 371a)

der solde niemer komen hein dc were min rat
erne hete da den selben mvot
ez enwart nie mannes lop so gvot
so dc von sinem hvese vert. da man in wol erkennet
wc hilfet dc man tregen esel mit snellem marke rennet.

2.
Wan sol die ivngen hvnde lazen zvo dem bern

vnd den roten habech zeim reiger welle ers gern.
vnd ellvi ros zvrstvn[469] slahen
mit linden wazzern hende twahen
mit rehtem trvwen minnen got vnd aldie welt wol eren
vnd neme zewisem manne rat vnd volge och siner lere.

3.
Swer svochet rat vnd volget des der habe danc(H. 2, 372a)

alse min geselle spervogel sanc
vnd sol der leben tvsent iar.
sin ere stigent dc ist war.
ist danne dc er trviwen phliget. vnd den niht wil entwenken.
so er in der erde ervuolet ist so mvoz man sin gedenken.

[152]
4.
Ez zimpt wol helden dc si vro nach leide sin.

kein vngelvcke wart nie so groz da were bi
ein heil des svln wir vns versehen.
vns mac wol vrome nach schaden geschehen.
wir haben verlorn ein veigez gvot vil stolzen helde enrvochet.
dar vmbe svln wir niht verzagen ez wirt noch baz versvochet.

5.
Waz fromt dem rosse dc ez bi dem vuoter stat.

vnd einem wolve dc er bi den schafen[WS 15] gat.
der in dvi beide tvere tvot
so ist ez ienim[470] also gvot.
der veile vindet swaz er wil. vnd des niht mac vergelten.
ein lieht in vremedes mannes hant[471]

6.
vnd vert zewalde spvrn so der sne zergat

vnd kovfet vngeschowet vil
(Bl. 27b) vnd altet[472] gerne verlornvi spil
vnd dienet einem boesen man. da ez ane lon belibet
dem wirt wol after rviwe kvnt obers die lenge tribet.

7.
Swer lange dienet da man dienst niht verstat(H. 2, 372b)

vnd einen vngetruwen mitteslvzel hat.
vnd einen valschen nahgebvr
dem wirt sin spise harte svr.
obe er sich wil also betragen dc er armen niht verdirbet.
dc mvoz von gottes helfe komen wan er mit trnwen wirbet.

8.
Dvi selde dringet vur die kvnst dc ellen gat.

vil dicke nach dem richen zagen in swacher wat.
erst tvmp swer gvot vor eren spart.
zvht dvi wellent grawen bart
truiwe machent werden man vnd wise schone vrage.
liebe meistert wol den kovf. so scheidet schade die mage.

9.
Wan sol einen biderben man. wol drizzic iar.

darvf behalten. dc ich vch sage dc ist war
obe man dem herren widersage.

[153]

dc er ime holdes herze trage
swem dc gvot zeherzen gat der gewinnet niemer ere.
io enrede ich ez niht dvr minen vromen wan dc ich ez alle lere.

10.
So we dir armvot dv benimest dem man

beide wise vnd och den sin dc er niht kan.
die vruint getvnt sin lihten rat.
swenne er des gvotes niht enhat
si kerent ime den rvgge zvo. vnd grvozent in wol trage
die wile dc er mit vollen lebit so hat er volle holde mage.

11.
So wol dir wirt wie wol dv doch dem hvse zimpst (so)

an dem worte niemer mer dv abe genimest
swie cleine man gebresten hat.
wol doch der wirt inme hvse stat
der wirt der kan des hvses reht wol mezzen nach der snvere
wc solde ein wiselosez her daz ane meister vuore.

12.
     Ich sage vch lieben svne min§     (H. 2, 374a)

vch enwahset korn noch der win.
ich enkan vch niht gezeigen
dvi lehen noch dvi eigen
nv genade vch got der gvote
vnd gebe vch selde vnd heil
vil wol gelanc von tenemarke frvoten.

13.
Mich ruewet vurt[473] vber mer

vnd von hvsen walther
heinrich von gebechenstein.
vnd von stovfen wc ir noch ein
got gnade wernharte
der vf steinberc saz.
vnd niht vor den eren versparte.

14.
Wer sol vf steinberc

wurchen wernhartes werc.
hei wer gab vnd leich[474]

[154]

des er dem biderbem man verzec
des enmohte er niht gewinnen
dc waz der willekom dvi statte
si scheiden sich zeivngist mit minnen.

15.
Do der gvote wernhart(H. 2, 374b)

an dise welt geborn wart
do begonde er teilen al sin gvot.
do gewan er rvodegers mvot
der saz zebechelere
vnd phfac[475] der marke menegen tac.
der wart von siner frvmecheit so mere.

16.
Steinberc die tvgende hat

dc ez sich nieman erben lat.
wan ein der och eren phligit
dem strite hat ez an gesigt
nv hat ez einen erben
der werrden (so) oetingere stam.
der wil im sinen namen niht verderben.

17.
Wan seit zehove mere

wie gescheiden were
kerlinc vnd gebewart
si liegent semmir min bart.
zwene brvoder die gezvrnent
vnd vnderzvenent den hof.
si lant ie doch die stigelen vnverdvrnet.

18.
Mich mvot dc alter sere.

wan ez hergere
alle sine craft benam.
ez sol der gransprvnge man
bedenken sich enzit.
swenne er zehove werdc leit.
dc er zegwissen herbergen rite.

19.
Swie sich der ricbe betraget

so dem nothaften waget

[155]

dvr dc lant der stegereif.
dc ich zebvwe niht engreif
do mir begonde entspringen
von alrest min bart
des mvoz ich nv mit arbeiten ringen.

20.
Weistv wie der igel sprach

vil gvot ist gvot ist[476] eigen gemach.
zimber ein hvs kerlinc.
dar inne schaffe (Bl. 28a) dinvi dinc.
die herren sint erarget
swer daheime niht enhat
wie maneger gvoter dinge der darbet.

21.
Swie dc wetter tvo(H. 2, 375a)

der gast sol wesen vro.[477]
der wirt hat inkenen[478] vuoz.
vil dicke so der gast mvoz
die herberge rvomen.
swer in dem alter welle wesen
wirt. der sol sich in der ivgent sich[479] svmen.

22.
Ez wc ein wolfgrawe.

vnd ein man alwere.
die lvite wolten slafen
er lie den wolf zen schafen.
do bigienc er in der stige.
dc man in des morgens hienc
vnd iemer mere sin kvnne ane schriet.

23.
Ein wolf vnd ein wizzic man.

satzen schahzabel an.
si wurden spilnde vmbe gvot
der wolf begonde sinen mvot.
nach sinem vater wenden.
do kom ein wider dar gegan
do gab ir beidvi roch vmbe einen venden.

[156]
24.
Ein wolf sine svnde vloch

in ein closter er sich zoch
er wolde geislichen leben.
do hiez man in der schafe phflegen
sit wart er vnstete.
do beiz er schaf vnd swin.
er iah dc ez des pfaffen rvden tete.

25.
Ez mac der man so vil vertragen

hort ich kerlingen sagen
dc man in deste wirs hat
so wirt sin svz vil gvot rat
ist er wider sezze.
zwene hvnde striten vmbe ein bein.
do trvog ez hin zeivngest der rezze.

26.
Swene[480] hvnde striten vmbe ein bein

do stvnt der boeser. vnd grein
waz half ine[481] alsin grinen.
er mvostez bein vermiden.
der ander trvog ez
von dem tische hin ze der tvr.
er stvnt zv siner angesiht vnd gnvogez.




[157]
XII.
DER. IVNGE. SPERVOGEL.




27.
     Ich bin ein wegemveder man(H. 2, 375b)

nv vert mir einer vor
der rennet swenne ich trabe.
alse ich der straze niht enkan
so volge ich sime spor
nv wirfer[482] er mir abe
die brvgge da ich vber sol.
doch het er mir geheizen wol.
ir stimme ist bezzer denne ir mvot. die mit den blatte da glient
ein valscher vruint der schat noch mer danne offenbar ein vient.

28.
Entwerfen ist ein speher list

da hoeret spotten zvo
alnach der ovgen spehen
ich wene reht der maler ist
obe einer misse tvo
dc ez die anderen sehen.
vnd spotten ez niht dvr minen haz
er schepphe sinvi bilde baz
swer malces phligt die wile ez ligt dvr derren vf dem slate.
der lobe min bier vnz er besehe wie ime sin wuriz gerate.

[158]
29.
Swer des biderben swache phligt

da bi des boezen wol.
der hat si beide verlorn.
gewalt den wizzen ane gesiget
ein sinnic herze sol
mit zvhten tragen zorn.
des iares kvmpt vil lihte ein tac.
dc ers wol verenden mac.
vnrehter gehe nieman phligt er mvoge ir wol engelten
gvoter gebitte noch nie gebrast mit schonen zvhten selten.

30.
Swer mir dvr sine kvndekeit

den minen toerschen mvot
wil breiten an dc lieht
der dimit[483] sin lieht[484] in erbeit
obe ers also getvot
dc ich erkenne niht
dc doch vil wol geschehen mac
kvmpt ez vz der vinster an den tac.
so svche ich vinde ich iender da ioch[485] an verlegener wete.
gewinnen ich mvoz ich niemer vrunt ern si die lenge stete. ○○○

31.
     Der alten rac[486]§     (H. 2, 376a)

versmahet nv den kinden
vmbe twungen
sint die ivngen
ane reht wir leben
vntruiwe hat
gemachet dc wir vindem[487]
in dem lande
menege schande
wuns ist vur frvinde[488] gegeben
vngenade. bloze hvebe. wueste lant
da man e wirte in vollen steten vroiden vant

[159]

dane crêt. dvi henne noch der han. ein phfawe ist niender da.
die heide enezzent geiz noch rinder noch dvi schaf
dane brechent och die gloc- (Bl. 28b) ken nieman sinen slaf.
dvi kilche ist oede ir svlt den pfaffen svochen anderswa.

32.
     Gvsse schadet den brvnnen.§

same tvot dem rife dvi svnne
same tvot dem stovbe der regen.
armvot hoenet den degen
so schadet och dem ivngen man wil er zevil gehalten
truiwe vnd wiser rat dc zieret wol den alten.

33.
     Swa zwene dienent einem wibe§     (H. 1, 100a)

mit vngelichem mvote
der eine tvot mit sinem libe
al daz er mac zegvote
sone wil der ander noch enkan
vnd ist ein vil vngevuoge man.
dc si den welt vnd ienen versiht
wes schvld dc si dc wess ich gerne
ich vragez iemer vnze ich ez gelerne
wan ein vnmaze da geschiht.[489]

34.
     Alder welte hoh§     (H. 2, 160a)

ir gemvote stat.
blvomen in dem lohe
min ovge hat
vil gesehen
ine mac leider niht veriehen
dc mir min sorgen iht davon verswinde
sist min ingesinde.

35.
Zwo gespilen mere

begonden clagen[490]

[160]

senede herze swere
einander clagen
dvi eine sprach.
weist dv leit vnd vngemach
hat mir betovbet lip vnd aldie sinne
da ist niht vreiden inne.

36.
Sage bi den truiwen(H. 2, 160b)

waz wirret dir
lebiste in senenden rvwen
so volge mir
habe gedvlt
siz von liebes mannes schvlt
so hilz mit allen dinen sinnen tovgen.
gern ich vur dich lovgen

37.
leit vnd vngemvote[491]

dest mir bekant
liebez frvindes gvote
mich beider mant.
mir ist ein man
vremede. der mir hat getan.
da von mir lange senede sorge meret
vnd min herze seret.

38.
Genedich[492] inder maze

dast also gvot.
langes truren laze
wis wol gemvot
nien verzage
sage mir wer dir liebe trage
wir zwei wir sin mit truwen[493]
wol gelinge vns beiden.[494]

39.
     In dem walde vnd vf der grvenen heide§     (H. 1, 305a)

smeket[495] ez so rehte wol.

[161]

dc man sich der lieben ovgen weide
wol von schvlden trosten sol
so han ich vor seneden mvot.
trost dekeinen
wan den einen
dc min frowe ist gvot.

40.
Wol in den der cleine vogele singen

troestet vnd der blvomen schin
wie mac dem an vreiden misselingen
wil er vro von beiden sin
so hat er der beider wal
blvomen sprvngen[496]
vogellin singen
wunneclichen schal.[497]

41.
     Er ist gewaltic vnd starc§     (H. 2, 376a)

der zewinnaht geborn wart.
dc ist der heilige crist
ia lohte[498] in allez dc dir ist
niewan der tievel eine
dvr sinen grozen vbermvot
so wart ime dvi helle zeteile.

42.
In der helle ist michel vnrat

swer da heimvote hat
dvi svnne schinet nie so lieht
der mane hilfet in niet.
noch[499]
ia mvet in allez dc er siht.
ia were (so) da zehimel also gerne.

43.
In himelrich ein hs stat.(H. 2, 376b)

ein gvldin wec darin gat

[162]

die svole die sint mermelin
die zieret vnd[500] trehtin
mit edelem gesteine.
da enkvmpt nieman in
ern ensi[501] vor allen svnden also reine.

44.
Swer gerne zvo der kilchen gat.

vnd ane nit stat (so)
der mac wol vrolichen leben.
dem wirt zeivngest gegeben
der engel gemeine.
wol in daz er ie wart
zehimel ist dc leben also reine.

45.
Ich han gedienen[502] lange

leider also lange[503] einem manne
der in der helle vmbe gat.
der brvwet mine missetat
sin lon der ist bose
hilf mich heiliger geist.
dc ich mich von siner vancnisch erlose.

46.
Mich hvngerte harte

ich steic in en[504] garten
da waz oben[505] innen
des mohte ich niht (Bl. 29a) gewinnen.
dc kom von vnheile
dicke wegite ich den ast
nur wart des obez ez[506] nie niht zeteile.

47.
Swa ein gvot bovm stat

vnd zweir hande obez hat.
beidvi svez vnd svr
so spichet ein sin nabgebvr
wir svln dc obez teilen

[163]

wir[507] ir einez drvnder vul.
er[508] bringet vns dc ander zeleide.

48.
Swel man ein gvot wip[509]

vnd zeiner ander gat
der bezeichent dc swin
wie mohte ez iemer sin
ez lat den lvitern brvnnen
vnd leit sich in den trvben phvl.
den sitte hat vil menic man gewunnen.

49.
Ein man sol haben ere.

vnd sol iedoch der sele
vnderwilen wesen gvot.
dc in dehein sin vbermvot
verleite niht zeverre
swen er vrlobes ger
dc ez in an dem wege niht enwerre.

50.
Korn sate ein bvman.(H. 2, 377a)

do enwolte ez niht vf gan.
ime erzornte daz
ein ander iar er sich vermaz
dc erz ein egerde liez
er solde ez ime gvotliche geben.
der dem andern vmbe sinen dienest iht gehieze.

51.
Crist sich zemarterenne gab

er lie sich legen in ein grap.
dc tet er dvr die goteheit
da mitte loste er die cristenheit
von der heizen heizen helle (so)
er getvot ez niemer mer
dar an gedenke swer so der welle.

52.
An dem osterlichem tage

do stvnt sich crist vz dem grabe

[164]

kvinec aller keiser
vater aller weisen.
sine hantgetat er loste
in die helle schein ein lieht
do kom er sinen kinden zetrosten.[510]

53.
Vurze des waldes(H. 2, 377b)

vnd criz[511] des goldes
vnd ellvi apgrvnde
dvi sint dir herre kvnde
div stvent[512] in diner hende
allez himeleschez her
dc enmohte dich niht volle loben an ein ende.




[165]
XIII.
RVDOLF. VON. ROTENBER.[513]




1.
     Waz verzagetes herzen hat min lip(H. 1, 86b)

daz ich ir nie gesagite noch den willen min.
dvi mir lieber ist danne ellvi wip
vnd iemer mvoz vnz an min ende sin.
ich singe ir alle mine tage
ê deswar dc beste des ich mich versinne
si enweiz aber niht deich von ir sage
vnd dc ich si so herzecliche minne
mit der not trvite ich mins herzen kvniginne.

2.
Ich het ir doch ein teil geseit

der steter liebe die min herze gein ir hat.
wan dc mich ir grozvi werdekeit
an ir wol werdem libe niht genenden lat
min schemelichez herze hat
vnd ir here vremd an vns dc gemachet
da von mich menic vreide lat.
vnd daz si mir von herzen selten lachet
vnd doch min ovge in ir namen so dicke erwachet.

3.
So ich bi der hohgemvoten bin

dvi ane ir wizzen twinget mich[514] die sinne gar

[166]

so nement ir spilenden ovgen hin
swaz ich vf gnade solde sprechen dar
ich mvoz vnd were ez ioh min tot
an si mines herzen bette ein wort genenden.
vnd sol ich der vil svozen not
nach minem willen iemer iht verenden
sit dc die not niht wan ir minne kan erwenden.

4.
     Ir svlt mir selic vrowe ein wort§     (H. 1, 87a)

vernemen gnedecliche ob irs gervochet
ine bin bekvmbert hie noch dort
mit valscher min alsez die valscheit svochet
ich minne vch vnd minnit vch ie
daz svlt ir wol gelovben gar
ir sit mir vor in allen hie
da man mins herzen wart gewar
dar an vernivegernde ich nie.

5.
Getorst ich vch mins herzen willen sagen(H. 1, 86b)

frowe aldar nach mich vwer minne twinget
so mvoz ich wol mit sprvchen clagen
vil menege not da mitte min herze ringet.
da von dc ir mir lieber sit
denne iht des inder welte si
vnd vch min leit so verre lit.
dc mir doch wont vil nahe bi.
des wintert mir dvi svmerzit.

6.
Were (Bl. 29b) an der minne valsches iht(H. 1, 87a)

da mit ich mines herzen frowen meine
so enzeme och ir min singen niht
hetis ieman ein wort mit mir gemeine
mir hat gar elle vnstetecheit
ir werdir reiner lip benomen
swaz ir min sanc des willen seit
dc ist mir von dem herzen komen
gelovbet si ez so enhan ich leit. ○○○

7.
     Owe dc ich ez mit der lieben ie begvnde§     (H. 1, 88b)

vnd owe dc ich si ie gesach.

[167]

si hat mich gestozzen mit ir rotem mvnde
eines dc mir in min herze brach
des kan mir niht werden rat
ez hat sich gesenket also hin zegrvnde
daz min vreide nach ein ende hat.

8.
Owe wes hat sich dvi liebe an mir gerochet[515](H. 1, 89a)

oder wie han ich gedienet daz.
dc si hat so vil der vreiden an mir zebrochen
vnd ir[516] mit trvwen nie vergaz
dane waz ich ir niht wert
we wes han ich tvmber man mich so versprochen
dc ich gvotes wibes han gegert.

9.
Ich wil gein der lieben singen vmbe ein scheiden

vnd wil doch sand ir teilen ê.
also han ich geteilet schiere vns beiden
ir si wol so si mir iemer we.
si habe ir dc herze min
so belibet mir dc ich in seneden leiden
iemer mvoz biz an min ende sin.

10.
(I)ch wande ie do ich eiz waz[517] der welte were

vntz ich die warheit han gesehen
an der lieben sit ich ir bin so gar vnmere
so sol mir niemer heil geschehen.
mich trvoc da hin ein tvmber wan.
owe tot dazt ie so lange mich verbere
sit ich selbe min gespotet han.




[168]
XIV.
HEINRICH. DER. RICHE.




1.
     Nv lange stat dvi heide val(H. 1, 194b)

si hat der sne
gemachet blvomen eine
die vogele trvrent vber al
dc tvot ir we
der ich ez gerne scheine
min lip ie vor den boesen hal
dc ich si me
mit rehten trvwen meine
danne ieman kvnde wizzen zal.
hete ich von heile wunsches wal.
vber ellvi wip. verleite mich vnstete ab ir dekeine.

2.
Die vindent[518] mich in meneger zit(H. 1, 195a)

an einem sinne
der ist iemer stete.
nach rehte liez ich minen strit.
dc mir ie[519] minne
lones gnade tete.
nv gemachet valscher lvite nit

[169]

dc gvote gewinne
sint ein teil ze spete.
da von min herze in swere lit
betwungen waz ez iemer sit
noch wurde ez vro. leiste noch dvi schone des ich bete.

3.
Mir were starchez herzen not

ich trage so vil
der kvmberliche swere
noch sanfte tete mir der tot.
danne ich ez hil
deich alsvs gevangen were.
ich leiste ie swaz si mir gebot
vnd iemer wil.
wie vngern ichz inbere
dvi zit hat sich verwandelot
der svmer bringet blvomen rot.
min wurde rat wolte si mir kvnden liebvi mere.

4.
Solt ich an vreiden nv verzagen

dc wer ein sin
der nieman wol gezeme
er mvoz ein stetez herze tragen.
alse ich nv bin
der mich da von beneme
er mvoze zovverliste han.
wan min gewin
sich hvob alse er mir keme
sin langes fremeden mvoz ich clagen
dv solt ime lieber bote sagen
den willen min. wie gerne ich in sehe sine vreide noch verneme.




[170]
XV.
HEINRICH. VON. RVCCHE.




5.
     Nach frowen schone nieman solH. 1, 195b)

zevil gevragen sint si gvot.
er lazez ime geyallen wol
vnd wizze dc er rehte tvot.
waz obe ein varwe wandel hat
der doch der mvot vil hohe stat
er ist ein vngevuoge man
der des an wibe niht erkennen kan.

6.
Ich tvon ein scheiden dc mir nie

von (Bl. 30a) deheinen dingen wart so we.
vil gvote vruinde laz ich hie
nv wil ich trvren iemer me
die wile ich si vermiden mvoz
von der mir sanfter tete ein grvoz
an dem stetin herzen min
danne ich ze rome ein keiser solte sin.

7.
Ich gerte ie wunneclicher tage

vns wil ein schoner svmer komen.
al deste senfter ist min clage
der vogel han ich vil vernomen
der grvone walt mit lovbe stat
ein wip mich des getroestet hat

[171]

dc ich mine gehabe wol.
wan ich der zit geniezen sol.

8.
Ich horte gerne ein vogelin

dc hvbe wunneclichen sanc.
der winter kan niht anders sin.
wan swere vnd ane maze lanc.
mir were liep wolt ez zergan
waz vroideneh (so) vf den svmer han.
dar stvnt nie hoher mir der mvot
dc ist ein zit dvi mir vil sanfte tvot.[520]




[172]
XVI.
HARTMAN. VON. OVVE.




1.
     Mir[521] hattenbotten frowe gvot.(H. 1, 238b; Haupt S. 16.)

sinen dienest der dir ez wol gan.
ein ritter der vil gerne tvot.
dc beste dc sin herze kan.
der wil dvr dinen willen disen svmer sin.
vil hohes mvotes verre vf die gnade din
dc solt dv minneclich enphan dc ich mit gvoten meren var
so bin ich willekomen dar.

2.
Dv solt ime botte minen dienst sagen.(Haupt S. 17.)

swaz ime zeliebe mvoge geschehen.
dc mohte nieman baz behagen
der in so selden habe gesehen.
vnd bitte in dc er wende sinen stolzen lip
da man ime lone ich bin ein vil vremedez wip
zenpfahenne svsgetane rede swer er vch anders gert
dc tvon ich wan des ist er wert.

3.
Min erste rede die si ie vernam(H. 1, 239a)

die enphienc si des mich dvhte gvot.
biz si mich nahen zir gewan
zehant bestvont si ein ander mvot

[173]

swie gerne ich wolte ich mac von ir niht komen.
dvi groze liebe hat so vaste zvo genomen
dc si mich niht enlazet vri. ich mvoz ir eigen iemer sin
nv enrvoche est doch der wille min.

4.
     Swez vroide an gvoten wiben stat§     (H. 1, 329b; Hpt. S. 4.)

der sol in sprechen wol.
vnd iemer wesen vndertan
dc ist min sitte vnd ist min rat.
alse ez mit trvwen sol.
dc kan mich niht vervan
an einer stat
dar ich gnaden bat
swaz si mir tvot ich han mir[522] ir gegeben
vnd wil ir einer[523] leben.

5.
Moht ich der schonen minen mvot(H. 1, 330a; Hpt. S. 5.)

nah minen willen sagen.
so liez ich minen sanc.
nv ist min selde niht so gvot
da von mvoz ich ir clagen
mit sange dc mich twanc.
swie verre ich si
swie verre ir ich so sende ich ir den botten bi. (so)
den si wol horet vnd eine[524] siht
der enmeldet min da niht.

6.
Ez ist ein clage vnd niht ein sanc

dc[525] ich der gvoten mitte
ernviwe minvi leit
die sweren tage sint al zelanc
die ich si gnaden bitte.
vnd si mir doch verseit.
swer selchen strit
der kvmber ane vreide git
verlazen kvnde des ich nieni kan.
der were ein selic man.

[174]
7.
     Ich sp”ch ich wolte ir einer[526] leben§     (H. 1, 329a; Hpt. S. 6.)

vnd lie dc wite mere komen.
min herze hette ich ir gegeben
vnd han dc nv von ir genomen
swer tvnben antheiz trage
der laz inder[527] tage
ê in der strit
berovbe der iare gar
alse si mich hat getan
ir si der criek verlan
von dirre zit
so wil ich dienen anders war.

8.
Sit ich ir lones mvoz enbern

der ich manic iar gedienet han.
so mvoze mich doch got gewern.
dc ez der lieben mvoze ergan
nach eren vnd wol
sit ich mich rechen sol
deswar dc si.
vnd doch niht anders wan also
dc ich ir heiles gan
baz danne ein ander man.
vnd bin da bi
ir leide gran ir liebes vro.

9.
Mir sint dvi iar vil (Bl. 30b) vnverlorn(H. 1, 329b; Hpt. S. 8.)

dvi ich an si gewendet han.
hat mich ir minnen lon verborin
doch trostet mich ein lieber wan
ich engerte nihtes me
wan mvoz ich ir alse
zefrowen iehen
manic man der nimpt sin ende also
dc ime niemer liep geschiht
wan dc er sich versiht

[175]

deiz svle geschehen
vnd tvot inder gedinge vro.

10.
Der ich daher gedienet han.(H. 1, 329a)

dvr die wil ich mit vreiden sin
doch ez mich wenic hat vervan
ich weiz wol dc dvi frowe min
nach eren lebet
swer von der siner[528] strebt
der habe ime dc
in betraget siner iare vil.
swer also minnen kan
der ist ein valscher man.
min mvot stet baz
von ir ich niemer komen wil.




[176]
XVII.
VVOLFRAM. VON. ESCHEBACH.




1.
     Ez ist nv tac(H. 1, 286a; L. S. 7)

dc ich wol mac
mit warheit iehen ich wil iehen ich wil niht langer sin (so)
dvi vinster naht
hat vns nv braht
zeleide mir dem (so) morgenlichen schin
sol er von mir scheiden nv
min vruint dvi sorge ist mir ze vruo.
ich weiz vil wol dc ich vch ime[529]
den ich in minen ovgen gerne bvrge
mohte ich in also behalten
min kvmber wil sich bereiten.[530]
owe des wie kvmpt ers hin
der hohste vride mvoze in noch wider an minen arn geleiten.

2.
Daz gvote wip

ir vruindes lip
vast vmbevienc der waz einslafen do.
do dc geschach
dc er ersach
den grawen tac do mvoze er sin vnvro.

an sine brvst er si drvhte

vnd sp”ch io erkande ich

(so)
[177]

kein trvric scheiden. also snel
vnd ist dvi naht von hinnen al zebalde
wer hat si so kvrz gemezzen
der tac wil niht erwinden
hat minne an selden teil
dvi helfe mir dc ich dich noch mit vroiden mvoze vinden.

3.
Si beide lvste

dc er kviste
si gnvoc gevluochet wart dem tage.
vrlop er nam
dc da wol zam
nv merket wie dc[531] ergie ein schimpf bi clage.
si hetten beide sich bewegen
ez enwart so nahe nie gelegen
des noch dvi minne hat den pris
obe der svnnen diz[532] mit blicke waren
si mohten entzwischen si gelvhten
er sp”ch nv wil ich ritten.
din wiplichvi gvote niem mein war.[533]
vnd si min schilt hveta hin vnd her vnd zallen ziten.

4.
Ir ovgen naz

div wurden baz(H. 1, 286b)
och twanc in clage er mvoze von ir.
er sp”ch hin zir.
(so) vrlop ich nime
zeden vroiden min dvi wil nv gar von mir.
sit ich mvoz vermiden (so)
dinen mvnt der menegen grvoz
mir bot vnd och din kvs
als in din vzerwelte gvote lerte
vnd din geselle din trvwe
si sp”ch weme wilt dv mich lazen
nv kvme schiere wider vf rehten trost.
owe dvr dc mac ich strenge sorge niht gelazen.[534]




[178]
XVIII.
VVAHMVoT[WS 16]




1.
     Lobe ich nv des meien gvte(H. 1, 305a)

der vns menege vroide git. wc troste daz
obe ich in den rosen wuete
an den gvrtel min. die tovwes weren naz.
sost min mvot
doch zevreiden cleine
mich entroeste ein wip alleine
sost min trost ze liebe noch zelebenne gvot.

2.
Liep vor allem liebe ein wnnne(H. 1, 305b)

liebe mir die welt vnd och min selbes leben
schowe obe ich iht gelten kvnne
ich wil al der welte vroide dvr dich geben
liebe hat
dicke leides ende
mines herzen trost nv wende.
dc des lieben mir mit leide iht werde rat.

3.
Ich wil dir mit trvwen singen

ane triegen mine besten zit.
frowe laz an dir gelingen
mir ist ander trost vnd elle vroide lihte. (so)
gvote wip
wunschent al gemeine

[179]

dc din (so) gvote mir alleine
werde so gevroiwe ich mene- (Bl. 31a) ges herzen lip.

4.
Obe[535] ich vngesvngen swenden

minvi iar mit trvren an hohen mvot.
wc mac ich da mitte verenden
niht wan dc ez den vroidelosen sanfte tvot.
ich wil sin
vro mit vngerete
vnd an einem wibe stete
swie si wende mir die beste vroide min.[536]

5.
     We warvmbe trvrent si§     (H. 1, 303b)

die bi liebe haben gelegen
io vroiwe ich mich vnd ich doch nie
liep gewan noch solhen segen
den liep nach leide tvot mit seneden sorgen
so si scheident sich
so slaf aber ich vnz an den morgen
dc nieman sprichet vruint got segen dich.

6.
Frowen diene dich[537] vnverzaget

owe trost[538] ich lones gern.
ia vurht ich obe si mir versagent
dc ich mvoze ir hvlde enbern
ir vruintschaft wil ich gerne also behalten
danne ich hete ir haz
des mvoz ich iemerlichen alten
ei ia endieich[539] in vmbe daz.

7.
Waz hilfet dc ich kiege[540] dar

vnd krenke minen lip
si nimpt min alze cleine war
dvi mir ist vur ellvi wip

[180]

meinet min frowe alse ich si meine
so wirt min gvot rat
min dienest dvnket si zecleine
da sezze ich gvoten willen gein der tat.

8.
     Waz hat mich dvi liebe zit vervangen§     (H. 1, 303b)

dc der svmer so schone waz.
der ist ane vroide mir zergangen.
owe blvomen vnd graz.
wenne wiltv troesten mich
vnd ein wip nach der mich mvoz erlangen
owe wie daz lenget sich.

9.
Vz ir ovgen vliegent stralen sere

inmitten in dc herze min
swelsches (so) endes ich der weite kere
sol dc iemer also sin
so were ich zetode wunt
alle meister geheilent niemermere
mich[541] entv ir roter mvnt.




[181]
XIX.
RVDOLF[WS 17] OFFENBVRC[WS 17][542]




1.
     So dvi nahtegal ir sanc(H. 1, 89b)

nviwet gen der svmerzit
vnd des rvewic danc. (so)
alse dc grvene in vreiden lit.
so manent mich die liehtent[543] tage
miner alten seneden clage.
owe minne dc din rat
mir den kvmber ie gebot
vnd mich din helfe lat
verderben dc ist ein not.

2.
Nôt vnd angist sint da bi

swa dvi minne vf trvwe stat
der enwird ich niemer einer[544] vri.
wan dvi gar von herzen gar[545]
die ich gen der lieben han.
svnder valsch vnd valschen wan
al mines heiles ostertac
der ist vollekomener lip
dvi mich getroesten mac
baz danne inder welte ein wip.

[182]
3.
Ir wil[546] eren richez leben(H. 1, 89b)

die ich minne vnd miden mvoz
hat mir sorgen vil gegeben
der mir niemer wirdet bvoz.
han ich von ir reinen sitten
vroide ein teil dar in gesniten
sost iedoch des einen mê
wan ich vngetroestet bin
ez tvot ir vruinde we
vnd verderbet si mir den sin.

4.
Ist dc ich verderben sol

von ir vngenaden gar.
so tvot mir doch von herzen wol.
dc min trvwe ie diente der[547]
vnd noch gerne dienen wil.
wan ich lebe an endes zit.[548]
endet si min vngemach
niewan nach den truwen min.
so wirt min trvren swach
dc mvoz min gedinge sin.

5.
Si sol wizzen dc dvi not

mir nahet[549] danne zeherzen gat
vnd ist mines heiles tôt.
obe si stet also bestat
dc ich si lange vermiden mvoz
verderbet mich danne ir werder grvoz
so glovbe dc min leit
von ir leider meret sich
des bvit ich minen eit
vil reinvi nv bedenke mich.




[183]
XX.
WALTER. VON. MEZZE[WS 18]




1.
     Ich lide zweier hande[550](H. 1, 307a)

die wil ich mit zvhten liden
doch tvot mir der eine we
mir tvot der valschen hazzen baz
danne obe si ez wolten miden
swie ez mir dar vmbe ergê
wan[551] si minnent der ist svnder ere
dvr dc vroide (so) ir (Bl. 31b) hazzen mich so sere
da bi verderbet min gemvote
dc mich dvi schone hazzet vnd doch hat so manege gvote.

2.
Ob si mich hazze nein si niht

doch han ich mich da wol enstanden
dc si zvrnet wider mich
ich wene si hoeret vnd siht
swaz ich wirbe in allen landen
des verstet si rehte sich
herre got wie weste si dvi mere
dc ich svohte ein wip dvi bezzer were
die svohe[552] ich des[553] ane lovgen
do hiez mich widerkeren herze mvot vnd ovgen.

[184]
3.
Ich wande senftern minen mvot(H. 1, 307b)

so ich verre von ir were
vnd daz ich ir vergeze gar
nv ist mir dc zemvote gvot
wan dc ie grozer ist min swere
so ich ie verrer von ir var
herre got wie solte ich ir vergezzen
ich wil si glich der svnnen mezzen
die siht man allenthalben glichen
also tvon ich swar ich var die reinen gvoten selden richen.

4.
Er dvnket mich ein kvene man

der einem wisen wibe
vmbe ir minne dienen wil
vnd er sich niht enthalten kan
weder an mvote vnd an libe
so ist sin swere gar ir spil
weren die anderen wise alse dvi mine
dvr die ich dicke in seneden sorgen schine.
doch weiz ich wol dc toren sinne
vil selten hant erworben reinen wisen wibes minne.

5.
     Sich vreut meneger ingegen der wunneclichen zit§     (H. 1, 308b)

ich enweiz wes ich mich vroiwen sol.
die wile mir der kvmber so[554] herzen lit.
den ich von der minnenclichen dol.
nv entroestent mich die liehten tage
noch swaz ich von den blvomen sage
vnd hilfet niht der vogele sanc
mir ensi div kvrze naht zelanc.

6.
Mir ist selten herzelibes iht geschehen

da von bin ich selten vro.
ich han gvoter wibe vil gesehen
von den allen schied ich eine so.
dc ich betwungen wande sin

[185]

nv ist trvren in dem herzen min
doch trostet einez mir den mvt.
wil si so geschiht mir alles gvot.

7.
     So we dir welt dc ich dir niht entrinnen mac.§     (H. 1, 309a)

so wandelbere als ich dich vinde.
dv soltest mir wol vrlop geben
wc hilfet mich dc ich din ie mit zvhten pflac.
ich wc dvr wirde din gesinde
dv swachest vnser beider leben.
dv erest den der ich (so) vneret
vnd vbersihest an eren den der dich wol eren kan.
wer hat dich selhen valsch geleret
der tievel der dir eren niht engan.
des wirt sin vroide gar an dir gemeret
dc dv ime erest sinen man.

8.
     * Hetin nv die blvomen den gewalt§     (H. 3, 328b)

alse ich vch bescheiden sol.
dc si mannen vnd wiben wol
stvnden alse ir herze si gestalt.
so bekande ein wip der manne mvot.
och bekande man div wip.
sweles hete wandelberen lip.
dc trvege einen krvmben blvomen tvot. (so)
Leider ist haben der crefte niht
si mac brechen swer der wil.
da von ist der krenzeleite vil.
da man bi dem kranze vnvuoge siht.

9.
     * Dir enbivetet edel riter gvot§     (H. 3, 328b)

ein frowe der din scheiden tvot
alse herzeclichen we
nv lis den brief er seit dir mer
waz dir enbvitet
dvi dich zeherzen trvetet.

[186]
10.
     * Der walt in grvener varwe stat§

wol der wunneclichen zit
miner sorgen wirdet rat.
selic si dc beste wip
dvi mich troestet sunder spot
ich hin vro dest ir gebot.

11.
* Ein winken vnd ein vmbesehen(H. 3, 329a)

wart mir do ich si nahes sach
da moht anders niht geschehen
wan dc si minnecliche sp”ch
vruint dv wis vil hohgemvot
wie sanfte dc minem herzen tvot.

12.
* Ich wil weinen von dir gan[555]

sp”ch dc aller beste wip
schiere soltv mich enphan.
vnd trosten minen lip
swie dv wilt so wil ich sin
lache liebez frowelin. (Bl. 32a)

13.
     * Div linde ist an dem ende nv iarlant[556] lieht vnd bloz§

mich vehet min geselle nv engilte ich des ich nie genoz
so vil ist vnsteter wibe die benenment ime den sin.
got wizze wol die warheit dc[557] ime dvi holdeste bin.
si enkvnnen niewan triegen vil menegen kindeschen man
owe mir siner ivgende dvi mvoz mir alzesorgen ergan.
ich vroiwen aber die gvoten die da hohe sint gemvot.
dc der svmer komen sol. seht wie wol dc vil menegen herzen tvot.

14.
     Mirst min altvi clage noch nviwer danne vert(H. 1, 310b)

dc die blvomen meneger treit
des mir leit
der niht lovbes were wert
alsvs clage ich die blvomen vnd der cleinen vogelline sanc

[187]

der ich beider nine sanc[558] gan.
manegen man.
der des mvotes ist zecranc.

15.
Sold ich wunschen so wold ich den vogelen wunschen des[559]

dc si hettin einin sin
vnder in.
vnd die lvite schieden baz
swer den lviten danne svnge als ir herze stat.
so bekande ir iegelich
selbe sich
rehte waz er tvgende hat.

16.
Swes die nahtegal mit ir sange neme war

der mohte iemir wesen vro.
seht also
wurde ein vinger zeigen dar
swem der gvggvg svnge vnd och ein destelvinkelin
den bekande man da bi
tvigende vri
we wie vil der mvose sin.




[188]
XXI.
GOTFRIT. VON. STRASBVRC.




1.
     Div zit ist wunneclich(H. 2, 266a)

swenne aberelle gegen dem meien
also wunneclichen strebt
so hat[560] ze vroiden sich
erde vnde lvft darzvo sich zweien
swaz get flveget[561] oder swebt.
mvoz ich iemer eine sin
selbe ander wunde[562] ich niemer ane si
div mir an dem herzen lit[563]
svz in dem mvnde
zaller stvnde
wont mir nahe bi.

2.
Wiplichvi werdecheit

got hat vor alle[564] creatvre
dich gemachet alse wert.
swez[565] mvot vf minne treit
deme ist din name also gehvre
daz der bezzers nine engert.
wart ie iht liebers danne wip.

[189]

des habe[566] vngesamnet minen mvot
wibes name vnd wibes lip
sint beide reine
doch ir eine
mir vnsanfte tvot.

3.
Ich vnverdahter man.

war tvon ich wort war tvon ich sinne
swenne ich bi der schonen hin.
dc ich niht reden kan
so gar verstvmet mir[567] ir minne
dc ich bin gar ane sin.
swen ich sprechen sol ze not.
so kan ich harte cleine dc mir frvme.
so wird ich blvoc vor schame rot
dar nach besvnder
kan ich wunder
swenne ich von ir kvme.

4.
Waz sol min vmbesagen

mit einem worte siz beslvezet
wan si spichet ine wil.
soldich darvmbe verzagen
nein ich enwil swen lihte verdrvezet
der beiagite niht zevil
ich wil si noch versvochen baz
vnd mich zedienste ir iemer sparn.
vnd obe si mir gebvitet dc
ze babylone
nach ir lone
wolde ich gerne varn.

5.
Der svmer si so gvot(H. 2, 266b)

dc er die schone in siner wunne
lazze wunnecliche leben
swaz wol den ovgen tvot.

[190]

vnd sich den lviten lieben kvnne
dc mvoz ir div selde geben
swaz grvenes vf von erde ge
oder tovwes obinan nider risen mvoz.
lovp gras. blvomen vnd cle
der vogele doenen
gebe der schoenen
minnenclichen grvoz. ○○○○○○




[191]
XXII.
HEINRICH. VON. VELTKILCHEN[WS 19]




1.
     Tristrant mvoste svnder danc(H. 1, 36a)

stete sin der kvneginne.
wand in poisvn da zvo twanc.
mere danne dvi craft der minne
des sol mir dir[568] gvote danc
wizzen dc ich niene gedranc
alsvlhen pin vnd ich si minne
baz danne er (Bl. 32b) vnd mac dc sin
wolgetane
valsches ane
la mich wesen din
vnd[569] dv min. ○○○○○○○

2.
Sit dvi svnne ir lihten schin

gen der kalten hat geneiget
vnd dvi cleine vogellvi
ir sanges sint gesweiget
trvric ist dc herze min
wan ez wil nv winter sin.
der vns sine craft erzeiget
an den blvomen den[570] man siht

[192]

lihter varwe[571]
erbleichet gar owe[572]
da von mir geschiht
leit vnd liebes niht.

3.
     Swenne ich bi der vil hohgemvoten bin§     (H. 1, 40a)

so mvoz ich wol von schvlden vroide han
si hat betwungen allen minen sin
ich bin ir dienestes iemer vndertan
so wol mich des daz ich si ie gesach
sit si wendet sorge vnd vngemach
ir vil minneclicher lip.
der liebet[573] vur ellvi wip.

4.
Swer mir an alle schvlde si gehaz

dem mvoze wol von schvlden leit geschehen.
ist er mir vient so sage vmbe waz
obe man ime der volge nach[574] geiehen
der boesen haz ich iemer gerne dienen wil.
swa ich die weiz da ist min gar zevil
swer mir si mit trvwen bi
der si vor alleme leide vri.

5.
     Der winter were mir ein zit§     (H. 1, 99b)

so rehte wunneclichen gvot.
wurde ich so selic daz ein wip
gestroste[575] minen seneden mvot
so wol mich danne langer naht
gelege ich alse ich willen han
si hat mich in ein trvren braht
des ich mich niht gemazen kan.

6.
Wie tvot der besten einer so

dc er min senen mac vertragen
ez were wol vnd wurd ich vro

[193]

sich enkvnde nieman baz gehaben.
we dc mir leit von dem geschiht
der an min herze ist nahe komen
waz hilfet zorn swenne er mich siht
den hat er schiere mir benomen.[576]

7.
* Swer meret die gewizen min(H. 1, 99b)

dem wil ich dienen obe ich kan
vnd wil doch mannen vremede sin.
wand ich ein senede herze han.
ez were mir ein grozvi not
wurde er mir ane maze liep
so. tete sanfter mir der tot
liez er mich des geniezen niht.

8.
     Ich bin dir lange holt gewesen frowe biderb vnd gvot.§     (H. 1, 98b)

wie wol ich daz bestatten han. dv hast getiveret mir den mvot.
swaz ich din bezzer worden si zeheile mvoz er (so) mir ergan
machestv dvz ende gvot so hast dvz alles wol getan.

9.
Ez dvnket mich wol tvsent iar daz ich an liebes arme lac.

svnder ane[577] mine schvlde fremedet er mich menegen tac
sit ich blvomen niht ensach noch enhorte der vogel sanc.
sit waz mir min vreide kvrz. vnd och der iamer alzelanc.

10.
Oben ander lingeden zwige.[578] da sanc ein clein vogellin.

vor dem walde do hvop sich daz gemvote min
an eine stat dc[579] ê. da waz da sach ich vil der blvomen stan
sit stvnt aller mine gedanc. an einer vrowen wol getan.[580]




[194]
XXIII.
DER. MARCGRAVE. VON. HOHENBVRC.




1.
     Ich han erwelt min (so) selbe svozen kvmber(H. 1, 28a)

der mir ie gat vor aller blvomen schin
ern weiz niht baz der mich hat deste tvmber
nit waz ie vnd mvoz och iemer sin
dvr liebe trage ich disen pin.
den han ich erwelt nv si och min
tvo mir swie dv wellest frowe der gewalt ist din.[581]

2.
* Ich han in minem herzen vroide vil(H. 3, 317a)

dc kvmet von einer frowen wol getan.
mit trvwen ich von der niht scheiden wil
noch niemer minen mvot von ir verlan
dc machet mir der liebe wan
den ich zvo der minneclichen han
gelebt ich iemer daz min wille solde ar[582] ir ergân.

3.
     Ich het ie gedaht wie ein wip wesen solde§     (H. 1, 33b)

(Bl. 33a) obe ich wunschen wolde ir lip vnd ir sitte.
dc ich si danne mir selbem[583] wolde
dc ich mine wunne hette da mitte

[195]

nv weiz ich ein wip alse gar minneclich.
dc minem wunsche enwart nie niht so gelich.
ach wen er sich hat an ir schone beweret
ich bin von ir minne vnsanfte.[584]

4.
Ir lip vnd ir ere dc ist alles vil reine

owe dc ich si vermiden mvoz vnd sol.
wolt ir daz min herze niht dc weine
swenne man der gvoten gedenket so wol.
so kvme ich vor liebe in so wetvonde not.
dc in[585] mich vil dicke siht bleich vnd rot
so dvnket mich solde (so) si mir ste. vor den ovgen
so svste ich mit lachendem mvnde also tovgen.

5.
* Si enist niht in allen so schone min frowe

als si mir e …[586] wuns an ir treit.
si weiz wol dc ich schoner wip dicke schowe
an die doch so gar niht min wille ist geleit.
hie han ich die schone in der gvote gesehen
dc man ir des besten von warheit mvoz iehen
ich prise vil selten die schone ane gvote
di hat si beide so mir si got behvote.

6.
     Sit alse vngelovbet§     (H. 2, 160a)

stet der walt wa nement die vogele tach.
da si sint betovbet
da nam ich ovch ê den vngemach
swenne in kvmet dc si der winter rovbet
dc mich vreide[587] dvi mir vreide brach.

7.
Wolde sich div gvote

noch bedenken nach dem dienste min
vnd ich ez[588] in dem mvote
dc si mir den willen tete schin.
ierret aber sis danne anders iemens hvote
vber den wolt ich danne der bittende siv.[589]

[196]
8.
Ich wande vngemvote

swunde mir da von daz si ist gvot
nv wil mich ir gvote
[590] machet vngemvot.
got vor wibes vbele mich behvote
sit ir gvote mir so leide tvot.

9.
Er mac wol verderben

swer mit vbelen wiben vmbe gat.
wan ich mohte ersterben
sit ir gvote mich des niht erlat
ich mvoz vmbe si mit trvwen werben
dvi mich doch in vngenaden hat.

10.
     Der ich gab vur eigen§     (H. 2, 160b)

mich gar
minvi iar
nach ir hvlden
von schvlden
mohte is niht haben rat
wan si mac erzeigen
so vil
dem si wil
gvoter dinge
da ringe
von sin gemvote stat
schone lop vnde heil
svnder meil
hat dvi reine
swie cleine
si troeste mich
ir lop ich
doch kvnde
got svnde
si niht
dc si mich vbersiht.

[197]
11.
Nv han ich gedinge

iedoch
daz si noch
dvi vil svoze
mir bvoze
die langen swere min.
sol mir niht gelingen
von ir
so get mir
in min herze
der smerze
daz ich mvoz[591] iamer sin
weiz niht ein wip
der min lip
vrum vnd ere
noch mere
mohte haben[592]
danne ieman
gesvnge
gelvnge
mir[593]
daz min leit were anderswa.[594]




[198]
XXIV.
HEINRICH. VON. VELTKILCHE.




11.
     * Swer wol gedienet (so) vnd erbeiten kan(H. 3, 317a)

dem erget ez wol ze gvote
dar an gedaht ich menegen tac.
got weiz wol daz do ich ir kvnde alrest gewan
sit diende ich ir mit selchem mvote
dc ich nie zwivels gepflac.
lones mirs dvi gvote
wir zwei betriegen vnser hvote.

12
* Wer ich vnvro dar nach alse ez mir stat.

dc were vnreht vnd wunder
sit al min leit nach liebe ergat
dvi minne ist dvr[595] dvi min herze alvmbe vahet
da ist nie dehein dorpeit vnder
wan blischaft die die rviwe slat
des bin ich des gesvnder
rviwe ist mir ie langer vnkvnder.

13.
     * Ich bin vro sit vns die tage§     (H. 1, 35a)

liehtent vnd werdent lanc.
so sp”ch ein vrowe alsvnder clag

[199]

frilich vnd an al getwanc
des zec ich minen (so) gluke danc
daz ich ein svlhe herze trage
daz ich dvr heinen (Bl. 33b) boesen tranc
an miner blischaft nieme verzage.

14.
Hie[596] hete wilent zeiner stvnde(H. 1, 35b)

vil gedienet och ein man.
so dahte ich nv[597] wol gvotes gvnde
des ich ime nv niene gan.
sit dat he den mvot gewan.
dat he nv schene[598] begvnde
dat ich im baz entzeken kan
danne he[599] danne hez an mir gewerben kvnde.

15.
* Ez kam von tvmbes herzen rate.

ez zal ze tvmpheit och ergan
ich warnite in alzespate
daz he hete missetan.
wie mohte ich dat vur gvot entstan
dat he min dorpeliche bete.
dat he mvoste alvmbe van.[600]

16.
Ich wande dat he hovesch were

des waz ime ich (so) von herzen holt
daz zec[601] ich vch wol offenbere
des ist he gar ane schvlt
des trage ich mir ein gvot gedolt
mir ist schade vil vnmere
he ich ez an ime zerichen solte[602]
des ich vil wol an ime enbere.

17.
Hei isch an ime theloso minnen.[603]

dine vant he an ime[604] niht.

[200]

dat quam von sinen cranken sinnen
wan er[605] ime sin tvmpheit niet[606]
waz obe ime ein schade dar an geschit
des bringe ich in vil wel wunen[607]
dat he sin spil zevnreht ersih[608]
daz herze brichet er het gewinne.[609]




[201]
XXV.
HAVVART[WS 20]




1.
     Ich wil dir herre ih’c der vil reinen megede kinde(H. 2, 162a)

zelobe singen vnd sprechen swaz ich gvotes kan.
vf die gnade din.
mich bitte ich daz din vater in dem selbem dienste vinde
dem frone vwer beider geist gesellen helfe ich meine[610]
daz der gelovbe min
niemer von vch drin gescheide
noch von der ewigen megede[611]
div den waren gottes svn trvog vnd och gebar
nv nemet ir verkerten cristen
die da werben mit den grimmen listen
baz bi dem glovben vwer sele war.
vur den vngelovben svln die rehten segenen sich. ○○○○○○

2.
Wie lange svln die heiden vns mit dinem lande pfenden

crist herre da von ist des vngelovben worden vil
vnd wahset alle tage.
die not solt dv mit dinen[612] heren gotheite wenden
diner cristenheit trvren daz ist gar ir spil.
vnd sin wir inder clage.
dc wir in dem iamer sizzen.

[202]

nv stvir vns mit rehten wizzen
store enzit den irretvom so gelit ir spot
wunderlicher got nv mache
dc din ermvi cristenheit erlache
des si hin zedir dir[613] barmvnge bot
dvi dem[614] schacher an daz[615] crvce indaz paradyse lie.

3.
Dir herre clagen wir armen grozer vngenaden me[616](H. 2, 162b)

der tievel hat gesat den sinen samen in dvi lant
dc si verworren sint.
wir sin och mit gerihte niht berihtet alzesere
der rehten werlde mit gerihte schvof iedoch din hant
zeschirmen dinvi kint.
witwe vnd weisen weinen
dc die vursten niht vereinen
sich mit einem roemeschen vogite herre din gewalt
der den vbermvoten valte
von dem himele vnd inder helle salte
velle si die mitte vnrehte sint so balt
sterbent si mit dem gewalte sost vergezzen ir.

4.
     Crist enbvitet sinvi mere§     (H. 2, 163a)

siner lieber cristenheit.
swaz an ir si wandelbere
dc si sin erbermede leit
ir erbermet dc div trift ist also groz
vf der witen helle straze
die sin lant crvce vnde grab svlen machen bloz.
nv dan von dem vbelen wazze
got hat gelobet er schaffez eine maze.

5.
Nv tvo svnder vf din oren[617]

hoere svoze botschaft
dir git in dem zehenden chore
dine stat dvi gottes craft
die verstiez her abe vntruwe vnd vbern mvot[618]
die sint leider hie gesinde

[203]

da von ist dc zeichen (Bl. 34a) mit dem crvce gvot.
daz der tievel iht verslinde
so grozen teil an meneger mvoter kinde.

6.
Dvlden mvoz in dinen hvlden

got din himelrich gewalt.
dc wir scheiden von den schvlden
vnser svnde manicvalt
hoh vnd enge ist diner magencrafte pfat.
iedoch mvozen wirs erstigen
dir zimpt niht in dinem riche lervi stat
la der helle grvnt besigen
hilf herre den die diner mvoter nigen.

7.
Nv bvite vur vns dine hende

reinvi mvoter vnd maget
dime svn des lop an ende
mvoz beliben vnverdarpt.[619]
vnd gedenke waz din cristenheit nv dolt
von den heiden (so)
des gelovben itewiz tvot in wol
svln wir in dc selbe erleiden
so mvoz vns helfe komen von vch beiden.

8.
Vz den bvchen sagent die pfaffen(H. 2, 163b)

ane dich heiliger geist
mvoge nieman niht geschaffen
sit dvz alles herre weist
wie ein ieglich menschlich herze meine dich
so versich och mich der sinne
die mich niht verteilen vnd erhoere mich
got vater vnser dvr die minne
mit der din lieber svn vuor her vnd hinnen.

9.
     Obe ez an minen eren mir geschaden niene mac.(H. 2, 163b)

so wil ich din redgiselle sin
hastv mir den willen din
geseit vnd gedienet manegen tac.

[204]

des hab von mir vnd och von allen gvoten wiben danc.
din lose minneclich gesanc.
noch din langes minne clagen
mac mir in ir benahten niht noch betagen.

10.
Sich diner eren frowe envare ich vf die truwe niht

die ich gvoten wiben leisten sol.
die gevallent mir so wol.
dc ich (so) in arger dinge nieman giht.
mir ensi da von reht alse ich si in min herze wunt
so tvon ich dir doch niemer kvnt
alle mines herzen ahte
vur ellvi wip min ich dich tag vnd naht. ○○○○

11.
Sage mir waz ist minne von der singes dv so vil.

vnd gihest dv habest geminnet mich.
des soltv gelovben dich
obe dv mich da mitte bekrenken wilt.
minne waz dc noch si dc[620] soltv mich bewisen baz
in trage dir weder liep. noch haz
och so weiz ich waz dv iagest
oder wie dv benahtes oder wie dv betagest.

12.
Waz minne si vil liebvi frowe min. dc sage ich dir

alse ich ez an der welte bevunden han.
liep ane allen valschen wan
swa div wirt von zweier herzen gir.
also dc ein man minne ein wip. vor allen wiben gar
vnd dc si denne gliche var.
vnd obe dc niht minne ensi
so giste mir naht noch tage vroide bi.

13.
Ich enminne niht doch merke ich eines dc verdorben ist(H. 2, 164a)

von der manne vnstete manic wip.
e dc mir den min lip.
alsvs an gewunne ir valscher list
ê verspreche ich die minne vnd were si noch zwirc[621] so gvot
dar an so wende ich niht den mvot

[205]

dc mir mine sinne neme
ich wil dc mir tac vnd naht baz gezeme.

14.
Maht dv doch mine stete kiesen bi der grozen not

mit der ich so ringe menege zit.
obe ich lieze nv den strit
den min herze deme libe gebot.
so verdvrbe ich vnd wurde vnsanfter mir danne ê.
nv si dir wol so si mir we.
vf genade diene ich doch
dv gelones mir nahtes oder tages noch.

15.
     Nv kvs ich an der vogel swigen§     (H. 2, 164b)

dc dvi naht wil an ir crefte[WS 21] stigen.
si langet vnd ist kalt
si machet die gelieben balt
no[622] nahen nieman si gelegen mac
dvi wunne ist bezzer danne ein heizer langer tac.

16.
Mich iamert nahe ir tvigenden iemer

die man ane tvigende vindet niemer
ir wol gestalter lip
ane allen (Bl. 34b) wandel selic wip.
schafe ein ende miner langen clage
so merent sich die mine vroide alle tage.

17.
Dv bist min trost vnd och min wunne

nv geschehe an mir des ich dir gvnne
so gan ich dir des wol
swaz liep mit liebe liden sol
nv lose mich von miner sweren not
also dc ich erlache gegen dem morgenrot.




[206]
XXVI.
GVNTHER. VZ. DEM. VORSTE[WS 22]




1.
     Ich han liep mit seneder leide(H. 2, 164a)

des mvoz ich vil ofte rviwic sin.
ia enkan ich niht vnderscheiden
miner vroide lige ie trvren bi.
svs verlvis ich minen[623] wunneclichen tac[624]
dc dvi gvote niht erkennet minne[625] not des meret sich min clage.

2.
Ia enweiz niht dvi wolgetane

dc si mich also verderben lat.
sol ich leben in zwivel wane
wie wirt miner sorgen danne rat
hei wan mvoste aber ich ir minen kvmber sagen
den ich han von senedem pine. sist so gvot dc si mir hvlfe clagen.

3.
Swer ie seneden mvot gewan.§     (H. 2, 164b)

dvr liep der rate mir
wan ich bin ein trvric man.
der kvmet mir abe von ir
die ich vor allen vrowen mir erkos
kvmet min[626] lieber wan. aber so bin ich vroiden los.

[207]
4.
Nv svlt ir mir lere geben

dc vroide an mir geste
solte ich ane ir helfe leben
io liez ich ê zergan
al die welt swaz mir da von geschehe
mir sint doch vienster liehte tage swenne ich si niender sehe.

5.
Were ich in der werdecheit(H. 2, 165a)

dc ich ir torste sagen.
sorge din[627] min herze treit
von ir die ich mvoz verdagen.
wand ich verre des vnwirdic bin
dc ich iemer gedenke an si dest toren sin.

6.
Noch han ich ein troestelin

dc hohet mir den mvot
si sprechent swer kan stete sin
des ende wirt gvot
wirt si stete an mir hin zir gewar
sost min offenvnge dc si liebe mir rebar.

7.
Wie wirt ir min stete kvnt

sit ich si niender tar
sprechen zvo deheiner stvnt
so groz alse vmbe ein har
des vurhte ich vil cleine an ir beiagen
wand ir gar vnkvndic ist min kvmber vnd min clage.

8.
     Wol mich daz ich ie den mvot gewan§

dc ich mir so selic wip erkos.
ich wene inder welte iht lebte ein man
der so selten si von sorge erlost
vmbe ein lop der lieben vrowen min
dvi mir ist vor alder welte vil gar baz danne liep vnd mvoz daz iemer sin.

9.
Sine weiz niht wie liebe si mir tvot.

mir[628] ir tvigende. vnd mit ir werdecheit

[208]

swenne ich dvr si hohe trage minen mvot.
wol mich danne svozer arbeit
han ich sorge dvi senftet wol.
dvi vil liebe wirt si mir beschert waz ich danne wunne liden sol.

10.
     Si liebe si schone si gvote.§     (H. 2, 165a)

si kvesche si clare si vruote.
si vroide si selde si wunne
mer geschehe ir liebes denne ich erdenken kvnne
vnd ich ir wol gvnne.

11.
Si werde si here si riche

ir gvote mac sich gvote wol gelichen.
si vroide si selde si wunne
mere etc'.

12.
Si senfte si svoze si reine(H. 2, 165b)

die ich mit truwen vnd mit stete meine.
si vroide si selde si wunne
mere geschehe etc'.

13.
     Nv her obe ieman kan vernemen§

des ich von minnen kvnden wil.
obe vch dvi rede niht gar enzeme
verdriez vch legent mir ein zil.
vur daz enspriche ich niht me
swer mich dar an bedenke
der willen mvoze an wunsche ergen
ez nahet dem tage
swa sich zwei lieben scheiden die haben herzeleide clage. ○○○

14.
Ez warp ein ritter lange cit

vmbe eine frowen vil gemeit
doch (Bl. 35a) wart verendet wol sin strit
si galt ime alsin arbeit
vil wol nach siner ger
si beschiet ime tovgenlichen
da si in des lones wolde wern.

[209]

ez nahet deme tage
swa etc'.

15.
Div schone frowe kan gegan

da si den selben ritter vant.
er wande si zvo sich gevan
in dvhte er wer alda. volant
bindes hvob sich ein dôz.
daz si sich mvosten scheiden
des wart ir beider leit vil groz.
ez nahet dem tage etc'.

16.
Si waren beide enzvndet gar

der ritter vnd dvi frowe her.
des nam dvi minne gvote war
si enliez si langer beiten mer.
si schvof vil schiere also
dc si aber zein ander kamen
vnd wurder (so) wol nach leide vro.
ez nahet dem tage etc'.

17.
Do alle ir wille wol ergienc.(H. 2, 166a)

mit lieben werken da zestvont.
die frowen er zesich gevienc
er kvstes an ir svozen mvnt.
er swuor vil tvire hie
ime wurde nie so liebe
sit daz in got zerwelte lie
ez nahet. etc'.

18.
Nach der vil grozen liebe kam

im ein vnsenftez vngemach.
dc ime der minne ein[629] benam
der lieben frowen er veriach.
er sp”ch vil schone wip
dc wir vns mvozen scheiden
des lit gar vroidelôs min lip.
ez na. etc'.

[210]
19.
Div minnecliche frowe sp”ch.

vrowe dich trvtgeselle min.
sit dir so liebe nie gesach.[630]
so her zemir nv bin ich din.
ich han dich vmbevan
nv wis in hohem mvote
io ist aldin wille an mir ergan.
ez nahet. etc'.

20.
Der ritter gvot sp”ch do hin zir

gnade vrowe kvnegin.
dv hast so wol gelonet mir
dc dir iemer sol dc herze min
gelichen willen tragen.
alse min selbes libe
vur war vermine[631] waz ich dir sage
ez nahet. etc'.

21.
Ich sol dir sp”ch div frowe her(H. 2, 166b)

getruwen aller stetecheit.
nv tvo dvr mich ein lvzzel mer
dc dv vermides senedvi leit.
obe ich dir mere bin
dv enleistes mine lere
so ist vnser zweier liebe hin.
ez nahet. etc'.

22.
O wie mohte ich leisten dinvi wort

dvi dv mir vor gezelt hast.
der liebe vunde nieman ort
wie nahe dv mir zeherzen gast.
des mvoz ich kvmber doln (so)
swenne ich mich von dir wende.
des ich von schvlden trvren sol
ez nahet. etc'.

[211]
23.
Do sp”ch daz wunnecliche wip

nv trvre niht dc ist min rat.
wil dv verliesen so den lip.
daz ist vnvrumes mannes rat.[632]
dv solt gedvldich si.[633]
swer minnet ane maze
da enist niht gvoter sinne bi.
ez na. etc'.

24.
Swer sich an liebe mazen kan

der hat mir vngeliches leben.
ia twinget mich vil seneden man
dvi minne dc ich mvoz begeden[634]
die welt in kvrzen tagen
nach dinem svozem libe
mahtv dc frowe an mir verdagen.
ez nahet.

25.
Die[635] mohte ich lengen baz din leben

nv tvon ich alles dc ich sol
mich selben han ich dir gegeben
so wand ich dir gesenften wol
nv spich waz wiltv me
mac ich dir dc gewinnen.
dar an sol aldin wille ergan. (so)
ez nahet.

26.
Min sorge swachet mir den sin.(H. 2, 167a)

des mvoz ich in den rviwen sin.
swen ich so lange von dir bin
dc dv vergezzest frowe min.
des mvoz ich kvmber tragen
dc ist min aller meiste clagen. (so)
ez nahet.

27.
Nv horet wie der vrowen gvot

des heldes clage zeherzen gie.
si dahte senften ime den mvot.

[212]

mit armen sin. zesich gevie
si kvst in ane zal
si sp”ch gezogenlichen
nv hastv gvoter minne wal.
ez nahet.

28.
Do sp”ch der ritter vber lanc

nv hore herze frowe mir
ein swere tvot mich vreide cranc
so mir gedanke komen von dir
vnd ich din niene han.
so getz an ein trvren
des mvoz ich stete vroide lan.
ez nahet.

29.
Do sp”ch dvi vrowe wol getan

der sorgen soltv (Bl. 35b) wesen vri.
die wile ich mvot zeminnen han.
so sol mir iemer wonen bi.
gvot trvtschaft hin zedir
von herzeclicher liebe
des soltv wol gitruwen mir.

30.
So wol mich dc ich han vernomen

von dir so wunneclichen trost.
ez sol mir alze heile komen
ich wurde ab aller leide erlost
sit ich gehoret han.
von dir so svoze mere
des wil ich alles truren lan.
ez nahet.

31.
Nv horet wie dvi lieben do(H. 2, 167b)

ir leit verclageten. do zehant
si wurden beide einander vro.
dvi minne hate an in geblant
rviwe senede not
si sp”ch min trvtgeselle
vns mac niht scheiden wan der tot.

[213]
32.
Hie mvgt ir merken fremede zal.

wie liebe da mit liebe vaht.
ê danne si schieden ab dem wal
dc iamer swendet ime die not. (so)
da waz sin vngemach.
svft[636] inneclichen
do er den morgen schinen sach.
ez na.

33.
Swer vch von ende solte sagen

wie dc in do dvi minne twanc.
do er erschrac von dem tage
ez mohte in dvnken al zelanc
des wart sin herze ser
er sprach vil iemerlichen
gebvt mir edele vrowe her.
ez na.

34.
Div schone frowe sp”ch also

vil lieber lip nv wis gesvnt
vil senftes mvotes vnd ho
si kvsten sich ze meneger stvnt.
er sp”ch trvtfrowe min
liep vnd ere
heil selde mvoze mit dir sin.
ez na.

35.
Svz endet sich der zweier strit(H. 2, 168a)

mit svozen Worten ane haz.
swa liep an liebez arme lit.
die svln iemer merken dc
ez an ein scheiden gê.
dass aber zesamede denken
wan after ruiwe tvot vil we.
ez nahet dem ta.

[214]
36.
     Gvoten lviten wil ich kvnden§     (H. 2, 168a)

waz mir liebez ist geschehen.
die boesen mir dc missewenden
wold ich inder rede veriehen
die wil ich vermiden obe ich kan
mirs getrovmet ab der gvoten nv scheine mirs ein selic man.

37.
Sol ich ir den trovm betvten

wie dc er gevueget si.
dar zvo bitte ich gvtoe lvete
ein valscher lip der ste hin bi.
des nemet alle vil innecliche war.
sol mir liep da von geschen dc er vns iht verkere gar.

38.
Min[637] stimme hiez mich vro beliben(H. 2, 168b)

vnd in hohem mvote leben
si grvozte mich von einem wibe[638]
wan si zetrost ist mir geborn.
vor aller vrowen gimme ein svnne got hat niht stvnde an dir verlorn.

39.
La mich noch ein lvizzel sprechen

von der lieben frowen min
mir mohte niht gebresten[639]
mohte ich noch in trovmen sin
ofte bi ir so wolte ich rviwe lan.
vnd vil vnsenfte pine die ich von der gvoten han.

40.
Sold ich mich von schvlden vroiwen

alse wunneclicher stvnt
mir erkvnde niht gedrowen
sit daz mir so svozer mvnt
mit liebe hat gekvndet hohen mvot
dc ich slief in seneder leide sprechet alle ez si mir gvot.




[215]
XXVII.
DER. HERZOGE. VON. ANEHALTEN[WS 23]




1.
     Ich wil den winter enphahen mit gesange(H. 1, 14a)

alle swigen stille die cleinen vogellin
ich enwart noch nie so von sime getwange.
dc ich dvr in lieze die mine vroide sin
des danke ich doch der vil lieben frowen min
ir roter mvnt ir roselohtes wange
ir gvote vnd ir wol liehter varwe schin
zieret ein lant wol alvmbe den rin.

2.
Wol mich iemer mir ist wol zemvote

dc die argen schalke zvo mir tragent haz
si vneren sich doch so minne ich die gvoten
wand min got selber noch nie vergaz
do er schvof merket alle wol waz
ein wip dvi mich het in ir hvote.
dc ich mir zelenbenne[640] gan baz vnd ie baz
des ensi- (Bl. 36a) he ich an schalchehafter diete niht daz.

3.
Mohten si deme walde sin lovp verbieten(H. 1, 15a)

vnd der heide ir blveten[641] dc were getan
mohten siez geraten wie gerne si dc rieten

[216]

dc man gvote vroide vberal mvose lan
so mvoze man same die wolve sich gehaben[642]
ich wil mich gvoter vroide nieten
vroide vnd ere die lat vch niht versmahen
alse gebot mir dvi liebe wolgetan.

4.
     Sta bi la mich den wint lan weien§

der kvmpt von mines herzen kvneginne.
wie mohte ein lvft so svoze dreien
er were al vht vnd vht vil gar ein minne
do min herze wart verdriben dc wart von ir enthalben[643]
doch winsche ich des got mvoze ir eren walten
ir mvndel daz ist rosen var. solde ich si kvssen zeinem male mvoze ich niht alten.

5.
Ich sach die schonesten in den landen(H. 1, 15b)

da man aller frowen mvoz geswigen
ir ovgen clar ir wizen handen
swa si wonent[644] dar mvoz ich iemer nigen
mvoste ich bi der wolgetanen liebvi kint provieren
vnd eine ganze naht bi ir dormieren
ahi ie wer des alze vil gnvogte sold ich mir[645] dienste minen sanc schantieren.




[217]
XXVIII.
ALBREHT. VON. IOHANNES.DORF.




1.
     Min erste liebe der ich ie began(H. 1, 321a)

die selben mvoz an mir die boeste sin.
an vroiden ich des dicke schaden han
iedoch so ratet mir dc herze min
sold ich minnen mere danne eine
dc enwer mir niht gvot
sone minnet ich deheine
seht wie meneger ez doch tvot.

2.
Ich wande dc min kvme were erbitten[646]

darvf hat ich gedingen menege zit.
nv hat mich gar ir vrundes grvoz vermitten
min bester trost der wenne[647] da nider gelit
ich mvoz alse wilen vlehen
vn[648] noch harte[649] hvlf ez iht
herre wan[650] dc min leben[651]
dc mir niemer leit geschiht.

3.
Ich han dvr got dc crvce an mich genomen

vnd var da hin dvrch mine missetat.
nv helfe er mir obe ich her wider kom. (so)

[218]

ein wip dvi grozen kvmber von mir hat
dc ich si vinde an ir eren
so wert er mich der bette gar
svle aber si ir leben verkeren
so gebe got dc ich vervar.

4.
     * Mich mac der tot von ir minnen wol scheiden(H. 3, 329a)

anders nieman des han ich gesworn
ern ist min vruint niht der mir si wil leiden
wand ich ze einer vroide si han erkorn
swenne ich von schvlden erarn iren zorn
so bin ich vervluochet vor gotte alse ein heiden
si ist wol gemvot vnd ist vil wol geborn
heiliger got wis gnedic vns beiden.

5.
* Do dvi wolgetane gesach dc crvce an mine[652] cleide.(H. 3, 329b)

do sp”ch dvi gvote. gie. (so)
wie wiltvi nv geleisten die beide.
varn vber mer. vnd iedoch wesen hie
si sp”ch wold geborn vmbe si[653]
e waz mir we do geschach mir nie so leide

6.
* nv min herze vrowe nv entrvre niht so sere

dc wil ich iemer zeinem liebe haben
wir svln varn dvr des richen gottes ere
gern ze helfe dem vil heiligen grabe
swer dc bestrvchet der mac vil wol besnabe[654]
dane niemen zesere gevalle
dc meine ich so so die selen werden vro.
so si zehimele keren mit schallen.




[219]
XXIX.
DER. MARCGRAVE. VON. ROTENBVR[655]




1.
     Deme kvinege dem vure ich swer[656] er wil den lip.(H. 1, 34b)

ane min herze dc mvoz hie beliben.
dc hat bi ir zallen ziten ein wip.
von der mohtez aldvi welt niht vertriben
sit ez nv mvoz bi der gvoten bestan.
so mohte si dem kvnege doch ze eren
mir han verlan
ir herze dc mine wil von ir niht keren.

2.
Min ovgen mvozen dvr dc selic sin

dc si an der gvoten so rehte gesahen.
ir (Bl. 36b) gvotlich geberen vnd ir minneclichen schin.
des ir die besten von warheit iahen
wan ich han mich gar an die gvoten verlan
vnd wil doch iemer gnade an si svochen.
dc mvoz ergan.
swie si gebiete oder welle gervochen.[657]

3.
* Swer sich so sere an die minne verlat

dc er die minne rehte sol minnen[658]

[220]

hat danne dvi minne gedaht
dc er des lon von der minne gewinnet.
nv heizent siez minne. minne ist ein not
minne dvi sorget gein der minne
minne gebot
minne zedem der sich minne versinne.




[221]
XXX.
BRVDER. VVERNHER.




1.
     Ich weiz der herren menegen obe ich hete ir eines gvot.(H. 2, 231a)

ich wolte verre baz danne er vor schanden sin behvot
ich wolde och baz die sele vor des tievels banden nern.
ich wolde och varnde gvot vmbe ere vnd och dvr got verzern
ich enwolde valscher eide niht von herzen vil geswern
gedvltic gein den fruinden sin. gein vienden hohgemvot
ich wolde och rehter vuore pflegen
vnd och die valschen lan
vnreht gewinnen gvot
des wolde ich mich vil gar bewegen
mich dvnket dc were alles wolgetan
ich wolde och hazzen rat den schal zer lveten oren tragen
da von die herren wurden wert. wie lvzzels ime des vor gesagent.

2.
     * Ich wil dem crvce singen(H. 2, 235b)

vnd dem der dran die marter leit.
ich han der werlde vf kranken lon gesvngen leider vil.
wie mac mir baz gelingen
an langer wernder selekeit
wes sol och der gedingen han der vert dar ich da wil
nv schaffe ein iegeslich wise man
dc sin der engel pflege
swie vil der tievel danne valscher liste kan

[222]

der engel wert in doch der slehten wege
der schvehet alles vngeverte stige straz. vnd och die stege.

3.
* Ze troste wart vns allen

von einer magit ein kint geborn
der ist sin selbes vater vnd ist och sin selbes kint
wir waren gar vervallen
der ewichlich verlvst verlorn
wir waren in der vinster mit gesehenden ovgen blint.
wir sin von ime ze liehte komen
swer dc behalten wil.
der helfe rechen dc ime ist sin lant genomen
sin crvz vnd och sin grab des ist zevil
den gar verworhten die da mit vns haben zeleide ir reizenspil.




[223]
XXXI.
LVTOLT. VON. SEVEN.




1.
     * Die nv bi liebe slafen(H. 3, 327b)

vnd in den sorgen gein dem tage.
die ensvmen sich nv niht
ia vurhte ich dc man wafen
schrie ob in dc ist min clage
ich sihe wol dc ist alles an lieht
also sp”ch ein wahtere
ez ist mir iemer swere
sol in da von gewerren ieht.

2.
     Man sol nv singen§     (H. 2, 144a)

von deme tage. tage (so)
daz mac den wol ze gvote komen.
die nv tovgenlicher minne pflegen
in mac gelingen
ane clage
ob ers bi liebe hat vernomen
vnd da bi minneclichen ist gelegen
der sol nv balde scheiden dan
vnd och sin morgen trviten lan
ich wahter in dvr gvot des man.[659]

[224]
3.
* Von deme scheiden

so ich nv sanc
so harte[660] ich clagen ein senede wip
dvi bi liebe lac verholn
div wile in beiden
wc niht zelanc.
si sp”ch ich vnseliger lip
wer hat die naht mir hin verstoln
wie scheide ich nv von lieben[661] man
swaz vroide ich noch nie gewan
der tac hat micher[662] ane getan. ○○○○○○○○○○

4.
     Wer kan nv zedanke singen§     (H. 1, 272b; L. S. 110.)

dierr[663] ist trvric der ist vro.
wer kan (Bl. 37a) daz zesamene bringen
dirre ist trvric der ist vro.[664]
si verirrent sich[665]
vnd versinnent sich.
wes[666] ich waz si wolten daz svnge ich.

5.
Vroide vnd sorge erkenne ich beide

da von singe ich swaz ich sol.
mir ist liebe mir ist leide
svmer wunne tvot mir wol.
swaz ich leides han
daz tvot zwivel wan
weiz[667] mir vmbe die lieben svl ergan.

6.
Wol vch cleinen vogellin[668](L. S. 111.)

vwer wunneclicher sanc.
der verschallet gar den minen
al dvi welt dvi seit vch danc.
also danken ir.[669]

[225]
7.
     Frowen lat vch niht verdriezen§     (H. 1, 227a; L. S. 85.)

miner rede so si gevuoge si.
mohte is wider vch iht geniezen
so were ich den gvoten gerne bi
wizzent dc ir schone sit.
hatte ir danne alse ich mich verwene
gvote bi der wolgetane
waz danne an vch reiner eren lit.

8.
Ich wil vch zeredenne gvnnen(L. S. 86.)

sprechent swaz ir welt obe ich niht tobe.
daz hat ir an mir gewunnen
mit dem vwern minneclichen lobe
ich enweiz obe ich schone bin.
gerne hette ich wibes gvote
lerent mich wie ich die behvote
reiner lip entovg niht ane sin.

9.
Frowe so wil ich vch leren

wie ein wip zer welte leben sol
gvote lvite svlt ir eren
minneclich ansehen vnd grvozen wol.
eime svlt ir vwern lip
geben vur eigen nement den sinen
vrowe woltent ir den minen
den gebe ich vmbe ein so schone wip.[670]

10.
     * Ez ist wol daz wir die lieben heide§     (H. 3, 327b)

sehen so wunneclichen stan.
wol gezieret walt vnd anger beide
dc der meie hat getan.
seht ir in des meien towe blvomen stan.
dc moht ovgen vro gemachen
lachen
si ein ander an.

[226]
11.
* Wie solt ich ze tanze wol gesingen

sit ein wip mir tvot so we.
dvi mir hohgemvote solte bringen
dvi tvot same sis niht beste
doch were wol getroste mich ein selic wip
daz si mit ir liebem lone
schone
troste minen lip.

12.
     Mir gab ein sinnic herze rat.§     (H. 1, 194b)

do ich si vz alder welte erkos
ein wip dvi manege tvgent begat
ir lop mit valsche niene verlos.
daz waz ein seliclichvi zit.
von der ich groze vroide han
der schonen der sol man den strit
vil gar an gvoten dingen lan.

13.
Min lip vor liebe mvoz irtoben

swenne ich daz aller beste wip
so gar zegvote horen[671] loben
dvi nahe an minem herze lit
verholn nv vil menegvi zit
si tviret vil der sinne min
ich bin noch stete alse si mich lie[672]
vnd wil dc iemer gerne sin.

14.
Han ich iht vruint die wunschen ir

dc si iemer selic mvoze sin.
dvr die ich allvi wip verbir
si meret vil der vroide min
vnd kan mit gvote sich erwern
daz man ir valsches niht engiht[673]
swenne si min ovge niht ensiht.[674]

[227]
15.
     Ich svhte gvoter vruinde rat§     (H. 1, 102a)

der aller beste hat mir noch geraten niht zewol
ia enweiz ich war vmbe er daz lat
min herze meine ich daz vor allen vruinden raten sol.
ez riet den sinnen dc si mich
verleiten vnd selbe sich
an ein vil tvgenrichez wip
dvi ist mir lieber danne ich ir
dar vmbe trvret mir der lip.

16.
Mir wont vil vngemaches bi

min aller beste vreide lit och an der gvoten gar.
swie vngnedic si mir si.
so enwil iedoch daz herze min niender anders danne dar
ez hat mich gar dvr si verlan
vnd wil ir wesen vndertan
wie han ich svz an ime erzogen
ez tvot (Bl. 37b) der tohter vil gelich
die liebvi mvoter hat betrogen.

17.
     Ich bin mit rehter stete einem gvoten riter vndertan.§     (H. 2, 171a)

wie sanfte dc minem herzen tvot. swenne ich in vmbe vangen han.
der sich mit manegen tvogenden gvot.
gemachet alder welte liep der mac wol hohe tragen den mvot.

18.
Sine mvogen alle mir benemen den ich mir lange han erwelt

zerehter stete in minem mvote der mich vil meneges liebes went
vnd legen si vor leide tot
ich wil ime iemer wesin holt si sint betwungen ane not.[675]

19.
     * Solde ich den ivngen raten§     (H. 3, 328a)

die vmbetwungen libes vnd gvotes
sint vnd hohen[676] solden varn.
den seit ich wol daz werdekeit mit grozem gesparn
nie vf daz rat gesaz. wie die biderben taten

[228]

den man nach tode danket werdes mvotes.
die namen ere vur das gvot.
hetin si behalten alse maneger tvot
waz were in deste baz. nv sint si dort dc gvot ist hie.
vnd ergit den ivngen wirs danne ê den alten
den hort gefristen mohte den veriesch ich nie
swie er waz gewunnen oder behalten
sone konde er niht gewegen
daran gedenken alle die arges willen pflegen.

20.
* Ich hore manegen vragen

wa von die sanger[677] also selten singen.
dc wil ich wol bescheiden den
man vant. ê vnder zwelfen wilent eteswen
der einen dar vf behielt
trost[678] er ez mit schelten wagen
des enist nv niht swaz si alle mvogen twingen
daz bvozet an in niht ein broth
swer och vergebene lopte daz were ein not
sit manez so cleine …[679]
och irret singet ieman iht
daz lernet niemen von den valschen sachen
si habent ze vroiden harte cleine zvoversiht.
wer solt dvr so verlornez tihten wachen
diz ist dez sangez slac
ovch schadet der richen erge diech niht genvzen mac.

21.
     * Mich wundert wie den lviten si die sich der eren schament§

vnd schame hin ze rvggen legent da man nach ganzen eren solde ringen.
we daz ir bein ir arme ir hant ir zvngen niht erlament
ir herze mvoze vnselic sint[680] die sich so gar verschamen an gvoten dingen.
schame ist bezzer danne silber vnd golt
zwoi. sol dem gvot dem niemen ist zerehte holt
swer schame hat der mac wol vruint gewinnen
si ist aller tvngende ein spiegel gar

[229]

bi schame nimpt man aller gvoter dinge war
ia solten si die richen gerne minnen. ○○○○○○○○○○

22.
     Nv wil aber der cleinen vogele singen§     (H. 2, 168a)

daz ist war
hie niht langer sin.
also wil der leide winter twingen
allvi iar
liehter blvomen schin.
ich enkan in dem walde niht
ein grvnez crenzil vinden
wa mitte sol miner vroiden trost ir reidez har. bewinden
der man schone bi der gvote giht.

23.
Do min ovgen si alrest irsahen

wol der zit
daz waz min gemach.
do saz ich ir svnder hvote nahen
daz mir sit
niemer mer geschach.
wie si hieze des vragt ich
do iach si balde schone
si seite so ie lenger so ie lieber got ir lone
also hat si mir genennet sich. ○○○○○

24.
E daz si anders ieman lieber were.(H. 2, 168b)

danne mir
sanfter were ich tot.
ich han svz die herze lange swere
vil von ir
vnd der seneden not.
ich bin ie lenger so
ie leider vor genennet
owe dc mich ir gvote niht gne- (Bl. 38a) declich erkennet
da von wirde ich lones selten vro.

25.
Als ich gemeinlichen mvoz gebaren(H. 2, 199a)

so ist ir spot
allez dc ich gesage

[230]

vnd giht ich welli ir eren varen
nv dvr got
hoeret mine clage
si wil daz ich vremide si
vnd dar mit truiwen sinne
si mac ez han vur si si wil me hans[681] niht vur minne.
ich soldir eteswenne wachen bi.

26.
     Die liehten lieben svoze[682] tage reine§     (H. 2, 118a)

die sint zergan.
owe leider von der trvoben zit.
davon ich were ganzer vreuden eine
wan. dvr den wan
der mir liebet vnd nahe lit
vmbe ein kint
dar alle mine sinne
gewendet sint
erwirb ich sine minne
so wird ich geil
vnd han der welde minen teil.

27.
Daz ist ein wip dar ich mich han gewendet

nv manegen tac.
ander vinde ich niht wan kindes mvot
mich hat min herze lange dar gesendet.
daz ringe wac
ir gnade als ez noch leider tvot
hatte ir lip
nach minem willen gvote
si wer ein wip.
dvi mich von vngemvote
schiede gar
nv ist des niht. noch singe ich iemer dar.

28.
     Nv wil aber der blvomen schin§     (H. 2, 169a)

ende sin

[231]

vnd der cleinen vogellin sanc
owe min her rife kalt
den gewalt
schaffet ir den kinden alzelanc
da von trvret mir der mvot
dc dvi not
machet miner frowen vuoze dicke rot
die sint vor dem winter vmbehvot.

29.
Des mich tvmben sit verdroz

ia besloz
hvr ir brvder alles ir gewant.
niewan mir zeleide gar
offenbar
hat erz anderhalben hin gesant.
dc si min engelten mvoz
alle tage.
daz ist vmbe ir hvlde mines herzen clage
si erbot mir doch me[683] minnen grvoz.

30.
Si ist so noch gnvoge sint

gar ein kint
vnd doch an dem libe niht ze cranc.
schone stete gvt
wol gemvt.
von den schvlden eret si. minen[684] sanc.
an den zvhten niender lam
vil gemeit
da von ie min herze nach ir minnen streit
sist mir liep ich were ir gerne sam.

31.
Laz ich in des get mir not(H. 2, 169b)

er verbot.
ir daz si mich miden solde gar.
da von han ich herze ser
alles her

[232]

nimet min ir gnade cleine war.
iedoch ist min herze da
swie si tvot.
vnd wurde er niemer drvmme wol gemvot
ez enminnet niender anderswa. ○○○○○

32.
Trvog er iender holden. wan

als ich han
siner swester lange her getragen
so vergezze er lihte min
sol er sine[685]
vngnade mir geliche clagen
ich han alles an reht
sin[686] zorn.
vnd han min singen da bi doch verlorn
also lobe[687] ich vreideloser kneht.

33.
Liebe vroideloser kneht

ez ist reht
daz ich dir mit truiwen bi geste.
sit dv lange hast geclagit
dir si leit
diner vrowen tvo der winter we
an ir linden vuozeline
si ez dir so
beherzint nv wiz vro die wil ich ir wer min[688]
vnder beiden vuozen.[689]

34.
     Div vil minnecliche die ich da meine§     (H. 2, 169b)

manegen eit
han ich da verlorn
nv enswere ich doch niht vz eime steine
diz leit
were baz verborn
daz si mir gelovbet niewan eines obe ich hienge

[233]

dc ich vf der erde ledeclichen gienge
vmbe waz
lide ich selchen haz.

35.
Ich weiz wol ez hat dvi schone svnde

daz ir spot
machet mich vnvro
ir gnaden hat[690] ich gerne kvnde
semmir got
nach ir ist mir so
rehte we daz ich geslafe niemir niht so ich wache
darzvo wirde ich selten vro wan so ich von herzen lache
mine tage
swindent so mit clage.

36.
     Nv ist mir aber leide§     (H. 2, 170a)

daz vnser ovgenweide
(Bl. 38b) die blvomen ander heide
dem winter niht kvnnen vor gesten
die sint clagebere
noch dvlde ich eine swere
darzvo bin ich vnmere
einem wibe daz mvoz mir nahe gen
daz ist nv der drite winter den ich han gesvngen ir minen sanc.
wil si daz ist zelanc
sit ich mit truwen ie nach ir hvlden ranc.

37.
Wes ich wa ich svnge

da man mich dicke drvnge
vnd da mir wol gelvnge
da vunde ich noch niewez eteswaz.
waz mac ich nv vinden
den wisen vnd den kinden
dvi milte wil virswinden
dar vnder so ist min vroide laz.
geben mir die herren mer so mohte ich wol volenden den willen min.

[234]

leider svz mvoz ich sin
lange versvmet ich meine ein vrowelin.

38.
Nv sehe[691] ich an ir mvote

gebe ich ir in ir hvote
eine vehe kvrsen gvote
si lieze sich gar vf minen eit.
e. ich die gewinne
so han ich gar die sinne-
nierlorn.[692] vmbe ir minne
besvnder ist dc min herzeleit
swaz ich disen winter mit geheize mac erwerben vnd al daz iar
nimet min ir gvote war
vnd ir gnade daz gibe ich alles dar.

39.
We waz wil si me[693]

dvi schone niht zehere
mac si dvrch ir ere
mir lazen noch von ir geschen
solde ichez si[694] vmbe vahen
so were vroide nahen
min ovgen nie gesahen
so liep alse si da solden sehen
wie sere ich des engilte dc ich cleine gvot gewinne dc ist mir leit.
dicke si mir verseit
da von ich lide vil seneder arbeit.

40.
Ich enwil niht twingen.(H. 2, 170b)

ich sol geuvoge singen
nach ir gnaden ringen.
die lange min herze hat erkorn.
ich horte ie daz schelten
mit vnvuoge gelten.
da von ich schilte selten
ich vurhte der vngeuvogen zorn.
ich wil noch von blvomen singen dvnket ez gevuoge vnd alle reht.

[235]

vroelichen sol der kneht
hvr aber reigen ir ivngen da beseht.

41.
     Wil mir ein wip gnedic sin§

so wirt min rat
dvi mir al dc herze min
betwinget[695] hat
si kan wol seneden machen
mit ir wol svozem lachen
waz si des hat
daz ir wol stat
vil gar ane alle missetat
hei grawer otto
hei grawer otto
grawer otto nv pflege din got
wis stolz grawer otto.

42.
Ich han gedingen wirt si mir

div vrowe min
dvr der willen wil ich (so)
hohes mvotes sin
so vroit sich min gemvote
von ir vil lieben gvote
ia vrowe min
ich bin doch din
wie lange wiltv vngenedic sin
erwint frowe here
vil liebe erwint
trofte minen seneden mvot
ia trvore ich zesere.[696]

43.
     Vns wil schiere wol gelingen§     (H. 1, 243a; L. S. 51.)

wir svln sin gemeit
tanzen lachen vnd singen
ane dorperheit.
we wer were vnfro.
sit die vogellin also schone

[236]

schallent mit ir besten done
tvon wir och also.

44.
Mvgit ir schowen waz dem meien

wunders ist beschert
seht an pfaffen seht an leien
wie daz allez vert.
groz ist sin gewalt
ine weiz obe er zovber kvnne
swar er vert dvr sine wunne
dan ist niemen alt.

45.
Wol dir meie wie dv scheides

alles ane haz
wie dv walt vnd owe cleides
vnd die heide[697] baz.
dvi hat varwe me
dv bist kvrcer ich bin langer
also stritens vf dem anger
blvomen vnd cle.

46.
Scheidet vrowe mich von sorgen(H. 1, 243b; L. S. 52.)

liebet mir daz zit.
oder ich mvoz vroide borgen
daz ir selic sit
mvogit ir vmbe sehen
ir vroit al die welt gemeine
mohte mir von vch ein cleine
vroidelin geschen.[698]

47.
     * Der die schonen zit mit vroiden hvore (Bl. 39a) waz§     (H. 3, 468cb)

der sol nv der vogele swere clagen
dem gelich ich blvomen cle lovp vnd gras
gein den svoren winter langen tagen.
si gebent alle glichen trost dem herzen min
ich mvoz iemer vngetroestet sin
wil der lieben trost an mir verzagen.




[237]
XXXII.
HVG. VON. MVLNDOR.F.




1.
     We waz hilfet al min singen(H. 2, 335a)

ione wil nieman wesin vro.
niewan al mit vbelen dingen
twinget sich dvi welt also
vroide zvht truiwe ere
sint verwiset gar
seht des iamert mich vil sere
nach den wolde ich wess ich war.

2.
Swer den vrowen an ir ere

gerne spichet ane not.
seht der svnder[699] sich vil sere
vnd ist doch[700] der sele tot.
wan wir sin alle
von den vrowen komen.
swie wir sezen si zeschalle
maneger wirt von in ze vromen.[701]




[238]
XXXIII.
DER. BVRCGRAVE. VON. REGENSBVRC.




1.
     Ich lac den winter eine wol troste mich ein wip(H. 2. 171b)

vuore si mir mit vroiden wolde kvnden die blvomen vnd die svmerzit
daz niden merkere dest min herze wunt
ez enheile mir ein frowe mit ir minne ez enwirt niemer gesvnt.

2.
Nv heizent si mich miden einen ritter ine mac

swen ich dar an gedenke daz ich so gvotlichen lac
verholn an sinem arme. daz tvot mir senede we
von ime ist ein alse vnsanftes scheiden. des mac sich min herze wol entsten.




[239]
XXXIV.
GRAVE. OTTO. VON. BOTTENLOBEN.




1.
     Wizzet daz ich singen wil.(H. 1, 314b)

daz der werlde mere
vroide swie min kvmber si.
dv hast werdecheite vil
da hin han ich lere
so ist ein ander och da bi.
dc mir liebe dvi der minne pfliget
och vil gar gewalticlich an gesigt
reine wibes ere wip nie me gewan
daz ist alles da von ich gesingen kan.

2.
(I)ch wil selic vrowe dir

minneclichen singen
anders so ensvnge ich niht.
dv bist vngnedic mir.
vur den vngelingen
daz mir leit von dir geschiht
wil aber ich din lop zevroiden nemen
wil dich da bi miner vroiden baz gezemen
mvoz von den dingen ane vroide sin
so bin ich vnschvldic so ist dvi schvlde din.[702]

[240]
3.
     Vro minne ich[703] lachet miner swere(H. 1, 29a)

des ich mich nie hin zvo[704] versach
vnd ich ie hohte vwer mere
doch mir nie gvot von vch geschach.
Dvoch[705] hat ir vroide mir entwendet
dvi min ie wunneclichen pflac.
Der mvoz ich iemer sin gepfenden[706]
swie dicke si mir nahe lac.
Ez ensi daz sich ein rede verendet
der ich mich niht getrosten mac.

Mir hat ein wip
herze vnd lip
betwungen vnd gar verhert.
Div ist so gvot
swaz si mir tvot
wil si so wirde ich sanfte ernert.
Tvot si mir we
[707] wil ich ê
betwungen sin von ir gewalt.
Ê deich verber
die werden ger
vnd och die sorge manicvalt.
Die si mir machet
vnd git.
Min vroide swachet
iemer sit.
Min selde wachet
zaller zit.
dem si da lachet
svnder nit.
Gelvkes rat
hat in den pfat

[241]

geleret so
daz er sol ho.
Darvffe sweben(H. 1, 29b)
mit selden leben.
Sold ich daz sin.
so mvost an aller sorgen schin.
daz herze min
gehoret[708] werden svnder pin.
Ich vroiden bar
gedenke ie dar
als ich getar.
Wirt si gewar
daz ich so var
ir eigen gar.
Si erzegete ir
gnade an mir.
Sist ein wip
der gar min lip.
vur eigen lebet (Bl. 39b)
vnd iemer strebit.
Vf daz gedinc
vnd selchen trost.
Daz mir gelinc
vnd werde erlost.
Der sorgen die mich twingent ie.
Sit ich verlie.
den mvot an si.
Min herze iach.
do si min ovge alrest an sach.
Min vngemach.
daz ime bi siner zit beschach.
Daz wer da hin.
vnd wer da sin.
komen vnd gewin.
Des wand och ich.

[242]

tvot si mich
gar sorgen rich.
vnd meret
mine clage
daz verkeret
vnd seret
mine tage.
Min gemvote.
wirdet cranc.
Ich erwete(H. 1, 30a)
nach ir gvote
ane danc.
Jedoch dar vnder
ist ein wunder
niht besvnder.
Swaz ich liden.
sit ich miden
mvoz die reinen
niht zecleinen.
han ich smerzen
an dem herzen.
Vnd kvmmer
meneger[709] svmer.
warzvo ward ich ie geborn.
Sol ich iemer sin verlorn.
doch hat ich si mir erkorn.
Swaz dvi wunden
vngesvnden
mir gebvnden
solten werden.
von der werden
mvost min swere
ir gar vnmere
der ich lere.
wurde ob mir dvi frowe min.

[243]

Tete gvoten willen schin.
Sold ez mir[710] ir willen sin.
Daz ich sprechen
mvoste zir.
Waz si zechen
oder sprechen
wolt an mir.
Sicherlich
obe daz geschiht
Min geliche
ist ime riche
danne niht.
herze sinne
minen mvot
Hat ir minne
mit gewinne
so behvot.
Mich enstille(H. 1, 30b)
ir gvoter wille
in kvrzen ziten
ane biten
ich bin tot.
Sol min trviwe
ir iemer vwer (so)
an ir einen streben[711] (so)
svz erwerben
dest ein not.
Die ich gerne dol.
vnd liden sol.
So rehte wol.
stet si mir an.
ich selic man.
So svoze not ich nie gewan.
Jedoch swie gerne
ich sterben lerne.

[244]

Dvr ir minneclichen lip.
swie si reine selic wip.
So gedenke ich doch.
daz si mir noch.
Gervoche geben
ein senfter leben.
Des valde ich ir die hende min.
Daz an ir zvrnen mvoze sin.
obe ich genende
vnd ir e sende
disen sanc.
Ir lop ir ere.
ich iemer mere.
In allvi lant(H. 1, 31a)
vuont[712] ich ez erkant.
Mit trviwen ane valschen wanc.
wirt mir da von ir habedanc.
Ich singe ir baz[713]
ir lop noch baz.[714]
Ir hohet ob ichez ie vergaz.
Minen[715] frowen
svlt ir schowen.
in so hoher werdecheit.
daz ir sol iemer sin bereit.
Der eren crone
Si est vil schone
obe aller selde ein selicheit.
Div beide hende hat geleit.
Ir vf ir hovbet
dc gelovbet
alle mir.
Obe ir si sehet
ir veriehet.
Tvgende michels me von ir.
danne ich ir sage.

[245]

wan ich dvr clage.
Vch mines willen vil verbir.
Min vrowe ist gvot
iedoch si tvot.
Daz wunneclicher vroiden gir.
Mich vergat
vnd lat.
Daz mir kvmmerlichen stat.
Wand ich pflac
manegen tac.
Daz min vroide nie gelac.
Owe der gedinc.
ich wene ich ringe.
Vf einen wan.
Den ich han.
Dem ich iemer vndertan.
Wesen mvoz.
Dest mir bvoz.
niemer wirdet vnz (so) ein grvoz.
Mich enbindet.
wan verswindet.
al min clage
alle tage.
waz solt ich der schonen sagen.
sold ich heil an ir beiagen.(H. 1, 31b)
Swen ez were.
ez were zit.
alle swere
ich gar verbere.
obe si den strit
gnedecliche
wolde ergeben.
Sicherlich
e deich intwiche.
ich ergibe daz leben.
bi dem eide
ich daz gelobe.
Si enscheide

[246]

mich von leide
deich ir tobe.
Daz enwende
ein selic wip.
vnd sende
mir ein ende.
daz min lip.
vreide vnd minne.
vnd sinne
von ir kvneginne
gewinne.





Anmerkungen[Bearbeiten]

  1. So z. B. werden zu Rubin Nr. XXII. (MS. 1, 318a; vergl. 3, 640b) aus unserer Handschrift, die von diesem Tone (S. 115) die Strophen 1. 4. 5. enthält, keine Lesarten angemerkt, geschweige denn die in der Pariser und Weingartner Hs. mangelhafte zweite Zeile der ersten Strophe „dem lîbe und aber dem herzen niht“ daraus ergänzt. Ähnliches ist bei Gedrut der Fall, vergl. S. 139, Anmerk. 5. – Ferner ist das Lied von Otto von Bottenlauben (MS. 1, 32a) in unserer Hs. (Neune Strophe 29–31} viel alterthümlicher als in der Pariser Hs. und bei v. d. Hagen. – Und so noch manches Andere.
  2. Dabei waren, wenn anders der beabsichtigte Gebrauch möglich werden sollte, einige Änderungen in den Reimen und der Orthographie noethig.
  3. So die Hs., lies iender.
  4. ich fehlt.
  5. So, lies mêre.
  6. So, lies besten.
  7. Lies wol.
  8. So, lies trage.
  9. So, lies dazs.
  10. So, stark abgerieben.
  11. Lies wol redendem.
  12. Die Hs. ″kan″en.
  13. So, lies alte.
  14. Darnach fehlt eine Zeile: und sol daz also lange stân.
  15. So, lies noch.
  16. So, lies danc.
  17. Oben drüber steht von anderer Hand Ge.
  18. Lies mir.
  19. Lies der des.
  20. So, lies begebe.
  21. Die Hs. ″gvote div.″
  22. So, lies den’s.
  23. Diese Strophe ist in der Pariser und Weing. Hs. dem Walther von der Vogelweide beigelegt; vgl. darüber Lachmann S. 174.
  24. So, lies waen.
  25. Lies naher.
  26. Fehlt ir.
  27. So, lies geniezen.
  28. Fehlt mit.
  29. Lies getroste.
  30. So, lies Wâ nû getriuwer friundes rât.
  31. Lies waz.
  32. Lies sost.
  33. So, lies hvlde.
  34. Lies verborn.
  35. Diese Strophe ist hier sehr verderbt.
  36. So, lies daz wendet im.
  37. Pariser und Weingartner Hs. Ein.
  38. Die Hs. ″ime ″ich.
  39. Der Anfangsbuchstabe fehlt.
  40. So, lies als der mine.
  41. So, lies deich.
  42. Lies vie.
  43. So, heizen?
  44. So, lies heiles.
  45. tvmbe fehlt.
  46. Die Strophen 56–58 sind in der Pariser Hs. dem Heinrich von Rugge beigelegt.
  47. So, lies klage.
  48. So, lies geringe.
  49. Lies als’s.
  50. So, lies ze guotem.
  51. Lies si.
  52. So.
  53. Lies wonet.
  54. Lies deich.
  55. So, lies geliegen.
  56. So, lies maere.
  57. Lies ich sihe.
  58. Lies vur.
  59. Aus aller geändert.
  60. Lies verdien.
  61. Die Strophen 7–10 stehen in der Pariser Hs. unter den Liedern Reimar’s des Alten.
  62. So.
  63. So, lies dem.
  64. So, lies geriet.
  65. Lies vil.
  66. Lies hat.
  67. Aus merz gebessert.
  68. So, lies weder.
  69. wirb ich nider steht doppelt.
  70. So die Hs., und nicht wie Lachmann vermuthet zu 69, 18.
  71. So, lies waenet.
  72. Hier fehlt tuo.
  73. Hier fehlt mich.
  74. Aus iach gebessert.
  75. So, des ist zu tilgen.
  76. Diese Strophe steht in der Pariser Hs. noch einmal unter Reimar dem Alten, dem sie auch in der Würzburger Hs. beigelegt ist. Vgl. darüber Lachmann S. 192.
  77. Diese Strophe ist ebenfalls in der Pariser Hs. bei Reimar dem Alten wiederholt; unter dessen Namen steht sie auch in der Würzburger und Weingartner Hs. (S. 75. Nr. 13.) vgl. Lachm. 192.
  78. a b So die Hs.
  79. So die Hs., lies lebt.
  80. Fehlt mit.
  81. Aus wart gebessert.
  82. So, lies din.
  83. Lies gepflac.
  84. So, das t zum Theil ausgekratzt, lies heilen.
  85. Lies sie.
  86. So, lies mir.
  87. So, lies ror.
  88. Die vier ersten Zeilen dieses Spruches fehlen.
  89. So, lies leien.
  90. Hier fehlt si.
  91. Fehlt zen.
  92. Lies wir.
  93. Lies wer.
  94. Lies mit.
  95. Lies borgen.
  96. danne fehlt.
  97. So, lies sluoc.
  98. So, lies diz ir.
  99. Lies her.
  100. Lies besten.
  101. Lies unz.
  102. Lies die.
  103. Lies lip.
  104. Lies dv.
  105. So.
  106. So, lies vind.
  107. Lies genaeme.
  108. Lies wil.
  109. Lies div wangen.
  110. Lies im ist.
  111. In der Hs. Ich ″weiz en″.
  112. Lies swanc.
  113. Aus gesvnden gebessert.
  114. So, lies beitet.
  115. Lies trovfe.
  116. Lies Wie.
  117. Lies wasten.
  118. Über diese verderbte Strophe sieh Lachmann S. 162.
  119. Lies clage.
  120. So, in der Hs. leerer Raum; ergänze Die wîle ich weiz drî h.
  121. So, lies pfanne.
  122. Lies strîche.
  123. Hier fehlt bî.
  124. a b Lies mich.
  125. Lies manne.
  126. Lies übel.
  127. Lies wir.
  128. Ergänze so mir.
  129. Lies mine sinne.
  130. Von später Hand ist diese Zeile unterstrichen und am Rande beigesetzt: Aetas Auctoris.
  131. Lies boestem.
  132. Lies her Otte.
  133. Lies armen.
  134. Lies dringen.
  135. So, lies Her.
  136. Lies div.
  137. Lies zue in.
  138. er fehlt.
  139. Lies Do.
  140. Lies sing.
  141. Lies mîme.
  142. Diese beiden Wörter sind von anderer Hand auf leer gelassenem Raume nachgetragen; da vor steht von der alten Hand der, aber durch Punkte getilgt.
  143. Lies werde.
  144. Diese vier Wörter sind in der Hs. abgerieben, und, wie es scheint durch Anwendung von Reagentien, unleserlich geworden.
  145. Lies ietweder.
  146. Lies schîn.
  147. Lies sniden.
  148. Lies eines.
  149. Lies hat.
  150. Lies vûl.
  151. Lies dc.
  152. Lies kruche.
  153. L. weise.
  154. Lies ir.
  155. Lies vert.
  156. Lies ims.
  157. L. êre mêren.
  158. L. mîde.
  159. Lies. wies.
  160. Fehlt ez.
  161. Lies verlos.
  162. Lies schîn.
  163. Fehlt wes.
  164. Fehlt rehte.
  165. Lies din.
  166. Danach fehlen zwei Zeilen.
  167. So, lies iht.
  168. Lies mînen.
  169. denne ist ausgekratzt.
  170. So, lies mînen.
  171. Lies ir.
  172. Lies verwaenen.
  173. Lies der.
  174. Lies sîn.
  175. ist fehlt.
  176. Lies schoene.
  177. Lies iemer.
  178. Fehlt sanc.
  179. Die Strophen 126–129 sind von Rudolf von Rotenburg (vdHagen’s Minnesinger 1, 88.)
  180. Das D fehlt.
  181. So, lies geloubet.
  182. Lies meiden.
  183. Lies mîniu.
  184. Lies nie.
  185. Fehlt ich.
  186. Lies lant.
  187. ze, das am äusseren Rande steht, ist etwas abgerieben.
  188. mir fehlt.
  189. Lies schrîenne
  190. Lies bediute.
  191. Die Strophen 144–146 sind von Rubin.
  192. So, lies bin.
  193. Fehlt lebt.
  194. Lies der.
  195. Lies lange.
  196. So, lies under.
  197. So, lies daz si mir mit tr.
  198. Lies naht.
  199. Lies crenket.
  200. Lies sen.
  201. Lies warten.
  202. Lies clagte.
  203. Lies waeren.
  204. Lies waere.
  205. Lies von.
  206. Fehlt hat.
  207. Lies wont.
  208. Lies geste.
  209. Lies ir.
  210. Lies sunge.
  211. Fehlt und den gruoz.
  212. ist fehlt.
  213. Lies mine.
  214. So, lies vüeret.
  215. So, diese Wiederholung ist zu streichen.
  216. Die Strophen 27—29 gehören dem folgenden Dichter, dem Truhsässen von St. Gallen.
  217. In der Hs. steht TRVHSZE und nicht trvhste, wie Lachmann gelesen.
  218. So, si ist zu tilgen.
  219. Lies diu.
  220. So, lies genozzen.
  221. So, in der Hs. leerer Platz.
  222. So, mich ist zu streichen.
  223. Lies Swen.
  224. Fehlt der wünsche.
  225. So, lies min.
  226. Lies der?
  227. Lies wert.
  228. Lies seliclichen.
  229. Lies ersingen.
  230. So, an den zu tilgen.
  231. Lies bin.
  232. So.
  233. So, lies lachen.
  234. a b Lies dast.
  235. Lies erst.
  236. Lies gern.
  237. In der Hs. leerer Platz.
  238. Fehlt dir.
  239. Lies hohe.
  240. So, das ist: als s’in.
  241. So, lies tvmp.
  242. fehlt mich.
  243. So die Hs., vnselde?
  244. Lies mer.
  245. So die Hs., gevelle?
  246. vogel ist zu tilgen.
  247. So; ie?
  248. Lies haz.
  249. Die übrigen Zeilen dieser Strophe fehlen.
  250. Lies halber.
  251. Lies lachen.
  252. Lies sten.
  253. So; owê mir wê?
  254. So die Hs.
  255. Lies mir.
  256. So, lies zerehte.
  257. Aus liep gebessert.
  258. So.
  259. Fehlt sene.
  260. So, lies troeste mich.
  261. waere fehlt.
  262. Lies meisten.
  263. Lies mich.
  264. a b Lies mir.
  265. Aus so gebessert.
  266. ich fehlt.
  267. So, lies ist.
  268. ir fehlt.
  269. So, lies stan.
  270. So, lies selecheit.
  271. Lies daz.
  272. Lies vervan.
  273. Lies einen.
  274. So, lies Fvnde.
  275. Lies ovge.
  276. Lies des.
  277. Lies dazs.
  278. Lies min.
  279. So, für dazs.
  280. So, lies raten wol.
  281. So, lies holz.
  282. Lies mich.
  283. Ein si fehlt.
  284. So, lies den.
  285. Lies sinne.
  286. So.
  287. So, lies leret.
  288. So, lies Wiste.
  289. Lies villen.
  290. ich fehlt.
  291. Die Hs. ″gvote ″schone.
  292. L. ungevüeger.
  293. L. strebt.
  294. L. enlobt.
  295. L. minen.
  296. Lies mir.
  297. Die Strophen 97–100 stehen in der Pariser Hs. unter Walther von Mezze.
  298. So. Vgl. Walther v. der Vogelweide Strophe 147 ff.
  299. Lies klopf.
  300. Lies ich.
  301. a b Lies het.
  302. Lies verdorben.
  303. L. laege.
  304. L. vernvnst.
  305. L. selden.
  306. L. vuore.
  307. L. vlize.
  308. kume fehlt. – Die Strophen 106–108 stehen in der Pariser Hs. unter den Sprüchen Reimar’s von Zweter.
  309. Lies libes.
  310. In der Hs. leerer Platz.
  311. Diese Strophe ist von Walther v. d. Vogelweide. Lachm. S. 31.
  312. So.
  313. Fehlt schame: Lachmann.
  314. Fehlt in.
  315. Lies reife.
  316. Lies frowen.
  317. Lies pfliht.
  318. Lies Karles zit.
  319. Lies der.
  320. So die Hs.; intwerhes: Lachmann.
  321. Lies vremeden.
  322. Lies het.
  323. Die Strophen 110–117 hat Lachmann dem Walther von der Vogelweide beigelegt S. 106—108.
  324. Lies Wiest.
  325. Lies het.
  326. Lies minem.
  327. Fehlt miner.
  328. Lies singen.
  329. In der Hs. leerer Platz; lies sit mir b. hie.
  330. So, lies han.
  331. Lies in.
  332. Lies dast.
  333. So, lies owe.
  334. So.
  335. Lies missetan.
  336. Lies armen.
  337. Lies gecleit.
  338. L. ists.
  339. L. schamec.
  340. L. dingen.
  341. Fehlt in.
  342. L. ie.
  343. Lies hoere.
  344. Lies geverren.
  345. Lies waz ob mir.
  346. So, lies werz.
  347. So, lies Wol der.
  348. So, lies Wol der.
  349. Diese Zeile gehört zum vorhergehnden Gesatz.
  350. So, das Wort ist zu tilgen.
  351. So, lies mir.
  352. So, lies vnder.
  353. Lies verkeren.
  354. Lies mvget.
  355. Lies mir.
  356. Die Strophen 3—7 stehen in der Pariser Hs. zweimal: unter Neune und unter Rudolf von Rotenburg.
  357. So, lies Rich.
  358. Die Strophen 8. 9. stehen in der Pariser und Weingartner Hs. unter Leutolt von Seven.
  359. Die Strophen 10. 11. stehen in der Pariser Hs. unter Wahsmut von Künzich.
  360. Darnach fehlt eine Zeile.
  361. So, lies wiest.
  362. Fehlt daz ichz.
  363. Lies waenen.
  364. Die Strophen 15–19 sind in der Pariser Hs. dem Truhsässen von St. Gallen beigelegt.
  365. vil rich fehlt.
  366. Lies wunder.
  367. ir fehlt.
  368. Die Strophen 24–28 sind von Ulrich von Lichtenstein.
  369. So = mich enlaet.
  370. Stant vf ritter gehört als Schluss zur vorhergehnden Strophe.
  371. So, lies veriach.
  372. Lies wir.
  373. Lies unsich.
  374. Die Strophen 29—31 stehen in der Pariser Hs. unter Otto von Bottenlauben.
  375. So, lies Din.
  376. Lies gerst.
  377. Lies enpfalch ich.
  378. Die Strophen 32—34 stehen in der Pariser Hs. unter Markgraf von Hohenburg.
  379. Lies gesaget.
  380. Vor ich hat der Maler ein rothes M gesetzt; dagegen fehlt bei der folgenden Strophe der Initial.
  381. Die Strophen 35. 36. sind in der Pariser Hs. dem Waltram von Gresten beigelegt.
  382. Lies ez.
  383. Diese Strophe steht in der Pariser Hs. unter Graf Rudolf von Neuenburg, in der Weingartner Hs. unter Gr. R. von Fenis, 13.
  384. In der Pariser Hs. steht diese Strophe unter Waltram von Gresten.
  385. in fehlt.
  386. Lies winter.
  387. Lies erholn.
  388. Die Strophen 39—41 gehören Walther von der Vogelweide. S. Lachmann S. 117. 118.
  389. Lies gebete.
  390. Lies nac.
  391. Lies blecken.
  392. Diese Strophe ist von Walther von der Vogelweide. S. Lachmann S. 111.
  393. vil wol die Hs.
  394. a b mineme und heide auf geschabtem Grunde geschrieben.
  395. an die Hs.
  396. Die Strophen 44. 45. stehen in der Pariser und Weingartner Hs. unter den Liedern Reimars des Alten.
  397. Lies wanaldei.
  398. So, lies ein.
  399. Diese Strophe ist von Nithart.
  400. So, leerer Platz für donre.
  401. Lies ez.
  402. Die Strophen 48–50 stehen in der Pariser und Weingartner Hs. unter den Liedern des Albrecht von Johannesdorf.
  403. Lies geilste.
  404. Lies intwer.
  405. Lies bin.
  406. Lies dörper.
  407. Lies vür.
  408. Lies wol bi.
  409. Die Strophen 51—57 sind von Nithart.
  410. Die Strophen 58–60 sind in der Pariser Hs. Reimar dem Alten beigelegt.
  411. Lies hant.
  412. a b Lies vingerlin.
  413. Lies wip.
  414. Lies gienge.
  415. Lies dringe.
  416. der fehlt.
  417. Darnach fehlt eine Zeile, auch in der Pariser Hs.
  418. vdHagen ein.
  419. man fehlt.
  420. Die Strophen 3—11 sind in der Pariser Hs. Hern Geltar beigelegt. Unsere Hs., die wenigstens an zwei Stellen bessere Lesarten gibt, scheint vdHagen hiefür nicht verglichen zu haben: s. Minnesinger 3, 684b.
  421. Diese Strophe steht in der Pariser Hs. unter den Liedern des Rubin.
  422. So, lies vruoten.
  423. So, lies lose.
  424. Lies hoeren.
  425. Lies enboeren.
  426. Lies hohe springe.
  427. So, lobet oder scheldet?
  428. Lies vngevuoge.
  429. triuwe fehlt.
  430. So, leerer Platz. Lies: ist iezuo niuwe.
  431. Die Strophen 13—18 sind von Nithart.
  432. Lies tage.
  433. L. vil.
  434. Diese Strophe steht in der Pariser Hs. unter Nithart.
  435. bi fehlt.
  436. So.
  437. Die Strophen 20—23 stehen in der Pariser Hs. unter Albrecht von Johannesdorf.
  438. Lies niht.
  439. Lies me.
  440. In der Pariser Hs. steht diese Strophe unter der besonderen Überschrift: Rubin von Rüedeger.
  441. So, wip ist zu tilgen.
  442. Vor wol ist wil durchstrichen.
  443. Die Strophen 25–28 stehen in der Pariser Hs. unter Reimar dem Alten.
  444. Diese Strophe steht schon einmal vorn unter dem Truhsässen von St. Gallen, Nr. 55. Auch in der Pariser Hs. steht sie zweimal: unter den Liedern des Truhsässen von St. Gallen und des von Rosenheim.
  445. Auch diese Strophe hat die Pariser Hs. doppelt: unter Rubin von Rüedeger und Wolfram von Eschenbach, welch letzterem sie jedoch nicht gehört: sieh Wolframs Werke von Lachmann S. XII.
  446. Lies meil.
  447. ich fehlt.
  448. Lies stale.
  449. Lies doln.
  450. Lies Mine.
  451. Lies min.
  452. Lies wes.
  453. Lies ich.
  454. Lies ir.
  455. Lies Vze.
  456. Lies beit.
  457. Lies kunde.
  458. Lies beworren.
  459. Hier ist ein Buchstabe ausgekratzt. Bei vdHagen lautet die Zeile: wê mich sîn, vil oeder krage!
  460. Lies begreif.
  461. Lies tuo.
  462. Lies liehten.
  463. So, lies vnde.
  464. So, leerer Platz für ich.
  465. Lies ich gesunge niemer.
  466. Lies trezec.
  467. sprach fehlt.
  468. Lies spiegel.
  469. So die Hs.; altez ros zer stute sl. Hagen.
  470. So, lies einem.
  471. Hier fehlt daz vreut den blinden selten; ebenso die erste Zeile der folgenden Strophe: Swer einen friunt wil suochen da er sîn niht enhât.
  472. Lies haltet.
  473. Lies Vruote.
  474. Lies lech (: verzech).
  475. Lies pflac.
  476. So die Hs.
  477. Lies vruo.
  478. So die Hs.
  479. So, lies niht.
  480. Lies Zwene.
  481. Aus ane gebessert.
  482. Lies wirfet.
  483. So, lies kumt.
  484. Lies liht.
  485. Lies loch.
  486. Lies rat.
  487. Lies vinden.
  488. So die Hs.; lies uns ist vür vröude
  489. Diese Strophe steht in der Pariser Hs. zweimal: unter Spervogel und Dietmar von Eist.
  490. Lies sagen.
  491. So, ohne Absatz.
  492. So, lies Sene dich.
  493. Fehlt vngescheiden.
  494. Die Strophen 34–38 stehen in der Pariser Hs. unter Waltram von Gresten.
  495. Lies meiet.
  496. Lies springen.
  497. Die Strophen 39. 40. stehen in der Pariser und Weingartner Hs. unter Leutolt von Seven.
  498. Lies lobt
  499. Hier fehlt der liehte sterne.
  500. Lies vnser.
  501. So.
  502. Lies gedienet.
  503. So, also lange ist zu tilgen.
  504. So, lies in einen.
  505. Lies obez.
  506. Lies obezes.
  507. Lies wirt.
  508. So, lies ez.
  509. Fehlt hat.
  510. Lies troste.
  511. So die Hs.
  512. Lies stent.
  513. So die Hs.
  514. So, lies mir.
  515. Lies gerochen.
  516. So = ich ir.
  517. So die Hs.
  518. Lies Si vindet.
  519. Lies ir.
  520. Die Strophen 1–8 stehen in der Pariser Hs. zweimal: unter Reimar dem Alten und unter Heinrich von Rucke; dem letztern werden sie auch in der Weingartner Hs. (Nr. 7—14) beigelegt.
  521. Lies Dir.
  522. Lies mich.
  523. So, lies iemer.
  524. Lies niene.
  525. Lies da.
  526. Lies iemer.
  527. Lies in ê der t.
  528. In der Hs. ″siner der″.
  529. Lies daz ist ouch ime.
  530. Lies breiten.
  531. Lies da.
  532. So die Hs.; lies drî.
  533. Diese und die folgende Zeile sind von derselben Hand auf geschabtem Grunde geschrieben.
  534. So, lies gemazen.
  535. Lies Sol.
  536. Die Strophen 1–4 stehen in der Pariser Hs. unter Wilhelm von Heinzenburg.
  537. So, lies ich.
  538. Lies torste.
  539. Lies endiene ich.
  540. Lies kriege.
  541. ez fehlt.
  542. So; vergl. Nr. XIII. und XXIX.
  543. Lies liehten.
  544. So, einer steht auf geschabtem Grunde und ist zu tilgen.
  545. Lies gat.
  546. So, lies wol oder vil?
  547. Lies dar.
  548. Lies zil.
  549. Lies naher
  550. haz fehlt.
  551. Lies wen.
  552. Lies suohte.
  553. Lies dest.
  554. ze fehlt.
  555. So, lies hân: Lachmann.
  556. Lies iarlanc.
  557. Fehlt ich
  558. So, sanc ist zu tilgen.
  559. Lies daz.
  560. Lies hebt.
  561. Lies fliuzet.
  562. Lies wurde.
  563. So, lies min.
  564. Lies aller.
  565. So; swer?
  566. ich fehlt.
  567. Lies mich.
  568. Lies die.
  569. wie fehlt.
  570. Lies die.
  571. Die Hs. ″varwe ″lihter; lies in lihter varwe.
  572. Lies garwe.
  573. mir fehlt.
  574. Lies mach = mac.
  575. Lies getroste.
  576. Die Strophen 5. 6. stehen in der Pariser Hs. unter Dietmar von Eist.
  577. So die Hs., alle?
  578. So, lies obene an der linden zwîge.
  579. So, = da ez.
  580. Die Strophen 8–10 sind von Dietmar von Eist.
  581. In der Pariser Hs. steht diese Strophe unter Otto von Bottenlauben.
  582. Lies an.
  583. So; es fehlt haben.
  584. Fehlt ervaeret.
  585. Lies man.
  586. So, leerer Platz.
  587. Lies vreute.
  588. Lies vunde ichs.
  589. Lies sin.
  590. So, leerer Platz; diese Zeile ist auch in der Pariser Hs. unvollständig.
  591. in fehlt.
  592. Lies han.
  593. Fehlt da.
  594. Die Strophen 6–11 stehen in der Pariser Hs. unter Waltram von Gresten.
  595. So, dvr ist zu tilgen.
  596. Lies Mie = mir?
  597. So; lies so dat ich im.
  598. So; eischen die Pariser Hs.
  599. So; danne he ist zu tilgen.
  600. Darnach fehlt eine Zeile.
  601. So; für segge = sage.
  602. So, lies he iesch an mie ze r. solt.
  603. So, lies He iesch an mie to loser minne.
  604. Lies mie.
  605. So, lies et?
  606. Lies riet.
  607. So, lies vil wol inne.
  608. Lies ersiet.
  609. So, lies dat he zebrichet er he’t g.
  610. So, lies man.
  611. Lies meide.
  612. Lies diner.
  613. L. din.
  614. L. den.
  615. L. dem.
  616. L. mere.
  617. L. ore.
  618. L. überm.
  619. So, lies vnverdaget.
  620. Lies des.
  621. Lies zwir.
  622. Lies so.
  623. Lies mine.
  624. Lies tage.
  625. Lies mine.
  626. So; mir ein?
  627. Lies die.
  628. Lies mit.
  629. teil fehlt.
  630. So, lies geschach.
  631. So, lies vernim.
  632. So, lies tat.
  633. Lies sin.
  634. Lies begeben.
  635. So, lies Wie.
  636. So, lies er sufte.
  637. Lies Ein.
  638. Darnach fehlt eine Zeile, auch in der Pariser Hs.
  639. Lies gebrechen.
  640. So, lies ze lebenne.
  641. Lies blüejen.
  642. Lies gehan (: versman).
  643. So, lies enthalten.
  644. Lies wonet.
  645. Lies in ir.
  646. Lies kumber w. erliten.
  647. Lies waene.
  648. Lies vnd.
  649. So; harter?
  650. So; h. von wem ist Pariser und Weing. Hs.
  651. Lies lehen.
  652. Lies minem.
  653. Darnach fehlen zwei Zeilen.
  654. Lies besnaben.
  655. C ist abgeschnitten.
  656. Lies swar.
  657. Die Strophen 2. steht in der Pariser Hs. unter Hiltebolt von Schwangau wiederholt.
  658. So.
  659. In der Pariser Hs. steht diese Strophe unter dem von Wissenloh; die folgende Strophe gehört zu dem selben Liede.
  660. Lies horte.
  661. Lies liebem.
  662. Lies mich ir.
  663. Lies dirre.
  664. So die Hs.; dirre ist sus und der ist sô: Lachmann.
  665. Lies mich.
  666. Lies wess.
  667. Lies wiez.
  668. Lies vogellînen.
  669. Darnach fehlen zwei Zeilen, auch in der Pariser Hs. Die Strophen 4–6 sind von Walther von der Vogelweide.
  670. Die Strophen 7–9 gehören dem Walther von der Vogelweide.
  671. Lies hoere.
  672. So; die Weingartner Hs. hies, die Pariser: als ich ie pflag.
  673. Danach fehlt eine Zeile: ich entriuwe vor leide den lip ernern.
  674. Die Strophen 12–14 stehen in der Pariser Hs. doppelt: unter Reimar dem Alten und Heinrich von Rucke, welch letzterm sie auch in der Weingartner Hs. beigelegt sind.
  675. Die Strophen 15. 16. stehen in der Pariser Hs. unter Dietmar von Eist, und die Strophen 17. 18. unter dem Burggrafen von Regensburg.
  676. Lies hohe.
  677. Lies senger.
  678. Lies torst.
  679. So, leerer Platz; ergänze wielt: vdHagen.
  680. Lies sin.
  681. So, lies mirs han.
  682. Lies süezen.
  683. Lies nie.
  684. Lies min.
  685. Lies sin.
  686. Lies sinen.
  687. Lies lebe.
  688. So; lies beherzint, die wil ich irwermin nu wis vro.
  689. fehlt min.
  690. Lies het.
  691. Lies sihe.
  692. Lies verlorn.
  693. Lies mere.
  694. So, lies solde ichs.
  695. Lies betwungen.
  696. Die Strophen 22–42 sind in der Pariser Hs. Fridrich dem Knechte beigelegt; 26. 27. unter Nithart wiederholt.
  697. Die Hs. ″heide ″die.
  698. Die Str. 43–46 sind von Walther v. d. V.
  699. Lies sündet.
  700. Lies ouch.
  701. In der Pariser Hs. sind diese beiden Strophen dem Kunz von Rosenheim beigelegt.
  702. Diese beiden Strophen stehen in der Pariser Hs. unter den Liedern des Rubin; vergl. im Anhang Strophe 16.
  703. Lies ir.
  704. Lies ziu.
  705. Lies Ouch.
  706. Lies gepfendet.
  707. fehlt doch.
  708. Lies gehoehet.
  709. Lies menegen.
  710. Lies mit.
  711. Lies sterben.
  712. Lies tuon.
  713. Lies daz.
  714. Aus daz geändert.
  715. Lies mine.

Anmerkungen (Wikisource)

  1. Württembergische Landesbibliothek Stuttgart
  2. UB Heidelberg
  3. Friedrich Heinrich von der Hagen
  4. UB Heidelberg
  5. Google
  6. Karl Lachmann
  7. Moriz Haupt (Hrsg.): Zeitschrift für deutsches Alterthum
  8. Vorlage: verhälnismaeßig
  9. Vorlage: ROTENRURC (vgl. S. 219)
  10. Vorlage: wegel (korrigiert nach S. 296)
  11. Hinter „Morvnge“ folgt ein Zeichen bestehend aus sieben sternförmig angeordneten Punkten.
  12. Vorlage: Swre
  13. In der Hs. steht: ragen.
  14. Hier folgt ein Zeichen, bestehend aus fünf sternförmig angeordneten Punkten.
  15. Vorlage: schasen (korrigiert nach S. 296)
  16. Hier folgt wieder ein Quinkunx-Zeichen.
  17. a b Hier folgen jeweils Quinkunx-Zeichen.
  18. Hier folgt wieder ein Quinkunx-Zeichen.
  19. Hinter „Veltkilchen“ folgt ein Zeichen bestehend aus fünf sternförmig angeordneten Punkten (Quincunx).
  20. Hier folgt ein Quinkunx-Zeichen.
  21. Vorlage: creste
  22. Hier folgt ein Quinkunx-Zeichen.
  23. Hier folgt ein Quinkunx-Zeichen.

Wikisource-Transkription[Bearbeiten]

Editionsrichtlinien: Die bei der Erstellung und Korrektur dieses digitalen Textes von Wikisource verwendeten Editionsrichtlinien sind auf der Indexseite zu finden.

Foliierung: Die von Pfeiffer angebrachten Markierungen der Seitenwechsel der Heidelberger Handschrift (Bl. …) können durch folgende Verweise leicht aufgefunden werden:

1a 1b 2a 2b 3a 3b 4a 4b 5a 5b 6a 6b 7a 7b 8a 8b 9a 9b
10a 10b 11a 11b 12a 12b 13a 13b 14a 14b 15a 15b 16a 16b 17a 17b 18a 18b 19a 19b
20a 20b 21a 21b 22a 22b 23a 23b 24a 24b 25a 25b 26a 26b 27a 27b 28a 28b 29a 29b
30a 30b 31a 31b 32a 32b 33a 33b 34a 34b 35a 35b 36a 36b 37a 37b 38a 38b 39a 39b
40a 40b 41a 41b 42a 42b 43a 43b 44a 44b 45a 45b